引用:

原帖由 suewong 於 2010-7-24 16:42 發表 從網上看到石門村公屋居民反對起骨灰龕，她對周圍環境的看法：主要有一個好近既馬鐵, 即使我要出九龍返工都好方便~知道有個超人市場, 但去到現場先知道好細~有次無晒尿片, 去到超人市場到都無arm SIZE既買, 局 ...

大部分人同以往唔同，香港，而家十個人，可能有三個來自國內，另外兩三個，係80後產物。
主要原因，我覺得可分幾個層面。
以前，中國大陸未開放。冇得食，冇得著，尤記老媽子寄郵包番大陸，裡面是舊衣服，還要用毛巾包住，外縫白布寫地址，好等國內親朋除了衣服外，還有毛巾可用，時移勢易，環境大不同，香港反要救濟。香港優勢已失。
每日50人，一個月就1500人，一年18000人，回歸至今13年，少說超過20萬人，還未計將來及之前，再生下來的。
30，40後父輩，個個胼手胝足，任任怨，個個一窮二白。
50，60後享受成果，70至80年代回歸前大量移民，經濟起飛，只要勤力，升遷不難，多少60管理階層由此而起，手執公司權力者不在少數。
80後情势驟變，一場金融風暴，打得香港落花流水，政府富貴，代之而起的是財閥坐大，政府帶頭減省人工，外判、商業運作，樣樣撒手不管，令到貧者越貧，富者越富。大部分資源集中在一部分人手裡，政府外判工作導致大量工作機會流失，機構以美式商業模式運作，為求機構自身盈利，事事向股東交代，其實就是向自己鉅額花紅有所交代。向下剝削以自肥。此以電訊業為一例，以前入到香x電話公司，即係一份長工好工，而家，只係一些外判公司做大部分既野，不論薪酬，福利，而不可同日而語。政府，大量職位外判，價低者得係同樣情形。領匯、港鐵又商業化一例。
另一方面，已無民問題，居高位者不去，年青一代勢上位，大學生幾千元人工已是閒事，挨十年八年未能上位者大有人在。
營商者大部分經營成果被土地持有者掠去，政府政策是做少錯少，計時炸彈一日緊過一日，不論營商、打工者大部分成果被土地持有者掠去，造成窮者越窮，富者越富。

政府與其年年錢，倒不如諗下何將資源平均再分配一下：
1. 成立臨時員工管理局，政府及公營工作，交由該局負責，免去外判商壓價，薪金只要比高少少，每人每月番一些，令佢地工作得黎有尊嚴，如清潔工，市價四千，政府可俾五千五，六千，總好過俾綜援出來，而另一方面又以合約形式聘用，可免卻公務員體魏制日益龐大。
2. 土地持有者應以累進稅率或土地增值稅等手段平行各方利益，賺得錢越多，稅率越高，土地持有越多交費越多。
當然仲有多細節，呢D就係做官諗唔係我地小市民諗了。

引用:

原帖由 suewong 於 2010-7-24 22:24 發表 估唔到 mygo 不但好記憶力，分析力都咁強。
"50，60後享受成果，70至80年代回歸前大量移民，經濟起飛，只要勤力，升遷不難，多少60管理階層由此而起，手執公司權力者不在少數。" - 對此點，我有不 ...

或者咁講。是雞及旦的問題。
沒有明天，如何肯挨？
其實，70後當年也是這樣的，所以仍有大量高不成低不就的人。80年代請人，多數都係做唔長的，個個做兩個月走人，皆因環境大好，呢邊多五百，走去做，唔愁冇得撈。當然，這些只是眼前利益，年青時走黎走去，冇間做得長，到四五十時，才知自己黃金時代已過。
但60後，於80年間，的而且確有大量機會，眼見好多人只要唔係走馬燈咁走，每事唔怕蝕底者，撈個中等管理位真係唔係咁難。那時只有心諗升人而搵唔到人黎升。
小弟曾於90年代幾次搜索枯腸，在二百幾人中，竟找不到可升可用之人。現今回首，實在已是兩個世界。
現在機會，的而且確係越黎越少。以往大學生，出黎邊個唔兩三萬，就算一個普通中學Call台女仔，都七八千，做得一兩年，撈個supervisor，過萬等閒事，一個電腦作員，八九千起碼，每年加薪不少於 10%。現今大學生有八九千都算唔差了，何況仲有大量時薪不足$25的人？月薪少於四千的人呢？呢個情況響90年代簡直不可想像。
60年代，香港經濟差，靚女年青者賣推車點心，做工廠，到70-80年代，年青人唔知去晒邊，要做呢D野，變左上晒年紀既阿嬸，00年代，後生仔又出番晒黎了，萬x、屈臣x、電訊，可想而知現今搵食之難。

