引用:

原帖由 kkwe 於 2010-2-18 22:04 發表


20座有大石?? 我真係唔記得 (我住 26 座向東的橫頭對正19 20?)

黃大仙那舊我就如在就眼前...要去看看是否仍在?  (google earth 看不見)

20 座向波地有2 舊大石, 好好爬, 好爬過馬騮架, 另外 20座向富美街有幾舊較細又矮d 嘅石, 適合初出道小學低年班的街童玩, 另外黃大仙的大石真係唔少街坊的集體回憶, 原諒小弟張貼這張不屬村內, 但都糆都在街坊腦內的照片.

引用:

原帖由 meijik622 於 2010-2-19 01:45 發表
補充
同步貼出本文
Xocat Forum 討論區 » Sentiment 情感特區 » Childhood 童年往事/懷舊/集體回憶


連結
http://forum.timway.com/f/forum-77-1.html

去左格離村......HK Society 香港地 » ...

治祺兄過譽了, 我實在多謝各位在這裡發表文章以及瀏覽的街坊, 使這帖子不至潛水沉底, 我更要多謝舊足跡兄的鼓勵與資料提供, 使我大膽發了第一張帖, 大概, 我發帖的目的是想到大家都曾生活在咫尺之間, 重塑一吓在遺忘邊緣的東西, 回憶吓當年物質匱乏, 但心靈卻充實的生活, 使大家更珍惜今天所有, 更珍惜眼前人   

好可惜同期出現的黃大仙帖, 東頭村帖, 老虎岩帖都相繼凋零, 真可惜......

引用:

原帖由 ifox 於 2010-3-15 09:21 發表


咁小弟以前成日去對住五座果間係叫「富昌」啦，
多謝晒兩位o既資料...      

小弟最記得係果度o既菠蘿油同忌廉溝鮮奶，
雖然依家仲有食，但覺得始終以前係好味o的...     :l ...

富昌隔離係唔係有間富華文具(書局?), 當年去書局唔係佢就係人人了, 當時富華有很多模型紙樣咭紙, 經剪剪貼貼之後, 可做出戰艦, 飛機, 坦克, 好過癮.

引用:

原帖由 舊足跡 於 2010-3-17 20:33 發表


正如日子在轉,轉,轉.

大家又估吓這是那一座?

多謝舊足跡兄的新相, 這裡好熟面口, 有標準校服, 有xx 辦事處, 有盞紅綠燈, 應是兩座間隔條馬路, 看來似是第4座, 相片則由第五座影過去, xx辦事處後來變咗渣打，　標準校服去向不明．.

[ 本帖最後由 lamlamchem 於 2010-3-17 21:01 編輯 ]

引用:

原帖由 舊足跡 於 2010-3-17 20:56 發表


林兄,

收到我訊息嗎?

收到 , 先謝!! 呢輪少上黎, 好似多咗街坊, 在此順道問候各位新舊街坊. 剛剛知道永利街得以保留, 而我們的永利街已消失得無影無踪, 使我更覺這處珍貴.

引用:

原帖由 林八八 於 2010-3-16 06:18 發表


在新加坡見過一個雷達，有 d 相似，又係不停咁轉‥轉‥‥

呢個都幾近磅.

引用:

原帖由 舊足跡 於 2010-3-26 23:07 發表
基心校友,可以去看看,都幾精彩!

http://alumni.keisum.edu.hk/index.php/zh/2009-05-09-12-00-31?func=viewcategory&catid=15

基心校友真幸福, 有咁多相睇, 一照勝千言, 這麼近, 那麼遠, 小弟的美基與舊足跡的萬慈小學已消失到無影無踪, 亦只能在記憶邊緣回味, 這麼近, 那麼遠.

這是約一年前眾街坊集體智慧/回憶的成果, 現時有d新街坊光臨, 唔知大家有無d新野 update 吓呢??

