引用:

原帖由 藍蝶 於 2010-11-29 22:36 發表

慧眼要識英雄，未知見前是否就有一個  

果個唔知係乜誰？肯定唔會係在下。在下英雄就唔係喇，狗熊就真，而且更萬萬不敢對號入座。

引用:

原帖由 扒扒 於 2010-12-2 01:18 發表

咁又係
但,近年來.我身體唔係太好

放心喇！唔好咁認真，冇人能够脫離；生、老、病、死、苦嘅五刼。有病就睇醫生，依醫生嘅吩咐去食藥，做咗自己份內嘅事，好唔好得，唔係由自己泱定得嚟，乜嘢都好，在下相信，冥冥之中自有主宰。

引用:

原帖由 gxf0577 於 2010-12-3 09:03 發表
与狼共舞。。。雪狼湖。。。

丈八金剛，恕在下愚蠢，真係唔知閣下想噏D乜？

引用:

原帖由 藍蝶 於 2010-12-7 22:12 發表

年紀開始大，身體每下愈況，在所難免

在下近日上 XO Cat 都每下愈況，慢到每次都要花十分八分鐘時間，比佢搞到冇哂心機，有時寫好放上〔發表回復〕果度，有時成篇失哂踪，唔知去咗邊，所以嚟呢道都小咗，唔知喺唔喺在下架機年紀開始大

引用:

原帖由 masrko 於 2010-12-11 11:01 發表
你都幾仲意蝴蝶!

唔知閣下有冇聽過 Butterfly effect呢？

引用:

原帖由 藍蝶 於 2010-12-8 11:57 發表


你呢個"慢"嘅問題好可能係解決唔到嘅問題 ，換新機都未必有用。
或者用呢個上：http://58.64.143.73/f/ (唔知會唔會好D ?)
成篇失哂踪嘅解決問題  ...

多謝閣下比嘅網址，而家就用緊，好似快咗D，要試多幾次至可以知道快幾多，點樣都好多謝再多謝！

引用:

原帖由 藍蝶 於 2010-12-12 18:18 發表


甭客氣﹗多謝你常到來留言
聊聊天，時間快過一些，好快又過完一個週末，聖誕將至，相信彼邦的氣氛會比香港濃厚…

喺！依道嘅聖誕節氣氛比較濃厚，但喺農歷新年就比香港差得太遠，就算去到唐人街都冇得比，初一果日有小都份唐人店鋪會休息，打西人工嘅要照常返工。在下而加用緊新網址，佢喺快DD。

引用:

原帖由 藍蝶 於 2010-12-12 18:01 發表

漂亮的蝴蝶，生命很短暫，隨緣去起舞，絢爛的美麗。

中國古代四大美人；沉魚落雁閉月羞花嘅西施、王昭君、刁蟬、楊玉環佢地嘅生命重短暫。在下個人以為，在冇損害任何人嘅原則裡面，自己活得開心噉就好，就算短D都冇問題。

記得好多好多年前，新加坡有一道地方好似叫做〔聖淘沙島〕？？裡面有一間好大嘅蝴蝶標本展覧館，有無千無萬咁多漂亮嘅蝴蝶，真喺大開眼界。

引用:

原帖由 藍蝶 於 2010-12-13 11:53 發表



當義工接觸過失去活動能力兼長期卧床的患病長者，深深感受其中，健健康康的不妨長命一點，若不是，不用太長命，最緊要去的夠快…

不管生命長或短，活在當下，當是求開心快活，有得食好食，有得玩好玩 ...

絕對同意閣下嘅睇法同想法，見到D失咗活動能力嘅長期患病嘅人，真喺見者流淚聞者傷心。在下贊成(合法死)，以免累己累人。在下慶幸重可以揸起枝筆，同依道列位發吓噏風。(在下唔識打輸入法，喺用手寫板)。

引用:

原帖由 chanpowing$ 於 2010-12-13 14:22 發表



聖淘沙島唔同晒啦, 上次我去蝴蝶館時都諗起呢隻蝶去入去  

嘩！原來係真架？蝴蝶效應真喺咁犀利？

引用:

原帖由 chanpowing$ 於 2010-12-13 14:25 發表



小西灣定西灣河呀     掟得多灣，頭都痛埋    

在下呢邊條條都喺闊大直路，想穩個灣掟吓都冇。

引用:

原帖由 chanpowing$ 於 2010-12-14 01:05 發表


有無天  

〔和尚打傘〕唔知用依句啱唔啱？

引用:

