引用:

原帖由 Tarocake 於 2012-7-21 02:59 發表


中庸兄，又收到d老sell 料，今次仲奇， sell 地皮。專業意見還是請教筆主任及方兄為佳。...

芋兄, 不如引用番我嘅逆線思維去推理, 咁靚幅地使鬼輪到隔山賣俾你哋啲Chinaman呀?

我Google search 果個Post Code EN7 6WA, 响Outer London, 即M25環市公路以外。總之地離開M25已唔多值錢矣。  

Greater London都仲有大把平、靚、正地吖, 貪佢乜嘢好呀?

引用:

原帖由 Tarocake 於 2012-7-21 10:49 發表

老大，你不妨用直線邏輯去睇，面對中華兒女驚人消費力，部份近乎naive 的投資分析力，...

Chinaman咪作大喇, 自我催眠, 無限膨脹到天下無敵咁, 虛火嚟咋!

20多年前㗎頭咪俾人捧到痾篤屎都香嘅, 如今安在呀, 食番自己篤屎喇!

引用:

原帖由 rfong50/50 於 2012-7-21 12:41 發表

正如 筆保長所言, 出左 M25 用來投資都唔使諗啦, M25 內有相若的優美環境的唔使講梗係 Surrey 啦. ...

方兄一語道破, 你家陣買笪地、買間屋係要嚟住、返工、上學, 抑或買個森林、holiday home先?

要大、要山、要水吖嗎, 再北上啲去Scotland吖, 幾十萬港銀嘅地多得很, 仲山明水秀添!

不過冬天凍瓜或俾Gale吹咗落山/海就咪怨我大督筆好介紹呀!

根本英國除咗Central London外, 處處都係花園, 尤其是方兄指我住過果個郡Surrey咁, 我哋Park Hill後欄個Lloyds Park就成十幾廿個維園咁大, 平時鬼影都冇隻。點解? 自己個前後花園都夠玩喇, 何須多去復多求呀?

引用:

原帖由 Tarocake 於 2012-7-21 17:04 發表

猶記起孩時到歌和老街貯水庫裸泳，何其樂哉。老大，蕉學長，49大夫都是大同校友，未知當年可有在水庫留下腳毛。

...

冇,因為如果俾阿爸阿媽知道我响果度游水,返歸實殺咗我!

引用:

原帖由 Tarocake 於 2012-7-21 17:02 發表

老大，唔好嚇我呀，好多人靠呢把虛火搵水。如果熄左好多人都唔掂。 ...

芋兄就當我陰謀論好了, 我曾多次在此提過國際一片衰退在眼前, 環顧四周, 中國牌是唯一令全世界人當係救世主般希望。  

雖然大家都知係假嘅, 但此中國神話大家就當吹催眠般都要信落去, 仲要大樹特樹中國好、中國正、中國誇啦啦!

但係人都知, 國際大鱷都在作好两手準備, 在炒爆佢中國經濟呢個泡沫前刮多两手,
唱好推高 “捧打”佢, 之後飽食颺飆。

Chinaman正蠢貨, 俾人讚两嘢就鬆毛鬆翼飄飄然, 無他嘅, 塊頭大, 對上20幾年Made in China此世界工廠賺落唔少, 肥頭耷耳、肉香四射, 遲早落鑊, 信焉?

強國新發彩, 乜都”最”過人:

最多懵人/水魚
最多人認叻
最冇有識死/危機感
最發錢寒
最多冒進股民/商家
最對錢銀冇價值觀
最未見過/經歷自由市場金融起落
最發白日夢
最想不勞而獲
最…you name it!

你又當我大督筆呢隻China Skeptic 疑中派, 別有用心唱衰強國子民好了!

引用:

原帖由 rfong50/50 於 2012-7-21 23:44 發表


一句講哂, 大多都係姓羊的, 唔係叫羊��, 就係叫羊牯. 強國就羊牯多, 香港就羊�議ㄜ齯�. 盲搶鹽是其中一例. 而最近的五千個白表買居庢又是一例, 話明白表即係有入息限制啦(反而綠表冇入息限制). 咁快挾都五,六千蚊 ...

