嘩！今曰居然11點未夠就响銅鑼灣買到龍虎門，講翻今期，童子真係破咗身(係俾人用刀割破咗個練童子功嘅白仇嘅身體)，伊賀森甩難但紅元老就俾老妖一招摘茄捉住頂咗呀伊賀森做人質，唔知係咪俾我地插得多今期老黃俾韋陀威返次，話佢功力最高居然電唔暈，仲詐暈救返幾乎被忍者斬頭嘅六陽虎，勁！最搞嘢係白鷲話通知星宿派去截擊小龍嗰邊仲話要捉番人地做人質，白鷲係咪唔知在場嘅星宿派只係死剩蝎王、蝠王同一個被洪東打到得翻半條人命嘅星宿老仙呢(最好笑係白鷲仲話星宿派最鍾意自把自為，不如擔心吓星宿老仙報工傷請病假唔開工好過啦)，最出人意表係最後一頁居然話身在伊賀派嘅火雲邪神走火入魔！

引用:

原帖由 龍戈兒 於 2007-10-27 01:31 發表

突然想到一個問題,不知金鐘罩至少練到幾關,護身罡氣才足以破壞那巨型碎肉機?

睇吓係邊個練啦，黑龍就10關以上都可能片體鱗傷，亞柴就分分鐘11關都要死，如果係金羅漢我估7關貨仔都成個碎肉機都震爆埋

林谷今次算死得OK��嘞，舊著時佢好似俾人掟咗落個養滿食人魚嘅魚池度唔使2分鐘得番棚白骨，今次都係死無全屍，但都好過前世嘅死法

林谷始終係一個幾令人懷念嘅角色，但係老黃一直都唔重用佢，佢好似連公仔都無乜出過，其實佢嘅角色幾有特色�謘A無眼眉但又幾英氣，一身快絕嘅絕世輕功加上一雙寶刀同快絕武林嘅無影刀法，呢個設定幾正�謘A另外我覺得佢係龍虎門入面小數型格上有時代感造型嘅角色，你睇王小虎、亞柴地無論換咩衫都咁老土你就知啦！

死老黃吖，上期我先係度講話林谷今次死得無前世咁慘，點知話口未完老黃今期就將佢斬件，真係惨到爆，但係諗心層又極可能係劇情需要，如果唔係林谷成條屍咁帶又帶唔走，掉低唔理又唔係，家下將佢斬件就可以剩係帶走個頭又真係方便好多！

睇咗幾期王小龍傳預告，如果老黃用佢所講嘅金鑽陣容嚟畫出咁嘅畫風，D畫風有D似鄭問嘅大霹靂，咁王小龍就真係想唔死都唔得咯，仲有個內容我真係睇極唔明想點，咪玩啦老黃！唔通真係千軍萬馬都不及一個邱福龍！

今期睇見小虎班友仔推完個羅剎像時攰到手震腳震幾搞嘢，尤其係韋陀，好似搬完屋咁！

個人覺得火雲邪神嗰part有Ｄ無厘頭，唔計邪神外傳，佢一身勁裝去泰國踩場，跟着同老邪一齊離開泰國，老邪秘密返到羅剎教但就無交待過佢點解會去咗伊賀派，跟着佢無啦啦又走火入魔又無啦啦傷咗伊賀愛，重話咩經歷生關死刼，點知轉個頭又無啦啦無事仲鬼死咁靚，真係吹脹！

今期真係睇到火都嚟，黑龍生擒天姬，唔殺佢都捉埋佢走吖，我地智勇雙全嘅小虎居然要放佢走，黑龍都已經打殘咗佢啦點知又真放人，唔通真係D催眠氣體藥力未過搞到兩條友未瞓醒？我諗白仇神不守舍好大可能係諗緊：因乜解救呢2條友會放咗個仇人走嘅，唔通响我暈咗嗰陣佢2個又中咗邪術？要條女去幫龍虎門傳話俾羅殺教點解唔捉佢返去之後叫佢打電話呢？佢2個係咪玩嘢呀？
分分鐘林谷隻鬼都可能報夢揾小虎同黑龍問佢2條友係咪玩嘢呀，大佬！