原帖由 chanpowing$ 於 2010-12-14 09:00 發表


我都係你果邊考左個車牌，學左四粒鐘     唔駛掟灣   

在下個香港車牌過晒期都冇續期，而家又唔識新界同新區嘅路，十幾年都冇喺香港揸過車，真係冇胆揸。

[ 本帖最後由 81tkhk 於 2010-12-15 09:54 編輯 ]

引用:

原帖由 藍蝶 於 2010-12-14 23:08 發表

我用倉頡輸入法，但無論用那種輸入法，打得出來便行了。
有一個用拼音同時加上英譯的輸入中文網站，對不懂打倉頡又沒有手寫板的，可以用得著：
http://www.pinyinput.com/
打完一段字，再copy & paste。

首先多謝閣下又比一個網站，在下會試吓邊樣快D方便D謝謝。

引用:

原帖由 81tkhk 於 2010-12-15 10:15 發表



首先多謝閣下又比一個網站，在下會試吓邊樣快D方便D謝謝。

在下覺得手寫板比較快少少，點樣都好，多謝閣下一再幫忙

引用:

原帖由 藍蝶 於 2010-12-14 23:08 發表

我用倉頡輸入法，但無論用那種輸入法，打得出來便行了。
有一個用拼音同時加上英譯的輸入中文網站，對不懂打倉頡又沒有手寫板的，可以用得著：
http://www.pinyinput.com/
打完一段字，再copy & paste。

在下重係覺得手寫板比較快少少，無論點都好，再一次多謝閣下嘅幫忙

引用:

原帖由 藍蝶 於 2010-12-18 00:16 發表


我只是介紹一個可能有用的方法，讓未有安裝手寫板又不懂倉頡、簡易或九方輸入法的人，多一個途徑去試打中文。
幫你唔到，或者幫到d咁啱見到個post嘅人

大多數上咗年紀嘅人(包括在下)，都唔係幾識輸入法，希望佢地睇到閣下呢個post，對佢地有幫助。

引用:

原帖由 藍蝶 於 2010-12-19 23:17 發表

以前的一份工作需要中文打字，所以要學起中文輸入，及後網上聊天就打得更多

在下估閣下多數唔係上咗年紀嘅人，因為閣下識打中文輸入。

引用:

原帖由 藍蝶 於 2010-12-22 00:13 發表


少年、青年、中年、老年，我係中年

少年-----精力過盛，大多數係無知。青年----昜衝動，缺人生和社會經歷。中年----脚踏實地，人生和社會基礎已有，黃金歲月。老年----夕陽無限好，只是近黃昏，時不我與。

引用:

原帖由 HJ2127_ATR1 於 2010-12-24 21:26 發表


等人開估，好過去估。　 　

佢開咗估喇，佢話佢係中年，噉即是話係(黃金歲月)囉，可喜可賀。

引用:

原帖由 扒扒 於 2010-12-26 23:28 發表
你哋估猜謎會呀,係度估估下

唔知閣下上網時，係用輸入法打字抑或用手寫板，上咗年紀嘅人多數唔識輸入法打字，藍蝶君佢話係用輸入法，所以在下估佢唔係上咗年紀嘅人囉。

引用:

原帖由 扒扒 於 2010-12-27 23:15 發表

我係用速半架

在下唔識乜嘢係 (速半架)，唔知方唔方便話比在下知呢？謝謝。

引用:

原帖由 藍蝶 於 2010-12-29 00:33 發表

時間不會等待我們，錯過了的不可追悔，趁仍可以做到想做的，便應及時行樂。

勸君莫惜金縷衣，勸君惜取少年時，花開堪折直須折，莫待無花空折枝。(杜秋娘)

人和可為之，地利可尋之，唯天時須待之。望與君共勉之。

引用:

原帖由 藍蝶 於 2010-12-29 18:55 發表
這個聖誕旅程…
**** 本內容被作者隱藏 *****

依道唔知係唔係河北省某一地方呢？

引用:

原帖由 扒扒 於 2010-12-29 13:40 發表

冇錯.
講起心意,我有朋友,我生日當天,佢帶病出去花店度,訂咗一扎花同禮物,寫咗一張生日咭俾我,叫我去攞禮物,令到我開心又感動,睇完張咭,我喊咗出嚟
我其中一個生日願望:希望佢 ...

嗱！無論閣下嘅朋友係男或者係女，可算得係(知己)。佢病緊都仲記得閣下嘅(牛一)，同埋出街買花賀閣下，而閣下感動到流淚。在下想，一個人唔係咁容昜賺得到人地嘅眼淚，在下羨慕佢。