引用:

原帖由 HAOCHANG 於 2011-5-15 11:51 發表

..据导游所言,这些非当地人所为,而是东欧移民的有组织犯案 ...

我並非想跟東歐佬說項，Haochang兄呢單case我有理由相信係啲Gypsy（吉卜賽人）人做嘅。呢班打壞姓馮仲好老嗰隻，夠胆咁揚一次過撻成十幾件大行李而唔係成架van偷走，你諗吓要幾多人手吖？冇皇法㗎？

呢，歐洲真係有班Gypsy橫行無忌，佢哋最興挑戰所在地政府之容忍極限，遊走法律灰色地帶，盡攞剩餘利益／特權，即係我哋叫嘅搏大懵／霧。

佢哋叫自己做無國界子民，泛歐洲國藉，佢哋有權去邊度落脚就邊度，因祖先不嬲興四圍咁度度住吓，冇人有權阻止，吹脹！

你話我話喇，你哋個guide分分鐘同佢哋有景轟，而瑞士啲差佬恰埋眼都知邊班打壞做嘅。呢班正愠神，捉到佢哋一啲好處都冇，惟望佢哋快啲揾夠過主而已！


[ 本帖最後由 mtpen 於 2011-5-16 19:26 編輯 ]

引用:

原帖由 HAOCHANG 於 2011-5-15 11:51 發表

欧美国家法律保障阁下的法律权利,但并非完全保障人身安全 ...

其實英國都有好多Gypsy橫行。佢哋乃無業遊民，約十個家庭為一group，每個鎮都循環住一頭半個月，一般有十架caravan一齊成行，去到邊度，邊度啲居民就唔好彩。

最鍾意响啲大型supermarket嘅customers car park度紮營，霸住哂啲parking搞到大家唔夠位泊車。跟住附近啲居民就冇運行一段時期。

首先响啲繁忙時段，繁忙燈位前攞住桶番梘水同個Ｔ字海棉擦，當你一停低架車佢有理冇理就一野撻啲屎水咁色嘅番梘水响你windscreen度刮两嘢，計過哂刮番啲番梘水都夠時間問你攞錢，一鎊最好，20p, 50p都殺。若果俾10p，佢就會將伸出嚟隻手向下，由得個coin跌落地，專登厭少去侮辱你，跟住唧啲番梘水你嘆，整到你一頭一面都係！

非繁忙時段冇車冇得玩，就四圍去巡人哋啲住宅，一見人哋車房前之driveway瀝青爛爛哋，按例都扲吓門鐘問做唔做resurfacing，冇人响屋就大鑊，有理冇理就開工，實行強買強賣。佢唔驚你唔俾錢，因你啲隣居會俾壓力你，當佢哋成棚人响你門前及附近度紮營時。

得到班愠神搬竇去下一個埠嗰日又好煩，成十幾架caravan一齊慢慢行好似送殯咁，所行經道路附近必做成大塞車。

希特拉當年曾講過要種族滅絕两種人，猶太鬼是其一，吉卜賽佬是其二！

引用:

原帖由 HAOCHANG 於 2011-5-12 00:09 發表
MTPEN 兄附图是1960年代早期的丽声戏院照片,很难得的彩照, ...

多謝Haochang兄，咁珍貴嘅舊照真係難得！我的回憶全番來了！

唔睇圖片都唔知戲院樓上係皇宮大酒樓。

我從未上過呢間茶樓，當然飲茶食晚飯呢啲有錢佬消費亦冇我份啦！

好嘅，食得原來會變阿福，起碼家陣成60多歲都尚未驗到有三高，感恩呀，阿Q！

引用:

原帖由 hkgalbert 於 2011-5-12 02:10 發表

老人按：造物主創造大自然，早有淘汰弱勢社群的力量。只是人為的「公屋」及「綜援」去違反自然定律而已！.

