每人分完果皮幾嘢，好開心哦∼∼
之後香港經濟咪仆街囉∼∼
為咗果皮幾嘢，而損失咗以後的經濟發展規模∼∼
冇理由因小失大∼∼
呢條數讀過經濟學的人，冇理由計唔掂∼∼
未計抄李家之後，對其他投資者的影響，其他支持香港經濟的財團，雖然佢地都係搵香港人錢，唔係乜嘢高尚事情，但係香港唔可以冇咗佢地∼∼你抄得李家，我保證會有無數投資者離開香港∼∼
到時香港會回復到漁港，晒鹽出香囉∼∼

公投結果，應該多數人都會被錢封起眼睛，唔會睇清個後果，但係一定會有大量傳媒同專家走出嚟做分析，使市民認清抄家後的結果，在大量專家同傳媒宣傳下，我估個公投應該唔會抄李家∼∼
就算公投要抄李家，香港政府同大陸一定洗橫手唔比你抄∼∼而班西方國家會吠香港唔自由唔民主，實行用呢件事抄作一番，借機打你兩拳∼∼

我知你講邊單嘢∼∼
當年佢哋唔識諗啫∼∼
一班死靚仔被利用為政治工具，佢哋腦筍都未生埋，奶樽都未丟低，就比人利用，自己又唔曉分辯是非，咪淪為馬前卒囉∼∼我估呢班靚仔大過之後，望返轉頭都應該知道自己做錯了∼∼
當年佢哋只睇到一班官商巨富，坐擁權力及財富，好似好過癮，眼紅同唔扺得佢哋有如此待遇∼∼加上政客洗腦．．．
我唔否認現世都有一班人靠運或靠老豆淨落或者洗橫手∼∼自己無料到∼但係仍有不少富豪唔係坐擁權力及財富咁簡單，佢哋好多係經過痛苦及劫難，有好多經歷及運氣先有今日的成就∼∼

引用:

原帖由 至尊豪庭9 於 2009-8-25 17:53 發表
!
條數又唔係咁計呀,抄一個李+X分得幾皮野梗唔夠使過世啦,但如果抄埋何紅新,李紹機,劉聯紅,郭士兄弟,邵日夫等等未能盡錄,嘩.............真係成世唔使憂,諗起都開心,強烈支持,仲要求盡快執行.:cl ...

咁抄到乜嘢level的人為分界線呀？
中產抄唔抄呀？低下階層較好的又抄唔抄呀？你小心落入被抄一族呀老友∼∼

引用:

原帖由 至尊豪庭9 於 2009-8-26 07:45 發表

保守0的,一千萬港紙以上全部都要抄.

你定一千萬架？點解唔係三萬？四萬？或係六千呀？

要執行仲要快，要出奇不意，上午宣怖，政府要立即封咗個港口同機場，遊艇，總之對外交通及口岸都停∼∼封埋通訊
叫全港差佬同軍佬出動，在同一時間內抄起佢∼∼

食多啲大頭菜先老友∼∼

引用:

原帖由 至尊豪庭9 於 2009-8-26 22:08 發表

三,萬,四萬咁少抄黎都冇肉食啦,唔合成本效益,一千萬差唔多喇!
你提0的做法好好,應立即執行.

你老人家大雞唔食細米啫~~
三四萬大把窮人覺得好好食喎~~你知唔知香港的貧富懸殊情況,在亞洲是首屈一指?
香港窮人可以窮到你難以想象~~
莫講三四萬,五六千都分分鐘有大把窮人舉腳讚成呀~~
香港仲有幾十萬人住在籠屋~~以拾荒過日子~~呢啲生活唔係你我可以理解~~