引用:

原帖由 劍守 於 2008-10-22 16:17 發表
因為果個編劇係完全唔識普通話,佢個專欄已經講左佢唔知道西門吹雪點解叫西門吹雪!!!

守兄, 我係香港人, 但係台灣住左10幾年, 國語都算唔差(識埋少少台語), 但唸左成晚都唔明西門吹雪有咩特別含意, 可否賜教一下呢?

引用:

原帖由 喜歡足球 於 2008-11-3 02:28 發表


Accumulator仲得人驚!

小弟係抱著唔識就要問既態度, 請問球兄 Accumulator 係咩武功???

引用:

原帖由 ruger 於 2009-3-4 21:22 發表
其實而家風雷傳已經好牽強...快快完好啦
反而令小弟最期待係小文老師個2版
特別係今期小文版暗黑冰火.....
金羅漢係尿兜all屎

Ruger兄大大, 小弟十分buy甘小文大師既作品, 你地係度不停咁讚佢係風雷傳既作品咁好笑, 真係令我留哂口水, 但網上既風雷傳無得睇小文大師既作品, 我又住得遠, 極唔方便去旺角書屋租番黎睇, 可否當做吓好事, 多D post 小甘D作品上黎呢??? 唔該哂!!!

引用:

原帖由 冰河 於 2009-5-22 14:37 發表

Sorry !!! a1771550兄 ,here 嚴禁發放或連結有版權的書本 !
However you can 要求 other 會員 pm to you or post into 動畫漫畫資源分享版 ! thanks !!!

oh...sorry!!

引用:

原帖由 天下無敵老祖宗 於 2009-5-30 15:06 發表
老祖宗竟然搞到咁狼狽。。。實在令人難以置信。

我睇到呢Part, 個心入面媽媽聲, 唔係話老祖宗唔輸得, 但先前睇無敵戰凶星時,  雖然大家未盡全力, 但凶星功力無俾人有天下無敵個種 "食硬全場" 個種level喎!! 而家竟然一個照面就拆天下無敵既骨頭...真係有D亂黎!!!

引用:

原帖由 休谷客 於 2009-6-6 13:30 發表


七成功力的天下無敵, 輸比凶星亦係好合理!

唔係話老宗祖唔可以輸, 但輸到要徒弟仔救, 就真係有D亂黎.

上面有位師兄分析得很好, 呢頭話凶星有老祖宗十足狀態既七成功力, 個頭又話老祖宗依家有全盛期既六成功力, 七成打六成, 只係高一成, 駛唔駛輸得咁慘呀????

睇完今期, 有邊位大哥可以告訴小弟, 怎樣才能 "用特定音頻的力量" 來攻擊??? x n

引用:

原帖由 iamkennyger 於 2009-6-13 00:34 發表

呢個問題應該寄信去玉記問文盲興

咁阿興哥會唔會叫我問王風雷???

引用:

原帖由 喜歡足球 於 2009-6-13 20:26 發表
看了今期了

1) 骨節原來可以就咁嵌回體內
2) 一向睇開分肩爪,是用來攻「肩胛骨」,都係第一次攻正面
3) 連金鍾罩12關也能破,以後仲夠風雷玩嘅h:" />

讀者: 我地有唸過將本書當獨立既漫畫睇, 但你又加埋龍虎三皇D武功入冰入到, 有好大conflict噃...
鬼才: 我鬼才編D故事既特色就係conflict, 無人話你知咩??? 仲有個特色就係 "有前無後, 打死擺就", 我鬼才就係咁上位架, 吹咩...

引用:

原帖由 桃花居士 於 2009-6-15 15:56 發表
君不見，男女高音可以用高音頻震爆薄玻璃杯

原來，所有氣硬功的剋星，不是三寸真元勁
而是唱藝術歌的高音歌王∼∼∼

但風雷那一招並非發音波攻擊, 而是用落手落腳咁打擊(仲好似話要用 "特定音頻既內功"...)

