引用:

原帖由 dw194711 於 2011-7-19 16:31 發表

…是刻骨銘深，難以忘懷的：...

黄大夫，好圖！請繼續！

相中有你，亦有我！不堪回首！

引用:

原帖由 LouisLee 於 2011-7-20 02:22 發表


呢張係 70 年代照片, 留意車款。

都係後生仔夠眼利！

我就一啲都冇懷疑。信，這是黃大夫的說話！

引用:

原帖由 dw194711 於 2011-7-20 09:08 發表


..那年代，戰後不久，生活仍相當艱苦，我們童年時的物質享受，和現在孩子的簡直是判若雲泥；...

我哋細個時，可謂活在蠻荒世界，渾渾沌沌，暴露於危險之中生活而不自知，反而樂天知命。

加上冇比較、冇要求，當然亦唔存在埋怨，因而活得快樂！

這是否所謂傻人有傻福呢？

引用:

原帖由 維圓阿伯 於 2011-7-20 11:31 發表

生於憂患無力要求,追求快樂亦十分簡單就真...

細個時活在苦難中，但唔知／唔覺得係苦難 = 快樂！

依家老咗，活在開心中，想番起當年咁苦難都唔瓜得 = 更加快樂！

我謝蒼天，我謝祖先，何幸今朝會 --- 唔使徬徨！  

引用:

原帖由 suewong 於 2011-7-20 17:18 發表

知識改變命運; ... "要食得好, 就要勤奮工作"

黃小妹一啲都冇講錯，知識的而且確會改變命運！

至於想生活消遥，後生時勤奮工作只是一部份，反到最緊要係要食／洗／玩得「唔」好，即係唔好亂化冤枉錢！

過份奢奓之食物，如鮑參翅肚等，花錢兼會食壞身體，不吃也罷！過份享樂亦會累壞身體！

我反而鍾意使少啲，做少啲，所以我可選擇53歲退休！

引用:

原帖由 suewong 於 2011-7-20 17:22 發表


佢地 多數要求高/多, 唔肯付出; 但 機遇亦比我輩少...

佢哋衰在冇自知之明，不理客觀形勢，到頭來只會落得失望／失意！

更衰在叫佢犧牲／減少享樂又唔制，連降低慾望都唔制，見人有就要我有，
咁做人實死�瞴I

引用:

原帖由 suewong 於 2011-7-20 18:01 發表


我又覺得, 姐夫/家姐 做得咁辛苦, 獎勵下自己, 幾好. 最緊要量力而為.

做得咁辛苦，獎勵吓自己絕對應該！

之但係唔使要食魚翅話？呢亭爛鬼翅，係你哋啲華人short short哋話佢矜貴mark up the price之嘛，掟錢俾人使，stupid!

引用:

原帖由 dw194711 於 2011-7-21 14:15 發表


戥你高興！
點解咁驚險都唔瓜得咁好彩?

托黃大夫您鴻福！

引用:

原帖由 suewong 於 2011-7-21 17:22 發表


預左你 lau,  我細細個, 無人教, 都覺得 翅好食....

黄小妹妳都話細細個咯，妳當時都冇腦嘅，就係咁俾人滾咗囉！

根本就唔值咁嘅價！

引用:

原帖由 suewong 於 2011-7-21 17:54 發表


政治不正確 - e+ 都覺得好食... ..

記住，好食嘅嘢多數冇益，我係妳就少啲食，都唔計話乜鬼破壞生態平衡咯！

引用:

原帖由 林八八 於 2011-7-22 20:29 發表

我在七層公屋住左廿幾年，無乜聽過有人意外跌落樓。...

對呀，我細個都响七層大厦住過一段時期，大個後做電話公司安裝技工亦曾出入該類七層大厦多年，未嘗聽聞過有細路仔或大人意外跌落樓，真係上天庇祐呀！。

唔講你唔信，我亦未嘗聽聞過有人跳樓，可能嫌佢矮掛？

講起七層大厦，大家有否記得每座嘅五樓咁上下，多數有間士多舖仔賣吓雜糧日用品，最興响舖仔對出走廊吊個籮出外牆，方便樓下居民買嘢吊上吊落唔使撑樓梯，好盞鬼！

引用:

原帖由 林八八 於 2011-7-24 00:11 發表

七層大廈冇電梯，五六樓的士多可以方便好多人買嘢唔使跑上跑落。..所以樓上店舖都好有生存空間。

水清就無魚，若果當年有ICAC就唔會有呢亭corner shop矣！

家陣啲Housing/Estate Manager（當時叫區長）點敢巡到見條友將個單位搞成檔攤咁而唔做嘢呀？

其實當時成五十幾年前港英當局已經行咗小平同志嗰套乜鬼嘢讓一部份人先富起來嘅偉大理念！

至於黃小妹問個silly question話間屋咁細，仲點擺雜糧日用品？

可見大嫂佢呢亭有錢高級知識份子，真係唔食人間煙火，冇落區出巡
體察民情！亦唔知鋼係點樣鍊成！莫講話唔知呢啲窮人第一桶金係點樣掘出嚟！

有乜monkey business我就唔地徐，但俾得你咁揚開檔揾銀，簡直係皇恩浩蕩家山發啦，使唔使仲留位擺張直夢死King Size床嘆吓咁呀？

乜大嫂唔知七層大厦中間樓梯口近公厠附近，公家地方大把位俾人入夜項帆布床嘅咩？不過要打得先至霸到位就真！

[ 本帖最後由 mtpen 於 2011-7-26 16:34 編輯 ]

引用:

原帖由 理魯竇 於 2011-7-24 21:27 發表

小弟在五十年代是住在類似的三層木樓，一家五口住在二樓一個無窗的板間尾房，真的是不見天日，..

理兄講起兒時住無窗板間房嘅樂趣，我俾老兄更好玩！

可能因被60代初颱風嚇嚫，老豆先肯飲少支酒、食少包煙，從九龍仔大坑東木屋區搬去深水埗元州街5號景業大厦租一70呎房夠六人住。間房咁鬼巨大，點項咁多張床呀？

屋主體察我家苦况，恩恤我哋俾我同細佬两個，當時大嘅十一二歲，晚上爬上厠所頂一個約三呎高x三呎濶x五呎深之閣仔孖鋪瞓，好彩夜嗎嗎冇乜人興辦公開大，否則啲夜來香一定香過香蜜脯矣！

早前報導話有個小朋友住劏房點慘點慘，令我徹夜難眠，眼淚在心裡流，我並非哀那據稱活在慘絕人寰境况嘅小朋友，而係哀我兒時比佢苦難百倍，但得不到任何善長仁翁，道德人士同情、幫助！

天呀！究竟我哋係咪冇老母生�謘H

引用:

原帖由 理魯竇 於 2011-7-24 21:27 發表

最開心就係老豆用咗成個月人工買咗一部八原子粒樂聲牌收音機，全家人晚上圍住來聽，一樂也。

那時候好似有一廣播劇叫「碧血黃花」，唔知邊位大哥有印象？...

理兄問嘅廣播劇「碧血黃花」，就冇乜印象，我只記得「蠻荒歷險記」，時不時有獅子老虎吼叫聲，聽得津津有味。仲有一套好似係叫「民間奇／冤案」之類。

我老豆亦於50年代尾買咗部樂聲牌原子粒收音機，都係多得隣居小朋友唔少！
因我同細佬最興僕响隣居門口聽人收音機尾，時不時俾人喝駡：「走開啦乞兒，冇錢買收音機又要學人聽！」。

引用:

原帖由 dw194711 於 2011-8-3 15:53 發表

50年代東區英皇道（究竟係邊段呢?北角抑或係銅鑼灣?可有大大指正?謝！）我覺得係與 ...

黄大夫應該冇錯，好似係北角與銅鑼灣交界，即英皇道／高士威道／天后廟道路口。

正中係百樂戲院前身，右邊係皇仁書院隔離嘅中華遊樂會。

攝此相者應身處維園旁之銅鑼灣裁判署，即現今天后站上之栢景臺前身。

引用:

原帖由 LouisLee 於 2011-8-3 21:44 發表


呢張有問題, 50 年代未有三級片, 三級制係 1988 年至開始。

哈哈！我懷疑Lee兄梗係司職Auditor/Examiner/Proof-reading 之類，乜嘢錯處都逃唔過老兄你法眼！

好！等我遲啲同阿爺傾傾，响三屍十幾侷開多一司，暫定叫巡查司，直屬國務院，幫手�E實香港呢個反華基地，睇住所有人等，包括凸手及各高官，亦�E埋王咩亞and/or西環等人，以防佢哋串通又或亂說亂動，有乜依郁／依泣，即禀！

引用:

原帖由 理魯竇 於 2011-8-4 16:14 發表


筆兄都唔駛同亞爺傾囉，亞爺老早已經搵人"目及"實呢個網好耐。..

