今期內容簡介（加入絕對主觀個人意見）
1）老邪神捉左個死囚吸功，結果消化不良，仲話自己唔鍾意咁樣搶食，只係為復功至迫於無奈，仲預言自己半年復功，即係老黃一年內滅羅刹教呢個承諾點呢？
2）小！原來龍尊者仲屎過歡喜尊者，活佛點教仔？俾石鐵兩野就打舂咁打左入地做地基。
3）不過龍獅兩尊者聯手又可以出到密宗神功第五層，即係同活佛同級，搞乜？
4）小麻雀出口術，白痴活佛企定定任佢踢心口，睇黎小麻雀下期應該會有現眼報。
5）刀仙打刀隊到洪東面門就收招，原來係冇信心隊得死條鬍鬚乞兒公，點知洪東睇穿佢，仲話繼邪神之後，自己係第二個破到刀仙絕招o既人，紮埋馬準備開刀仙波，不過老黃一貫作風，下期多數吹兩句水就算x數果隻，齋講唔使打。

引用:

原帖由 車神遊擊隊 於 2008-4-11 00:47 發表
好希望王風雷傳用阿牛佬0黎畫，話曬風雷都係古惑仔出身。。。。。體廣告話出D咩暗黑冰火七重天，聽落好似好勁0甘0播。

勁？聽住先啦！
到時又俾d x幾x幾o既大肥佬兩野推到出海

估計下期龍記劇情如下：
洪東：我求很奇出手都可以破你絕招，受死啦！
刀仙：你個死乞兒，你隻手d 經脈唔係廢左咩？做乜仲可以出掌架？
洪東：哈哈，你勢估唔到，我真正o既身份其實係海虎白軍浪，d小小傷勢，我用細胞重組，0.05秒內就復完啦！唔好咁多廢話，受死吧！海虎爆破拳！
老邪神：海虎，你唔好咁得戚，其實我都係終極強者，真正身份係殺人鯨奧加，等我用殺鯨霸拳對付你啦！
飛妖：等陣！奧加，我係地獄呀，你認唔認得我呀？
刀仙：咁多位，阻你地一陣，查實我係小瞳......

引用:

原帖由 天魔 於 2008-4-12 20:01 發表
嘿嘿....大家不要插我，我以經諗到辦法幫鼠狼兜!!!!就係.......一年內完左羅殺教終戰編只係書內時空計唔係現實時間!!!!問你死未?????
玉記o的人有上來架可？知點講啦.....

咁樣打矛波？不過佢隨時做得出......

引用:

原帖由 Gunners 於 2008-4-13 03:59 發表
龍虎門有一個共通弊病: d群魔成日心高起傲, 以為自己好醒, 但原來個個都係豬頭柄, 聖火門是, 星宿派是, 密宗派如是, 早期羅剎教也是

蓋世堡一役可算是最雷聲大, 老邪話要龍虎門班友全軍覆沒、又話佢地死定啦、 ...

鬼咩，你諗諗佢搵埋d 所謂高手o係邊度黎至得架，唔係伊拉克就西藏，人地掛住搞恐怖襲擊、藏獨、疆獨，連上網都冇時間，仲邊得閒去做research龍記班友有幾抽得，下下以為人家請佢返黎搶聖火、寄炭蛆郵件咁簡單，咁咪賴野囉

引用:

原帖由 yuyu6 於 2008-4-13 14:53 發表


龍虎門Z 第4期預告
老祖宗:"萬毒九死穹蒼"也壓不下他.....怎麼辦......(口中吐血)
外星人:哈哈....連我也壓不下....若我們"菲利"大王駕臨.......你一招也接不了.......
南宮太平: 若奶 ...

悟空卒之黎啦
笛子魔童會唔會吹住簫出場呢？
好心急呀，快d 出第5期啦

引用:

原帖由 KING546 於 2008-4-15 00:06 發表

應該唔止抄人名,應該連人都抄埋.
因為佢果招"霹靂雷霆震霪霧"都會响小劍仙度出現.
唔知會唔會出埋鐵縱橫呢.
另外,請問以前醉拳係咩朝代架呢?

出埋鐵縱橫？唔好掛，連鐵大叔都玩飛升，咁烈火太祖、卓天威分分鐘都出埋黎搞事......