我覺得飛仙同邪神差好遠，呢場交三皇撞着邪神睇怕已經打完！

王小龍傳又好似幾得喎，最起碼無咗睇預告時嗰Ｄ迷離畫風，畫面畫得幾俐落打得都幾好睇，最驚喜嘅係楊祖兒同玉兒，前者一身造型同身栽成個無疑可以同AV女優有得鍊，玉兒嘅出場靚到簡直好似希臘女神咁，小龍，你就筍啦！

不過我比較擔心好似舊著咁玉兒以為為小龍好，無啦啦破佢丹田散晒小龍一身內力(係一掌斷橋嘅九陰七章呀)，跟手塞本佢自己以為係好勁嘅金童寶典醒呀小龍練，咁就該煨囉！

引用:

原帖由 DanChan888 於 2007-12-17 16:55 發表
想問下，八關金鐘罩被打爆有咩後果？會係武功盡失定只係受小小內傷，過一二期又龍精虎猛果隻？

老黃好耐以前講過如果金鐘罩被打爆可以係好大鑊，係會全身撕烈般嘅劇痛，跟着仲好似會死，後果好唔過破罩門幾多，但係家陣整整吓好似又唔同咗，今次黑龍被飛仙打爆鐘又好似無乜事，上次金羅漢俾金如來打爆咗第十關身受重傷但都仲維持住第九關邊沿功力突圍走佬，睇呢兩場賽果我估計金鐘罩呢科嘢可能由老黃修訂為師兄所講嗰隻"少林•金鐘罩神功 2008龍精虎猛版本"

引用:

原帖由 天下無敵老祖宗 於 2007-12-21 09:56 發表
我覺得今期幾好睇呀，特別係勇哥同西城權打果段戲，見到西城權俾勇哥打到嘔血，都幾心涼。

不過，西城權實力似乎比想像中弱雞喎，完全唔似有元老王果隻 level，而且佢無咩招式可言，一味淨係識得運功。 :afrai ...

我都係咁話，睇見西城權俾邪神踢完又踢，仲吓吓都踢到隻老鬼嘔血嗰吓真係幾心涼，勇哥家陣咁得人心咁好型勢，我估佢應該仲有排玩。
不過話時話點解新一期出咗反而無兄弟响度講吓三皇，好似黑龍被擒......

引用:

原帖由 喜歡足球 於 2007-12-21 22:18 發表



邪神都又話，雖然佢係羅剎轉生，但邪神始終是個「人」，人冇可能一點感情都冇，最小佢對老邪，元老王，劍魔有情

我都覺得新龍嘅邪神真係幾好睇，事關我一直都覺得邪神响前傳度不顧一砌咁去狙殺自小悉心栽培佢嘅師父，我真係覺得有D唔合理(即使到最後都無落手)，但係而家嘅邪神就真係比主角更精彩

引用:

原帖由 亞佳佳 於 2007-12-31 15:35 發表


打個八折都無~

6折都要有找，當年張三豐去少林寺踩場鬥易筋黑級(嗰時未有分高中初階)三招就已經天崩地裂，韋佗如果有張三豐7成我諗已經送咗飛仙去咗揾張三豐囉

睇見韋陀嘅九章功力嚇到我而家"打麻雀'都唔夠膽叫九章，驚好似韋陀咁"九章=被人襟住砌"！

引用:

原帖由 kincs 於 2008-1-4 16:38 發表

之前小虎就係好似你講咁 見到老邪神 二話不說就整招青龍出洞過去
結果比人一野打佢返去療傷 比讀者恥笑左勁耐
難得而家小虎終於學精左 無咁衝動 算係有改進

無錯，我都覺得小虎無以前咁衝動真係進步咗好多，好似上次响白蓮教帶頭開老邪神拖點知俾人一拳打倒要療傷就已經因為勇字而俾人笑到面黃，今次對住超勁邪神飛仙又係隔離，自已仲要已經俾飛仙打到五勞七傷再加上老妖仲係邪神手上，如果咁都仲二話不說就整招青龍出洞過去，我諗小虎真係俾人小到2009年度

