http://www.ismoke.hk/index.php/2009-11-01-09-16-19
我唔係煙民，亦極之討厭食煙的人，原因係食煙的人從來只會顧自己，對於別人食自己二手煙，可以一啲唔好意思都冇，簡單講極為自私∼∼，成日在商場、商店、餐廳、波樓、機舖、各室內的廁格、升降機都有呢班人的臭味∼∼
煙民來來去去都係果幾個論點，但係冇一個經得起反駁∼∼
一．冇科學證據證明食煙同二手煙係食死人∼∼：煙民呢個駁斥只係抄煙草公司的技倆，事實係有無數數據證明，食煙者中肺癌同心臟病的人數明顯比唔食煙的人高，而經常食二手煙者都係比唔食一二手煙者中肺癌同心臟病的人數多；事實勝於雄辯，呢個論點根本狗屁不通∼∼

二．飲酒一樣有醉駕，點解政府要加煙草稅而唔加酒稅∼∼：呢個又係狗屁不通的論點，每年因食煙而支出的醫療公帑有幾多，仲有未計因為食煙而導致的經濟捐失有幾多（例如因病不能工作），相比起飲酒的醫療支出同經濟捐失，根本係無得比∼每年因食煙而死及飲酒而死的人，根本無得比∼再講飲酒本身冇問題，並不會危害別人，但係飲酒醉駕才會影響別人，反觀吸煙呢個行為本身已經危害別人，所以政府一路在飲酒問題上只針對醉駕，因為飲酒本身沒有構成第三者危險∼∼呢班煙民根本係食煙食到個人矇哂，柒吓柒吓山草葯口嗡得就嗡，思路混亂∼∼把食煙和飲酒扣上同一頂帽不知所謂

三．既然政府成日加煙稅迫人唔好食煙，不如一了百了立法禁煙囉∼∼：如果政府真係立法，我肯定佢比人小得仲甘，一定有班政棍加煙剷日吠夜吠要求政府禁煙要漸進式∼∼

四．加煙稅只會助長私煙，而不能禁煙∼∼：第一我肯定已經有不少煙民因為煙貴已戒煙，事實勝於雄辯；再講私煙係另一回事，白粉會害人，立了法禁毒，還不是有人偷運白粉入境，根據呢班不知所謂的煙民邏輯，難道要香港大開中門讓白粉合法入境乎？私煙是犯法行為，交由警方跟進，如未能禁絕私煙即係法例未夠嚴厲，你試吓走私煙等同走白粉吖嗱，睇吓仲有幾多人夠膽走私煙∼∼

五．我有食煙自由∼∼你有食煙自由啫，但係你冇自由迫人食二手煙架大佬！更冇理由deprive別人得到健康的自由呀！呢個論點煙民好明顯係顯得冇腦加白痴，思路錯得太明顯喇∼如果呢套邏輯行得通，林過雲當年就唔洗入獄啦，一句我有殺人自由就乜都洗得一乾二淨啦∼講得出呢啲說話的煙民，你都無謂同佢多講，因為講唔會聽，聽唔會明，明唔會做，做會做錯，錯又唔認，認又唔改．．．．．．．

但係唔係所有煙民都係野蠻不知所謂，只係想指出不少煙民反駁論點理據薄弱，冇深入思考，只自顧自地食煙，行為極端自私自利∼∼加煙稅我絕對贊成，最好加到一千銀一支，每次見到有杏加橙拿著支煙入七仔或店舖，我真係好想桶佢幾刀；一行入廁所或升降機，一大陣煙味，好想去食蕉房睇錄影帶，捉個扑街出嚟打∼∼

[ 本帖最後由 無神論狂徒 於 2010-2-12 12:28 編輯 ]

其實呢班煙民，如果食煙完全不會影響別人，∼∼我絕無異議，你們食飽佢啦∼∼
但這是沒有可能，煙民永遠會在不合適的地方吸煙影響別人∼∼個人認為吸煙者及非吸煙者的利益永遠是對立的∼∼

引用:

原帖由 維圓阿伯 於 2010-2-12 14:52 發表
十分同意
最惡頂還有..D煙鏟上巴士呀,入室內呀之最后一口,跟住成車,成屋臭晒
吳知香港政府點解要禁售口服煙草
起碼尼班煙民可頂引生cancer責任自負與人無尢
又例如閣下有興趣食狗屎我無異議
不過吳好塭人陪食便 ...

啱咀形喎~~GOOD~
個人嚟誁都係架~~你生癌唔好累街坊~~
雖然口服煙草話比食煙仲毒,所以政府禁入口云云,但係比起非吸煙者的得益,班煙鏟食口服煙仲好,但係政府唔會啦~~表面上政府都有責任保持煙民的健康~~所以禁入口~~
最鐘意見到目光一致的討厭吸煙人士,好~~

引用:

原帖由 owths 於 2010-2-12 15:42 發表
港燦自以為是的思維.