Albert兄唔使咁勞氣喎！

用黑心論嚟講，咪由得佢哋自甘墮落囉！

要不是佢哋打跛嚟醫，佢哋咁後生，如果個個勤力揾錢，咪搶貴哂啲資源，包括衣食住行，我同老兄你呢亭老鬼，分分要靠邊站，食餸尾呀！你多得佢哋唔少啦！

引用:

原帖由 hkgalbert 於 2011-5-20 19:31 發表
> 垃圾父親就只會孕育出垃圾女兒！老人能斷定將來那位上水女兒會是一位沒有責任的人。 ...

Albert兄鬧得好，咁就稱得上係人父母喎，真搞笑！

其實香港仲有千千萬個呢亭禽獸父母。

好似嗰個DJ梁Ｘ浩咁，原來佢身世都好淒涼，自少父母離異，各自嫁娶，两個都嫌佢阻埞唔要佢，是旦質佢去一個親戚度就算，在無父無母愛護中成長，慘！

佢哋咁做法，用法官判詞，可形容為失去子女對佢哋嘅期望，亦失去為人父母之誠信。

好可惜，响香港呢個畸形社會，唔好話批評自己父母不稱職會被指為忤逆，就算批評別人父母亦被視為異端邪說，遭到唾駡。無它嘅，因為佢自己已係汚默人物，被批評者有佢自己影子，亦有佢父母之影子，而呢啲正義說話刺中佢哋，故極之避諱，一句反擊批評者唔係人，父母都夠胆鬧，扣頂不孝帽子俾佢，唉，不知改進！

引用:

原帖由 suewong 於 2011-5-21 10:30 發表


agree... 結婚要政府 approve, 我覺得生兒育女更加要...

Absolutely, my dear Sister Sue, we speak the same language again! In fact, I’ve got the sixth sense that you’d even read my mind as well!

I wonder if I may probably be your separated/long lost brother, if any, as what you did once mention here in this forum before.

對呀！每當婦女在驗出懷有BB時，那對父（如有的話）及母需依法接受強制性有關兒童心理及生理之育兒教育訓練班。如有違者，得受中止懷孕手術懲罰。

班友日日背埞鬧皇帝，講民主，講人權，話阿爺乜乜物物，只係50步笑百步而已，好多人响屋企咪又係關埋門做皇帝！好多家庭根本就係國家嘅縮影。

呢啲心態根本就係我華夏幾千年來之優良文化傳統，興大蝦細及以權謀私。加上啲乜鬼儒家思想、吃人禮教，產生一代又一代嘅君主霸權於外，家長霸權於內。

𠵱家响香港啲人受過沒落紅毛帝國洗禮，啲禽獸父母稍為開化咗啲，甩咁週身毛同條尾，唔再敢（其實佢哋好想反撲復辟）再學幾十年前咁，响屋企一見有批評父母，例如唔顧家、搞三搞四、食煙飲酒賭錢…等等，即時遭到封殺，更攽佈martial law，實行軍法統治，兼武力鎮壓，用棍狂掃！

同呢亭人形父母講人權及人身自由？跟同阿爺講有把乜分別？

引用:

原帖由 維圓阿伯 於 2011-5-21 18:05 發表
恭喜阿筆蛇塭番個散細妹
話時話我懷疑閣下小時花名叫瓦風嶺
莫非九龍城'性欲強'中學幾拾年前已有獨立思考能力教學
...

嘩，維圓蛇咁大巴醒過嚟，唔使咁客氣嘛！

我梗係想跟黃小妹認親認戚喇，之不過大家social status唔同，都係遙認算嘞，否則有日佢帶大佬我出席佢啲親友上等人飲宴場合，我唔出聲淨係識傻笑還好，一出聲好似My Fair Lady咁，又粗鲁又冇料到，就穿崩兼失禮人矣！

