呵呵，sailor 哥，你咁醒目，唔駛食屎都大把豆食啦。

福榮街有一段專賣玩具，有一玩具店叫精品，可能成日被人偷送貨用的板車，於是立下一如此悲壯的毒咒，看來都無乜人敢偷了，但我估計好快會被一個女賊偷了。

引用:

原帖由 mtpen 於 2015-3-10 09:15 發表



嘩, 理兄, 女賊偷了會否爛那甚麼東或西？

啊，純粹作字面解釋，都無，咪無得爛囉，即係就算偷左車都乜事都無。

引用:

原帖由 1149 於 2015-3-18 17:56 發表
一大堆人要我養,仔細老婆嫩,要回流談何容易,

住家要重新裝潢,四樓大露台想加建到五樓頂,
架設鷹架後隔壁來抗議,第二天又把鷹架拆除,
改用吊車,又多花一筆,預計要兩個月,,煩死啦,

49大夫，無乜野都唔好回流矣，香港地就來唔係人住的地方了。

筆兄，49大夫，講開呢間樓仔的天價，的確令年青人心碎，你叫佢地點買樓? 首期四成要312萬，連稅及裝修，無四百萬想都唔駛想。仲未計日後要供到氣咳。

個名叫薈臻，十足豪宅咁款，實際上是在西區一條橫街叫桂香街的屋"霖" 中，桂香就無喇，夜香就大把，樓下正正有個公廁，樓下對面仲有魚翅鋪，非常之臭，街口有燒臘工場及飯店，真係百味交集，都唔知點解咁貴都有人要。

西環的樓不嬲都唔駛用靚料，淨係得一個賣點，就係名校網，夠殺啦。

引用:

原帖由 1149 於 2015-4-8 17:31 發表
東京賞櫻團一行27人,導遊小玲,35歲,
活潑漂亮,台灣大學畢業即單槍匹馬勇闖日本
找工作,先在大酒店工作幾年,後改當導遊,
嫁了北海道日本人,平常,台灣,大阪兩邊住,

49大夫，有報導說強國人逼爆日本賞櫻的地方，當真?

49大夫，你去日本看櫻花，小弟去武漢也是想看櫻花，但4月1日去到，花都凋謝晒，得返幾棵仲有些少，聊勝於無，唯有四圍在武漢大學巡視一下，大學有些建築是民國時代遺留下來，頗有歷史價值。

大學宿舍就簡陋些少了，武漢夏天好熱，學生們會比較辛苦了，香港今年大概有200個學生在武大就讀，唔知駛唔駛自己洗衫，仲掛埋萬國旗呢?

落雨斯濕，無乜好影，得呢幾張。

[ 本帖最後由 理魯竇 於 2015-4-12 13:36 編輯 ]

順帶一提，武漢的發展一日千里，我上一次去是2010年，武漢只有一條短短的地鐵在長江對岸，不成氣候，但到今年已經開通了三條地鐵線，貫通城區和所有重要火車站，其車站數目和營運里數已超越香港，即是他這幾年間鐵路的發展已等於香港幾十年的發展，利害，

小時候是一個街童，但仍然有機會讀書，有些時候見到某後巷有一家人，他們搭些臨時屋居住，有一對小兄弟很得意，經常坐在媽媽身邊，幫手做外發加工，他們的媽媽經常同人講不給他們讀書，早點出來社會工作。當小兄弟到了童工年齡，媽媽真的叫他們去區內的飯店做細路，負責傳菜，如是者一路在區內做一些低下工作，其中一位比我小五歲，但看起來非常蒼老。

最近見到他一間叫金士餅店工作，但因業主大幅加租而結業，報章亦有報導過。失業後他唯有在區內作清潔工人，一星期前經姐姐介紹，在區內一潮州人粉麵做送外賣，曾經送過外賣到我家，我見到了亦感到唏噓不已。

