引用:

原帖由 tangkennis 於 2008-9-4 08:47 PM 發表



厲害、厲害，譚榮傑都認出來了，勁呵！

過獎了，我通常遠的東西記得好清楚，比較近的事情卻很健忘，可能是老人癡呆的先兆！！

隔

引用:

原帖由 choihung 於 2008-9-4 21:21 發表



過獎了，我通常遠的東西記得好清楚，比較近的事情卻很健忘，可能是老人癡呆的先兆！！

說笑了 ... ，此正所謂年輕時每多有美好回憶，當然會「懷緬過去常陶醉」喇 , 年紀漸長，人生煩惱之事接踵而至，又有誰會刻意去記著它呢 ...

又問下「遠的東西記得好清楚」的你 ... ... ，上次張圖企係譚榮傑隔離個位，我覺得好似係李海生，唔知你又同意與否？

佢兩位在戲中只做大大配角而已，小弟幾經辛苦非常勉強先至找到兩張比較大頭一點的近照，再貼！！

「麗的武打巨星」，看到吧！企在右後邊個位好似係馮克安吖！！

「邵氏紅星」，左三那位 ...







另外這張得半邊臉清晰可見，亦可以吧！ 小弟梗係覺得吳桐叔隔離個位有點兒似阿吳宇森呢   ... ... ！！

晚安！

引用:

原帖由 tangkennis 於 2008-9-4 10:39 PM 發表
隔

說笑了 ... ，此正所謂年輕時每多有美好回憶，當然會「懷緬過去常陶醉」喇 , 年紀漸長，人生煩惱之事接踵而至，又有誰會刻意去記著它呢 ...

又問下「遠的東西記得好清楚」的你 ... .. ...

李海生我不大認識，所以這一條問題要棄權！

左面兩個膊頭之間，只見到頭部個後生仔好鬼似韓義生。
睇埋下一張相我身形，真係佢

[ 本帖最後由 ali 於 2008-9-5 00:36 編輯 ]

404的那張左三，是不是陳觀泰？

第二張的吳桐身旁那個不是吳宇森，但真的忘記了名字。

[ 本帖最後由 wai1960 於 2008-9-5 02:45 編輯 ]

引用:

原帖由 tangkennis 於 2008-9-2 19:01 發表
小弟記得佢在關德興的【黃飛鴻系列】中，早期已經有做一個常設角色，唔知係做凌雲佳定係沙塵超，佢夠哂入形入格 ！！

前排左二係佢喎！！



http://i20.photobucket.com/albums/b203/tangkennis/Cantonese ...

應該是凌雲佳，不過演凌雲佳的人就好像有幾個。

引用:

原帖由 wai1960 於 2008-9-5 02:47 發表

應該是凌雲佳，不過演凌雲佳的人就好像有幾個。

同意！諗諗下阿高超哥係做凌雲佳，而佢原先的藝名係叫沙塵超！呢個名好吖，入形入格，傳神呵 ！！

以前演員叫的藝名，真係有姿彩很多！傳神易上口，更兼反映演員特質。沙塵超呢個名真係改得好 ！！除此之外，還有很多，諸如檸檬、甘露、陳皮梅、矮冬瓜、西爪刨、朱油高、大聲婆、淘三姑、高魯泉… 比較近一些的就有火星、山怪、太保、解元、師傅仔、大細眼 … 不過最令人懷緬的藝名可能是「猛丁哥」 ！！真的是非常剛猛威烈！！自此之後已成絕響，不復見有如此佳名面世已 ！！

引用:

原帖由 wai1960 於 2008-9-5 02:44 發表
404的那張左三，是不是陳觀泰？

第二張的吳桐身旁那個不是吳宇森，但真的忘記了名字。

對吖，是陳觀泰，憑半邊臉都認得出來，厲害！你說不止一人曾飾演凌雲佳亦啱，勁！

陳觀泰是大聖擘掛門人，當年得武術比賽冠軍而進身影壇。當年佢亦曾在關德興的【黃飛鴻系列】中，飾演過凌雲佳 (好似得一次，之後就係曾江做)。我都估唔到會在此粵語長片中見到他呢。







今時今日，相信我們都未必記得他拍過什麼的馬永貞或大哥成，但是就一一一一一一一一一一定記得那一段  ... 當年令到很多版友都好難接受嘅 … 陳黃戀 … 「天生一副明星相」的黃造時姐姐 竟然跟咗阿陳觀泰呵 ！！只能說一句，男的就既羨慕又嫉忌，女的就只能歎一聲為何會如此呢  ...？

[ 本帖最後由 tangkennis 於 2008-9-6 19:57 編輯 ]

引用:

原帖由 ali 於 2008-9-5 00:07 發表
左面兩個膊頭之間，只見到頭部個後生仔好鬼似韓義生。
睇埋下一張相我身形，真係佢

勁！是韓義生。記得他在麗的是做武術指導的，有很多經典武俠劇都出自他的手筆。當然啦，以他的粗獷外形，就通常會做一些大哥飛仔、偷呃拐騙兼姦淫擄掠的角色了。

他不幸英年早逝，在其它論壇中有人說他因做義工幫佛寺維修，而發生意外逝世，不是拍戲駕車出事，不知實情是否如此呢？





[ 本帖最後由 tangkennis 於 2008-9-6 19:57 編輯 ]