第   1 A座   地下：商舖、屋邨辦事處　　天台：信生小學
第   2 B座   地下：商舖　　　　　　　　天台：伯特利小學
第   3 C座   地下：商舖　　　　　　　　天台：使徒信心會小學
第   4 D座   地下：商舖　　　　　　　　天台：神召會華惠小學
第   5 E座   地下：博智小學　　　　　　天台：
第   6 F座   地下：基英小學　　　　　　天台：
第   7 H座   地下：三樂小學　　　　　　天台：聖基/使徙信心會幼稚園
第   8 J座   地下：聖公會基心小學　　　天台：中華傳道會拔士小學
第   9 K座   地下：萬慈小學　　　　　　天台：中道小學        
第 10 L座   地下：商舖　　　　　　　　天台：信義小學
第 11 M座   地下：商舖　　　　　　　　天台：道教萬德幼稚園塈小學
第 12 N座   地下：商舖　　　　　　　　天台：伯大尼
第 13 O座   地下：商舖、職業先修學校　天台：慈孝學校、育英小學
第 14 P座   地下：商舖　　　　　　　　天台：康樂小學
第 15 Q座   地下：商舖　　　　　　　　天台：神秘車衣工場
第 16 R座   地下：商舖　　　　　　　　天台：眉山小學        
第 17 S座   地下：聖博德掌區辦事處　　天台：聖博德彌撒中心
　　　　　　　　托兒所　　　　　　　　　　幼稚園
第 18 T座   地下：樂善堂小學　　　　　天台：
第 19 U座   地下：循道小學　　　　　　天台：循道教會活動中心及團契
第 20 V座   地下：商舖　　　　　　　　天台：飛鵬小學        
第 21 W座   地下：商舖　　　　　　　　天台：基督嘉音小學
第 22 X座   地下：商舖　　　　　　　　天台：神召會美基小學        
第 23 Y座   地下：商舖　　　　　　　　天台：宣道會宣恩小學                           
第 24 Z座   地下：商舖　　　　　　　　天台：錫安傳道會幼稚園,職業訓練中心
第 25 AA座   地下：商舖　　　　　　　　天台：YMCA香港中華基督教青年會  
第 26 BB座   地下：五邑幼稚園　　　　　天台 : 紫陽學校
                          天保民學校[唐氏綜合症]學生..  
                          基督教學童修車工場..

睇黎富美街以北除左２０座之外都做晒機構學校（第８座後來做左住宅）

[ 本帖最後由 lamlamchem 於 2010-3-30 21:59 編輯 ]

引用:

原帖由 19座 於 2010-4-8 22:59 發表
正在努力重溫, 去到30版........

歡迎你, 19座兄, 若在重溫時醒起d 乜, 一齊攞黎傾吓啦.

引用:

原帖由 ifox 於 2010-4-9 17:28 發表
小弟搵到兩張九龍仔雷達山o既相，
係1967年12月3日影...

終於見回雷達真身, 這麼近, 那麼遠, 真覺時光飛逝, God job.

引用:

原帖由 wither_wood 於 2010-4-22 02:27 發表

很感動! 直到今天我才知道那麼多天台小學在橫頭磡邨出現。

我也曾在美基小學就讀。很懷念那些無憂無慮的日子。

歡迎加入齊齊聚腳, 我也是美基校友, 74 畢業, 你又是邊年畢業呢?, 回想美基的日子真是快樂, 朋友多, 一齊在天台操場踢西瓜波, 個波飛落街大家一同歡呼的情境, 現在回想也覺過癮

引用:

原帖由 ifox 於 2010-5-4 10:05 發表
仲有係富美街同橫頭磡東道交界十座轉彎位個紅色消防水龍頭幾十年來都應該係同一個，
小弟細個時經常坐呢個水龍頭，因為由街市返九座時行得比阿媽快，通常坐係個水龍頭等埋佢...
依家有機會返橫頭磡時經過個水龍頭都 ...

我也有類似經驗, 但我則多數在20座波地馬騮架等老媽子放工, 你就好啦, 水龍頭還在, 波地個馬騮架已煙消雲散了....

富美街依舊, 樓面全非.

[ 本帖最後由 lamlamchem 於 2010-5-4 22:25 編輯 ]

其實有無街坊知道圖中的報紙檔係唔係原來嗰檔或者係有無關係呢?? 我估檔報紙檔應是我們集體回憶的一部份, 當年我d 金報, 生報, 小流氓, 龍虎門都是幫襯佢買的..

[ 本帖最後由 lamlamchem 於 2010-5-4 22:33 編輯 ]

引用:

原帖由 Fngai 於 2010-5-2 12:26 發表
誰有1970前的這些照片 ? 我現在大量用高清拍攝
留給我們的後代2050年討論

這幅相角度有d 似, 留意余近卿, 潔心, 及整個摩士都未起...

而聖博德小學是本區最高建築物.

[ 本帖最後由 lamlamchem 於 2010-5-4 22:55 編輯 ]

引用:

原帖由 tchwpsa035 於 2010-5-5 18:46 發表



絕對有此可能, 誠意邀請樓主 Mr. lamlamchem
付諸實行, 出版一本橫頭磡的集體回憶, 並由各位
超級 fans  輔助, 如:  Mr .舊足跡, Mr. 吳講得, Mr. ifox  
及  Mr. nihoima .......... 等等, 憑這個超級組合 ...

唉, 小弟不才, 開個 forum 其實重拾一當年的生活點滴, 估唔到各位街坊咁有共鳴, 或許現實實在太迫人, 有些價值, 人與人的互助互信, 單純的相處, 自在的生活與嬉戲模式,  好像從不存在或已被人扭曲, 當感失望之際, 原來我們曾經擁有, 只不過已在記憶邊緣, 小弟不過想拋磚引玉, 將這些邊緣記憶整理回味一吓, 活化這些差點給遺忘的東西與價值, 讓大家更懂得珍惜眼前人, 事, 於願足矣!! 出書的事, 有意思, 但還是順其自然吧.