今天看到報章有一交通意外，死者情況和我以上所說頗相近，我心感到不妙，下樓問一問街坊，不幸地果然是他，才57歲，這樣便結束短暫的一生。

人說知識可以改變命運，但他從來沒有這些機會，奈何。

[ 本帖最後由 理魯竇 於 2015-4-22 17:40 編輯 ]

我九年前退休後，由青衣搬回西營盤，不是想懷舊，而是方便我老婆照顧雙方的老人家。在這區前後生活了60多年，經常見到兒時的相識，大家都已經華老去，白髮蒼蒼，大多相見不相識，只覺時光飛逝。

有些由細玩埋一起的，己經不認識了，甚至連名都唔記得，有一位亞伯同我差不多年紀，染了一過個怪病，不能彎腰，眼也看不清楚，但兩公婆自食其力，在正街屈臣氏經營報紙檔，但有一次，佢老婆在香港仔因為趕住出來開檔，被一輛小巴撞死。此後他便只得一個人獨自出來開檔，但他不能彎腰，只有每天靠親友幫手開檔收檔，過了幾個月，報攤無開了，後來全部都清理移除了，我想都唔慌會係好野。

無辦法，That is life.

報紙檔都分有旺有淡，一哥所指是不是裕民坊銀行門口那一檔，個一檔就梗係發喇，按市值每月租金起碼值幾十萬。我聽舊同事講開頭銀行經理不許他們在門口擺檔，因霸佔了門口阻住做生意，後來換了一個經理較仁慈，由得佢地，點知越霸越大，簡直喧賓奪主，到了後來變了奉旨。

到了我當政時代，都只能低聲下氣叫佢地唔好將報紙雜誌堵塞走火通道，真係唔知乜野世界。現在要重建，唔知個巨型報攤現在係點?搬去邊?

西營盤通了地鐵，影響逐漸呈現，地鋪值錢，業主善價而沽，區內唯一蛇店因業主收鋪，做埋今晚就關門，我都要幫襯埋這碗最後的蛇羹，店主話臨別秋波，收平二蚊，盛惠36元，有緣再見。

[ 本帖最後由 理魯竇 於 2015-4-26 01:05 編輯 ]

引用:

原帖由 1149 於 2015-4-28 18:30 發表
台中一豪宅,母子三人燒炭身亡,
母75歲,亡夫留下遺產,
長子49歲,腦性麻痺,
次子數年前自殺身亡,
三子47歲,沉迷網路啃老族,兩年前以豪宅向銀行
借9百多萬,買84萬的轎車,錢花光無力償還,
房子被法拍,只有死路一條 ...

我入銀行打工，老細就話俾我知，拿亞媽層樓來按，多數係強制收樓收場，真係鋪鋪都中。

不過49大夫講呢鋪仲大劑，多左三條鹹魚。

引用:

原帖由 tiutiu111 於 2015-4-28 23:33 發表



理兄你老細經驗老到，願意傳授比後輩真唔話得！小弟聽聽埋埋此等個案，真是十之有9，搖頭嘆息！

患白內障的7旬老翁，稱妻子患肌萎縮性脊髓側索硬化性，而二人的33歲建築師兒子，乘他們「老眼昏花」看不到文件，於前年1月以向稅務局申請父母免稅額為由，讓他們簽下文件，同意交出老翁名下的公屋單位，讓兒子入綠表購買綠悠雅苑單位。兒子又於前年年中以辦婚宴為名向老翁取得12萬。至去年5月收到通知房委會通知接納其子買屋申請，要求兩老在兒子獲分配綠悠雅苑單位後60日內遷出公屋，他才知悉被兒子欺騙。

老翁其後去信房協及房委會，指兒子作虛假描述，要求撤銷兒子綠表申請，惟今年4月遭拒。

原告秦細華（譯音），今年76歲，現入稟高等法院申請司法覆核，挑戰香港房屋協會及香港房屋委員會拒絕其申請之決定。原告在入稟狀指，他揭發事件後質問兒子秦國桐（譯者），兒子不但沒道歉，亦拒絕收回綠表申請。

香港地好多時就係為了一斗室便弄至親朋反目，人性扭曲。

筆兄，小弟記得，但最後結果係點呢?

