講開四哥，唔爭在又又又又講理另一位「終生學習對像」- 華仔 ！再過多兩年，佢亦踏入「知天命」之年矣，但依然厲害喎，今年賀歲片，阿華哥仍仍仍仍仍仍仍仍然同年輕的舒淇演出《游龍戲鳳》 … 勁 ... ！！小弟相信佢亦將會步阿四哥後塵，廿年後阿「華仔」亦一如既往，同一 D 廿餘歲鬆 D 嘅女演員拍檔！！





話說大台曾經找過華仔拍電視劇，但遭佢拒絕，點解吖？佢話：「有冇攪錯？搵我做老豆角色，我而家好老咩！！」 … 嘩、嘩、嘩，呢個「永遠要做華仔」嘅心瘴佢唔知幾時先至打得開 ！！


剛剛在澳門《左麟右李》演唱會中客串，仍然跳跳紮！！相信版友中多有和劉德華同一年代之人，「撫心自問」有冇佢操得咁 fit 吖 … … ！！

Good night !



[ 本帖最後由 tangkennis 於 2009-2-8 22:13 編輯 ]

引用:

原帖由 wai1960 於 2009-2-9 01:20 發表
劉德華就是以一種不能衰給人看的心態，一直支撐到現在。
這也是他成功的動力。

同意！

阿華哥接受梁寶華訪問時，回想起當年被大台雪藏時的經過！不甘被簽五年長約，至被迫投閒置散；《鹿鼎記》中，原本是劉德華做小寶的，後來被降做第二主角康熙；梁朝偉肯就範，就做了主角了！！假若阿華哥當年都肯就範，而家做色戒/赤壁的可能不是梁朝偉了 ！！






咁多年下來佢闖出來的成績和有今天的成就，都是有目共睹呢。執著又好，堅持又好，咁有鬥心，亦都是值得我們學習呢 ！！有一樣野我真的好服，我從來冇覺得佢唱歌好聽 ！咁多年來佢孜孜不倦、從不氣餒，繼續出碟、登台、開演唱會，真係好服佢 ！！




晚安！

今晚網上閱報，又見到阿華哥，「欲罷不能」，再講！ 見他戴上一副黑框大邊眼鏡，不是時下流行款式，是「文藝青年型」。



類似以前貼過一張俞明哥的那種眼鏡，真的是古老當時興！

咁大家又記唔記得阿華哥初初出道時係戴邊款眼鏡架？ 小弟以前戴嗰副眼鏡就係呢一款喇，一模一樣，以前好興架 ... ...！！

型呵 ... ...！！




晚安！

引用:

原帖由 comm 於 2009-2-10 23:38 發表

阿龍哥呢款眼鏡係當年必備「潮物」呵 ！小朋友大朋友個個都好想似阿李小龍咁威架嘛 ；兩舊胸肌六舊腹肌就好難似喇，買副眼鏡扮下容易得多 ！！

我比較喜歡他留了鬍鬚的扮相，特別有型 ，大概在71年他拍罷《唐山大兄》後與家人朋友郊遊拍下此照，一招橫掃千軍，躊躇滿志 …

引用:

原帖由 wai1960 於 2009-2-11 17:55 發表

真的是華迷，其實劉德華和梁朝偉是不同的型態人物，各有各際遇，而梁朝偉的桃花眼是最大的助力。

梁朝偉對眼好迷人？唔係好覺添 ！！咁 … 點都唔及阿瑞偉哥嘅 ... ...！！

華仔迷我就不算係喇，佢以前後生都有點 baby fat 架，呢個 look 比較少見！




中年以後佢都操得咁 fit，就真係好嘢！唉 ... 靚仔有型就永遠都及不上他了，唯有在體格身型上向他好好學習！！




晚安 ... ...！！

[ 本帖最後由 tangkennis 於 2009-2-12 19:20 編輯 ]

引用:

原帖由 comm 於 2009-2-14 20:12 發表
華仔呢個 look 比較少見！
baby fat

的確少見，拍此照時可能仲未係新蒲崗可立中學畢業吖！！

阿朝偉哥真係要好好注意保養呵，五虎之中佢最後生，但係呢張日前近照顯得佢唔係好掂，眼神點樣煞食都冇用 …

見 Ali 君在隔籬版 tvpudding 貼了張林翠姐的「豔照」，勾起少少記憶，在此寫幾句… (隔籬版雖亦是高手如雲，但人氣不盛，想必高人多內儉而鮮出手，只有小弟般的半桶水先至經常吹水 ！)