回歸後小弟十年冇加過人工，公司扣除雙糧，公積金以強金代替，每月上限1000，少說唔見太多錢了。每事都有因有果，真係睇唔到香港會點好。唉。

再係咁落去，香港只有更多人要政府照顧，實在不敢想像。

[ 本帖最後由 mygo 於 2010-7-25 11:06 編輯 ]

引用:

原帖由 suewong 於 2010-7-25 17:02 發表 me too...而且回歸前，象牙塔風氣都頗純樸, 最多是擦o下鞋。但回歸後，70 / 80 後為了上位，不擇手段。見到好多 70 前都無得升，降職。 1000% agree....

97後已成資本家世界。以前辛苦，係為左做好自己工作，而今辛苦，卻大部分係做俾人睇。
以往辛苦，開足十五六個鐘，冇怨言。公司作為自己既一部分，反正老闆知，老細知，冇野做時，蛇下，自由下，早走一下，完全是件樂事。
97後，個個部門鬥遲收工，唔到七八點唔走，你早走？成左罪人，靠山唔夠，俾人篤死都冇人知。第二D部門，唔到五點幾唔CALL開會，你敢唔敢走？一次唔見人都可以頂得住，兩次唔見人就唔好意思，三次仲唔見人？搵定人替你都得啦。
其實，冇既，以往做野，一番到公司就做，做，做，而家咁環境，咪唔做住囉，朝早打下牙較，食下早餐，上下網先，差不多中午至開工，下午先係戲肉，結果勞民傷財，只係將工作時間拉後拉長，對公司亦不見裨益，香港公司文化十幾年間已然變成如此，係拜乜野所賜呢？

引用:

原帖由 suewong 於 2010-7-25 17:42 發表 mygo, 估不到你和我的看法 / 感慨，如此相似!!! 我的 e-甥 女在銀行做，正常情況，晚晚 8 點幾 9 點 放工，午餐 在 office  1 路做，1 路吃。整親手，都無時間睇跌打。 點解咁辛苦？ ...

所以，我開頭一路就講，呢個政府已經冇用架啦，只向資本家傾斜，事事撒手不管。
而家社會既富，完全集中在一小部分人手中，（土地有擁有者，呢個並不指只有一個單位而供到死死下個的），政府高官及機構高層。
一個人完全看不到明天：

社會道德淪亡，傳媒譁眾寵，日日講豪宅，同資本家地產商唱和。試問，香港一百人中有幾個買得起？　
政府麻木不仁，董建華本來因金融風暴而精簡公務員系統，本無可厚非，但當情況受控後，政府就應負基本的責任，可是，曾蔭權政府，只懂瘦下肥上，仍樂此不疲，例如港鐵、領匯等，讓其以自由市場形式管理，造成大量基層員工、搭客、市民、租戶受苦，得益者就是機構高層、董事及股東。
政府自夕陽政府，認為多做多錯，少做少錯，每個財政年度，派派錢，又派得心不甘情不願，年年做成分化。
最簡單者，在職貧窮永遠不想法解決，只知向某些惡勢力團伙(你鬧我都係咁話，例如綜援戶、公屋住戶等）低頭，年年出雙糧，歲歲免一兩個月租，其他呢？做成社會分化，鼓勵人們不勞而獲，只要你肯厚住面皮，抓爛塊面就得。

我對呢個曾蔭權政府全無希望，有朝一日，定遠走他方而去。

引用:

原帖由 suewong 於 2010-7-25 20:45 發表 mygo 我同意要有安全網，作救急用。自問父母都享受個公屋的福利。但現在綜援 / 公屋 已不是安全網。社署職員告訴我，屯門的酒樓，下午茶時間，坐滿綜援戶。反而私樓居民，早出晚歸。 我估 ...

