引用:

原帖由 酒徒 於 2007-3-7 14:31 發表


這個問題問得好，我都想知道答案。

豔兒？她和那個人都是白色衫的。

今期話南寨將又會有一場腥風血雨，係唐x雨( 新收 )的馬仔搞鬼?

  提起南寨，希望下期會講下「布條仔」的生死....

之前以為中原群雄打完這場仗後就可以收復番四大家的失地，點知現在東堡炸0左、南寨被佔、西鎮北城成了廢墟，班武林人士又死了大一半，未回元氣又話有「新」敵人，唔知今次又點擋呢?

有時睇漫畫《四大》都幾灰下，好似先前攻蜀中唐門和今次的中原之戰，個過程雖然真係超超超好睇，但係點解次次個結局都好似好悲，到頭來原來又係黃雀在後，被人點了一獲，功虧一簣........

不過總括來講，《四大》個故事和畫風都幾值得追，希望群雄們有一個好下場吧。

p.s. 其實我覺得銀劍「死」的一幕係好ｔｏｕｃｈ的，看得我差點想喊，如今無情情又話佢唔死得，好似多餘了些少．．．反而我最愛的「布條仔」移家仲生死未卜

[ 本帖最後由 nicknicky 於 2007-3-27 21:48 編輯 ]

引用:

原帖由 急電 於 2007-4-11 02:28 發表
今期其實真係有d悶.....伐唐之後好似冇咩交待過殷乘風傷成點、大家重逢後有咩講.....
無端端又有七個金人來搞搞震....但唐門仲有好多野未講晒....支線太多了....

我想唐瀟雨和唐十五單野短期之內會完，之後十五哥應該會完顏決咁被雪一排做最後大佬。至於「布條仔」這幾期都無場（連交代的幾隻字都冇），大概已經香０左．．．


如今的支線都唔叫做多，至少未致於令劇情失衡，喧賓奪主  (你睇龍虎門的話就知咩事，有些正派角色隔了兩年先出一次場.......)


諸葛生叫四大名捕停止追殺唐門唔通係金兵大軍壓境?睇怕今次又會搞到打仗咁大陣仗。

[ 本帖最後由 nicknicky 於 2007-4-11 08:10 編輯 ]

引用:

原帖由 風中之蓮 於 2007-4-17 15:22 發表

原來唐瀟雨要拿唐十五代替桃花，唐十五淪為禁臠玩物，慘啊！

唔知會唔會要十五哥剃光個頭，著粉紅色衫

下期預告封面的金帝十一翼個個都好型，好有黃道十二宮feel，我反而更期待他們的表現。

連諸葛散都俾人打到吐血，中原群雄會否真的出師未捷身先死?
唯有為各路英雄祈禱......

引用:

原帖由 卍白虎卍 於 2007-5-30 18:53 發表
我反而覺得劍橋D畫風差左...第９頁最下同１５頁下右畫到無情好怪....

第８頁的丁冉冉五官都畫得幾馬虎。以前漫畫《四大名捕》就係掂在有好的劇情加劍橋的畫功。如今《四大》ｄ格愈來愈大，故事交代得少令到我ｏ地追得很悶（打兩個人都搞成一期），連ｄ畫功都唔多掂，唉．．．

《四大》係我唯一會買的港漫，希望佢唔好迫我ｃｕｔ書。

[ 本帖最後由 nicknicky 於 2007-5-31 19:45 編輯 ]

今期第１７頁唐刃和唐衝的對白好似撈亂ｏ左。
想唔到十陽歸一都唔夠陰陽合壁揪，仲死得咁慘。

月半彎中花映淚，梵音靜處影隨形。


再遲下《四大》的武功招式可能會被作成一首好詩~

引用:

原帖由 急電 於 2007-10-11 23:03 發表


如果胡服少女講既唔係事實，佢真係十一翼之一，咁一係佢同唐倒四合作，一係佢專登扮民女等唐倒四捉殷乘風來?....我估係後者既可能性會大d....

四大的劇情好多時都估佢唔到，如果她是其中一隻翼又超勁，話唔定最後係殷乘風+唐倒四合作打番個胡族女仔

如今的周白宇，愈來愈有當日藍元山的影子，同樣地功力暴升但已經不受控制的境界，前者因喪妻而變得冰冷，後者為報仇為變得瘋狂。本來以為白宇見到藍元山的「好」下場，自己都會放得低，點知女朋友先痴後死，令到佢更加痛苦......希望佢的鬱結唔會等到死既時候先解得開。

引用:

原帖由 小小力 於 2007-11-23 10:30 發表


我既意思係元顏決剛剛可以極之輕鬆咁擊退四捕,令後者驚到走頭!!
轉眼間,佢又打兩個都受傷...
功力升級既冷血加一個地藏傷到元顏決一D都唔奇,
奇就奇在之前四捕都傷佢唔到!!
唔通功力升級既無情,鐵手再加上 ...