這張相來自一部「日港交流」的電影，1966 年松竹制作，日港演員合演，在香港亦作取景拍攝的一部電影，叫《神火 101》/ 《神火101 殺しの用心棒》。

小弟記得大台曾播過，起碼兩次(小弟兩次都有睇)，應該係 70年代時某星期六中午時份播出 … 當時螢光幕上甫一出現男主角，小弟和舍妹都「驚訝」地叫了出來！！是… 竹脇無我 … 好靚仔吖 ！！！！！！時光飛逝，很多細節都記不起了，林翠姐有沒有穿三點式泳衣小弟就不記得，但記得她有包住條大浴巾的出浴鏡頭，只此而矣。另外有不少鏡頭在避風塘和舊唐樓(可能係油麻地或深水埗)拍攝，小弟亦想找回這部電影的 DVD 看下，不過好像還未有出呢。

不太似竹脇無我 ... 藝術加工太甚 ！！



[ 本帖最後由 tangkennis 於 2009-2-16 19:09 編輯 ]

當年偶像之今昔 … 其實大家亦毋須特別在意要去比較或知道些什麼的，對鏡自影，亦知道光陰之荏苒已 ... ... ！！！！！！



晚安！

阿三哥日前又有一張近照登報，同太座戚美珍齊到圓玄學院攝太歲云云。以三哥呢種狀態，在五虎之中都算 keep 得唔錯 ！




[ 本帖最後由 tangkennis 於 2009-2-18 22:07 編輯 ]

好耐冇玩猜估遊戲，又要返回本題主旨了 ！

七十年代喜愛睇功夫片的版友對以下三人都唔會感到陌生吧！！小弟係唔識出深題目嘅 … …！！



[ 本帖最後由 tangkennis 於 2009-2-18 22:06 編輯 ]

咁呢兩位樣貌標緻的妙齡少女   ，大家又認唔認得吖？






晚安！

引用:

原帖由 comm 於 2009-2-18 23:26 發表
tangkennis兄
你Capture出來的DVD picture 比例變了?
試吓我的衛星邵氏舊片每天放送:33

關於擷圖有變形之事，小弟一向有留意到；小弟是用 PowerDVD player 在電腦上去播放 DVD 影碟，它本身有一個擷圖 Capture 功能，按一下便成，然後在小畫家 (Paint) 上 Edit+Paste 並把它貯存下來 … 其實在 Paint 上小弟已經發覺 aspect ratio 有走樣的情況發生，但見人物樣貌仍可辨認，故此並無深究了 …





見君貼出天映/邵氏懷舊名片，小弟只有莫名的羨慕 … 想我蝸居南陲，物離鄉貴，想買這些懷舊影片，只能待每次回港省親時去稍為添置一下(網上購買食水仲深 ！！) ，唉，每隻港幣八十五大元，從櫃架上拿來看的就很多亦很想買，但每次去收銀處畀錢還只是一、兩隻，好貴唔捨得買吖… 陰公 ！

[ 本帖最後由 tangkennis 於 2009-2-21 22:50 編輯 ]

引用:

原帖由 comm 於 2009-2-20 20:31 發表
猜估電影?

又吹下水先 。

小弟在未懂事以前，「被迫」與電視為伍，文藝愛情、歌唱綜合、輕鬆喜劇、偵探推理、警匪黑幫、功夫武打 … 什麼類型的都照單全收。正是有詩為証   ：

公仔箱前飽三餐，
麗的無線共時艱；
自細家貧書少讀，
佳視一別意闌珊。



但自從懂事以後自已識揸主意，睇戲睇襯幾乎都係功夫技擊(即係打打殺殺 ！)，文藝愛情嘅就吾睇(講情講塔就最怕 ！！) 。見君貼出的電影想必是文藝言情，小弟不識了，就要看看其它版友呢。以前有版友pashwawa兄有一主題專事競猜電影遊戲，是高手中之高手，但近來亦鮮見他露面了。



[ 本帖最後由 tangkennis 於 2009-2-23 18:54 編輯 ]

引用:

原帖由 foursea 於 2009-2-19 11:28 發表
馮克安 (馮寶寶兄長)
梁嘉仁 (
王龍威

引用:

原帖由 mandy 於 2009-2-19 19:57 發表 左為陳依齡，右是袁曼姿

foursea 君和 mandy 君兩位都非常厲害，全中吖 ！

晚安！

[ 本帖最後由 tangkennis 於 2009-2-21 22:56 編輯 ]

在網上有關馮克安的資料也有，但並不很多。 如foursea 君所言，多帶出其馮氏乃演藝之家也。

阿克安哥在銀幕上身手不凡，網上說他是京劇訓練出身，其後有沒有拜師練武，未見其詳；小弟亦不能洞悉他師承何派，但靈活矯健是絕對肯定的 ！

此圖來自電影《贊先生與找錢華》- DVD普通版(畫質比較差 )，他飾演奸老闆，卻原來是功夫高手。但凡功夫片中的少林叛徒、朝廷鷹犬或奸險反派，一定係螳螂拳高手，所以阿克安哥例要灑出地螳螂之絕藝了 ！！

有捧場看此主題的版友都記得在論述《雙槍沙膽標》時，有提及過阿克安哥吖！在此圖中，箭咀所指的就是他，大家同意否？

近來他都有客串作幕前演出，在舊年的《奪師》中他都有份。正所謂人老而面慈，以前的凶悍神色亦已去減不少了 …




[ 本帖最後由 tangkennis 於 2009-2-25 20:57 編輯 ]

阿克安哥位令尊係馮峰，眾所皆知，是著名丑星和導演。佢晚年亦係麗的劇集和港產片中作客串演出。他的歪咀標記最為人所記得了，小弟記得他在《人海孤鴻》中飾演匪幫大佬，要迫阿小龍哥加入黑社會，演得非常奸險入戲！

又要吹下水 ！

個陣時，大小朋友個個都好想喝望有阿小龍哥的風采，除了去學下功夫之外，就係走去健身，希望完成「兩舊胸肌六舊腹肌」的宏願 ... ！！今時今日我哋話去做 gum，以前就話去「舉石檐」喇 ！小弟個陣時仲未識揾錢，就選擇廉宜健身法，走去國貨公司買個拉力擴胸器，俗稱「拉彈弓」！都要駛幾蚊雞架 ！




咁每逢小弟拉彈弓健身嘅時候，阿媽每次都會不厭其煩，「諄諄告誡」咁同我講：「阿仔阿仔，小心D 拉唔好扇手吖，如果唔係彈歪塊面，好似阿馮峰咁，就真係揾人嫁你囉」 ！！！！！！小弟嗰陣時心諗，唔係卦，馮峰個老婆陳惠瑜，做粵語長片時都幾靚下嗰喎！ ... 不過可能阿馮峰未歪咀時已經嫁咗畀佢都未定！

[ 本帖最後由 tangkennis 於 2009-2-23 22:07 編輯 ]

在網上有人說馮峰當年是患上 " 三叉神經炎 "，但亦有人堅持是「拉彈弓」說，因為阿寶寶姐係咁樣講過喎 h:" />！

嗱，老實講，小弟當年都有睇過電視片段，其時馮峰駕鶴西歸，什麼的大搜查/睇真D 嗰班主持走去追住訪問阿寶寶姐，但見後者面帶愁容，班所謂主持仲走去訪問人，問乜吖？就係問「阿馮峰個歪咀係咪拉彈弓整到架」！喂喂喂，人哋伯爺健在你唔去訪問人，而家佢去咗你又走去纏住人，有冇攪錯？看得出阿寶寶姐已面有不悅，但仍然有禮貌地回答一句：「係吖，佢都好鍾意玩健身架」，跟住就拒絕再講落去了 …

版友中不知還有沒有資料再補充一下呢？

講住咁多先，晚安！

[ 本帖最後由 tangkennis 於 2009-2-25 20:55 編輯 ]

引用:

原帖由 comm 於 2009-2-24 12:32 發表
猜估電影及明星?

國語片的明星小弟不太熟悉亦沒有情意結，粵語長片的小弟就感覺比較親切一些呢，同聲同氣嘛！答案要待其它網友畀了。

[ 本帖最後由 tangkennis 於 2009-2-26 20:00 編輯 ]