引用:

原帖由 DanChan888 於 2006-9-26 07:13 PM 發表


上次毛敵出盡吃奶之力都只係剷起塊地皮，之後重力盡趴低。反觀小龍，成化鋼筋橋整爛，都重氣定神閑。

題外話：而家的大霹靂真係屎左好多，舊著毛敵話過大霹靂不單威力比九陽神劍大，用起泥又無神劍甘耗真氣 ...

pat pat神掌冇咁屎，Dan兄講的那次已是無敵同邪神鬥到殘既最後一擊，而且個野patpat最後仲好似炸左樣建築物至停。至於話輕功好可以避到patpat，就更加不能茍同了，因為無敵曾經有一次用patpat，給對方輕易避過(唔記得佢既對手係邊個啦)，對方寸無敵話patpat神掌不外如是，點知無敵立刻寸翻轉頭，話咁易避得過點叫九陽第一絕? 佢果然冇吹水，雙掌一圈，團patpat立刻轉翻翻黎追擊敵人，因為patpat神掌可以用內力搖控之故。

又能搖控追敵，威力又勁到爆，現今既小龍仍然拍馬都追唔上...(雖然好想小龍快D練成九陰歸元同無敵黎一場頂級之戰 -- 九陰會九陽)

引用:

原帖由 喜歡足球 於 2006-9-26 10:59 PM 發表


個次對手咪就係火雲邪神囉！

九陰太長遠了，我反而想知先練成八章時的對手會是誰

會唔會係金如來? 八陰降龍鬥離火玄冰天佛掌，唸起都興奮呀!!

引用:

原帖由 脫穎而出 於 2006-9-27 11:45 AM 發表


上次公海決戰東照宮主持講過, 只有九陽霹靂神掌及降龍十八掌能打敗金如來之天佛掌, 推斷降龍十八掌跟九陽霹靂神掌不相伯仲, 但目前內力東方無敵遠勝小龍, 上次東方無敵打出大霹靂之所以周圍環境沒有被太大破壞 ...

小弟雖然係小龍超級fans，但有樣野不吐不快:

"脫"兄推斷降龍十八掌跟九陽霹靂神掌不相伯仲，但若依常理推斷，降龍掌不單唔係patpat掌個皮，其實連九陽神劍都敵唔過的。吐出擘空掌傷敵已經應該是降龍掌最強的表現，但應該頗為損耗元氣個隻，點計都唔能夠好似九陽神劍咁話出就出，既然唔能夠吓吓出擘空掌，試問點埋身攻擊不斷發九陽神劍既無敵? 埋唔到身攻擊敵人，即係有敗無勝。

呢點"金庸"係"天龍八部"亦提過，當段譽以"六脈神劍"(九陽神劍既原版)打到慕容復無還手之力時，以降龍掌稱雄既蕭峰在旁觀戰時，亦自忖易地而處，也跟慕容復一樣，唔係"六脈神劍"既敵手，即自知埋唔到身攻擊也。到南宋時，大理段氐已不再有"六脈神劍"傳人，只剩下練簡化版"一陽指"既段智興(南帝)，這時降龍掌傳人洪七公(北丐)方能與之齊名。由此觀之，降龍掌差九陽神劍(六脈神劍)一大截，枉論patpat神掌了。

所以希望新龍老編唔好就此set定左小龍哥既外功(招式)路數，唸唸加多一樣可跟九陽神劍甚至patpat神掌爭雄既武功比呀小龍哥吧。否則小龍點同契媽厲貞報仇?

[ 本帖最後由 a1771550 於 2006-9-27 01:07 PM 編輯 ]

引用:

原帖由 冰河 於 2006-9-28 03:08 PM 發表

以現在的進度，最快可能都要出年至睇到！

唔好咁講老黃啦，話明"百年大典"咯，梗係要等成"百年"至舉行典禮啦...

引用:

原帖由 天下無敵老祖宗 於 2006-9-28 03:00 PM 發表
今期透過白就同瘋妖過招，了解左白就 d 武功路數，同埋去到咩野 level。

白就功力大致上同瘋妖不相伯仲，即係話白就係勁過夜梟o既易筋經藍級，而且輕功仲要係同飛妖差唔多，的確幾犀利。

佢最恐怖o既絕招就 ...