睇完今期個人覺得刀仙幾型同幾串，睇佢嘢嘢串到飛仙無聲出真係幾好笑，相比之下飛仙當堂變咗低能仔，另外邪神折磨西城權真係好心涼，下期唔知佢會點服待呢位叔公呢，我諗千刀萬蟻丸呢D招牌菜肯定唔小得啦！

引用:

原帖由 天下無敵老祖宗 於 2008-1-4 17:38 發表
各位龍迷，我翻睇左今期 N 次，勇哥哥同刀仙完全無任何身體接觸，但刀仙竟然都可以受重傷，真係好令我費解。

勇哥單憑中階黑級浮圖氣勁就已經可以將功力稍次o既刀仙震到嘔血，如果第日真係打中的話，刀仙必定會 ...

我諗刀仙"桶"呀邪神一嘢嗰陣俾佢震傷掛

今期邪神咁易就俾西城權上路，真係有Ｄ唔底，應該慢慢玩吖嗎，另外邪神點解會叫元老王個老婆做"姑婆"，雖然真係佢姑婆，但佢不嬲都叫佢姑婆做師母架。假黑龍俾假白鷲隊冧就有D驚喜，有進步喎老黃！但係點解刀仙個師妹一聽到洪東個名當堂一臉期待+眼泛桃花咁嘅，唔通洪東唔低得個徒弟有着落所以自已臨尾都執番件！

引用:

原帖由 喜歡足球 於 2008-1-10 20:36 發表




有一臉期待+眼泛桃花咩?
我真係唔係好覺喎!

搞吓氣氛啫，至於畫意嘅嘢就見人見智啦

引用:

原帖由 休谷客 於 2008-1-20 14:14 發表


完全同意，以邪神而家既功力，小龍，玉兒再加劍痴都應該輸．．．

究竟老妖跟邪神黎君臨天下都乜Q呢??  

邪神同老妖嚟君臨天下好可能嚟睇樓(豪宅嚟架)，老妖拎嗰喼好可能係錢，係用嚟落訂嘅，帶埋苦禪可能係順便睇埋風水

小弟有個疑問，喺老黃嘅武林世界入面達摩祖師以一人之力創出“洗髓經、易筋經、金鐘罩、童子功”等少林系列神功橫掃古今中外武林，咁佢算唔算得係古往今來最好“抽”嘅人呢？佢一個人創出少林系列神功咁即係“洗髓經、易筋經、金鐘罩、童子功”係可以兼修共容架啦，咁將來又會唔會有條友出場係練齊四大神功呢，如果真係有呢條友出場嘅話我諗老祖宗都會俾佢一腳踢散，事關當日老祖宗同邪神嘅黑級一間戰紋開拖都有D抆水，如果有條友集齊【易筋黑級一間、金鐘12關、童子功紅日訣、洗髓經頂峰】功力嘅話就精彩囉！
不過話時話，同少林易筋經齊名嘅武功如：九霄真經、九陰真經、玉女心經、金童寶典、至尊魔功•••等武功都話功成者係會變神仙嗰噃，咁達摩咪應該變咗神囉！

啱啱睇完今期，邪神真係破咗刀仙絕招"冰淵雪嶽"，原理簡單到無人有，只係"誤導"，即係【飛彈防禦系統】嘅原理，當有飛彈來襲，防禦系統立即發射更強勁及有干擾訊號功能嘅飛彈嚟誤導來襲嘅飛彈兼將佢响半空引爆，邪神就係用火雲掌勁將刀仙專係創嚟追踪有絕世輕功嘅飛仙刀招誤導，跟着刀勢準頭盡失然後俾邪神一掌打到飛咗落火山度，絕世刀招就咁破咗！