當年嘅南昌戲院就喺南昌街近大坑西街近白田邨果度，即係有間失明人仕中心斜對面，我以前住南山邨中一至中三喺廠商會中學讀書(當年仲係職業先修學校,喺男校  ),而家改為中學男女校 ，好多時食飯或者放學都會同啲同學一齊行去戲院對面一字平排既熟食檔食嘢，檔檔都有幫襯過，麵檔、粥檔、燒臘飯。セ有對孖女喺東記咩？ 無セ印象喎 ，最記得食完嘢就行過對面南昌戲院齋睇貼出黎啲相，因為早場喺播鹹片 。最近經過見戲院变咗商場(聽聞已經好多年了)，熟食檔都变成空地，諗番都三十年前了。

舊校友你好！我當年喺廠商會讀Form 3 H 班,個年啱啱開始攪Form 4 ,新班得兩班,但Form 3 好似有8班(記得唔係咁清楚), 自已升唔倒原校 ,最後派咗去紅磡間聖匠
(得一班F.4) ,喺CMAPS時當年訓導主任叫佘志剛,佢黑蚊蚊碌大對眼好惡死 ，不過我好乖好少俾佢罸 ,佢係教我地工業繪圖嘅,當年校長叫范錦平。