咁講法，同係"仙"字輩傳人，白鷲比真弓強多了，甲伊賀兩派未決戰，嫡系傳人既比較，伊賀已先勝了甲賀一回合。

引用:

原帖由 金屬狂人-Ⅱ 於 2006-9-28 10:09 PM 發表
睇今期...白鷺的無影刀都幾犀利，同上期的真弓比...真係勁好多。真弓係刀仙個女，而白鷺係飛仙個孫，兩個都係武林名宿之後，但修為就真係差天共地

我同狂兄想法一樣。

引用:

原帖由 休谷客 於 2006-9-29 09:29 AM 發表


真的嗎，為什麼我看不到？？　　

比我地D普通人睇到仲駛叫絕世武功咩?

引用:

原帖由 休谷客 於 2006-9-29 09:31 AM 發表


乜萬有寫呢類情節好叻架？　

Sorry，我淨係睇過老黃既龍虎門！　　

老實講，除了畫功萬有尚未達到頂級水準外，他講故仔能力好過老黃很多。在"舊龍"中，自五大世家出場後就由萬有全面執筆，佢筆下好多個角色給寫得很生動，令人印象深刻。

例如陳傲雲，一個細媽所生既二世祖，由初出場既忠角慢慢給權力慾演變成歹角，過程寫得很細膩且合情合理。經典角色老祖宗，雖然讀者褒貶不一，但無可否認，他在舊龍的強大影響力(他一出場，可決定一切的結果，神到不行)無人能及。

另外，萬有講故有個特點，你可以學到不少練車既知識(可能萬有以前做個修車既關係)，他亦會將神化野寫到真既一樣，例如他竟借老祖宗既手來解釋昇仙既秘密、解剖金身佛、兵解、昇仙後既虛無、以及昇仙後人體組識的變異等。

他又曾將神化野科學化來解釋，例如寫"涅磐僧"的謢法石(石下藏有該僧的一把神兵)，D土人竟對該石盲目地膜拜，因為相傳該石十分靈驗，可說有求必應，後來萬有就解釋話D土人拜完石後，心裡信心大增，自然成事既機會大增咁話...以前在醉拳時代，亦寫過D有道高僧行"神績"既真相，最後萬有借無忌及赤飛個口踢爆所謂"神績"既真相(詳情唔係幾記得啦，畢竟太Q耐啦)，呢D情節老黃死都寫唔出黎的。

寫打鬥場面也很出色，最記得係寫老祖宗鬥毒王子時，封面大大隻字寫"大破萬毒心經"，先來個聲勢奪人，內文亦寫得精彩，"生毒"鬥"死毒"，精彩絕倫，其中更夾著老祖宗對石小慧(黑龍個妹)的關心，這些情節，老黃也是寫不出來的(他最叻就係將女角比歹角糟質，萬有則甚少這種情形出現)。當然還有很多例子，族繁不及備載了。各位仁兄有興趣可給小弟補充...

[ 本帖最後由 a1771550 於 2006-9-29 11:31 AM 編輯 ]

有一個萬有寫武功寫得十分傳神的例子不可不提，就係小虎黑龍等人追尋"神道武功"時，曾遇過"白菩薩"族其中一條靚用飛刀襲擊，第一次睇時自然認為呢D咁既角色既飛刀對超級高手王小虎一D影響都冇啦，點知完全唔係個回事，小虎差D領野。個手刀法，萬有寫係練"神道武功"既帶刀者傳給該族人的，但神化之餘，萬有更用物理既角度來解釋個手刀法既玄秘，好似話係用刀氣令敵人週圍既空氣抽離，成真空狀態，敵人頓時無法穩住身形，所以非中招不可。呢種寫法真係一絕，好可惜現在再看不到類似咁細膩既寫法了...