講嘢一舊舊,你講乜鬼呀~~又好似唔認同,又講唔出點唔認同~~
你係咪路過呃Post博入咸網咋~~你入唔到咩?!

引用:

原帖由 owths 於 2010-2-17 12:12 發表
嘩, 已經起我老底..

底就未起，但係睇穿你動作啫∼∼
你肯認就得喇∼∼
小心大版主睇到你呃POST，封你艇呀∼∼到時唔好話咸版，入都入唔到呀∼∼

如果你遇到煙民話我有食煙自由

你可以咁答：係呀！所以政府都有加煙稅的自由，擴大禁煙區的自由，嚴打違法吸煙的自由∼∼

引用:

原帖由 全軍盡 於 2010-2-20 11:53 發表


被煙害網想症！？

你祖上幾輩通街都任由吸煙，吸煙害人勁成咁理論上香港人應該已經死得七七八八，你仲點會出世先....

人手一煙既中國亦應該早已經被煙所滅族....

當年白粉鴉片仲毒過煙仔，中國人都冇死得七七八八∼∼人口都係咁升，咁依你咁講法，係咪唔應該禁鴉片呀？！香港係咪要開放毒品市場，跟著電視廣告見到劉德華做雙獅地球牌的代言人，啊容祖兒拍戲追龍上電∼∼

引用:

原帖由 熊魔鬼 於 2010-2-21 01:54 發表


查實一邊開大一邊食煙,
係咪會寧舍暢快d架?

克淫頓都有叫佢情婦用Gap Gap食雪茄~~

引用:

原帖由 全軍盡 於 2010-2-20 23:50 發表


每次見到有杏加橙拿著支煙入七仔或店舖，我真係好想桶佢幾刀；一行入廁所或升降機，一大陣煙味，好想去食蕉房睇錄影帶，捉個扑街出嚟打∼∼



點都好，總之有以上想法經常盤旋腦間既人就一定要去睇睇醫生 ...

以前我在這個xocat的宗哲版打躉，註冊都係為了宗哲版，好耐好耐之前寫了一篇：臭屁反駁原理
披露一些詞窮理乏者無力反駁者，會用甚麼方式反駁，其中一個就是在主戰場外圍燒炮竹放煙花，因為自知無力入主戰場肉博，唯有在附近放吓炮竹，扮反擊∼∼
你呢種反駁手法，在宗哲版和我文章戰上，被我駁到口啞者，這招基本是必定會用的∼∼見慣不怪∼∼Anyway在時事版還是頭一次∼∼

哦~~
度吓先囉~~

引用:

原帖由 全軍盡 於 2010-2-23 02:01 發表


既然你唔趕時間咁我都真係慢慢黎喇....

不過唔re你住係因為記得好似舊電腦內有你當日以「我以後唔re練肉」聲明作不戰而走既論題真實紀錄.....

雖然，你明知全軍=練肉你都自打左嘴巴，但 ...

哦~~原來你就係當年的練肉，唔怪得同你幾咀後都覺得唔多對路∼∼難怪乎∼∼由同你論反煙，到你扯開條題，再進行人身攻擊，話有人精神有問題云云∼∼神化乎奇技∼∼
你的確係練肉∼∼
不過如果你回我都係扯開條題，我都冇癮覆你，依你一貫作風，你唔回我會好啲，因為多數都係回得神神化化∼∼不如咁啦，我比足面你，就當我扯開條題，當我一開始係同你討論有人有精神問題，後來我扯咗去反煙問題啦∼∼咁講你會好落台啲∼∼

Anyway結婚快樂∼∼祝你同老婆白頭呀吓∼

引用:

原帖由 全軍盡 於 2010-2-23 01:47 發表


梗係要度喇...

