四大世家之戰果然如好多C兄所料，係一個笑話，求很其就收左皮，打都唔使打！
陳傲雲比起舊著真係差得遠，舊時果種陰險、深謀遠慮完全冇晒，變左做個冇腦傻奸奸，當住咁多人面前殺自己老豆，ON99

引用:

原帖由 Mika 於 2009-6-19 00:51 發表


小學程度優化吖嘛

憂化果然令我地好擔憂

引用:

原帖由 喜歡足球 於 2009-6-18 15:16 發表
小龍唔知靠咪,根本想媚娘死,一早用大霹靂,或者仲有時間搶救
小虎就咁死左個老母

等我馬後炮一番先
其實媚娘O既死早就有安排，事關佢三個末來契家佬都行左（假聖上、劍痴、劍魔），幾條麻甩佬o係下底三缺一，梗係要急call媚娘落去慰藉吓啦！

三條友同邪神打兩野就換戒仔玩屈機，完全落雨收柴feel！
無端端俾邪神學六神訣升呢，又係玩埋d恰細路式打鬥，大佬，可唔可以俾我睇d實力相當o既打鬥場面呀？我唔要睇龍珠果隻，你打我一輪，轉頭我突然升呢又打番你一輪果d傻仔交呀！
咪俾我批死，下期就係邪神俾六神訣反噬，兩野俾龍虎群收皮！

引用:

原帖由 不平凡人 於 2009-7-4 23:31 發表
好可能話呢套武功又好似萬佛朝宗咁...邪神又係咩惡人..一出如來破就因心術不正而內力反噬....再比九陽大狂龍霹靂(名又長又難讀又唔好聽....唉..唔係將d絕招合一就一定勁ga..........)幫手收柴...................... ...

點都好，即係話左俾大家知，下期D打鬥又係一兩野收皮果隻，想睇精彩的拳來腳往格鬥場面？請看玉皇朝出版之《刃牙》啦！

引用:

原帖由 a1771550 於 2009-7-5 12:08 發表

"第一神拳" 這套熱血拳擊漫畫也很好看, 已連載了廿年了(拖橋免不了), 少有的長壽漫畫, 現在也有動畫了, 強烈建議大家google一下找來看...

呢套就Day one睇到而家啦，我成套八十幾期齊晒，拳來拳往，呢d先叫做打書！
可能拖橋拖得太離譜，宮田明明贏得，又要搞咁多花臣整到佢贏變輸，睇怕佢同一步都係冇乜可能打得成……

引用:

原帖由 醉臥天涯 於 2009-7-9 02:06 發表
咁多人鍾意第一神拳,不如開番個帖大家討論吓!

講番龍虎門,如果咁叫優化,我就真失望1
近幾期直情失控,又突然戒仔出萬佛X宗,又火山爆發,又六神訣,集集都可以當新故事看,全部都突如其來!作為長期讀者,真是無所 ...

開過啦，冇乜人幫襯，沉晒底
http://forum.timway.com/f/thread-86123-1-9.html

引用:

原帖由 a1771550 於 2009-7-12 18:05 發表

舊龍老祖宗初出場時期, 老文殊學老祖宗吞舍利子增強功力, 監生踢爆當時既右(左?)丞相金鵰個頭, 用既就係鐡家腿法中既秘技, 個名好似叫 "鬼神震怒"(?), 氣勢及威力大過兩隻腳伸直既鬼神辟易多多聲, 不過萬有後 ...

你記錯啦C兄，老天尊當時幾野就做低金鵰，功力差幾廿班，何須用絕招？舊著時D打鬥有文有路，唔會大叫一聲出一拳就玩完果隻架！
當時老天尊做低金鵰，O係佢條屍度搵舍利子（金鵰係金佛寺主持個徒弟），最後O係個死人頭度搵出一粒蚊型舍利子，照吸可也！
仲有，舊著時鐵家腳法都有招鬼神辟易，不過冇話過係必殺技，只係經當會用，而且當時萬有畫得呢招勁有氣勢。

引用:

原帖由 yuyu6 於 2009-7-14 10:42 發表
記得先用"騎鶴西歸"再用"萬鶴歸南"都打唔爆,最後再用雙掌打係金鵰個頭, 招數叫"永沉冥府"

吓？呢Ｄ招名咁........

引用:

原帖由 a1771550 於 2009-7-13 02:20 發表

老文殊要用到鐡家腿法秘技, 係因為金鵰個頭有特別練過 (就係因為咁, 粒"蚊型舍利子"就在頭骨內), 捱左老文殊好多招都未瓜得, 迫得老文殊(或萬有)要出一招仲勁過鬼神辟易的秘技, 監生踢爆金鵰個鐡頭.  ...

咁就應該我記錯多，廿幾年前o既故事，加上年紀大……

引用:

原帖由 sammy20072007 於 2009-7-14 19:05 發表

呢Ｄ咪叫人算不如天算，班老篇呢次真係唔知點收科，王風雷2進行期間，本書入面雄霸日本嘅羅剎教被麻生迫到天下無敵西城勇都要咋死着草，點知現實中麻生分分鐘捱唔到風雷2完就落台，以強姦興跟得世界大 ...

有乜點收科，以強姦興一貫作風，多數都係不了了之

離x晒譜啦！係死就死，又要玩問號，乜春都拖得餐，白痴劇情！
而家玉記d書真係不x知所謂，所有大奸角都唔捨得死，打完又打，傷完又冇事，降完級轉頭又升番，把x！
當日老邪去白蓮，就係降完藍級又升番上黑、白級，升升降降幾鑊，今次邪神降完又吸番，好好玩呀？去玩過山車丫笨！
而家玉記d 書入面o既奸角個個都好似四大名捕入面個唐十五咁，死極都死唔去，開書咁耐玩咁耐，分分鐘玩到老黃瓜柴果日都唔死得，呢d咁o既書真係你睇x埋我果份！

今期書完全係廢，可以唔使睇都得
為左補完果本濕九外傳，監硬要黑龍做羅剎教主，重畫番晒外傳內容一次，浪費讀者金錢！
要無敵o黎踩場，將以往為無敵塑造o既型像破壞晒，失敗！
又俾多次機會龍虎群邪表現出佢地係幾咁忘恩負義，無敵過往點幫佢地，佢地都可以反轉豬肚，失敗中o既失敗！
黑龍做教主在任期間o既事提都唔提，出幾隻字話「一年後」就算x數，水過鴨背當冇事發生，超級失x敗！

D編劇越來越懶，今期臨尾小貓學足當年中華英雄入面阿羅漢哥咁，問人眨眼要幾耐.......
大佬，好多我呢類老餅實記得架，咁都夠膽抄，唔該用腦諗下新野啦！

妖，金庫一戰打到唔湯唔水就整D新人出黎，龍記D編劇係咪太貪心呀？功力未到家就專心D寫好一條線先啦！呢頭未搞掂就寫另一樣，盞搞到兩頭唔到岸……