[ 本帖最後由 a1771550 於 2006-9-29 11:41 AM 編輯 ]

引用:

原帖由 休谷客 於 2006-9-29 10:55 AM 發表


文殊天尊年紀尚輕，要管理全教事務擔子極重，還要駕馭姊姊和幾位哥哥及陰險奸詐的白骨丞相，老天尊如果不暗中幫忙，恐怕已天翻地覆了！

可能老黃自己年紀漸大，有了退休念頭(反正D漫畫都唔係佢畫ge，得閒聲色犬馬，享受人生仲好啦)，但又唔放心交棒比D仔女，加上睇左"康熙王朝"及"雍正王朝"呢D父子兄弟爭權位ge戲，綜合心得，反映在通天教故事內都未定...

[ 本帖最後由 a1771550 於 2006-9-29 03:26 PM 編輯 ]

引用:

原帖由 kenny01 於 2006-9-29 03:38 PM 發表



我同意...但係如果全部都係打打打,又會唔會比人話呢本書無腦無靈魂呢

有幾多個起稿既有牛佬咁既功力,用文場帶動武場0丫

願聞其詳。

引用:

原帖由 kenny01 於 2006-9-29 05:39 PM 發表


你想討論邊一方面???

我講既主旨係....
佢之前既二部係抽曬全個故仔既角色來隻抽,呢部直頭係同全世界既單打獨鬥

點先可以唔令個故仔悶呢,呢個係好高難度既

佢既方法就響純打鬥中加入角色劇情既推進 ...

Tks!! 可惜小弟唔係牛佬既"忠字輩"讀者，沒資格與kenny兄你討論，我只睇過江湖大家族(牛佬作品嗎?)，這本書講洪興(?)不斷遇到強勁對手，但一一化解危機，呢點都幾好睇，最記得係有兩段，一段係講楊雙五(原來有個孖生兄弟)，佢想用洪興個帳簿(?)起洪興個底，讀者以為洪興大椂之際，主筆來個峰迴路轉，最後楊雙五作法自弊。

第二段係講洪興一位善用刀既紅棍(唔記得咩名啦)，本來一直都比人威猛既感覺(大約只差二佬一點點而已)，點知一開波就講佢比個架佬斬斷左隻右(?)手，一個刀手突然冇左隻食糊右手，呢點亦令到故事引人入勝。

二佬(唔記得叫咩名啦)呢個角色給強力塑做，但始終唔能夠給我一個完整既感覺(佢老哥既性格有時會隨劇情需要而改變，但基於手頭冇書，無法舉例)。

[ 本帖最後由 a1771550 於 2006-9-29 06:16 PM 編輯 ]

引用:

原帖由 choithompson365 於 2006-9-29 11:51 PM 發表

佢諗的故仔真係超正，我係由新出�鶧她ld龍虎門先睇到點解龍虎門可以成為經典。
由王小虎同石黑龍打死火雲邪神，去到Thailand，人物的情感、故事的張力描寫得好好，我最深刻的是四小將突然去到Thailand幫 ...

同感!! 獨眼龍臨死時，要求兄弟們幫佢火葬，因為佢發現佢老豆既棺材有抓痕，原來佢老豆當年其實未斷氣就比人埋葬...呢種臨死劇情，萬有寫來一D都唔煽情，但又好touch到個種悲傷氣氛。四眼明死時，小虎黑龍既悲忿眼神躍然於紙上，最後個記毒龍鑽含恨出擊，卻未能傷敵分毫，令人十分扼腕...

引用:

原帖由 tangoho 於 2006-10-1 09:42 AM 發表

銀令比老祖宗抽bb個段我就無喊
我只係嚇呆..真係太兇怖..

抽紫河車只算第二名恐佈，老祖宗用"誅神一式--拆骨破"幫兇星拆骨，個D畫面保證令普通人如我者終生難忘...

引用:

原帖由 KING546 於 2006-10-1 11:58 AM 發表

同意!真係好恐佈!!!但又真係好精采.凶星條友之前咁串,懶係勁咁.
人人都諗住佢同老袓宗有得揪咁.
但估唔到兩秒就俾老袓宗K.O.仲要死得咁慘......
慘得黎又有小小大快人心.

唔止"死得咁慘"，兇星應該係龍記(新舊著)有史以來死得最慘最恐佈個隻，第二位應該係比陳傲雲弒父既"陳奪"，"銀鈴"因為黑龍既關係，可以算第三位...