係呀，咁情形，邊個做野吖？

一路唔捨得走，就係唔捨得老豆老母，如果唔係一早走左十幾年了。

引用:

原帖由 suewong 於 2010-8-1 16:59 發表 我的心底話。 何老大去得地方多，見識廣博。陶傑話中國人 / 亞非洲人 (日本例外) 是低等民族，老大的經驗 / 看法 又如何 ？(其實英美都有白人濫用社會福利呀)

哈哈，陶才子祟日到走火入魔耳。
日本人係偽子。中國人係真小人。

日本人比較懂掩飾，中國人只是赤裸裸。

早年放洋日本，每晚放工例必經過火車站，女同事者 ，十次約有三四次被咸豬手。
日本人晚上在街上小便情況並不比中國少。
日本人，看上去謙謙君子，內裡並不一樣。
晚上和日本人飲酒(雖然我唔識飲)你就會聽到佢地十分多牢騷，絕對唔會比香港現今的年青人少。

中國今日好多人都話D貨渣，唔襟用。但我覺得呢個係社會經濟發展的必然階段，只有在國民生活水平達到某一水平，貨品質素才能顯現。
君不見幾十年前，我地香港有一諺語：日本郵船(遲早完)，那時日本野就係化學、唔襟用的思，同來佬貨不可同日而語，日本發展比中國早幾十年，今日中國，就如四十年前的日本而已。

引用:

原帖由 suewong 於 2010-8-1 21:11 發表 我唔介意 D貨渣，唔襟用，所謂 1 分錢，1 分貨。最痛心既係假貨 / 劣貨 充斥，明知會死人既，都不顧 (e.g. 3 聚青胺奶粉，豆渣工程，而家又再次出現)。 第 1 次我當佢地無知，但再次就是存心惡毒 (害小朋 ...

同意。
渣貨最多易壞，但起碼唔會害人。
日本人有一樣野的的確確比中國人好：就係公德。
老實講，中國今日發展，係嚴重透支，呢一代未必會受到苦果，但再這樣下去，我地下一代或再下一代，苦果就會慢慢浮現。
今日既供貸，唔係呢代還，係下幾代還。相反日本人對呢樣野就好好多，識得點去保存、保護。

上月因事到四川、貴州一行，在街上，竟然見到穿著交通警服的女警，踎在路邊摘芽菜，到政府部門辦事，個個穿袜卻沒有鞋。中國距大國之路還遠著哩！

引用:

原帖由 suewong 於 2010-8-1 21:03 發表 早年放洋日本 - 你都好有冒險精神 !  90 年代初，到日本開學術研討會，連 d 教授都唔多識英文。搭的士，雞同鴨講。  所以從不敢，日本自由行。  

呵呵，日本搭的士，寫漢字即可。其實日本唔使怕哦，恰埋眼都識行，唔會蕩失路架(指東京)。
日本人的禮儀也是中國人要學習的，雖然，他們可能都是心裡一套口裡一套。

在日本公司中，女職員見你在前面行，即使不認識，她急步前走，以為佢做乜，原來係襟住部升降機等你。

在香港公司，出左閘步行往車場坐公司穿梭巴士，突聞後面急步腳步聲由後漸近而至，終讓其超前，見一女子，以為趕時間，誰知，她一超前，就放慢腳步。你估佢做乜？就係怕我先過佢上車，佢怕冇位而已。因為車一滿就開，唉，這又何苦呢？朝見口晚見面。

住處大堂有大玻璃門一度，每次超市買完手挽物件回家，千祈唔好跟住D人後面行。試過不下十次，男女都好，大力推門，明知後面有人，就唔好咁大力推門啦，門一大力，就反彈，真係唔怕撞傷人。  

至升降機口，見你挽住野，就驚唔死，摶命襟掣關門，老實講，mygo雖年紀老邁，但還力壯也，一腳踢門開，咪又要等埋我，度門開左，又要慢慢關門，因快得慢，這又何苦呢？

[ 本帖最後由 mygo 於 2010-8-2 01:06 編輯 ]

引用:

原帖由 ces 於 2010-7-28 17:00 發表 假若香港過去10年由本版是但一個做特首, 香港會更公平, 更祥和, 如果由albert哥做就更妙, 人ロ都怕少咗一半