又一幅珍藏呀.....

萬家燈火, 此情可待成追憶!! 直教我想起當年第二, 三座單邊向橫頭磡東道排排坐, 食宵夜的日子.

引用:

原帖由 後生仔 於 2010-5-6 17:51 發表
12B 這裡似深水埗

我都覺似, 左上角座野有d 似明愛, 我都估係 12B

引用:

原帖由 發記大排檔 於 2010-5-7 12:45 發表

有中華巴士LOGO,而又關橫頭磡既, 我估 103!!

超同意!! 架巴士仲似乎行緊條天橋, 咁就入緊海隧了.

小弟又喺高登搵到段料:
"面對著小巴合法化所帶來的競爭，1970年1月，當時的中巴交通經理李日新先生提議全面引入雙層巴士行走山區路線，並向有關當局提出申請。同時，中巴因應提議，替兩部「佳牌」亞拉伯五型30呎雙層巴士----AH4008(LX1) & AH4009(LX2)，試驗性裝上大馬力的「吉拿」6LX引擎，馬力達135匹，取代原來馬力較低，只有112匹的6LW引擎，以評估雙層巴士行走斜路和半山區的表現。......其後，當有「LW」被更換引擎，巴士的編號隨即便會從新編制為「LX」。中巴為了把「LW」和「LX」作出分野，除了使用車隊編制外，還以不同顏色的水箱欄柵來幫助員工區別兩車。中巴為「LX」的水箱欄柵髹上奶白(忌廉)色，而「LW」的水箱欄則保留紅色示人。


LX2為首兩部於1970年安裝大馬力的6LX引擎的30呎長雙層巴士之一。1972年海底隧道通車，大馬力的LX正好行走需途經紅綿道、花園道的103號線。"

我想, 這正是相片中的 AH4009

[ 本帖最後由 lamlamchem 於 2010-5-7 16:57 編輯 ]

引用:

原帖由 發記大排檔 於 2010-5-7 12:44 發表
見到呢張相,諗起第4座落第3座樓梯第一鋪綠屋仔既碗仔翅,粉仔,薄餐,好好味,正是當時細路仔既美食!!

d 碗仔翅,薄餐我都試過, 但食完始終要去第一, 二座中間食冰, 諗起都覺正.

引用:

原帖由 tchwpsa035 於 2010-5-12 19:09 發表



謝謝 ifox  兄 ! 母校終要結束, 有點欷噓, 以後想找尋回憶就更難了.

這是 " 歲月神偷 " 中出現的天台小學, 片中講述這是
深水步天台學校.

http://farm2.static.flickr.com/1393/4601172018_cde2e960a9_ ...

真可惜, 又一個 街坊心中的 icon 消失了, 基心校友定要珍惜這個聚餐.... 話時話, 不經不覺本主題發帖數突破 2000 大關, 閱讀人次也剛突破 11000 (嘩... ), 真是多謝各位街坊的支持, 不吝寫上各式各樣的街坊日子點滴, 但願不久會有 突破 4000 , 6000, 一萬..... 的日子

[ 本帖最後由 lamlamchem 於 2010-5-12 21:59 編輯 ]

引用:

原帖由 yesterdaywth 於 2010-5-29 23:58 發表



童年的你，必定天真可愛，
         看你今日充滿神采。
         成長中 從未變改
         童年現在，一般可愛  

雲絲頓袋有兩種, 有防水及透水, 防水欵去海灘一流, 仲好似可以吹漲做水泡, 除此以外, 泛美袋也是一絕, 也是身份象徵, 初期真係要搭飛機先有, 非富則貴呀. 走筆至此, 忽然想起 哈哈笑, 搖搖, 的噠球,  荷蘭水蓋飛輪..... 橫頭磡真係好好玩.

引用:

原帖由 amy2010 於 2010-6-17 18:01 發表
hi 街坊
我三樓住過.
八樓住過.
我要找找相片,
好像75或76.h:" /> h:" />

歡迎 amy2010 , mr-k, sk2010 幾位舊街坊, 希望你們在這裡找到那差不多在失去邊緣的回憶, 講到馬會, 最大的回憶是排隊, 包括攞籌, 見醫師, 打霍亂針都要排隊, 至於馬會橋的鈄坡, 幾好爬, 可用來練吓膽, 再上雷達山玩.

我都覺係 75 年 五月五日事頭婆訪港第二日的活動, 參觀摩士. Thanks for posting

根據以下剪報, 參觀摩士乃當天上午 10:35 分的活動, 行程還包括 "漫步橫頭磡" 唔知當時有無街坊有幸被寵幸呢?

[ 本帖最後由 lamlamchem 於 2010-8-18 23:01 編輯 ]

可以盛裝大搖大擺在摩士池邊散步, 都算巴閉.