網友卡達菲晌另一條 thread 咁講 :

一個憑颠覆得來的權力,
就當然會怕被颠覆啦....
因為這是羅輯的推論...


果條 thread 可能係主題為投票 thread
顯示出嚟嘅版面好唔容易睇
我就索性另開一 thread 討論

地球上有邊個國家唔怕政權被顛覆 ?
又有幾多國家唔係靠顛覆舊政權而建立新政權 ?

遠嘅有法國大革命推翻路易皇朝建立共和國
近嘅有美國趕走英國佬建立美利堅合眾國
再近嘅有國民黨推翻清朝建立中華民國
然後就共產黨趕走國民黨.....

到今時今日
依然有推翻舊政權去建立新政權嘅活動
遠就唔好講
前幾年泰國軍方政變推翻他信政府
再選舉後又係他信系上台
於是再嚟個黃衫軍....
再近 d 有吉爾吉斯
都家下仲未知結果會變成點

如果涉及外國勢力插手嘅顛覆
主要分兩種
一種係外國勢力自己赤裸裸以暴力顛覆
例如南斯拉夫、伊拉克、阿富汗
另一種係幕後支持
呢種叫顏色革命

咁係咪所謂民主西方大國就唔怕人顛覆現政權 ?

你試吓去歐美各國建立推翻現政權 / 體制嘅組織
睇吓點.....   

我呢條 thread 要講嘅重點係 你嘅 "邏輯"
" 一個憑颠覆得來的權力,
就當然會怕被颠覆啦.... "

無論係所謂 "顛覆" 得來嘅政權定係所謂選出來嘅政權
都唔會容忍有人企圖顛覆現政權
人類文明史中百年算得咩 ?
所謂選舉政治不過短短二百幾年
帝制都幾千年歷史啦
要強詞奪理夠可以話帝制比議會制優性﹐唔係點會全人類行呢個制度幾千年 ?

而且你所謂 " 憑颠覆得來的權力 " ...
不過自以為聰明去醜化中共
其實一樣可以指向推翻清朝嘅國民黨
更不堪係靠搶番嚟嘅殖民地政府 ~~ 唔同靠搶番嚟嘅政權又好有合理性 ? 唔怕被人顛覆 ?

至於你下面一堆咩..
" 人民可用投票方式去選取另一個認為較好的政權.."
阿 A 做得唔好我地就下次選 阿 B....
呢 d 講到悶﹐用嚟呃吓腦殘民主紅衛兵嘅選舉偉論
就跟你講嘅所謂 "邏輯" 無關
恕不討論   

[ 本帖最後由 飛毛腿 於 2010-7-13 18:27 編輯 ]

西得過逼人地國家打開大門
賣鴉片去平衡貿易逆差 ?
~ 而自己國內就唔准合法買賣鴉片
西得過去非洲打野豬咁捉 d 黑人
然後當雞鴨豬牛咁運去新大陸買賣 ?
西得過睇中所謂新大陸
派兵去屠殺當地土人
將當地土地資源通通列入皇家財富

販毒、販賣人口﹐殺人放火搶地...
咁算唔算西政權 ?
如果咁都唔算西....
原來共產黨做過嘅嘢更西 ....  


[ 本帖最後由 飛毛腿 於 2010-7-14 20:34 編輯 ]