其實我估計唐十五最後都會係自殺多....斷估佢唔會想死係其他人手上，如果佢唔死又著草的話，咪又係好似元顏決咁，況且日後如果再講關於佢既故事，吸引力都一定會大減，小弟都係希望下一輯會係逆水寒或者骷髏畫，寫番一d原著既劇情。

看來元顏妞是死定的了，不然追命也不能再有所提升吧﹗至於周白宇看來最後也能見著鳳欣如才死吧﹗不過我覺得鳳欣如該一早死了。（被周白宇凍死）
而最後除了四大名捕外、諸多先生，相信只會死剩殷乘風、金劍和唐冰冰吧﹗（唔計金風細雨樓的及其他閒角。）

下期話再有人會死，果個應該會係唐明皇吧﹗追命一招追逝ko佢....咁總壇呢面就基本上玩完.....只差周白宇趕返神候府要交待jei...

引用:

原帖由 小小力 於 2007-1-27 15:15 發表


下期話再有人會死，果個應該會係元顏妞!!

元顏妞已經是死定了.....應該仲有一個人下期會死....所以我估係唐明皇

引用:

原帖由 highways 於 2007-1-29 11:43 發表


Should be 周白宇 die.

我諗應該未有咁快再講周白宇的，點都會講到佢趕到返神候府先....

引用:

原帖由 小小力 於 2007-1-30 23:47 發表
點樣為之一流既心呢？？唔通真係由冷血打贏唐十五？？

我諗冇咁簡單，因為唐瀟雨仲未出手，一定有佢既戲份....隨時蘇夢枕會出左手救唐十五先....

引用:

原帖由 小小力 於 2007-2-7 09:08 發表
今期話下期會有奇蹟,唔通周白宇唔洗死??
另外,唐冰冰係唔係會去搵完顏決去組成最強組合呢??

我估周白宇多數唔使死了....但我覺得可能佢就咁死左個故事會好睇d....
我諗唐冰冰應該係去找元顏決重修舊好，以完成唐妞既遺願....

南寨好似淨返十八羅漢其中9個，同一班二打六.....但突襲南寨既人會係邊個呢？...走甩左既唐倒四同唐恨晚照計唔會再搞咁多野.....唐瀟雨應該都係獨行俠....唔通有新人物出場.....

引用:

原帖由 skywalker1942 於 2007-3-25 08:20 發表



仲有幾個門派D掌門

玄苦大師、武當三絕劍同果d掌門都同追命係總壇果邊.....留守南寨既係十八羅漢其中9個....有9個係打總壇果陣比唐冰冰坐下既蝕骨銷魂十二金粉ko左....

引用:

原帖由 nicknicky 於 2007-3-22 02:01 發表
今期話南寨將又會有一場腥風血雨，係唐x雨( 新收 )的馬仔搞鬼?

  提起南寨，希望下期會講下「布條仔」的生死....

我只係記得係好耐之前唐敗同唐十五係演武廳隻抽果陣，唐刃曾經提到唐敗既嫡系弟子叫「五大皆兇」(第60期)，但同中原群雄決戰黃金道果陣並無出陣，唔知係編劇唔記得左...定係仲有伏線了...抑或當佢地係大爆炸中瓜晒.....

殷乘風應該唔會死...如果死左一早都會交待....而且原著中既逆水寒都有佢既戲份...唔會就咁被ko既....反而周白宇應該一早就死左至真....

引用:

原帖由 my709394 於 2007-3-26 22:32 發表

五個?賭場五個當家?何其巧合...但我唔信排第四的已經可以卸開十成狀態唐十五的兩倍界王拳喎...

逆水寒好似係唐拾義之前喎...唐門人士都死得八八九九...唐拾義這小說人物應該唔出了...

但我覺得大觀園果五個當家似係五聖王多d wor....

引用:

原帖由 小小力 於 2007-3-27 13:32 發表
今期,金劍銀劍都唔洗死...Yes!!
但,..點解呢??
那個五行幫幫主又係咩人呢???

但我覺得成日話死又唔死咁....實在是有點兒那個wor....似拖書多d.....雖則呢d橋段經常都有...可惜已經唔係第一次了....

引用:

原帖由 isxman 於 2007-3-27 15:42 發表

原著溫瑞安小說
佢兩個都係高手來的~~~
只不過去到"4大"變o左小"醜"o者

由於係說英雄誰是英雄入面仍然都有雷損同狄飛驚既戲份，所以係四大入面佢兩個一定唔使死.....既然武力解決唔到，咁究竟四大名捕點去同六分半堂講掂數呢?.....

看來黎緊既新故事都唔會係原著中既故事了.....

引用:

原帖由 nicknicky 於 2007-3-27 21:43 發表
之前以為中原群雄打完這場仗後就可以收復番四大家的失地，點知現在東堡炸0左、南寨被佔、西鎮北城成了廢墟，班武林人士又死了大一半，未回元氣又話有「新」敵人，唔知今次又點擋呢?

有時睇漫畫《四大》都幾灰下 ...

完全同意nicknicky兄既看法，四大既橋段算係港漫中最引人入勝的了，我由第一期儲到而家....最鐘意都係四大家決裂期間的一段。

p.s.我從小說到漫畫，都相當喜歡殷乘風這角色，可惜係漫畫入面佢既戲份唔多，而且都好似係最可有可無咁....冇周白宇同藍元山描寫得咁深入....真係戥佢唔抵ar!!.....

