引用:

原帖由 ada1128 於 2007-12-31 21:22 發表
小龍你的降龍十八掌､九陰白骨手爪去了邊

跌親個腦，唔記得自己識......
話時話，好似未曾講講佢識九陰白骨爪喎

引用:

原帖由 金屬狂人-Ⅱ 於 2008-1-4 23:28 發表

印象中記得小龍去做低白蓮教過氣三將軍果陣用過...
後尾洪東話九陰白骨爪損人不利己叫小龍唔好用

果招唔係九陰白骨爪，係白骨陰風爪，即係小龍家陣用兩野就中邪毒果招
可能老黃唔想抄得咁足，所以就作左呢招出黎

引用:

原帖由 亞佳佳 於 2008-1-2 18:25 發表


白獅老婆好似係逍遙君子卓不凡既愛人........

之後逍遙客又上左白獅個老婆

白仇,天娜既老豆係白獅

白獅個老婆係消遙客個妹，佢地冇亂倫
係刀痴想話擒白獅個女白天娜，點知天娜走甩左，刀痴又慾火焚身，咁o岩佢之前又打暈左白獅個老婆，咪死魚都要過刀（舊著常用句），郁左白獅個老婆囉

引用:

原帖由 金屬狂人-Ⅱ 於 2008-1-5 00:16 發表

舊著咁鐘意玩烏辱女角

係呀，成日畫朵爛玫瑰出黎，跟住就見到條女「梨花帶雨」，隔幾期就會出現呢d 場面。
最記得有一期，老邪叫亨僕去捉黑龍，仲特登提醒條喊包，話黑龍身邊有條女好正（白天娜），叫亨僕捉天娜返去俾佢享用添

引用:

原帖由 金屬狂人-Ⅱ 於 2008-1-4 23:36 發表
今期玉兒教小龍《金童寶典》...
話練成《金童寶典》的話，小龍的《九陰》七章功力會依然存在

最好笑係玉兒一講金童寶典個名，小龍第一反應就係：「即係童子功……咁我……」
傻仔黎o既，出得黎做古惑仔，仲要又打得又靚仔，你話自己仲係青頭仔都冇人信啦

引用:

原帖由 天下無敵老祖宗 於 2008-1-5 09:58 發表
玉兒其實有無老點小龍架？有乜理由練成金童寶典，九陰真經內力會自動復原？明明就被楊遠塵散左功喎。。。唔明囉 !

新著o既大水牛好似比舊著時更低能，大家覺唔覺？仲有，舊著時出翻江倒海呢招，大水牛 ...

楊遠塵應該只係幫小龍散左陰風爪o既邪氣，唔係廢佢武功，小龍有機復功都好合理
今期冇用翻江倒海，直接用左第二品《千軍萬馬》
大水牛舊著時俾人感覺係單純，但家陣就變到弱智仔咁款，離譜！
x不凡應該係逍遙君子，滿面痘痘o既麻甩佬一個，忠o既，而逍遙客就係奸狗，比王小龍傳入面呢件仲要衰格

引用:

原帖由 kinniku 於 2008-1-5 11:55 發表



鬼咩~阿柴唔死,
咁大水牛咪要變超高B o羅!
唔係兩件一樣咖啦!!

好懷念以前件正水牛個look...........

又唔關阿柴事，要怪就怪d 主筆、編劇功力低啦！
舊著時阿柴係耿直，光明正大，事事都明刀明鎗但又有d古板果種，新著就為「突出」角色性格而將佢缺點誇大百倍，結果變左個低能仔，盲毛都可以插爆佢金鐘罩咁滯。家陣大水牛又同一命運，監硬要將佢寫成弱智，到底班友有冇心搞好本書呢？

引用:

原帖由 周五一次郎 於 2008-1-22 08:41 發表


如果玉兒真係瑪雅個女,那小龙听衰11啦!

乜阿世致女咁早熟？

引用:

原帖由 sammy20072007 於 2008-1-21 16:40 發表
今期王小龍傳邪神睇見玉兒同小龍拖手即時吃措，仲激到腰都孿埋，真係搞嘢，睇嚟呢場多角戀真係避無可避，仲係七國咁亂潻：羅剎女→ 火雲邪神→ 慕容玉→ 王小龍← 楊祖兒
                          ...

仲有牛媽→ 王小龍
王小雞← 蠍王
青天（隻鬼）→真弓

引用:

原帖由 小小力 於 2008-1-23 00:44 發表


瑪雅個唔係仔咩??
玉兒得十一,二歲都好早熟下喎!!

龍鳳胎都唔出奇
同埋日本果邊，十一、二歲已發育到個胸大過西瓜，出埋寫真集都得添

引用:

原帖由 冰河 於 2008-2-16 23:37 發表
肥老黃又話新著的小龍有免死金牌，但e+又搞公投嚟決定小龍的生死！

可能佢大佬今年食團年飯時小左佢兩野

引用:

原帖由 ada1128 於 2008-2-16 21:55 發表

我覺得有勇仔出現，其他的人會無得發揮，
勇仔就黎變成老祖宗

根本而家set得易筋經太高，黑級一出，乜人都冇得打，講到d 人點勁都好，總知一出黑級就絕對會被ko

引用:

原帖由 ada1128 於 2008-3-4 21:17 發表

唔知萬有依家點呢，其實佢係咪有神經質

早幾年o係法庭外用「青龍出洞」踢人之後就無左影
撞車想屈人幾千萬，你話佢神經定神經質？

引用:

原帖由 不平凡人 於 2008-3-8 00:11 發表
今期邪神竟然諗住復功後第一件事係食左玉兒....真係有d吹漲...