引用:

原帖由 不平凡人 於 2009-6-16 16:31 發表
我記得有套戲...唔記得叫咩名...只記得係吳耀漢...岑健勳...許冠文同張艾嘉主演既.....
有一幕係講要 吳 同 岑 佢地2個整爛一塊太空金屬玻璃...佢地2個唔識...就搵 許 幫手.(電影中許 係一個好勁既人)...許一睇就知 ...

"金" 鐘罩又唔係 "玻璃"...呀鬼才真係山草藥...

引用:

原帖由 不平凡人 於 2009-6-23 01:17 發表 SO...完左第一輯...我都唔會再買...不過入面d副刊真係幾正,....我都係因小文同d訪問先會買....

好想...好很想...睇甘員外既爆笑風濕傳...但住在龍鼓灘既我實在距離旺角太遠啦, 出親去單程都要成個幾鐘...頂...有夠唔方便...

風雷傳2的頭像畫得很差, 黑龍變左肥龍; 如果睇過新龍, 會覺得風雷傳2 的肌肉紋同風位(?)也是差很多...

湼磐道在舊龍出場時令人驚艷, 除左令人有跌入黑暗世界中的神經麻痺功能, 仲話同九死邪功大有淵源, 好似九死之後, 如果再死一次又復生, 就會進入湼磐道. 希望風雷傳2會有新驚喜...

引用:

原帖由 魯魯修 於 2009-9-19 16:46 發表 今期小流文串得好應棍！ 1)風濕話佢地D武功咁X神化，要咁多銀紙嚟做乜？ 2)無敵話佢地D武功發吓西呆又可以練成.... 3)隔籬屋叫床聲高音D都可以破到金鐘罩！ :lo ...

"隔籬屋叫床聲高音D都可以破到金鐘罩！" ~~ 呢句經典!!!

又黎一場大混戰!! 第一輯搞個參幫擂台, 今輯又搞個最強武學戰, 真係唔到我唔懷疑編劇根本無法擺脫過去思考模式(street fighter / KOF 模式), 更差的是, 本來在新龍尚算有血有肉的角色, 例如老邪神. 黑龍. 小龍. 東方無敵等人, 轉到風雷傳就一個個變哂 "武功機器", 每人都只以武功來表達, 無哂 "人性" 既描寫, 龍虎三皇變成九陽金鐘九陰代名詞. 無敵九陽. 空我四大神功...個個都只係人型的武功載具, 同打機又咩分別?????

老金創出九陽九陰易筋經一大堆神功, 但他的小說最令人回味的還是當中的 "人" -- 大俠郭靖, 深情楊過, 善良的張無忌, 笑傲江湖的令狐沖...

引用:

原帖由 sammy20072007 於 2009-11-20 19:07 發表 姦興，唔該你啦，Ｄ人而家個個都出嚟都要踩着部戰機，你係咪白痴架，戰機喎大佬，先前就坦克、飛彈、人造衛星、火戰炮，又成搞拳賽，老黃，唔該你得閒睇下本嘢啦，乜都俾佢攞嚟玩，邪 ...

老黃可能覺得我地成日鬧, 但又成日睇, 本書既銷量應該唔錯, 但老黃要知道, 事實上應該唔少人只係睇免費既, 睇完就一肚火...

愈來愈認同 "姦X" 呢個風濕傳編劇既封號, 睇佢老人家呢幾期既編寫, 即使王小虎用腿功擊敗金鵰, 但 "X興"
監生歸功給 "九陽"; 如果小龍在新龍中練到九陰歸元, 老早就出左九陰降龍大戰九陽五絕既大龍鳯戲碼, 唔會俾 "姦X" 咁在風濕傳中亂糟蹋...

今期我同以前一樣唔駛錢睇黎kill time, 但唔知係咪忍耐程度已到頂, 睇到風濕羅漢果爭女打交果度就唔再睇了, 自問甚少會出現呢種睇到一半唔睇既現像, 但風濕傳令我做到了, 應該以後Kill time都唔會睇風濕了...