香港已無公平可言。

昨日包致金侄女襲警醉駕，只判感化，司法已死。

賣油煙機者誇大轉數，罰坐十星期，賣樓者誇大層數，大者穩若泰山。小者都係停牌半年，香港已成權貴天堂。　　

引用:

原帖由 suewong 於 2010-8-3 17:38 發表 住的地方，華洋雜處。國內女同胞，同日本女子，真是無得比。

間唔中小弟都會行下黃金，個人怕搭地鐵，喜歡迫下巴士。於是坐6、6A。唯好多時上到上層，許多位子都已為女士霸佔，座旁放置大袋一個，途至旺角，乘客漸多，羞於啟齒者望座而折回者甚多，間中有不值所為者開口，女士才悻悻然地把袋子收回。

此等女子大多衣著光鮮、年紀不大於三十五。

引用:

原帖由 ali 於 2010-8-3 19:34 發表 不是同一裁判官審理的案件，相信 阮裁判快升職。

全世界都係有錢人天堂，香港基石的法治，曾幾何時令人引以為榮，但赤裸裸公然如此者稀耳。

社會已向畸型發展，很多事都見怪不怪耳：

某日，至某店吃雲南米線，由於本人忌辣，下單前聲明不要炸醬。女侍亦應和而去。
及米線至，望之，碗中赫然有炸醬，乃曰：小姐，為何仍有炸醬？女侍恍然。但良久不去，凝視米線且面有難色。
心惴：或要賠償，或要受罰，惻隱之心頓起。曰：由之。
時另一女侍至，見之曰：所因為何？甲女曰：放錯炸醬...。乙女曰：簡單耳，多收五元便是。
甲女聞之，居然毫不猶疑，撿收銀卡欲加之.....

後事如何？待續。

引用:

原帖由 watergap69 於 2010-8-5 11:56 發表 我會唔食及第一時間走出舖，一去無回頭。

冇錯，我既反應係起身行出門口，走人。
但行到去收銀旁，卻聽見甲乙二女仍在叫：喂，喂....
講都教精佢，答佢亦晒氣，啋佢自己勞氣。

唯一反應：就係冇反應！

引用:

原帖由 suewong 於 2010-8-21 18:15 發表 我贊成香港有綜援 / 公屋，建立1 個安全網，因為人有 3 衰 6 旺，唔擔保 有天我都要用到此福利。 不滿者 - 經濟好 / 不好，都有領綜援的人，要求發多 d 綜援 (弱勢政府的問題)；亦常有接受援助 戶，理曲氣 ...

SUE姐，冇錯講係咁講，但實際仍有好多情況，例如：你既「人有三衰六旺」同「不負責任」論，就未必能完全掛鈎。呢個亦係一個很大的社會問題。假設一個人，佢平時搵開二三萬，佢生三個、四個細路冇問題，但可能中年被裁，平時無甚積蓄，三兩年下來，積蓄用盡，人又老了，工作又找不到了...
其實，一路都主張政府福利政策要因時制宜，不能一成不變。
就以公屋為例，根本不能終身制，租金及入息限額應按社會普遍情況審查。一般租約，都以兩年為期，為何公屋可終身制或世襲制？這點已非常不公，窮，沒錢的候，社會資助你，但不是資助一世，當有更有需要的人要幫時，就應讓更有需要的人受助，才能達到較公義的目的。
九七後，政府帶頭將很多工作外判，政策向財團傾斜，才導致香港的貧富越來越懸殊。
其實董建華在金融風暴後這樣做是對的，因為不斷膨脹的公務員系統事實上需要整頓。但當整頓完成後就要納入正軌。
今日的香港政府，財政預算都每年舊調重彈，不思進取，才造成社會不安、分歧。與其賺來的錢，年年都拿來派，綜援戶雙糧、差餉減免、薪俸稅扣減....好似每個階層都有得派，但實情是否這樣？一些清潔工、保安之類，月薪不足五千者大有人在，還在談最低工資？
差餉減免是否真的對持有物業人有用？出雙糧是否鼓勵更多人領取綜援？政府為何不帶頭做少少野？如成立臨時政府工作局等，讓政府的一般清潔、保安等工作有基本的收入保障，但又不納入公務員體系，讓人們工作得有尊嚴。
對炒樓、炒股等資產增值採用累進稅率，讓獲大利的人交大稅。
採用負薪俸稅，凡每年入息未能達免稅額要求者，差額由政府補貼。
一些政府公營收費，如港鐵等，除營運開支及股東合理收益外，回饋社會，車資只收全合理會格。連深圳都實施老年人免費搭交通工具，香港港鐵仍在細眉細眼的每星期三還要收長者二元，簡直讓人看傻了眼。

