引用:

原帖由 bluedance 於 2012-4-15 12:30 發表
自問這方面自己唔叻，對過去了的要放下是必然的事情，但有些記憶是一生一世的﹐也會偶爾不知不覺地浮現腦海。

如果可以選擇地忘記，那便忘記不快的，留下美好的回憶。

全都係肺腑之言，絕無虛假。

引用:

原帖由 Sexmodel 於 2012-4-15 23:43 發表
之前有位朋友剛離婚，我問：你傷心嗎？佢答：小小啦，相處唔到，幾中意既人都無用。當年朋友用盡心思追求對方，結婚十多年，只係輕描淡寫幾句就算。對愛情，真係人人不同。

同一樣嘢，有人當佢係寶，亦有人當佢係草，時價不同，因人而異。緣聚緣散，一言難盡。

引用:

原帖由 Sexmodel 於 2012-4-16 02:09 發表
當其他人話初戀最難忘，有人就連拍過拖對象姓名，拍幾多次，都想不起。皆因年輕不懂珍惜？沒認真過？

凡事第一次是新奇難忘，特別是初戀。有一句俗語；一樣米養百樣人。人各有志，受家庭、學歷、工作、朋友影响，形成不同性格愛好。在下贊成隨緣隨遇不強求。

引用:

原帖由 Sexmodel 於 2012-4-16 15:14 發表
有部份朋友，男／女年過一支花仍然單身，男既怕失自由、付責任、金錢......一大堆。女既多數搵唔對象。

在下認為對象唔係靠揾番嚟嘅，係 "踏破鉄鞋無覓處，得來全不費功夫"。緣到同埋遇到，就會水到渠成。

[ 本帖最後由 81tkhk 於 2012-4-17 00:06 編輯 ]

引用:

原帖由 Sexmodel 於 2012-4-17 03:52 發表
有次問個兄弟，喂妳結婚甘耐想唔想有女朋友姐，hehe....佢話好想，不過唔敢lo,如果我係男人，都會甘樣諗，不得了啦！

那隻貓兒不吃腥？呢啲可能係通病，好似傷風感冒，人人都患過，要睇個人嘅免疫能力有幾強，有啲會三五日好番，有啲會引起併發症導致死亡。女朋友唔一定要有身體按觸，兩人靜坐嘆杯紅酒，傾一啲天南地北嘢，亦可以係傾心裡話，或者到海邊靜靜哋晒吓月亮，男女都可以做知己做朋友，唔一定係情侶，發乎情止乎禮。

引用:

原帖由 chanpowing$ 於 2012-4-17 10:45 發表


仲惠兄，註冊時間 2007-4-17

今日5歲生日     

多謝多謝！在下都忘記咗幾時註冊，閣下咁細心，真係萬中無一。

引用:

原帖由 858991 於 2012-4-19 15:22 發表
仲惠大哥:我想請看一字,(旅  )看到這字你有何想?

旅==身體容許、時聞容許、經濟容許、周遊列國、離鄉別井、寄居他鄉。旅==兩團。旅==行團。旅==行支票。旅==行社。在下才疏學淺，淨係識少少，望閣下多多指教，不勝感謝。

[ 本帖最後由 81tkhk 於 2012-4-21 00:49 編輯 ]

引用:

原帖由 Sexmodel 於 2012-4-20 19:35 發表
人在族途灑淚時~明白世途多麼險阻，令你此時三心兩意，看遠路正漫漫，誰喟決擇最容易，
前路渺茫請君三思.....

人生嘅旅途係一條單程路(One way only)冇分支路，更冇回頭路，途中邊個都要經過；生、老、病、死呢四個關卡。妳、我、他而家都喺旅途中行緊，大家行嘅路，有啲係容易行啲(生在富貴家庭)，有啲寸步難行(家徒四壁，身無長物)但係最後大家都殊途同歸。

[ 本帖最後由 81tkhk 於 2012-4-21 02:11 編輯 ]

引用:

原帖由 Sexmodel 於 2012-4-21 02:57 發表
同意你所講既。回頭路=時光倒流嗎？人生選擇最要，決定左要後悔，真係唔容易牙。

閣下講到；"人生選擇最要"，當然，每個人都有權去選擇，誰都會選名成利就，但現實裡面就萬中無一。

引用:

原帖由 858991 於 2012-4-21 09:07 發表
多謝你們的詳解!讓我在迷失的方向中得以冷靜/思考/尋找自己該走的路!可前路漫漫~不知道一顆飄泊心何時才得以安定!!!