看完今期，相信唐瀟雨都可以打敗唐刃既....唔係又點知唐瀟雨會用d咩類似唐明皇既報仇方法去對付唐十五呢？....

殷乘風個南寨又被人佔領左.....會唔會激鬼死佢架.....

引用:

原帖由 小小力 於 2007-3-27 23:25 發表


我都係由第一期儲到而家,...可惜中間唔見左兩本
我冇乜點睇過小說,但淨睇漫畫四大,..真係好難喜歡殷乘風喎...
成日行行企企!!

你唔見左邊兩期呢...係藍田匯景商場有間漫畫店肯幫你找wor....
係小說入面佢既劍法仲快過周白宇，輕功都相當了得.....但係逆水寒中壯烈犧牲左.....可惜係漫畫入面除左無提過佢既輕功之外，關於佢既描寫並唔多...而且招數同內功都冇咩提過....只係係同唐敗片果陣出過一次左劍右刀鬼哭神號咁大把，希望黎緊既劇情會講多d佢la....

引用:

原帖由 小小力 於 2007-3-27 23:20 發表


未必武力解決唔到喎!!雷損同狄飛驚又唔係好好打....加上中原+四大咁多人!!

其實雷損同狄飛驚既實力一d都唔差...同蘇夢枕差唔多....再加上六分半堂都好多高手....所以如果同傷疲交煎既中原羣雄及四大名捕立即開拖....應該都唔會點蝕底....但我覺得就算真係打餐飽....大家最後都會取得共識而罷戰...否則硬碰硬的話....將來係說英雄入面....六分半堂就唔會同金風細雨樓分庭抗禮了....

引用:

原帖由 小小力 於 2007-3-27 23:32 發表


我都相信唐瀟雨可以打敗唐刃,係因為書中唐瀟雨話
「看來這蠻子的修為已不下於當日的我.....」(見今期P.9)
即係仲未夠「現在」的我打喇!!

同意....始終唐瀟雨先係唐門第二高手....不過唐刃斷估都唔會咁快瓜老襯既....

引用:

原帖由 my709394 於 2007-3-27 23:48 發表

說英雄誰是英雄內六分半堂唔受政府支持,這會唔會一種因素?

不過講落我唔太信南寨係他倆做...那九個和尚應該算二線蕃薯級,但死狀係一個凹印...即應該俾人一拳打死,電兄都應該知~狄飛驚用禽拿手或者 ...

my709394兄都分析得好有道理.....就算推斷最終唔中都好有諗頭....或者血洗南寨未必真係六分半堂做....但元顏決著草無耐...按時間計佢應該係唐十五壽宴前幾日先走的....未必有咁快回到氣住....所以我覺得都唔係元顏決既所為....如果真係唔係六分半堂做的話，相信五聖王出手既機會可能會大d....不過唔排除編劇無考慮到雷損既快慢真言九字訣同狄飛驚既大棄子擒拿手而求其畫到班二線番薯既死狀係咁都唔一定。

引用:

原帖由 小小力 於 2007-3-28 00:53 發表


我唔見左打唐毒大弟子同有條黃色臭布o個兩期呀!! 不過，急電兄，多謝提供資料，我會去買番呀!!

客氣客氣.....

引用:

原帖由 小小力 於 2007-3-28 01:08 發表


六分半堂其實除左雷損同狄飛驚,其他堂主好似麻麻地......

其實係唔算特別勁既....但都應該好打過果d乜掌門乜幫主掛.....而且雷動天同雷媚(即金風細雨樓郭東神)都好勁下.....

引用:

原帖由 周五一次郎 於 2007-3-28 12:34 發表


我都有儲開，但係由第二部開始儲。
宜家想買返第一部，唔知D舊書店有冇呢？

如果你要買返第一部會京師篇可能真係有d困難了.....或者要多走幾檔先儲得齊....不過你不妨留意下網上拍賣有冇人放出來la.....我間中都見到有的.....

引用:

原帖由 小小力 於 2007-4-3 14:45 發表
四大名捕對雷損同狄飛驚，如果無情仲有暗器在手，四大名捕可被看高一線。
而且雷損同狄飛驚既目的又係咩呢?? 殺完人又唔知有咩著數，又冇錢，唔夠人多但又唔走…

應該唔係佢兩個做了，雷損同狄飛驚都冇一個係用箭的....相信係一d新人物做吧﹗

引用:

原帖由 小小力 於 2007-4-3 14:36 發表
金劍救番銀劍既過程都幾醒，還可以接受..
P.S.跟著丁冉冉既其中一個，造型好似三國無雙既呂布!!

雖然佢好似解得通...但我覺得銀劍就咁英年早逝會比較合理同更令人印象深刻....

果個係海龍會大當家海一笑....相信呢個造型話唔係抄無雙既呂布應該都冇人信了....

今期其實真係有d悶.....伐唐之後好似冇咩交待過殷乘風傷成點、大家重逢後有咩講.....
無端端又有七個金人來搞搞震....但唐門仲有好多野未講晒....支線太多了....