又唔可以咁講，我諗三名捕走既原因唔係因為唔夠元顏決揪，而且就算打得贏個大佬都冇可能從過千金兵裡頭走甩。冇記錯四大未清楚被人圍的時候本來就一心想擊殺元顏決的，而且不過係過左幾招，如果元顏生真係係單拖的話我諗佢點都會輸。
之後冷血地藏對元顏決只係攞到少少甜頭，上次唐十五周身傷都打極都打唔死，今次元顏生都應該冇例外，往後冷血（估計地藏下期都瓜得）都可能走唔甩。


期特地藏用兩極問心斬打出最悲壯的一戰

[ 本帖最後由 nicknicky 於 2007-11-23 11:25 編輯 ]

人世間最遙遠的-距離:
1.十丈黃綾屈魚姬機?
2.魚姬的秘密殺著?
3.周白宇又玩飛冰柱?
4.白宇與.............欣如?

仲以為因為塞外篇的完結，飛天先會俾第三快速秒殺，原來仲有下文~

今期三捕突圍的方式真係好熱血，完全表現到他們是為保江山而將生死置之度外。

另外，第三的功力話哂可以同元顏決看齊，爛船總有一粒釘，就算反咬唔到阿骨打，最後大概可以同身邊其中一個人同歸於盡......尤其是阿骨打仔仔(總覺得他太靚仔，命不長)。

天上身邊的女人....是唐冰冰麼?

引用:

原帖由 小小力 於 2008-2-12 17:28 發表
今期，大家都估錯，唐冰冰連受重傷既第三都打唔死，要金帝出手！！天地帝皇刀殺唔殺到第三呢？
追命突圍失敗，被飛天截回！！更壞既消息係胭脂公主原來一早 已經死左，就係鐵手以為係小珍既人頭！咁二月紫氤又係 ...

唔通又係一個刁蠻公主唔想嫁，貪玩搵個妹仔扮自己，點知做左佢替死鬼?
係的話元顏生一定

引用:

原帖由 龍戈兒 於 2008-2-22 04:19 發表

周白宇人氣正旺,不像短命之人.

難講，一個重傷半死的人一時間功力突飛猛進，可能係迴光返照......

照咁睇，除了黃天星，武林四大家家主都會俾女人害到雞無鴨血∼

估唔到諸葛生只係得３成戰力，仲以為他和元顏決可以延續當日神侯府之踐。期待最後周白宇戰敗後（多數）冷血會走來幫拖，當自己是一隻狼向獅子報仇。

卻原來，二月根本就唔係真正的西夏公主，而是金帝派來的卧卧底，藉著勾搭殷乘風陪佢私奔令到諸葛生背黑鑊。
又卻原來，當日二月同諸葛生表明身分時諗的一首詩講漏左隻字，身份早被識破，於是乎諸葛生就將計就計叫殷乘風刺探其底蘊。
諸葛生:「殷寨主，今趟真是要委屈你。」
殷乘風:「為了大宋江山，少少犧牲又如何呢.....」

計中計中計中計~

[ 本帖最後由 nicknicky 於 2008-3-13 20:15 編輯 ]

大家有冇留意周城主出御劍飛兵前爆出了一條水柱，到底是他搵到地下水源出這招，還是已經達到唐十五出無形暗器的境界?
今期後頁已經講明霸王將死，元顏決仲有2-3式天地霸拳未出，死前番多一次好喎~!

引用:

原帖由 小小力 於 2008-3-20 09:26 發表


飛天係心腹，派佢去都好正常，但點解要救唐十五呢??
元顏決會唔會有後著呢??
世上冇永遠既敵人，唐十五同元顏決會唔會合作，兩分天下呢??

諸葛生都應該有後著，冇理由得三成功力都只係帶周白宇救三捕。

一個邊境將軍咁就俾一隻翼搞掂左，反而四大名捕走入金國仲可以大殺四方，話就話主角姐，都唔使大細成咁卦~

諸葛生出完最後一招應該冇能力再同元顏決打，如果元顏生之後仲未死，我幾期待收拾佢既的人會係追命，以三捕如今情況，得佢仲有極少戰鬥力，加上追逝一招會令佢想起妞妞，用最強殺著殺死愛人的親人，該殺不想殺，心痛招愈強。
這種情況我諗連以後對付唐十五都唔會用得著~

[ 本帖最後由 nicknicky 於 2008-4-4 13:43 編輯 ]

引用:

原帖由 不平凡人 於 2008-4-15 23:55 發表
我可以好肯定咁講...o個99人...之後都會變哂2打6.....
仲會比4大名捕打底哂....

當日的九兵衛八金剛出場時都講到好Q勁,最後味又係0係唔使一期的時間差唔多俾人做低了
99姑轟如果真係咁強，到頭來咪影得中原班群雄更加廢柴........
(九兵衛冇啦啦死淨一半的時候我真係以為印漏左幾版)

[ 本帖最後由 nicknicky 於 2008-4-16 03:48 編輯 ]

今期除了很多一頁過大頭，有好幾張圖都係前n期出過的，咁又一期........