今晚又貼一張。相中只餘下兩位並未曾特別指出名字，亦很容易的！！

矮冬瓜,金麥基,戴偉光,關健,小麒麟,謝老四

引用:

原帖由 維圓阿伯 於 2008-9-6 23:18 發表
矮冬瓜,金麥基,戴偉光,關健,小麒麟,謝老四

阿伯兄，全中呵！！(註：金麥基好似係【猛鬼差館】阿張學友的角色喎，有冇亂籠咗吖 ！！)



矮冬瓜演過咁過多角色，相信都未有如此威猛，納住枝機關槍，其神武之姿，直頭比美【第一滴血】的蘭保，特貼一圖以誌其事！！

矮冬瓜最為人記得的角色相信是演大蕃薯了，當然係配高魯泉的老夫子、張清的秦先生喇！著實令人懷念矣
…






佢好似後來在邵氏重拍的電影【老夫子】中又再作馮婦，再次扮演大蕃薯，可見呢個角色，已成其商標，冇人可以超越已  ... ... ！！

戴偉光專演小人物詼諧角色，側埋個頭戚起條八字眉，是其特色也！！記得佢以前係麗的有線劇集【王老五】已經有演出了。

以前細路仔覺得佢的表情流於浮面，非常跨張，今時今日睇番又竟然有另一番的體會喎 … 喂、喂、喂，而家有邊個唔係咁做戲架，阿星爺佢又唔係咁 ... ... ！！

唉 … 唔通而家已經進化到「懷舊回憶」已經壓倒一切，乜野都係舊嘅好 ！！

晚安！

引用:

原帖由 tangkennis 於 2008-9-6 19:51 發表


對吖，是陳觀泰，憑半邊臉都認得出來，厲害！你說不止一人曾飾演凌雲佳亦啱，勁！

陳觀泰是大聖擘掛門人，當年得武術比賽冠軍而進身影壇。當年佢亦曾在關德興的【黃飛鴻系列】中，飾演過凌雲佳  ...

跟過陳觀泰又何止黃造時一個，還有很多，不過有一個更特別的，就是趙公子，陳觀泰拋棄一個，他就接收一個，這才奇事。

引用:

原帖由 tangkennis 於 2008-9-7 20:44 發表
唉 … 唔通而家已經進化到「懷舊回憶」已經壓倒一切，乜野都係舊嘅好 ！！

晚安！

這可能我們這一把年紀的人才會！呵呵呵！
其實舊的東西又不是一定不好，星爺能紅，戴偉光不紅，是時也命也！

今晚一次過貼埋江雪姐在戲中其餘的相！！

再貼這一張穿上妹仔裝的相。

穿黑色旗袍頭戴大紅花，豔麗！！嗱、嗱、嗱，真係冇講假，羅蘭姐穿上呢件絹黃色長衫企埋一齊，一些也不輸蝕呵！

在茶樓買唱，又換上另一套粉紅色長衫 ！

全套戲中，以這套湖水綠絹面衫褲套裝顯得江雪姐更加俏麗！！











咁有冇版友心水清的數一數，江雪姐在此戲中總共穿過幾多套戲服吖！！

一套粵語長片中的女主角竟然亦可穿上八套不同的戲服，各位認為厲唔厲害，而全部都好靚過喎 ！！試問當年天后級的寶珠姐芳芳姐亦未必有咁多喇！！咁呢套1969年的【雙鎗沙膽標】為何會如此特別呢？？

好簡單，片商肯落本 ！！咁為何又要這樣做呢？？小弟膽粗粗又一味靠估 ！！

據云粵語片的產量自 61 年達至頂峰後，盛況延續至 64 年之後就開始盛極而衰，在往後數年的產量，有如 97回歸後香港的樓價，急速滑落，如江河日下矣  (註：唯一不同的是當年冇人企出里話要每年拍片「八萬五」 … 喎   ！！) 在 68,69 和 70年之間，每年十零廿部制作，71年得幾部，72年是零產量！雖然這段時候有些電影走情色路線，但亦有一些是行嚴謹制作方向的，希望可以力挽狂瀾，救華厦於既倒 … 它們大多是彩色濶銀幕制作，演員陣容極盛，可講套套都星光熠熠 ！！劇本認真有故事性，喜實景拍攝，服裝佈景道具亦考究很多，而拍攝分鏡明顯地多起來亦令電影變得細膩有電影感 ！！故此這段時期的粵語片雖然產量少，但制片人亦寧缺不濫，希望在資源集中的情況下，可以再制作出一些水準較高的作品來，再吸引觀眾買飛入場 … 小弟相信【雙鎗沙膽標】都是屬於這種情況下的一部電影呢。