兇星比老祖宗拆骨個陣，老實講，小弟睇到只剩"鄧"佢可憐個隻，佢以前D串樣通通唔記得啦，一個比老天尊四十層天仲高一線既超級高手，就咁樣比人玩殘，真係於心可忍呀...到佢同老天尊話"令公，你冇本事救我，殺左我吧!"，真係悲情...到佢比令公打死先至舒一口氣咋!!

[ 本帖最後由 a1771550 於 2006-10-1 12:36 PM 編輯 ]

引用:

原帖由 天下無敵老祖宗 於 2006-10-2 12:58 PM 發表


同意.

我相信係 d 編劇失憶, 王海蛟根本就無咩心口痛毛病. 只係話當年同東方無敵決鬥時, 曾經被大陽劍射穿心坎穴, 所以心臟因此就成為佢個人弱點而已.

由此推論, 心口痛同冰火 7 重天根本就無任何直接 ...

王風雷既七重天係小龍運轉陰柔既九陰真氣，溶匯滯留風雷體內既金鵬陽火內經而成，同王海蛟搵條命搏得黎既七重天真係差好遠，一個係人弟幫拖，一個係搵命搏，威力有差應可接受，但同小龍或金鵬合擊都打唔過十關金鐘罩似乎真係有D講唔通。

所以唔使老屈風雷有心臟病啦，因為自己擁有既七重天原來咁屎，真係練黎把托咯，仲唔激到心臟病咩?  

不如學舊龍既小虎達到終極十陽同新龍韋陀既橋段，老屈風雷有次開片比敵人(至少係金欏柚個種級數)監生打破七重天氣門，在生死關頭間，令風雷無意中發覺原來七重天其實仲可以達到更高境界 -- 七重天外天。於是生死一瞬間，風雷趁氣門被破，索性置之死地而後生，將體內亂衝亂撞既冰火真氣引向天外天既脈絡，最後梗係話風雷成功啦，就咁成功upgrade，功力與已死既王海蛟看齊。編劇可以老作因為七重天外天要置之死地而後生至練成，所以創功者怕冰火邪拳因此失傳而於秘笈內刪除這一節咁話...

[ 本帖最後由 a1771550 於 2006-10-2 02:06 PM 編輯 ]

引用:

原帖由 ruger 於 2006-10-2 01:39 PM 發表
見大家傾萬友傾得咁happy,小弟都講下記憶中舊著d經典戰役啦
小弟資歷唔算深(400期先開始睇),有錯各位大佬唔好笑呀
小弟都唔清楚幾時係萬友開始執筆,所以由500期開始講

經典1--群英vs烈火祖師,霹靂火,
地點 ...

講得好正呀!! 除左小龍先威(殿後獨鬥老烈火時打得有聲有色)後衰(到群英圍揪時又幾下手腳就收皮)外， 個場的確幾好睇，可以話峰迴路轉，我都係俾佢(老烈火)呃左個隻既on9仔之一。不過老烈火中毒而破金身，同聖上中毒令謢體神功大弱而同遭毒龍鑽(唉，超級高手都係要留番比小虎收皮)大同小異咁...

唔好俾佢停，ruger兄有空就post多D舊龍經典劇情上黎比大家重溫吧!!

引用:

原帖由 Mika 於 2006-10-5 05:20 PM 發表


真係要睇功力Setting! 不過老仙成日用毒咁Cheap........蚩尤起碼要用三十三層元至頂得住!!

舊龍的星宿老仙武功麻麻，但他的恐佈除了用毒外，還有令到空有鬥志也枉然的吸星大法。唔知新龍點樣演譯了，但應該仍然係一個難纏既敵人。

引用:

原帖由 wanmlolly 於 2006-10-12 01:40 PM 發表



真要講深仇大恨
除了羅剎白蓮外

中華七傑的鬼腳七、銅頭四慘死在唐萬仇手上
已經過了這麼久，從沒看過小貓有想過幫其報仇
好似跟他們全然無關一樣
真不明所謂兄弟義氣是什麼？

小弟記得鬼腳七係死係金剛山一役中，殺佢既人好似係叫"雷電金剛"(金欏柚七金剛之一)；至於銅頭四就唔記得邊個整瓜佢咯，但中華七傑除左石鐵&小鷹&小佩外，全部都好似死係那一役中...