洗耳恭聽..................。

引用:

原帖由 mtpen 於 2015-5-12 15:08 發表


既蒙3721兄不棄, 欣賞在下之posts , 令我即時摷獲同一時期筆嬸著住同一件單吊衫拍下之家居照供兄參考, 以示室雅何需大耶!
此乃西灣河新成街新成中心建築面積343呎, yes, I repeat, 343呎「建築面積 ...

筆兄不宜妄自菲薄，那些年買到樓都已係青年才俊矣，343呎都唔太細了，再睇多次我上次介紹個一間桂香街迷你樓，你個間新成中心一點也不失禮啊。

真湊巧，今日由元朗返西環，落車後有一同車靚女問我桂香街係邊度，我即刻問佢是不是睇毫宅，她說是，問我點知，我話唔係睇樓邊度有人去到這橫街窄巷，佢笑笑口，原來佢真係帶個客由元朗來睇樓。

引用:

原帖由 1149 於 2015-5-22 17:41 發表
南韓確診三名感染MERS(Middle-East Respiratory
Syndrome),又叫新SARS,同屬冠狀病毒,2012於中東爆發,
傳染率弱,但死亡率高,2012至今共1142病例,465死亡,
死亡率40%比SARS高,
千萬不要去中東為妙,

大吉利是，上個月去完武漢之後，又去了中東迪拜，好在無騎駱駝。

講起迪拜就激氣，那些中東佬做事慢條斯理，我用了兩個半小時才過到關，平均每五分鐘才處理到一個入境遊客，下次都咪攪我。

迪拜的普通工作全部由外勞包辦，售貨員快餐店多數是菲律賓，的士司機多數是來自非州，印度，巴基斯坦，孟加拉，建築工人唔在光講，總之無一個係本地人，阿拉伯佬都唔知去晒邊，一定係匿埋嘆世界。

初去迪拜以為係大男人主義的地方，但又唔係喔，地鐵設有Golden Class專用車廂，多數在頭一卡半，專供婦孺使用。就算巴士也是一樣，頭那幾行是女士專用，麻甩佬要在碌棍後面的座位坐，幾好啊。

[ 本帖最後由 理魯竇 於 2015-5-25 13:53 編輯 ]

引用:

原帖由 1149 於 2015-5-27 16:44 發表
暑假本想去中東,杜拜,
看看黃金堆積當爛銅賣的境況,
MERS爆發,
害我不能去了,

暑假千祈唔好去杜拜，因為熱都熱死，一個在當地五星酒店工作了多年的大廚話我知，當地天文台就算幾熱最多都係報48，49度，因為一到50度好多建築地盤要停工，你懂的。

引用:

原帖由 mtpen 於 2015-5-26 10:47 發表

水哥以至理兄因公幹而去呢亭生番區，可以理解！但在下絕不會去的，明知道不同，費事唔開心喔！橫惦世上還有大把好地方等住我去玩呢！

筆兄，小弟食榖種都九年了，邊有資格去公幹丫，只不過是剛剛有老友在那邊公幹，可以黐免費住房，另外個女同我攪張特平家屬機票，先至去得成。

今次去杜拜順道探一探一多年老友，在那邊開了一間按摩店，睇下乜野環境。

杜拜的建設多如牛毛，建築新穎，這只不過是其中一堆，但究竟用唔用得晒，天曉得?

引用:

原帖由 1149 於 2015-5-28 19:36 發表
理兄有沒有杜拜的國民住宅,po一下,
樣我們羨慕一下,

49大夫，杜拜的屋真係起得唔錯，真令我們香港人羨慕也來不及。

這是我朋友開按摩店的地方，左邊是地鐵站，樓上是住宅，地下是店鋪，但也很清靜。店鋪面積很大，有十間房，但生意一般，用唔晒。由於住宅租金貴，全店人員都是偷偷的住在店內，不能煮食，所以每天都食外賣快餐，生活也頗艱苦。