引用:

原帖由 小小力 於 2007-10-30 14:29 發表
今期，天地無用，正確D黎講，係唔需要用，元顏決一早有數千伏兵o係道。奇就奇在四大名捕竟然完全feel唔到!! 四大名捕同地藏對數千士兵，眾人退入洞穴，鐵手一個殺數十個士兵，開始冇力。冷血同地藏接力，士兵死二 ...

估計下期可能係地藏用土遁地術帶無情、鐵手同追命著草，冷血殿後，鐵手難堪既一拳可能就係打碎山洞頂，等元顏決追佢地唔到，而冷血就被擒。

周白宇大戰唐倒四，應該打成平手居多，因為兩個都係傻既....二月紫氤可能會帶殷乘風著草先......

引用:

原帖由 龍戈兒 於 2007-10-31 19:54 發表
今期看來,諸葛先生一行人在兩日前不知遇到甚麼突發事件?

我覺得就咁睇今期，佢地似乎咩事都冇發生過wor....

引用:

原帖由 小小力 於 2007-10-31 20:07 發表


用土遁地術帶無情走都唔係問題既，但帶埋張輪椅就......難D囉!!

哈...又係wor.....可能無情既椅雲座要拆左件先走得甩....

引用:

原帖由 龍戈兒 於 2007-11-6 20:07 發表

以卵擊石,刀劍撼霸拳,地藏先遭毒手,冷血將面對以卵擊石的-合理下場,戰敗遭擒嗎?

同意，冷血一定唔會死，所以被生擒既可能性應該係最大。

引用:

原帖由 skywalker1942 於 2007-11-6 20:01 發表



元顏決自殺算啦,成1000人打5個,5個被困死路都突然有條後路.......
周白宇唔好死呀

為左安排周白宇找諸葛先生算帳，相信佢唔會死既...我估唐倒四應該念在大家都係傷心人，所以留左「腿」，無踢死周白宇，但殷乘風就救唔到的了....

周白宇竟然變左楊過，又獨臂又兩鬢斑白，真係估佢唔到.....下期佢同唐倒四點分出不傷心既結局呢？....我估唐倒四應該唔會死掛......

如果周白宇救得返殷乘風，唔知殷乘風會唔會同二月紫氤隱居呢？

引用:

原帖由 小小力 於 2007-11-13 22:32 發表


隱居??我估唔會囉!!周白宇會唔會對元顏決呢??

如果殷乘風唔隱居，就要諗辦法升級，唔係大落後比四大名捕同周白宇，同中原其他炮灰冇分別。

周白宇同元顏決打?可能會好好睇，但真係打一場既話，佢又唔夠狀態同諸葛先生打gala.....

引用:

原帖由 小小力 於 2007-11-14 08:51 發表


我覺得未必話要個個都升級既....追命都冇升過級架!!
另外，周白宇都未必同諸葛先生打得成既...
可能未見到諸葛先生已經死左...........

唔升級唔係話唔得，但會有點兒被其他人拋離既感覺lor....二月紫氤曾經講過話對佢父親滿肚怨恨，如果佢老豆因為掛住練武而拋妻棄女，話唔定有ｄ咩秘笈留低比殷乘風練下都好wor。
我諗周白宇未見到諸葛先生點都唔會死掛，唔係之前既舖排咪好多餘lor，而且第216期既即捕即解畫話周白宇復出會帶來一連串既後遺症，我諗有人會因為周白宇要同諸葛先生打而無辜犧牲。

引用:

原帖由 lolo710 於 2007-11-14 21:30 發表
原帖由 急電 於 2007-11-13 21:27 發表
周白宇竟然變左楊過，又獨臂又兩鬢斑白，真係估佢唔到.....下期佢同唐倒四點分出不傷心既結局呢？....我估唐倒四應該唔會死掛......

如果周白宇救得返殷乘風，唔知殷乘 ...

我覺得下期封面既造型似得仲交關ar...
唔傷心既結局會唔會係兩個都唔使死，但周仔又救到小殷呢.....

引用:

原帖由 小小力 於 2007-11-15 13:52 發表


呢個人係二月紫氤點睇??

我覺得係小珍或者習玫紅....甚至係殷乘風都有可能....

[ 本帖最後由 急電 於 2007-11-15 23:22 編輯 ]

引用:

原帖由 小小力 於 2007-11-30 09:07 發表


但依家都好明顯,諸葛先生呢個正道第一高手不單只唔及邪道第一高手,甚至連邪道第二第三第四都不如...!!

我覺得.....諸葛先生應該係楂流灘，未盡全力同第三打既，佢應該唔知有咩盤算jei，曾經同元顏決打到平分春色，甚至應該嬴左(雖然元顏決仲有三招霸拳未出)既佢，點都唔會咁易比第三生擒掛。

我估元顏決話冷血死左，係因為冷血已經變左野獸，野獸比人重創後，就會立即著草，之後自然怕左重創過佢既人，所以元顏決知道冷血將來見到自己都會怕左自己，於是話冷血死了。

引用:

原帖由 小小力 於 2008-1-2 20:28 發表
今期，第三又再被打中，飲恨魔經好似同天地霸拳差好遠!!追命雖然出口術先打贏活髏，但最後會唔會叻番一次攻倒第三呢??
周白宇追上魚姬，後者兇多吉小!! 周白宇又會點多謝諸葛先生呢??仲有....唔見左二月紫氤喎!! ...