醉拳故事背景係清末，王無忌老豆係大刀王五，維新主腦康有維、譚嗣同o既保鏢，因抱打不平而殺左練辟邪個仔練斌。
後來維新失敗，康、譚失勢，練辟邪就趁機報仇，滅老王門，死淨一個王無忌，被醉丐帶到大漠撫養成人，郭靖長大之後，sorry，係王無忌至o岩，就先搶個金刀駙馬做，之後打金、銀雙屍（唔係黑風雙煞o既銅屍鐵屍，冇抄足架），自始就展開一段射鵰英雄傳奇啦......

引用:

原帖由 a1771550 於 2008-4-15 13:37 發表


咪玩啦!! 响射鵰前尚有一段講彊屍既，萬有寫得都幾好睇，之後真係抄足射鵰五分之三咁上下，真失敗!!

醉拳一開始就抄射雕，o係大漠度選駙馬、打雙屍，之後就抄天龍，出四大惡人，王無忌仲做埋南海鱷神契仔添！跟住又出大理一陽指、六脈神劍，彊屍王只係其中一小段插曲仔，無哩頭咁就打完啦！完得馬馬虎虎。之後就抄射雕，玩中原五絕、九霄（陰）真經，練完九霄至開始自行創作，出烈陽、冷月教......

引用:

原帖由 a1771550 於 2008-4-15 19:50 發表


應該好多讀者會同意，後期創作既日月教朱邪風七殺教等故事，好過抄射鵰個part多多聲!! 唔知後期邊個做編劇? 做得幾好呀!!

的確係，正如你之前所講，彊屍王果段都相當好睇，都唔明白老黃點解唔肯放手俾d 手下去創作，硬係要抄？難度抄人地o既會好賣d？唔通漫畫讀者群同小說讀者群係冇重疊？
醉拳我當年係由第一期開始睇，初初覺得好冇癮，後面連載o既中華英雄好睇得多。
但係之後到大理死神果段，同埋對練辟邪打到破智死、醉仙盲果part就覺得好正。可惜之後又再抄射雕，本來同醉仙同級o既毒仙、魔仙全部升晒上神檯，又練得完全冇興趣，幾乎cut書，不過捱到日、月兩教時又令我提番起興趣。當然我唔能夠代表晒所有讀者意見，但係我覺得原創故事係比抄襲o既有追看性得多。抄人野，係錯架！

引用:

原帖由 天魔 於 2008-4-16 01:28 發表
只係記得有一期腦魔連吸幾個!!!(無錯！真係幾個)識得易筋經黑級功力的少林長老！嘩大佬！幾個咁多喎，攪到易筋黑級在心中地位急降!!!

易筋經、金鐘罩o係醉拳入面根本就唔入流，早就淪為三、四線武學，所以大家唔好將醉拳同龍虎門o既設定混為一談

引用:

原帖由 冰河 於 2008-4-15 14:38 發表

記得嗰陣連啲茄喱啡都識金鐘罩第＋關，但好鬼易就俾人打死。

又唔算茄喱啡，一個龍僧，一個破智，兩個都算係高手
其實就算o係早期o既龍虎們，金鐘罩都設定為一種較低水平o既神功，金羅漢九關就連邪神一掌都捱唔住，當時邪神仲係未練成黑級。而小虎同金羅漢打時，都仲未練九陽神功，功力只屬於一般果隻，都可以同金羅漢有來有往，只係打到尾先落下風。而金如來出場時，都只係易筋經藍級，但係設定就比金羅漢強得多（內文只話佢比金羅漢強，但實戰表現則強好多好多）。

引用:

原帖由 yuyu6 於 2008-4-16 23:58 發表



當年王無悔練成"易筋""金鐘""童子功""洗髓經""天佛掌"
加埋自己0既"紫青禪劍"......都算絕世強者架......................

即係獨孤無悔？果時我已經冇睇lu

引用:

原帖由 yuyu6 於 2008-4-17 22:30 發表



韋陀勁得過活佛???
係就去打埋飛仙啦......三皇連飛仙都打唔過.......
飛仙同活佛同級....哈哈哈......