咁先似番老黃筆下d 奸角嘛，夠鹹濕

引用:

原帖由 周五一次郎 於 2008-3-12 23:46 發表


但系人才过剩啵！

而且有大水牛同阿柴呢对 “痴呆双刹”在阵，同罗刹开拖时随时俾佢哋拖衰家！！！

唔怕，肉狼有本大作叫小傻仙，佢至鍾意傻人有傻福，呢兩個福將來呀

引用:

原帖由 Colortiger 於 2008-3-15 23:05 發表


舊註都係堂兄妹,最後一樣照姦•

舊屎冇王管，冇咁人無聊人玩投訴嘛
家陣電視劇講句「麻甩佬」都會被人投訴粗俗，亂倫的話仲唔日日上頭條呀？

不過奉勸老黃都係唔好玩咁多姦淫虜掠，唔係等陣d屋村師奶睇到個仔本公仔書，又去投訴你就大煲

引用:

原帖由 5454321 於 2008-3-15 00:15 發表
請問邊度有得買番第一集至到最新個集小龍傳?

信和最高果層有間書店好齊肉記d 書，你可以去睇睇

引用:

原帖由 不平凡人 於 2008-3-15 02:19 發表

可能會比陳傲雲姦....咁邪神又唔會做到十惡不赦....小龍到時又可以好有理據咁憎9陳傲雲...o係最後一期將佢打死...再完左本書.....

應該唔會俾陳傲雲搞，陳傲雲要留番來搞初夜...sorry，係初夏至o岩

引用:

原帖由 金拿督 於 2008-3-17 01:40 發表


陳傲雲身中奇毒﹐邊有心情搞野啊﹐再加上玉兒內功深厚﹐陳傲雲縱然身法了得﹐抽下水仲OK,想Dap玉兒!?冇咁易。家陣咁o既環境﹐兵凶戰危﹐傲雲又要靠小龍o既寶血解毒﹐我唸暫時傲雲都唔會發爛渣住﹐要發﹐都會o ...

就係中毒至要清清d熱毒嘛

楊遠塵交左楊家槍秘笈出黎，功成身退，咁就無無謂謂地被滅口，睇黎老黃係想用外傳去解決人口過盛o既問題，一d舊著人物o係外傳出、外傳死，快過即食麵。
神秘人識火雲掌，又可以一掌打死一個高手（算係卦），應該係東方無敵

引用:

原帖由 nicknicky 於 2008-3-22 04:21 發表


希望老黃俾d新意，如果蒙面人係日聖/識無相神功的人(可以解釋點解佢識逍遙派武功)，我會開心d。

日聖？點都打唔過楊遠塵啦！仲要蒙面人之前曾經ko劍痴，實力同邪神應該同級，就算無名神僧出手都未必有咁o既功力，所以係無敵o既機會最大，再唔係就無懼未死，一路詐死黎搵長生藥

引用:

原帖由 nicknicky 於 2008-3-23 00:26 發表


係喎，仲有記錯左日聖識火雲掌，而係烈陽刀。
但係如果真是無敵的話點解佢會識七變逍遙令?謎...............

當日無敵殺厲貞一家係為左九陰真經秘笈，佢可能好似邪神有個「武林」咁，鍾意收集天下武功，所以識七變逍遙令都唔奇

引用:

原帖由 yuyu6 於 2008-4-1 15:31 發表



神犬拉西提主人伸張正義...
真係難得....

忍下啦朋友，人地掛個牌頭唔同我地，惡d架
不過真係好少見d 版主會同會員嘈交，仲係擔住唔放果隻。更加神奇o既係，佢又唔o係自己版嘈，而係去其他版主o既版搞事，唔知係咪別有用心呢？

引用:

原帖由 冰河 於 2008-4-1 19:03 發表
Please 討論返王小龍傳啦 !

支持！
到底個神秘人係咪聖上呢？
有版友話神秘人條眉幼d，聖上條眉粗d，不過呢科野有得解畫喎！
話說聖上係閹人，男性賀爾蒙自然會減少，毛髮由濃轉疏一d 都唔出奇

引用:

原帖由 yuyu6 於 2008-4-2 22:12 發表


咁又係!!!話神犬xx0既要扣分,話番對方lucky哥個乜事都無.....
不過...扣分小事一件.....
為左幫大家報導真實資料..........小小苦楚一定有0既.....

報導王玉郎0既近況同討論 ...

多謝yuyu6兄報料！
d無謂人就唔好理，我地開開心心咁講番本書啦

不過講起本書又真係令人好唔開心......
家陣可以改名做邪神踩場傳啦，邪神o係入面又玩以一敵百，使唔使呀？
好討厭而家d 漫畫，全部都玩晒龍珠效應，唔會話有得一招一式咁格鬥，下下都玩必殺技，黑級、九陽一出就贏晒，乜招式都唔使用，變之一運起頂級力量就大晒，仲玩埋肥良crossover，反地心吸力都出埋，睇到扯火！
好懷念以前如來神掌入面有個叫燕真o既角色，佢只係用簡單o既太祖長拳，就可以力敵好多高手，以最簡單o既功夫發揮出最強大o既力量，拳來腳往咁打法，實在令人回味，可惜，家陣冇一個主筆有咁o既本事去畫出呢種味道；或者應該話，家陣冇一個主筆夠膽咁樣畫法.........
港漫...睇黎前景都......