我都覺飲恨魔經本來神化左...但今期突然弱化晒....即係話只要你趁第三唔知偷襲佢，就可以打到佢....

二月紫氤冇唔見到.....最後一頁有畫到佢同兩隻馬係岸上面的....只係到而家都未知佢既真正身份...唔知想吊大家胃口吊到幾時.....

引用:

原帖由 國慶仔 於 2008-1-8 23:14 發表
有冇人知道雷損帶果兩隻指套有咩用?
純粹裝飾or同十五一樣?

雷損好似係冇左果兩隻手指的.....

引用:

原帖由 小小力 於 2008-1-8 13:44 發表
今期，仲有七十二日，魚姬同金帝之約就完，就可以重獲自由，得回在金帝手中既情人 -真中。可惜魚姬打唔過周白宇而戰死!! 死前問左周白宇：人世間最遙遠的距離!! 周白宇答唔到!! 戰後，眾人被救上岸，諸葛先生穴道 ...

希望唔好係周白宇同諸葛先生打打下殷乘風衝出來，跟住周白宇錯殺好友，咁就越搞越大鑊。

我諗第三冇咁快死掛....應該係指三捕同飛天面對第三束手無策.....

引用:

原帖由 國慶仔 於 2008-1-9 03:07 發表
今期話十一翼唔係個個都自願,咁餘下未出現果隻翼(我估胡服美女)可能係忠都唔定
一開始想痴埋布條仔搵著數,但日子耐左鐘意埋佢,之後同布條仔講秘密,布條仔真係唔放佢走仲幫佢對付阿骨打恢復自由

睇完今期，我又覺得二月紫氤唔似係十一翼，如果唔係無理由魚姬見到佢會冇反應，反而我覺得佢有機會係金帝或者元顏決既私生女。

引用:

原帖由 小小力 於 2008-1-9 08:42 發表


但我相信殷乘風同二月紫氤仲有發展，所以殷乘風應該唔會死住!!

我都希望係咁.....

我記得無情既巧勁係可以借用其他人既內力去「借勁生威」，發揮出比借來既內力更強大既威力，所以佢就問鐵手同追命仲有幾多內力，佢想一次過借晒黎攻第三，但由於無情既肉體承受唔到咁勁既內力，所以出完招後都會死。

引用:

原帖由 阿左 於 2008-1-23 18:40 發表

果個唔係大宋公主黎咩?

果個係西夏公主，不過嫁去大宋。

引用:

原帖由 小小力 於 2008-1-23 00:05 發表
周白宇不殺諸葛先生,反將矛頭轉向西夏公主...但諸葛先生又傷左囉,布條仔醒番都唔夠打喇,...唯一變數應該係二月紫氤喇!!

同意，我諗都係時候要交待下呢條女既真正身份﹗

引用:

原帖由 小小力 於 2008-1-24 00:09 發表


但咁有用咩??第三係「打」唔死架喎!! 無論幾多人都打唔死架喎!!

打唔死都要博一博掛，如果唔係都唔使問鐵手同追命仲有幾多內力la，除非佢係叫佢地拼盡分散第三既注意力，然後無情連人帶車(倚雲座)衝埋第三度撞到車毁人亡la

講完笑，講返認真先，下期叫第三勝利，我估第三應該頂得住最後一擊，但鐵手同追命走得甩，然後無情又係出完招後不知所踪，跟住又有奇遇咁la (不過希望唔好咁老土la)。

[ 本帖最後由 急電 於 2008-1-24 02:02 編輯 ]

引用:

原帖由 小小力 於 2008-1-24 09:02 發表


我見有一格畫個天同峭壁有D碎石仔跌落黎,所以估係用地形,炸山壓死第三囉!! 至於問鐵手同追命仲有幾多內力,我估無情唔夠力爆石掛....

有可能wor!!

引用:

原帖由 小小力 於 2008-1-29 19:02 發表
今期，鐵手同追命同時將內力注入無情體內，令無情三發明器同出，打出究極一擊，第三飲恨魔經十成功力亦被擊倒重創。無情仲有可能有番內力....(唉 !!追命真係)。三捕得到臨死既飛天指示去尋找諸葛先生，但當三捕離 ...

今日一氣呵成睇晒兩期，感覺真係好正...特別係d計謀又出返來，真係估唔到..特別係飛天呢個奸鬼，原來佢先係元顏決既真正卧底，唔怪得會有博父既索魂引啦﹗至於睇完今期，我諗唔少兄弟都會同意最後一個十一翼係扮西夏公主，而二月紫氤就係真既公主(咁殷乘風咪冇行lor.....)。

根據影子既描述，話諸多先生無端端反敗為勝，咁又假定周白宇同殷乘風知道二月紫氤係西夏公主，咁周白宇好有可能都係同諸葛先生做緊戲，然後設個局裝返果個假既西夏公主喎，咁即係話周白宇應該顛唔晒....

引用:

原帖由 小小力 於 2008-3-11 17:26 發表
題外話,大家覺唔覺近呢兩期本書掲兩掲就散!!

同感﹗....其實唔只呢兩期，小弟覺得自從塞外篇開始，每期既跨頁或者全版都好鬼多，雖然D畫係好靚，但變相令每期講既野都好少，話咁快又完左一期。

另外，近呢幾期有D位都唔連戲得好明顯，好似殷乘風咁耐無衫著都唔緊要(奇在今期闖左禍之後又有....)，但佢有時有包繃帶，有時又無，呢D位雖然對劇情冇咩影響，不過唔多唔少都令人扣減D印象分。