結婚
http://forum.timway.com/f/thread-315420-1-1.html

買樓>>裝修>>本星期日入伙，就梗係要度準d先裝喇，你話係冇....
126428312642841264285126428612642871264288

睇過你條Link先知你老婆係毛球，唔怪得全條題得你兩公婆聯手隊我啦∼∼果然係夫妻同心∼∼

現代香港，貪污點解會被視為大惡其實係有原因：

六七十年代，人人貪污，人人視用錢買通人事得到方便係合理，我付出錢買一個方便啫∼∼

後來咖啡署成立，捉了大貪污老虎，政府大力宣傳及打擊貪污，啲人先至話：你個仆街貪污∼∼從此貪污者變過街老鼠∼∼

同一情況在毒品問題上都有出現∼∼還有很多原先無皇管，後來才立法規管的事情，也有這個類似情況∼∼

但無論如何也不能把貪污合理化∼∼吸毒也不能合理化∼∼過往被貪污迫害的人只有無奈地接受，後來反貪污喎，梗係乘勢反貪啦∼∼
問題的重點是貪污吸毒本身是一個問題∼∼

雖然我可以講：
喜歡指人有精神病的人，其實這些人有妄想精神問題，以妄想別人有精神病為心理補償∼∼這些人真的要去看心理醫生∼趕快∼∼

Anyway我唔會咁樣回，因為我知某人有心扯開話題，我係要釘著話題中心

補充一點，鬼佬有句慣用語I could eat a horse，根據某些人的想法，這些鬼佬全有精神問題；中國人好多時會講：熱死人呀∼∼呢啲人都有精神問題，經常憧憬死亡，渴求死亡，甚或希望熱死全人類，有嚴重自毁及殺人傾向∼∼
根據某些人，以挎張手法表達情感 = 精神病∼∼云云神化乎奇技∼∼

引用:

原帖由 毛球 於 2010-2-23 19:38 發表

貪污同吸毒係被定為非法, 唔理你晌天台貪定晌屋企吸都係犯法, 不容許存在空間, 可見既未來唔見得吸煙會全面禁制, 所以不可相提並論. 晌吸煙人士仍享有存在權利底下, 受閣下反吸煙人士既惡毒詛咒加言語暴力當然無法 ...

吸煙吸毒定貪污，我仲可以點出更多不同之處∼∼多到你想象唔到咁多∼∼但無損說明背後的道理∼∼
重點是行為本身的對與錯∼∼吸煙只算某程度合法，但影響到人，所以也是不當行為，如何解說也不能漂白∼∼就算這個行為之前無人管，人人視為理所當然，到之後要控制，大吹勢反這個行為或嚴禁，呢個時侯你企出嚟同人講之前無人管，點解之前人人又接受哩？！這樣說也不能漂白行為∼∼吸煙本身已是一個不當行為或犯法行為，無得漂白∼∼

我非吸煙人士係用言語暴力，但係點都好過吸煙人士吖∼∼明刀明搶實實際際用煙毒害非吸煙人士∼∼
講毒，我拍馬都未夠班，我要拜班煙民做師尊啦∼∼

係呀呢度真係有人痴線，以屈人係痴線作心理補嘗。
講嚟講去都係三幅被∼一味講痴線云云∼∼認真痴線∼∼
我冇咁好耐性把同一意思重複不斷打打打∼冇咁長氣∼就當我唔夠講喇∼除非有值得我回覆的內容就另當別論。

冇加煙稅~~失望，但係得一人十九支免稅煙入境，都好吖∼∼每次加煙稅，戒煙熱線的求助都大幅增加∼∼好現象吖∼∼呢次睇過又有幾多人去戒煙先∼
無煙香港，政府醫療負擔又輕咗∼∼近的有煙稅收，遠睇可以慳醫療∼∼政府高明∼∼曾俊華萬歲萬歲萬萬歲！

估唔到宗哲版成了找尋配偶的地方∼∼好事好事∼∼真係唔錯∼∼等我去宗哲版搵返個二奶先∼∼

呢單新鮮熱辣新聞呀~~~
http://news.chinatimes.com/2007Cti/2007Cti-News/2007Cti-News-Content/0,4521,50402940+132010022401203,00.html
http://news.sina.com.tw/article/20100225/2832661.html

查實唔洗做研究都知~~
睇得出吖∼∼睇到睇到∼∼

引用:

原帖由 全軍盡 於 2010-2-25 11:17 發表


雖然我可以講：
喜歡指人有精神病的人，其實這些人有妄想精神問題，以妄想別人有精神病為心理補償∼∼這些人真的要去看心理醫生∼趕快∼∼

Anyway我唔會咁樣回，因為我知某人有心扯開話題，我係要釘著話題中 ...

我個Post都冇指名道姓回覆你，又冇Quote你條Post，你做乜趕唔切撲出嚟認呀？乜你認自己係精神有問題痴線咩？
哦∼∼你肯承認我都冇你符咯.......

引用:

原帖由 KMY89 於 2010-2-24 18:43 發表


不同觀點，各自表述，正是言論自由可貴之處   

我哋由Hong Kong.com變節過嚟Xocat，吹水大大話都有十年啦∼∼大家都係咁串串貢∼∼你串吓我我串吓你∼∼唔串唔好玩吖∼∼不過好多人都唔見咗囉∼∼
可惜可惜∼∼
Heman、荗旅法師。。。。見字速回∼∼

引用:

原帖由 全軍盡 於 2010-2-26 00:30 發表


旅美法師呀晌度扮識人，你見過佢地咩！你夠膽出黎見人咩！十年！哼...  

網友嘛~~唔出嚟見先叫網友嘛~~
見面後唔係網友變咗質囉~~