[ 本帖最後由 a1771550 於 2006-10-12 05:42 PM 編輯 ]

引用:

原帖由 wanmlolly 於 2006-10-12 10:55 PM 發表




唔係啊

跟電金剛同歸於盡的是"沙膽六"
另外被金羅漢打死的還有牛精三、肥油五
中華七傑並非全在此役戰死


銅頭四跟鬼腳七是唐萬仇殺的沒錯
中華武館一役被佢使魔鬼四絕手--慘絕人寰扣 ...

oh...記錯左...sorry...

引用:

原帖由 KING546 於 2006-10-13 02:39 PM 發表
今期信箱最尾無厘頭話龍虎群英就算幾受歡迎都難免會有死的一日.不過就算死,都會死得轟轟烈烈.絕對難忘O個隻.
都唔明佢點可以講出口. 現在莫講話要龍虎群英死.就算要佢地出場都有排排期.

唔係暗示小龍哥要死多鑊吓嘛，如果係就o徒左鋪排小龍大upgrade呢段突破性發展咯，希望唔好啦...論死應該係亞柴最合理，龍虎門已有黑龍練金鐘罩，亞柴既存在實在多餘，最好係安排同金欏柚同歸於盡啦。

引用:

原帖由 owen517 於 2006-10-14 12:51 PM 發表
例如:
1當日媚娘知道銀聖老是聖上假扮,東方無敵起了殺機,為何最後手下留情無殺到媚娘?
2通天教百年大典半年後舉行,但澳門之戰、日本擂台戰、白蓮風雲,不經不覺已經過了半年,難通大典爛尾收場?
3果時劇情講通天 ...

我只可答到第6點，因為厲貞老公藏有人皮版九陰真經，惹得當時ge無敵聖上覬覦而派出上一代ge三將軍去厲貞家去搶，厲貞兩公婆不敵，佢老公同個仔就咁比三將軍殺左。咁岩厲貞老公係洪東既義弟，所以洪東幫厲貞強練九陰真經希望殺無敵聖上報滅門之仇，後來呢個仇就由厲貞功力傳人兼義子小龍哥繼承，就咁囉...

引用:

原帖由 金屬狂人-Ⅱ 於 2006-10-14 09:52 PM 發表
其實我覺得以下幾條友都應該唔駛死住...
王小鷹舊著時係大老茄一名，死又死得快過人；新著擺明俾位距上啦，達摩功金級功力都生存到依家，對拜火教霹靂火同敵人玩心理又win埋，老黃又多次暗示小 ...

同意王小鷹已經列入大配角之一，要死ge機會好微 -- 軍師喎，係死都係死D卒仔先啦，好似亞柴或冷恨或萬劫之流。

雖然依現在新龍既"兒童刊物"定位，忠角要死會較舊龍難，小龍再次演出震撼ge"陣亡"的機會不大，但世事難料，當年又有邊個會料到龍哥會香雞?...不過若果小龍係新龍既利用價值(如目前有"電龍"既關係，寫到龍哥超人咁勁)完左而為起書整瓜佢，我以後唔會再睇次級畫功&劇情既新龍lu...

引用:

原帖由 喜歡足球 於 2006-10-15 11:42 AM 發表


我純粹胡亂推測;1)九陰真經,易筋,金鐘呢d對九陽神功有威脅的武功,聖上都想除之而後快,
易筋金鐘呢d自己冇辦法硬搶!咁唯有欺凌弱小的厲貞家!(不過我唔係好明,厲貞出事前唔練,要被滅門後先練!)  2)亦可能聖上想 ...

其實就算俾聖上搶到九陰真經亦無咩大用，最多令別人練唔到而已，佢自己亦無可能兼練九陰，因為九陰不容其他內力存在，厲貞就係因為咁強練九陰而走火，一身功力傳比當時毫無內力既小龍。