[ 本帖最後由 mygo 於 2010-8-21 22:48 編輯 ]

引用:

原帖由 suewong 於 2010-8-21 22:05 發表 為何我會覺得佢不負責任 - 據了解，$12000開支 ， 除了書簿費，還包括全新的校服，文具 等等。很多學校，都有二手書二手校服買賣。而且還要求擴闊資助範圍至所有開學開支和冷氣費等。

社會任何人都有，但不能抺殺有真正需要者，真正檢討的是政府政策、傳媒良心。

引用:

原帖由 suewong 於 2010-8-21 22:09 發表 同意。不知有沒有留意到，政府街市的營業牌照，持牌人都要求世襲制。亦有議員為民請命。

歐美國家為例，社會越民主、越開放，求選票的政客就越多，美國就係一例。

引用:

原帖由 flowingwater 於 2010-8-21 22:01 發表 其實董建華在金融風暴後這樣做是對的，因為不斷膨脹的公務員系統事實上需要整頓。 令我想起梁錦虫. 當時佢做對當時應該做既事."減公務員人工及數量" 但既得利益人數太大.加上自己有偷步買車一事嫌疑. 最後屈屈不得 ...

阿松是個人才，比起今日的鬍鬚曾，單係情操就已高出好幾倍。有年薪千萬的工不打，走去做官，落得如此下場。老實講，我唔信佢偷步買架爛鬼車，佢咁多錢都既工都捨得唔打，受老董之邀去撈份吃力不討好既工，會為此區區小錢而偷步？一來時不與我，二來政治觸覺不高。

引用:

原帖由 flowingwater 於 2010-8-21 22:27 發表 傳媒現在係市場導向. 剩下既信報老一輩人物亦慢慢退下. 以後唔知該睇咩中文報章好.

所謂文人風骨，早已不存在。

引用:

原帖由 suewong 於 2010-8-21 22:41 發表 同意!!!叉開講，當日出事，有 d 神棍扑出來，話 初出世 個女女剋父 (就算係，都唔應該講)。起初又是哩班人，話女女旺父。

抽水邊個唔識？唉....

引用:

原帖由 flowingwater 於 2010-8-21 22:46 發表 係..我亦越來越憎個幾位風水演員.事後分析就一流. 信報有一專欄係年初會將幾位出名既風水演員對往年既經濟預測作比較.發現八成是錯!!!風水陳一案令我對呢一類人更討厭

風水眼見都害過不少人。

引用:

原帖由 flowingwater 於 2010-8-21 22:55 發表 傳媒同呢班風水演員大家各取所需啦.但最重要係有一班思考能力不強既觀眾支持緊.

其實都是利用人性弱點而已。

某富豪生意失敗前找人看風水，又咁又咁，咪最後要離場。某富豪種乜種物，係因病而已。人到絕望，但凡有一線生機者，都會選擇相信。但可惜都事與願違。

中學時老師就告訴我，但凡風水算命都是利用人性弱點而已，去睇相者問幾時會發達者，實霉透耳，問行人者，定久不歸，問病情者，乃久醫未癒，問姻緣者，定久未遇也。按此理，去看相實不難耳。

聽罷，數十年間未曾看相問卜。

引用:

原帖由 bobbystar2100 於 2010-8-22 04:21 發表 其實mygo兄所講既，正是本人原來準備想講既一大堆「見解」。不過想補充一下，講「福利制度」就不期然講「最低工資」，或者根本大家唔需要停留在「33蚊」同「20蚊」既問題，因為我覺得有時「最低工資」係會將 ...