之所以話, 人窮皆因冇腦, 冇腦自然會變窮人, 互為因果, can’t help!

引用:

原帖由 rfong50/50 於 2012-7-22 10:43 發表

產業過度膨漲，生產力過剩，資產泡沫等基本上和金馬影帝  羊(楊)�議ㄙg上關係, 而金融業風險集中, 其實應該係金融業的管理和風險意識做得差 (可能有些是故意的). 手法過份追取, 加上投資銀行過份膨漲和吹噓, 就是 ...

其實強國個局, 一字咁淺。強國之所以崛起, 靠的是International Trade, 即Made in China此 “世界工廠”強項。

話明係 ”世界工廠”, 出產銷全球, 家陣全世界衰退不景, 阿水有錢買你啲產品呀?  

内銷? 果啲西方消費品例如聖誕樹及裝飾、Easter、Halloween應節鬼佬嘢可内銷咩? 自己又唔知好多輸出乃低檔次破壞環境之可有可無之消費/浪費品。仲有, 塘水滾塘魚呀? 冇生錢入點強呀個國?

其實人哋西方講環保、講打倒消費主義, 強國千祈咪加把嘴學人講。多得西方人浪費兼先洗未來錢, 一代洗哂三代嘅資源, 用通脹推高物價, 令房屋物業價值無限上升, 再循環加按借貸洗落去, 直到好似即家陣花旗咁爆煲為止。

英國消費者委員會WHICH?成日叫人做個精明環保消費者, 去IKEA之類買家居什物、碗碟前, 唔該佢哋担把梯爬上自己屋企個loft度摷吓先。英國啲House多數尖頂瓦面屋頂, 一般會將呢個loft放雜物, 但吓吓擒梯唔方便, 上到去又要烏低身就位, 故狗屎垃圾放咗上去就唔多記得, 其實响個loft可能摷到買落好多未拆封嘅全新家居什物、碗碟、聖誕裝飾…。

強國新發彩並沒有以此為鑑, 又學人剌激消費/浪費, 飲鴆止渴, tragedy!

引用:

原帖由 Tarocake 於 2012-7-21 02:30 發表

不過我想請蕉學長用你文采筆伐老大兩野，譴責其大蝦細。學弟出差每遇美食皆盡量與老大及街坊們分享，但老大遇上美女即起鐵筆，梨就話可以效法孔融去讓，但泡妞點可以呢？ ...

芋兄今鋪引喻失義矣!

兄弟間嘅孔融讓梨又怎可與男女間果家嘢混為一談呢?

當我正在嗒緊木瓜又或品嚐緊祿柚, 又點可分身、分神跟你分享呢? 忙碌尷尬兼唔方便嘛!

分桃搞到衫袖都甩埋我都略有所聞, 之不過限於男男之間果味嘢, 我唔興噃。

咁吖, 若有日老兄跟Amanda H 或何賽非擦緊嘢, 你想揾人分享, 揾我吖! 又或老兄恐力有不逮要人幫手and/or口嘅話, 我可助你一脚之力, 請隨時call我, Amanda H & 何賽非都有我電話。

引用:

原帖由 chungyong 於 2012-7-23 17:32 發表


唔好講乜，剩係筆保長早排叫我唔好掂歐羅，已經中晒啦，今日歐羅跌破 1.21喇，話時話，Eur Jpy 現價 94.4 ，應該有死貓彈吧 ?..

在港人仕請小心? 從語句上, 中庸兄似乎身在外地矣, 對嗎?

至於Euro跌, 大督筆撞棍撞中啫, 千祈咪聴足喔!

而日圓阿拉服毒, 冇敢俾意見呢!

