點為之唔夠班呢？唔夠貴？唔夠平？唔夠重？唔夠輕？外形唔夠靚？
還是影出來的畫質？
請師兄指點,一開矛塞,咁就功德無量了！

版主請放心,大家理性討論,點會有罵戰呢？
對135機的zoom鏡唔係咁熟,見到呢個post,先至加入討論啫.

請讓我表明,我並無 nikon 或 canon 相機,只是想了解呢幾支 zoom 鏡的質素.
所以在我來說,一定冇品牌之爭,同其他爭拗.
只為求知而己.

師兄你好,135機係用 leica m3 菲林機,有三支 summicron F2 的35mm 50mm 90mm.
120菲林機用 hasselblad 500cm .有50mm F4,80MM F2.8,150MM F4.
但現時菲林,相紙,藥料,經常冇貨,乜都要訂,有消息話,可能停產添.
在這數碼洪流下,想轉吓口味,從未玩過zoom鏡,見有師兄討論,好有興趣知多d啫.

師兄太客氣了,呢d機在70年代買落,用到而家,都三十多年了.
數碼135機心目中有 leica m8, 120機有  leaf 數碼機背.
因已有鏡頭,唔使買.
如果轉玩日本機,我會揀 d3 ,因朋友中有人玩 1ds ,有人玩 d3, 都揸過上手,覺得 d3 好有手感.
操控比較就手.但就要重新買過哂d鏡頭.

呢兩日去咗朋友的workshop睇過,親身體驗了48mmx36mm數碼背的威力.
就算d3,1ds,135全片幅完全冇得揮.
叠埋心水買個數碼背好了.

想WIDE好易,搵架搖頭機就得,有120,135,影到140度,仲唔變形添.

我以前都用SINAR P 搵食,但近幾年好少用了.

睇過LEAF APTUS的數碼背,可以用ADAPTALL用落SINAR,HASSELBAL,RB67.但最平都要成拾萬元,頭痛中！

真係失禮,我影咗幾十年嘢,從來都冇諗過要d咩同影d咩.
正職就編導做主,秘撈都係,或由出錢的老細作主.
而家退休啦,應可以諗吓喇！

引用:

原帖由 無心 於 2008-3-11 22:45 發表


我影咗幾十年嘢 <---well..都話左我未出世師兄已經影緊相ga la....

都係搵兩餐啫,1968年入咗某電視臺做硬照佬,三年後轉16mm菲林電影機攝影師.
80年代,全面改用betacam.直到高清,都成40年喇,要退休了.

題外話,請勿怪我老氣橫揪.
師兄咁年輕,17歲,應該還在求學階段,課餘影吓相不失為減壓方法.
請以學業為重,讀書排第一.

其實我冇乜料架,得個影字,有好多嘢都條知其然而不知其所以然.
如想在攝影發展,可修讀有關課程,如中大,浸大的傳理系.演藝學院的影視制作.
畢業後可做藝員,記者,主播,攝影師,編導,最高境界係做導演,悲歡離合,千軍萬馬,一切都在自己操控之中.
你話幾有成功感呢！