先睇下兩公婆既經濟可唔可以負擔得起養個細路
再黎睇下住緊間屋夠唔夠地方住
又睇下生左出黎之後由邊個去照顧
屋企附近係咪有好既適合既環境比細路讀書
其實都有好多,不過我認為想生就生啦...做咩諗咁多喎
有d野係事前準備,不過有d野諗得太多,會令到你唔敢生架
順其自然啦...船到橋頭自然直.

引用:

原帖由 Cyril_Magician 於 2007-11-7 10:54 AM 發表
十分多謝

我真係一路計劃一路唔敢生

有好多人,後生時冇諗過生,到想生既時候又因為某d原因冇得生
女人一生最幸福既事係生過BB, 雖然我曾經生得好痛苦
不過我仍然開心我生過BB,睇見仔仔健康活潑,睇住佢成長,
呢種開心同幸福既感覺真係有錢都買唔到,
而家我老喇,想生多個都好似好多限制
不過你生得佢,就唔好有一個錯既觀念,要佢將來點去報答你or養你
係你要帶佢黎到呢個世界,唔係佢欠左你,所以你生得佢出,
就應該付出無私既愛,比佢你能力範圍內最好既野,唔好求回報
...呢個係我個人既諗法,你可以唔認同我既.
祝你快d有BB,同埋有一個幸福健康既家庭.