小弟中學讀嗰間係「性、慾、望」，「性慾強」係隔離嗰間，不過聽講啲哥哥仔俾阿Sir你哋拉哂去戒色所閹鬼哂了！

我小時花名叫「不見天」，因無法無天兼無天裝，連神聖不可侵犯嘅偉大父母都敢將佢哋拉下馬，仲寸過紅衛兵。It’s all Chairman Mao’s fault,我聽毛主席的話，做個毛主席的好學生，佢話「與天鬥、與地鬥，其樂無窮」，仲教導我們話「爹親娘親不及毛主席親」，我多得佢唔少！


[ 本帖最後由 mtpen 於 2011-5-21 21:46 編輯 ]

引用:

原帖由 維圓阿伯 於 2011-5-21 18:05 發表
莫非九龍城'性欲強'中學幾拾年前已有獨立思考能力教學
根基穩固 ...

維圓兄若果有留意，小弟從來冇叫我中學讀嗰間「性、慾、望」係野雞，而呢個咁猥瑣嘅名係班死仔改而我覆述而已。

其實當年九龍城呢間聖若望除咗校舍不合格、冇操場及對正啟德機場嘈啲之外，師資亦算不俗了，英文科肯請隻鬼子佬嚟押陣，以當時嚟講算係重本矣。公平啲來講，此校雖有野雞之名，惟無野雞之實。

老兄問我之獨立思考能力是否從那裡受教而來，冇錯，不過並非全部。嗰度的確有两位啟蒙老師幫我種苗就真。國文老師是其一，佢卅多歲後生仔，姓名太耐記不起，只記得佢台灣受教育，課本佢依足課程就算，叻在多嘢講，題外話滔滔不絕，講佢自己人生觀及經歷先至吸引我哋冇閤眼瞓。因此吸收不少正確做人道理及價值觀。

Geography老師是其二，叫John Mak，班死仔改佢叫猪嘜。佢身兼訓導主任，就係佢罰我抄「我以後不再遲到」而令我一生無論做何事皆不再遲到。  

某日我遲到，問我因乜解究？答曰塞車。再問是否初搭此巴士，答曰已乘此線多月並經常如此塞車。即鬧no excuse,既然係咁，因何唔早啲出門口？抵鬧！

其實佢最叻係冇教死書，當年大約係1964-1965年，我最記得佢講世界從此不一樣，因航運上會採用container作集裝貨運及Jumbo 747飛機會啟用。佢叫我哋走出教室，去對面啟德機場PanAm, BOAC櫃台及中環總統輪船公司攞航班leaflets，又教我哋集郵，從始視野擴闊起來。


𠵱家呀猪呀狗上網就全世界乜都睇到，但若不是佢鼓勵，機場及輪船公司呢啲有錢佬先至去嘅地方，我哋貧下中農冇需要踏足，係呢一世都冇需要踏足！

引用:

原帖由 suewong 於 2011-5-21 17:01 發表


我反而覺得應該懷孕前攞 approval....

黃小妹講得啱呀！即係想做人老豆老母皆要考個牌先！

我先前曾講過，子女孝順父母，猶如呼吸張口，口渴飲水般自然，有需要而必然，故做得好係應份，並不值得／亦無須嘉獎。

同一道理，養育子女乃父母天職，連係任何禽獸皆有之天賦基因，唔使人教亦無須學習。

養者，一雌一雄動物行埋 (an activity/behaviour that comes natural to human/ animal)，而人類會（或者不會，it all depends）獲付加歡愉於此之上)一般都會養（懷孕／生）出BB動物。

育者feed也，餵飼也，亦是任何動物皆會給自己BB之自然行為，有些或會做得比人類更好，更偉大。例如企鹅就是，佢哋俩公婆分工合作凑大隻BB企鹅，冰天雪地咁企住凑，又何曾四圍去同人講自己幾咁偉大呢？更無成日响BB企鹅面前呻過半句，又無附加條件或small print規定佢就算失職第日都要養番佢俩老，幾瀟灑呀！好鵝！抵冇人會有興趣去食佢哋！