都好啦，總算出口術都俾韋陀威番次

而活佛仲有upgrade空間，舊著時佢練埋般若心經，用《佛魔同在》都算係頂班果隻，不過唔知新著裡頭，佢捱唔捱得到練般若心經啫

今期龍記內容簡介：
1）小麻雀兜心口鑽左活佛一野就調頭走，活佛梗係嬲到震啦！毒龍鑽係鑽第三眼架嘛！鑽錯位又唔認錯，一於追上去打鑊金，活佛渣住小麻雀個頭係咁舂落地，舂得好興奮之際黑龍殺到。
2）活佛見到衣不稱身o既黑龍成個傻仔咁，梗係當佢流啦！捉住小麻雀話要批佢個頭落黎，點知黑龍都唔使出手，打個眼色，小麻雀就俾韋陀呢隻鷹擔走左。乜活佛d 握力咁弱，人地一扯就可以o係佢手上扯走個人？
3）黑龍o岩o岩做完電療，躁躁地，諗住打鑊活佛出氣。人家堂堂教主級（？）高手，你搵人出氣？冇野下話？結果拳來腳往，打得好不精彩。但奇怪o既係，活佛出第一、二層神功都可以同黑龍周旋喎，但出到第五層都只係贏少少，難到密宗神功d 級數間得咁密？果然係「密」宗！
4）活佛出到第五層將黑龍放飛機，龍虎字頭o既幕後大佬韋哥仔接手打老鬼，只係格左一野，活佛就出口術話韋陀勁過自己，仲即時較腳，黑龍、韋陀兩個輕功高手都唔追上去，奇！
5）刀仙同細胞重組完隻手完全冇事o既洪東打，洪東真係識細胞重組架！赤手空拳格落日本刀度都冇事，勁過金鐘罩喎！刀仙心諗出超必，但又怕被人破，幾招就落敗，洪東話佢有心魔，所以弱過藥煲，幾招兩句又完一場。
6）活佛敗走，返到伊賀，老邪馬後炮話早知活佛唔掂，仲話只要佢完成「須要完成」o既任務就ok，仲話刀仙有心魔，呢句又連戲喎！
下期書名《廢．石鐵》中間果點可圈可點，又睇下係咩一回事

引用:

原帖由 金屬狂人-Ⅱ 於 2008-4-18 22:23 發表

但洪東話因為刀仙有心魔 ( 心結 ?? )先打唔出水準喎

都通o既，出招又怕俾人破招，果招係自己最後本錢喎，破左就乜都冇，壓力都好大架

引用:

原帖由 休谷客 於 2008-4-21 16:27 發表


以小鷹既聰明，無理由估唔到！　

唔期期睇，又邊到有得鬧喎！　l

無錯，o係呢個社會上，日日都受到唔少壓力，總要搵d 野發洩，難得老黃咁體恤我地，特登整到本書咁屎，等我地有野可以插佢，我地又點可以白廢佢o既苦心，一於期期都插到佢開花

引用:

原帖由 休谷客 於 2008-4-22 12:36 發表
黑龍金鐘8關，被活彿打敗，
韋陀九霄真經九章初階，一招便嚇退活彿，
如此推算，
韋陀功力應達金鐘10關，
活彿最多只是9關，
9關功力就妄想打敗龍虎門，
似乎有點托大．．．．

唔好咁計，你有咁o既想法，就中左作者o既圈套，因為龍記相當代表現實，每場仗o既環境唔同，氣候唔同，甚至係時辰唔同，龍記d 角色都會有唔同o既表現，例如當日食多兩碗飯，功力又可能會高兩班，o岩o岩大便完，輕左少少，又可能會弱雞到嚇死鬼架

引用:

原帖由 休谷客 於 2008-4-22 12:22 發表


不過插是插，都要講下道理既，
唔係一陣又有人話我地又要鬧，又要睇．．．

係o既師兄，我一向都本住呢個宗旨黎插，冇point我唔出手架！
同埋d 友仔又係o既，又要話我地鬧人，又要睇我地點鬧，好難捉摸呀

引用:

原帖由 冰河 於 2008-4-24 23:10 發表

仲要俾老黃話佢今次九死一生、凶多吉少添！

現在除咗華九公可以救到佢，我真係估唔到還有誰可以救佢？

仲有黑龍條女、想作反o既飛仙、一眾發姣o既伊賀女忍者......

