引用:

原帖由 急電 於 2007-11-14 00:46 發表

如果殷乘風唔隱居，就要諗辦法升級，唔係大落後比四大名捕同周白宇，同中原其他炮灰冇分別。

周白宇同元顏決打?可能會好好睇，但真係打一場既話，佢又唔夠狀態同諸葛先生打gala.....

我覺得未必話要個個都升級既....追命都冇升過級架!!
另外，周白宇都未必同諸葛先生打得成既...
可能未見到諸葛先生已經死左...........

引用:

原帖由 急電 於 2007-11-15 00:00 發表

我諗有人會因為周白宇要同諸葛先生打而無辜犧牲。  

呢個人係二月紫氤點睇??

今期，唐倒四真係可憐…唐恨晚已死，佢只係自欺欺人，死 - 或者真係一種解脫!!
周白宇突破冰河極境，輕易擊到唐倒四。之後，周白宇想殷乘風帶佢見「恩人」諸葛先生….但…殷乘風知諸葛先生既位置咩?? 周白宇最後會唔會碰上第三呢??
另一方面，地藏冷血二對一打元顏決，地藏冷血一齊擊中元顏決要害，元顏決冇死，但都已經受左傷。而且地藏冷血都未出絕招，唉!! 如果其餘三捕未走，佢都幾危呀!!

引用:

原帖由 skywalker1942 於 2007-11-22 16:59 發表
地藏+冷血都傷到元顏決咁
如果無情,鐵手,追命唔走,打死元顏決都有份

開始D level時高時底...

引用:

原帖由 skywalker1942 於 2007-11-23 01:49 發表

話元顏決比之前強,只係性格上改變ja,無話佢功力有升到wo.
功力升級既冷血+一個地藏,傷到元顏決都唔過份.
如果唔係劇情需要,再加上追命,功力升級既無情,鐵手,五個打死元顏決真係有D可能.

我既意思係元顏決剛剛可以極之輕鬆咁擊退四捕,令後者驚到走頭!!
轉眼間,佢又打兩個都受傷...
功力升級既冷血加一個地藏傷到元顏決一D都唔奇,
奇就奇在之前四捕都傷佢唔到!!
唔通功力升級既無情,鐵手再加上追命都比唔上一個地藏??

引用:

原帖由 nicknicky 於 2007-11-23 11:23 發表


又唔可以咁講，我諗三名捕走既原因唔係因為唔夠元顏決揪，而且就算打得贏個大佬都冇可能從過千金兵裡頭走甩。冇記錯四大未清楚被人圍的時候本來就一心想擊殺元顏決的，而且不過係過左幾招，如果元顏生真係係單 ...

又咁講，我又唔係好信如果制住左元顏決，o個過千金兵仲會衝埋去囉!!
仲有，冷血一個都一血抗千軍，最後要元顏決親自動手，即係話四捕最忌都仲係元顏決，唔係o個過千金兵!!如果四捕有信心擊倒元顏決，洗乜走!!
我覺得…
依家既問題係，未見元顏決，四捕一心想擊殺元顏決。見到元顏決，過左幾招四捕有好似冇乜信心擊倒佢。到四捕走左，又得冷血加一個地藏都傷到佢，元顏決仲唔及傷重既唐十五!!!
到底想點???

今期，地藏使出絕招 - 兩極禁印刃。棄刀改用手刀，解開禁印既地藏，殺力倍升，再傷元顏決，令後者一度處於下風。但最後都係被元顏決睇出佢要攻擊自己要害，一擊打中地藏，再連環中十多拳。元顏決未盡全力，殘留既拳勁令地藏求生不得，求死不能。地藏求冷血為自己送上最後一劍，冷血成全!!
另一方面，冷血明白未打先認輸，抱必死決心既打法影響左「自然道」。鎮靜後既冷血自然道再提升，誓要打出人生最精彩最漂亮一仗。
….冷血會唔會真係打贏呢?? (因為下期話冷血打得元顏決再也笑不出來)
最後，飛天告知三捕，第三已經追上諸葛先生!! (所以我覺得周白宇可能對第三!!)
下期「平常心，非常劍」

引用:

原帖由 skywalker1942 於 2007-11-28 20:52 發表
地藏死左得都叫型啦...冷血打贏就神奇咯.
下期,諸葛先生又輸比第三....第三有無咁強呀?
如果周白宇對第三,真係周白宇贏左,咁周白宇迷中強過諸葛先生?

我都好懷疑第三有無咁強,...
如果一對一都打贏,諸葛先生,咁,第三應該比元顏決更強...
至於周白宇，應該離死不遠喇!!

引用:

原帖由 skywalker1942 於 2007-11-30 01:32 發表
諸葛先生係正道第一高手都輸,其他人點算?
邪道高手又多到咩咁

但依家都好明顯,諸葛先生呢個正道第一高手不單只唔及邪道第一高手,甚至連邪道第二第三第四都不如...!!

今期，諸葛先生唔係打唔過第三(諸葛先生有信心五百招內打破第三)，係投降，因為西夏公主被制住。無情決定追殺第三。另一方面，冷血提升自然道，以慢劍對付元顏決，令後者再處於下風。但元顏決只受輕傷，最後元顏決決心用上天地霸拳第八式 -「星宿滅」。
下期，「狼來了」，二月紫氤現真身。

引用:

原帖由 chunchunchun 於 2007-12-4 19:40 發表
我覺得下期, 冷血可以再逼到元顏決用上第九式" 天地寂"  !!!!!!

第九式叫"天地寂"??咁第十式叫乜??