大家請留意「養育」跟「教導」並非同一樣嘢。在現今社會豐裕，尤其是我哋凸區啲錢多到唔知點使，去醫院生仔，日後小朋友衣食住行，以至供書教學及新增觀光旅行，基本上已是阿公嘅，換句話說，「養育」已無須父母打皮，除咗麻煩你要填張form申請／報咁大把！

總之咪使响度詐形呻賴佢要使你錢飬，第一，佢係你俩搞嘢搞出嚟嘅，第二，今時今日你唔怕面懵大可攞綜援，攞公屋，最新金礦乃關愛基金，有幾千億等住你去攞，衹要打跛嚟醫即可。

反而子女要極度感恩並且一定要報答偉大的好爸爸、好媽媽，乃動物唔識做嘅「教導」也！

所以如果那些聲稱為人父母而沒有又或疏於「教導」子女者，那跟普通有四隻脚一條尾嘅物體有何分別？

惟「教導」係需要love, I doubt very much that how many people in Hong Kong could afford offering such kind of precious love to their children?

引用:

原帖由 scottiehong 於 2011-6-16 12:10 發表

時間過得好快, 阿仔已經滿左月,  ...

係就係三級咗啲，不過寫真係咁㗎啦！


佢表情睇嚟好似唔係幾滿意你咁影法喎！

努力！加油！幫國家好好哋湊大佢呀！

引用:

原帖由 理魯竇 於 2011-6-16 18:51 發表
下面這張照片同火災有沒有關連？

一定有關連！


問kintsun兄佢實知！  

背後那個山是窩仔山抑或九龍仔山呢？

引用:

原帖由 scottiehong 於 2011-6-16 22:21 發表


睇落似係窩仔山, 下面個告示牌既位置, 好大機會係而家陸軍球場出入口

我都覺得係窩仔山多啲，唯一疑點係近山嗰排四層屋，因嗰個位置會係
後來起七層大厦N & O座（即1 & 2座）嘅位置？

[ 本帖最後由 mtpen 於 2011-6-17 08:58 編輯 ]

引用:

原帖由 1149 於 2011-7-1 20:01 發表

小弟...1957住在蕉園那兩間厠所對面..1958or1959火災,家當被燒光了 ...

1149兄您好！

多謝你咁詳盡與大家分享往事，老兄應是小弟之大坑東官立下午小學師弟了，請問是那年畢業呢？

原來老兄亦識大同中學之阿良(=呂Ｘ良=呂四娘)我同屋隣居，請問有否他近况？

希望老兄今次回港可盡興而歸，若有大坑東舊相，不妨放上來與大家分享喔！

引用:

原帖由 1149 於 2011-7-2 20:23 發表

我1969大坑東官立下午小學畢..阿良無聯絡SORRY ...

我就稱1149兄為學弟好了，因我早你數屆，於1962年大坑東官立小學下午校畢業！

老兄文筆抵死風趣，樂天知命，full of sense of humour，是長壽之癥！  

引用:

原帖由 老何 於 2011-7-2 21:02 發表

ne 張相與火災冇關連. 後面排屋係花墟道.告示牌後水坑, 上通小西湖, 下去到東樂戲院轉暗渠.

請問老何兄，遠處那山仔是窩仔山抑或九龍仔山呢？


現附上舊地圖一張，可否圈出婦人企位？

呢幅地圖好funny，圖上方左右皆出現九龍仔山！

引用:

原帖由 kintsun 於 2011-7-3 10:14 發表

Pen 兄66年的地圖珍貴,九龍仔山在此兩處出現在其他舊地圖都是如此,要探究一下

難得見kintsun兄蒲頭，應是好兆頭，想必是愛兒已fully recovered矣，isn’t it?   