冇錯，所以我一路唔贊成最低工資，如果社會基調還是調理不好，最低工資會變成標準工資，這才是問題。
回歸前後，我支持政府施政，到今日，差不多政府每樣措施我都喝倒采。十年間，成個人一百八十度變晒咁。
政府政策一日不改，一日得個且過，幾多最低工資都冇用。社會基調不調理好，最低工資就成了標準工資，三十三也好，二十也罷，到頭來仍是大部分人欏最低工資生活，原因，舉個例：如果地價還飈升，大部分經營成本根本流向土地擁有者，經營利潤輸向某些階層，就算連經營者，都自顧不暇，根本無力再分擔其他費用，到頭來一是結業，一是只有付最低工資。其理在此。

政府要做的，是將社會資源適度分配。而不是每年翻抄過去十幾年的財政預算措施。綜援雙糧、減免差餉、退稅....
如何將社會資源新分配？
首先政府不能再將公營事業以商業角度放任不理，如領匯、港鐵等，在股東利益適度獲得的同時，制止瘦下肥上，高層分花紅、袍金的做法，將大部分社會資源回饋社會。就算不適公營股份股價下跌。（其實也沒什麼，股民知道有基本收益，還是會買 ）
累進利得稅、資產增值稅、利息稅(在回歸前都有)、投資增值稅，讓多獲利的人以多繳稅的方式回饋社會。
負薪俸稅，讓收入低於免稅額的人士獲得補助。
適度解決外判、層判工作問題，打擊中間層層剝削，必要時由政府接管原有工作，讓外判工作的人工作得有尊嚴。

錢，反正都是每年要派出來，與其派得不明不白，倒不如多做點有意義的事。

引用:

原帖由 bobbystar2100 於 2010-8-22 04:21 發表 其實mygo兄所講既，正是本人原來準備想講既一大堆「見解」。不過想補充一下，講「福利制度」就不期然講「最低工資」，或者根本大家唔需要停留在「33蚊」同「20蚊」既問題，因為我覺得有時「最低工資」係會將 ...

細個時，個個冇錢，細路仔，通街走，大人生活困苦，顧不得小孩，自顧不暇，那時的互相幫助、鄰里和諧，社會也穩定得多。
今日，有個錢者不可一世，自以為高人一等，低下層者人多勢眾，要求過份，社會分化。

以前行過街坊福利會，大把人排隊欏熱的白米飯、餅乾，甚至南乳腐乳，今日欏的，是錢。
政府太懶，政客取寵。
綜援，我到今日都唔明白，點解要俾咁多錢佢地，例如：交公屋租金，點解都係發放現金，由佢地自己去交？到時又係有D人使埋，欠房署租金。領取基本生活保障，就要失去某些權利及尊嚴，這是等稱的，食都冇得食，仲講尊嚴？
你打份工，做保安都要查案底，申請公屋，都要入息審查，呢D都係標簽，發放食物券、日用品券，點算標簽窮人？

綜援，我一向贊成不要有太多現金直接給予申領者，大多的事情可由政府去做，如電費過戶、公屋租金過戶、發放日用品及食品券等，甚至眼鏡、書簿等都不應直接付錢予申領者。
政府大可成立社會資源保障局，每區提供類物品的領取場地，一來又可增加就業機會，二來減少濫用，三來盡量讓申領者知道自己的社會責任，每個月或者每星期要到社會資源保障局領取，提醒佢地自己的責任，返工者每日都要長途跋涉上班，難道這就有尊嚴？總好過訓醒覺就可以襟錢，忘卻自我的社會責任。


政府係時候做多少少野。

引用:

原帖由 suewong 於 2010-8-22 16:55 發表 技安， 讀大學時，看過 1 本書 - 中國往何處去。同樣，香港往何處去 ？怎樣去 ？誰領導 ？香港人願意起步嗎 ？下面的看法，可能會得罪好多人選民的質素，能否用選票「教訓」政客 ？我在論 ...

遊戲規則就是這樣。 一人一票，不論年齡 （未成年除外）、職業、學歷、性別、宗教。阿婆也是公民，也應當有一票，且也算神聖的一票。

引用:

原帖由 bobbystar2100 於 2010-8-22 21:32 發表 由於小弟曾在多年前在社福界工作過一段時間，就以個人所見所聞，欲向各前輩澄清一下綜援的情況：領綜援人士既標準金額應為2400蚊左右，呢個係董伯伯時代到今日無變過既劃一金額。如果佢本身係住公屋的話，租 ...

呢個我就唔知了。但係報章上成日都有講，有人欏綜援使埋交租既錢而欠房署租金。