路係人行出嚟嘅。"山重水複疑無路，柳暗花明又一村"。盡自己能力去做，成與敗唔係由自己決定(謀事在人成事在天)。希望閣下參閱呢道嘅帖#357。

引用:

原帖由 Sexmodel 於 2012-4-22 02:29 發表
睇黎好似係被情所困，搵個新目標，下個女仔仲好，樣靚身材正仲要體貼，行運一條龍！

"樣靚身材正仲要體貼" 重好過白雲公主，但係妳估話咁容易，妳揀人人亦揀你。梗係啦！行運一條龍！噉失運呢？噉係一條蟲囉！喺呢道希望大家都龍飛鳳舞，皆大歡喜。

引用:

原帖由 Sexmodel 於 2012-4-22 04:00 發表
Hey,呢D甘好條件既女人，擺到明係夢想啦，即係春夢lo,我夠想要6呎高、成熟、有事業lo,但係自己條件只可以搵個光頭、大肚，好過無丫！！！hehe....淨係睇佢對腳，咪得lo

"好過無吖" 妳估係年晚煎堆咪，人有我有，千祈唔好委屈自己。(泥水佬開門口，過得自己過得人)大家都通得過，大家都接納對方，雙贏！在下一向相信緣和遇。

引用:

原帖由 Sexmodel 於 2012-4-22 21:40 發表
少女年代~只想要高大俊男，得到後，又如何!!!思想差異、性格根本不相容，最終分手。成長後~只要相處和諧，外表一般亦接受，哈哈...小肚、光頭無問題，最重要性格好，人品好。知道自己最想要的，先了解自己，再決定！ ...

閣下講得好啱，倆個人嘅成長唔同，和果彼此唔尊重唔忍受，日後漫長歲月點過。

引用:

原帖由 chanpowing$ 於 2012-4-17 10:59 發表
早前談過重奏，介紹聽聽，畫面音樂都不錯

唔知點解，可能在下嘅電腦知識淺薄，攪來攪去都聽唔到。

引用:

原帖由 chanpowing$ 於 2012-4-27 22:09 發表

我手上有一隻，看看有無得攪，攪得成，pm 給你。

有勞大駕真係唔好意思！謝謝！

引用:

原帖由 Sexmodel 於 2012-4-28 02:16 發表
我唱丫，走音音姐。一阿葉輕舟過，人隔萬重山呢，烏南返，烏兒比亦可曰再貴還、哀我唔孤單...。祝你有4老，老本、老伴，老友、老練？

老本、老伴、老友都想要，老練？在下就認真唔想要喇。雖然人老但係重想個心不老，想 "有為" 因為 (年青) 先至有為。

引用:

原帖由 chanpowing$ 於 2012-5-2 16:41 發表


攪成左，但 size 都好大喎!  

又係睇唔倒，話哂都係在下電腦知識低，或者部電腦太舊，白費閣下時間同埋精神，認真對唔住！

引用:

原帖由 chanpowing$ 於 2012-5-4 14:52 發表


我唔好意思至真     個檔案咁大個, 都唔知點比你  

點都好，多謝哂閣下嘅心意，要怪就怪在下電腦知識水皮。

引用:

原帖由 chanpowing$ 於 2012-5-6 21:46 發表

你的電腦知識比我強，我⋯無地自容


閣下時常驛馬星動，下站去邊呢！

使唔使咁自謙呀！在下連相片都唔識擺上嚟。暫時未定去邊，心就想去南歐兩牙(西，葡)，多數會返香港跟團。

引用:

原帖由 chanpowing$ 於 2012-5-7 14:15 發表


咁坐法，非滋好坐到驚，足足飛左半個地球。  

上多少少，去埋 london 睇奧運   

返香港淨坐喺飛機道，都成十五個幾鐘喇！

引用:

原帖由 chanpowing$ 於 2012-5-7 14:15 發表


咁坐法，非滋好坐到驚，足足飛左半個地球。  

上多少少，去埋 london 睇奧運   

去埋 London睇奧運，講吓笑就得，果道啲嘢貴到黏筋，大約十年前去過，四個人喺唐人街飲午茶，四碟點心一碟炒麵，埋單成弍佰幾差唔多三佰銀，死未！

引用:

原帖由 chanpowing$ 於 2012-5-17 10:26 發表


而家去仲可能不止此數添      


唐人街真去過很少，記起十多年前涉足卡城，唐人餐館還總愛深紅色裝修，早幾年故地重遊，呢種裝修ge 餐館都少晒 ，世界唔同晒 lu     

係呀！十年人事幾翻新，第啲唔使講，淨講香港嘅變化都有排講啦！

引用:

原帖由 chanpowing$ 於 2012-5-22 11:33 發表


近期香港政治熱，講塊 "布" 都有排講   

在下始終相信世事係有陰就有陽，有正就有負，有對就有錯，有好就有壞............。在下欣賞八掛圖，一邊黑另一邊白，兩邊都沒有一條中線嚟平均，總之你推過嚟我讓，我推過嚟你讓，永遠相安無事。

引用:

原帖由 chanpowing$ 於 2012-5-25 22:17 發表

係呀，而家D內銀股話借貸唔夠額，卜到呀媽都唔認得⋯⋯

真係大好機會


就係你講ge "總之你推過嚟我讓，我推過嚟你讓" 最佳典範。

在下聽人講買股票，自己要做吓功課，隻股係做乜生意？過往同而家嘅成績？主持人嘅能力同惜信譽？公司嘅透明度......等等，聽埋一大堆。

引用:

原帖由 chanpowing$ 於 2012-5-26 01:25 發表

買馬買股都有D似，睇往績，有時都同一樣⋯咁⋯假。

考眼光，中左，都幾開心。

買股票(估估吓嘅估票)一味靠估，如果運氣好，够胆量都可以贏，運氣比任何貼士都重要。