多謝老兄咁用心將幅相詳細地用立體去圖解，真難得！

經看後才發覺我先入為主，由南向北地去看那婦人之位置，原來剛好相反，真蠢！

可能因細個時視野相應短少，我從來唔覺／記得原來由又一村／大坑東道向南看，旺角嗰邊會有個咁似窩仔山嘅山仔，雖然我當年經常去kintsun兄你兒時第一故居 - 又一村／花墟玩及踩單車。

引用:

原帖由 kintsun 於 2011-7-3 23:55 發表
Pen 兄及各位,其實今天心情並不好,小兒的病仍膠著,..今天亦收到佛教醫院的電話,母親病情惡化,

讓我於此向kintsun兄家人送上祝福，希望他們早日康復！  

而老兄亦要好好保重！

引用:

原帖由 suewong 於 2011-7-4 17:30 發表

我家都有這樣的感慨 - 父母勞累一生, 養育我們成材, 從未享受過我們所有的奢華...

人非草木，一個毫不利己、專門利兒之父或母，定必令子女感動，致令他們自動去感父母恩，去尊敬、去孝順、去報答他們。  

伯母之偉大，可從令Kintsun兄寫出她對家之貢獻作出肯定。家有此父母，着實令人羨慕，亦可作為人父母者榜樣！

黃小妹，聞說妳哋教大學生，唔似以前淨係有妳寫對學生嘅評語，依家興佢哋都寫番對教授之評語，有其事否？

引用:

原帖由 suewong 於 2011-7-5 18:27 發表


結果師生大會, 比學生當眾羞辱 ...

黃小妹睇睇咁寫法會否貼近市况一啲:

…結果師生批鬥大會, 比學生當眾正法…

引用:

原帖由 kintsun 於 2011-7-12 09:20 發表

老媽剛於今早離開我們了!九龍仔是她年輕時與生活博鬥的地方, ...

RIP  

引用:

原帖由 1149 於 2011-7-14 18:07 發表
SUEWONG妹妹妳好,大家好
地球降溫關鍵在低碳蔬食
減少畜牧業肉蛋奶等
可減少甲烷,臭氧,黑碳.氧化亞氮,二氧化碳五種人為溫室氣體

睇嚟老兄冇揀錯台灣做立身安命之地，你呢種超然睇法，香港少有，想必得自台灣文化／教化，對嗎？

引用:

原帖由 1149 於 2011-7-14 20:57 發表

前面有說到吉卜賽人,我有一不好的經驗,2年前去奧捷旅遊 ...

我並無種族歧視，但真係要小心遠離吉卜賽人！

引用:

原帖由 杜友明 於 2011-7-16 17:04 發表

政府成日話自由社會，自由貿易，其實好簡單，轉手抽重增值稅，炒家自然收歛。

絕對贊成！

仲有，只要阿爺肯佩合，緊釘／阻止黑錢流入及非法套滙，而凸府頒令地產佬／Banker佬／律師等「一定」要通報dodgy買樓款項，失責者定必刑事起訴！



[ 本帖最後由 mtpen 於 2011-7-17 15:46 編輯 ]

引用:

原帖由 理魯竇 於 2011-7-16 21:39 發表

....最後340萬成交。點知最近再網上睇到，該單位於3年後以510萬售出。 ...

賣仔莫摸頭，摸頭眼淚流！

不過理兄唔使咁upset，你就快會笑住話當日340萬賣得靚，因為就算今日市價值800萬又如何？你會甘心賣800萬咩？點解唔等900萬至賣？

睇嚟老兄灝景灣層樓係自住嘅，又當你一路都冇賣，依家升到800萬，試問老兄賣咗去邊處住？你咪呃我話唔驚第日層樓會升到1000萬買唔番呀！  

引用:

原帖由 1149 於 2011-7-19 15:57 發表
SUEWONG MM,MTPEN兄,我覺得有自己的房子,住得安穩,人生才算美滿...

醒目，叻仔！

不過多口想請教老兄，响台灣手揸9間房屋和一塊3000平方公尺的農地，响社會上算做有錢否？

之所以咁問，皆因老兄先前曾呻好想退休，可是仔細老婆嫰，不知怎麼辦？