引用:

原帖由 chunchunchun 於 2007-12-5 21:26 發表


第十式叫唯我獨尊, 係第91期, 元顏決初登場既時候有介紹

我已經忘記左lu...

引用:

原帖由 chunchunchun 於 2007-12-8 23:50 發表


唔知二月係唔係又係壞人呢 ? 我諗都係多啦, 真係唔開心
不過一定同乘風有段情既 ~

二月會唔會係男人呢 ??

引用:

原帖由 a1771550 於 2007-12-6 22:35 發表


二月紫氤真身係人狼????

狼來了我估講冷血姐!!

今期，元顏決既第八式天地霸拳星宿滅並未可以擊倒冷血，冷血將星宿滅既拳勁用自然道卸出體外。重創既冷血不但冇死，更將狼既殺性引出黎，自然道一再提升，達到「無堅不摧，天地為開」既境界。相反，元顏決因為星宿滅耗力極巨，再用唔上天地霸拳第九第十式。此消彼長，冷血再傷元顏決。至此，一次又一次超越自己，挑戰比自己強多倍既元顏決，確實打出人生最精彩最漂亮一仗。
另一方面，二月紫氤身份仍然未明，但佢話有個祕密可以令殷乘風將佢留下，係咩呢??
無情方面，得飛天之助，引開第三一行人行到峽谷，無情從山上落石堵塞…有冇用呢?? 第三一行人中，魚姬被元顏決調走左另有任務，又係咩呢??
下期「冷血死了」

更正番,冷血唔係將星宿滅既拳勁用自然道卸出體外。而係將星宿滅既拳勁用自然道化為防禦力,抵抗其餘星宿滅既拳勁!!

二月紫氤話佢既祕密會令殷乘風「 左右為難」,..唔通佢係金帝既人??唔通佢係西夏公主???

無情地話第三越忠心,對佢地越有利.....唔通第三蠢到不顧危險保護元顏決要既諸葛先生??

今期,冷血冇死走左,但元顏決就話冷血死左,...相信元顏決以為冷血受左必死既重傷,..又睇下冷血有乜奇遇??(相信冇人會認為冷血真係會死掛)
另外,飛天同三捕戰第三,..三捕都中計,...原來諸葛先生唔o係運送隊中!!
咁,即係話第三知有二五仔,亦有信心打敗三捕....
開戰,...第三的確佔上風!!
咁,...諸葛先生係唔係俾最後既十一翼帶走呢??
最後呢隻翼又係咩人呢??
二月紫氤所講既祕密又係咩呢??

引用:

原帖由 急電 於 2007-12-19 03:11 發表
我估元顏決話冷血死左，係因為冷血已經變左野獸，野獸比人重創後，就會立即著草，之後自然怕左重創過佢既人，所以元顏決知道冷血將來見到自己都會怕左自己，於是話冷血死了。

我都同意冷血可能喪失左人性!! 希望佢盡快歸隊喇!!

今期，諸葛先生等人被魚姬帶走去見元顏決，書尾話有人黎救，但反而更加危險，相信來者係周白宇喇!!
追命再對活髏，「化功大法」被破，仍然話四招可敗活髏，靠既係乜呢??
無情搵到殺敗第三既方法，關鍵係「一念之間」…唔通飲恨魔經係靠思想控制??
下期『粉碎完美．摧毀無敵』... 第三落敗，最開心應該係元顏決，仲有邊個可以阻佢殺金帝??

引用:

原帖由 國慶仔 於 2007-12-28 01:55 發表
大家認為誰是最強?
1.唐十五
2.元顏決
3.第三
4.諸葛老頭
5.唐敗
6.左武王

你認為呢??

今期，第三又再被打中，飲恨魔經好似同天地霸拳差好遠!!追命雖然出口術先打贏活髏，但最後會唔會叻番一次攻倒第三呢??
周白宇追上魚姬，後者兇多吉小!! 周白宇又會點多謝諸葛先生呢??仲有....唔見左二月紫氤喎!!
下期，「人世間最遙遠的-距離」.... 想講咩呢??

引用:

原帖由 國慶仔 於 2007-12-28 01:55 發表
大家認為誰是最強?
1.唐十五
2.元顏決
3.第三
4.諸葛老頭
5.唐敗
6.左武王

個人認為諸葛先生最強!!
最強,唔單只係武功,仲有智謀...
唐十五,元顏決,第三,唐敗,左武王o係人強馬壯既情況下都衰收尾...
而諸葛先生武功唔係最高,人腳又唔強,但往往能出奇制勝...
足見智慧過人,
因此認為諸葛先生最強!!
如果單計武功,...相信應該係唐十五!!

引用:

原帖由 唐不阿奴 於 2008-1-1 19:02 發表
個人喜好﹕唐敗
雖然比起唐十五、元顏決、第三、諸葛先生
佢未必揪得過佢地
但佢武功既特別、性格同心態既獨特，令我覺得佢真係好強。
唐十五太惡魔feel，有少少唔似人啦已經。
同類型既諸葛先生就太神fee，又係唔似人。
如果計人，元顏決、第三周唐敗可能不相上下。
至於左武王，面對呢班高手，佢好似唔多夠班.....
而講高手，都仲有一個﹕劍姬!!!
冷血自然道未到最高level 都咁勁，劍姬一出手，一定勁好多....

我覺得劍姬仲神化過諸葛先生同唐十五,...三兩下子另冷血勁都可以打完唐十五又打元顏決!! 如果佢再出,可能用條草已經打底元顏決囉!!