又到故事簡介時間，今期老鬼玩晒：
1）一o黎就補鑊，老邪回憶錄，講解番佢點解知道刀仙d仆街野，老黃d馬果然有睇呢度，夾番時間，應該係睇完c兄們鬧佢之後至知衰。
2）又係補鑊，話俾你地知，老邪原來係聰明仔o黎架，特登推活佛出去獻世，等活佛衰左之後返去西藏班救兵，但係人家搞緊藏獨，得唔得閒理你？
3）龍虎黑幫秋後算賬，要紮刀仙棍，點知刀仙又推莊，屈條o靚亡神係二五，仲要滅口添！黑龍之前一晚冇得威，呢野梗要攞彩，幫亡神擋刀之餘，仲要大九刀仙，o係人地地頭都咁惡，果然係世上最大o既幫派。
4）石鐵被老邪捉左，餓左好耐o既老邪梗係要拿拿聲開餐，一野就擒埋鐵哥仔度，吸精大法又發雌威！

下期《葬生死地》到底係葬o係一笪叫「生死地」o既地方，定係寫錯字，係葬「身」死地之o岩呢？

引用:

原帖由 金屬狂人-Ⅱ 於 2008-4-24 23:56 發表

伊賀愛應該唔識石鐵，睇個勢都係華九公救到石鐵

話唔埋老邪吸吸下又吸出感情，放生石鐵，仲送十本八本秘笈過佢都唔定喎！老黃一路鋪得老邪咁有人情味。

引用:

原帖由 亞佳佳 於 2008-4-25 00:55 發表



係呀~比埋易筋經佢練添

易筋經就未必，素女經機會大d，仲要兩人雙修，陽陽和合......

繼小龍七陰斷橋後又一力作，黑龍八關震爆地，伊賀城後花園方圓幾百呎都俾佢震裂，乜八關原來係咁勁架？

[ 本帖最後由 iamkennyger 於 2008-5-1 20:29 編輯 ]

今期新龍故事內容簡介：
1）一開波就係黑龍同刀仙果場鬧劇o既延續，刀仙一野膝撞窩埋黑龍心口，咁俾人頂一野，梗係扯火，黑龍立即還拖，點知刀仙要開佢刀o既亡神出o黎攔住黑龍，仲切腹以示清白，堂堂三皇之一o既黑龍哥冇得威，梗係嬲到爆，臨尾震開幾件蛋散攞個尾彩，威威！
之前三皇對飛仙，都俾飛仙打到冚包散，家陣黑龍獨戰比飛仙勝一籌o既刀仙，竟然都有得打，老黃，你係得o既！

2）幾個龍虎臭皮匠圍埋度橋救石鐵，最後決定黑龍獨闖伊賀向老邪要人，仲話半粒鐘唔見黑龍出o黎，就恃惡殺入伊賀玩明恰，順手顯江湖第一惡勢力o既風範。與此同時，石鐵俾人生葬，原來書名個葬「生」係話葬個「生」人咁解，龍記編劇們，讀多d書啦，唔該！
3）未入伊賀城，黑龍條女阿愛妹先衝出o黎會情郎，發晒姣咁，黑龍睇o黎有餐好野食囉！
4）見到老邪，望叔話自己吞左石鐵，吞邊度先？BJ？黑龍一聽，就扯火話要生劏老邪。黑龍哥，你好似唔知人地老人家未復功喎！八關想生劏黑級？同屎坑點燈有乜分別？
老邪自知老襯底，見人話要劏自己，梗係淆底啦！就同黑龍講自己生葬o左石鐵，要黑龍自己掘番出o黎，黑龍立即表演心口碎大石....唔係，係八關震爆地，成個石鐵震o左出o黎。
見到石鐵俾人吸精吸到乾晒，黑龍即刻駁條輸精管o黎輸精救石鐵，分心之際，俾傷殘老仙用毒掌兜背脊窩o左一野，一期之內俾人打完心口打背脊，唔係主角梗係瘀d ，同時亦都嬲到震，唔理對方乜料，正面就同老仙硬碰硬！人地三仙之一喎！黑龍哥咁有勇無謀咩？黑龍兜心口整野摧心錐老仙歎，而老仙怕唔夠飽，一野吸精大法幫黑龍用五姑娘出火，完！
其實老仙偷襲時點解唔用吸精大法？反而要用毒掌？如果出吸精大法，已經ko黑龍啦！仲使乜食人一野摧心錐？玉記編劇？我挑！

引用:

原帖由 天魔 於 2008-5-1 20:35 發表
嘩哈哈~~~、兄台係咪自己打的？好好笑~~~仲好睇過本書

老實講，家陣我打呢個內容簡介，樂趣仲大過睇本書，唉......