越大鑊越快樂！  

既然聖眷正隆，喂xocat班主！唔好客氣啦，襯勢揾蕭才子賣盤啦喂！到價啦！袋咗先，轉頭再搞xodog, xorat我哋班巴打、絲打一定過檔十扑�謘I

引用:

原帖由 liao_marco 於 2011-8-5 01:22 發表
剛才聽到網台有大舊响度講話佢個人支持爭取賓妹有居港權,又話要捍衛法治, ...

Marco兄講起賓賓呢單嘢，正好揭示犯民呢班躪癱嘅卑鄙無恥、下流賤格、人渣垃圾嘅特性！正一佢請客，我哋市民付鈔，慷他人之慨！

你鬧當年港英埋下地雷，若干年後，你又會鬧犯民今日埋下地雷矣！但其實要怪就怪我哋市民自己，懶得意以為民主好好玩，助長呢班打壞公然搗亂檔而視若無睹！

嗱！等我教定啲犯民，當日後真個�衒}一人一票全民直選後，政經都仍然垃垃亂，就賴阿爺冇俾香港獨立成為香港國or洋紫荊國or花旗國一個小州，引致成日俾阿爺指手畫腳，說三道四，干涉內政，而未能完全當家作主，亦未能與阿爺平起平坐，訂立國與國對等地位等等…總之 it's all Granddad's fault!

引用:

原帖由 mtpen 於 2011-8-3 18:04 發表


黄大夫應該冇錯，好似係北角與銅鑼灣交界，即英皇道／高士威道／天后廟道路口。 ...

睇番起呢張北角舊照，令我無限感慨！

呢個地盤後來建成之大厦二樓曾有間酒樓，好似叫百得酒樓，乃我與老妻剛好30年前，即1981年結婚被外父外母侷擺酒之地！

原本我儲嚟準備做首期買香港仔新起之福羣大樓，卒之一晚清袋，而暫時唯有繼續用1500蚊租住雲景道峯景大厦一個約百呎房。

唉！何必呢？

引用:

原帖由 liao_marco 於 2011-8-6 11:40 發表
見到有人唔覺意貼咗啲80年代既嘢, 以下圖片疑似五十年代物品,請各諸公明察 ..

Marco兄你咁鍾意做軍佬，我有個 metal tray 相信係英軍開鑊時用嘅！

呢個餐盤係我响英國買嗰間屋時响 loft 度摷到嘅，上面刻有伯明罕（Birmingham）製造商個名及1950年出廠。

老兄請留意年份下有一雞爪標誌，我有理由相信係英軍物資。

引用:

原帖由 理魯竇 於 2011-8-7 13:58 發表


做童子軍原本唔算用得多錢，但家窮就乜都覺得貴。我都做過幾年童子軍，總算學識一點紀律和服從，

1956-57年間我哋租住九龍仔大坑東七層大厦徒置區時，我有幸參加過一陣由小童群益會辦嘅小狼隊，制服由會借用，唔收錢。

最開心有次中秋節去銀鑛灣宿營，又有月餅食！

久唔久個會又會班到政府猪籠車呢度去嗰度去，以一個赤貧細蚊仔嚟講，真係大開眼界！

不過好多時著住套制服時，會俾隔離隣舍追住唱: 「童子軍，食雲吞，打爛碗，冇錢賠，賠椂棍！」



[ 本帖最後由 mtpen 於 2011-8-7 15:53 編輯 ]

引用:

原帖由 dw194711 於 2011-8-25 15:23 發表


天地圖書遲過天利行好多，二者有冇關係我不清楚。

如果冇記錯，天利行好似响彌敦道嗰間頂樓係旋轉餐廳附近？

引用:

原帖由 牛奶蛇 於 2011-8-26 04:43 發表
齡記當年出了一本會考中文科参考書, 作者魯繼, 有順口溜曰「熟讀魯繼, 俾分無計」, 當時是會考天書, 人手一本.

其實當年要去買教科書，多數會去番代學校印書單嗰間，你估學校同間書局有冇monkey business吖嗱？當年又未有ICAC！

引用:

原帖由 維圓阿伯 於 2011-8-26 17:11 發表

福佬村道的'偉發書局'而家還在..校服,教科書,校簿.......等等..當年之社會風氣..供應商梗係 '皇家御准' 啦

偉發,偉發, 淨聽個名都知發啦！

引用:

原帖由 理魯竇 於 2011-9-13 17:43 發表

因為覺得林鳳真係好靚。 ...

唔好話當時靚，依家睇番都係咁靚！