引用:

原帖由 chungyong 於 2012-7-24 19:19 發表


筆保長果然敏銳 ，小小地方都俾你捉到 為何叫阿拉服毒呢 ？

呵呵! 那確是阿拉服毒矣!

那是1968年大督筆在清水灣邵氏片場做服裝管理員時學番嚟的。

當時片場内好多上海 “Now Shown” 成日說 “阿拉服毒”。

據聞解作 “我不知道”或“阿拉不懂”。在座各位街坊有否 “Now Shown”? 請指正喔!

[ 本帖最後由 mtpen 於 2012-7-24 21:50 編輯 ]

引用:

原帖由 rfong50/50 於 2012-7-24 22:45 發表

各位街坊 學長安好, 昨晚 10號風球的風力都幾猛烈, 但相信對街坊 學長們所在的地區只有輕微的破壞吧. 小弟家住旳上水區, 由於比較空曠 都塌了幾十棵樹呢!  

喂, 睇住我架單車呀, 大佬!

多謝方兄呢位Xocat長駐上水特派記者現場實地報導, 有圖為證, 個風果然犀飛利。

大督筆蝸居在重重石屎森林中, 又冇海景、又冇山景, 只有屋景, 相對安全, 亦幸免於難。

老兄之低密度豪宅可安好嗎?

八年前剛回流唔知埞, 見小西灣藍灣半島有全新61樓無敵海景大單位又平租, 驚為天人。

風和日麗冇風打都幾爽記嘅, 之不過颱風一到就你愛矣。正所謂風聲鶴唳, 棟樓確實係會岌岌貢及前後擺動嘅, 啲玻璃窗又大到無倫, 又係會擺動嘅, 簡直驚心動魄冇埞匿。  

仲有, 全屋窗台定必漏水, 整晚除咗呼呼風聲外, 還聽到像消防車聲, 因63樓天台那些天線鑊等設備在猛風吹過其隙罅時, 猶如吹口琴或笛子般奏出聲響。

卒之住咗两個租約, 即四年, 襯屋主嗌加租乘機契弟走得摩, 回歸現實, 都係安全第一, 加location、location、location啊!

其實我認為天文台唔好再用小西灣藍灣半島對出冇幾遠果個乜鬼嘢橫欄島做風速指標, 改為“藍灣半島風速乜乜乜”仲可準確反影該區風速實況。

引用:

原帖由 chungyong 於 2012-7-25 14:53 發表

筆保長，你架單車冇事，不過唔知係咪你或芋兄�鶧次打N有 dd 麻煩喇 h:" />

多謝中庸兄匯報, 得知我架單車冇事, 我泊响果度係要嚟踩去方兄間豪宅探佢㗎!

呢隻蚊滋艇唔係大督筆嘅, 我隻千呎豪華遊艇08年金融風暴果鑊炒燶股早已被銀行拖走咗。

呢隻亦肯定唔係芋兄嘅, 呢幾日佢老哥冇上嚟吹水, 皆因早知颱風殺到, 已跟芋嫂同芋仔將佢隻三仟呎超豪華遊艇駛咗出海去夏威夷度假。

引用:

原帖由 chungyong 於 2012-7-25 14:00 發表


1149兄只是想男人最大夢想而已，正常不過，子曰:人係要有夢想，如果唔係，同條鹹魚有乜分別？

中庸兄一啲都冇講錯呀, 但鹹魚話廢話廢都未廢得哂吖, 起碼都work work哋有鹹嘅intention嘛。

我話最怕反而係鹹魚遇着死魚就真係濕水爆仗弊家伙矣!

引用:

原帖由 rfong50/50 於 2012-7-25 18:10 發表

報告 筆保長, 風係大一點, 破壤力有限, 而且大部份倒塌的樹木, 本身的狀態是有問題的, 因抵受不住風力測試而倒下來. 而那些幾十年樹齡的老樹卻依然屹立不倒呢!

那就好了!

那些屹立不倒之樹果然老而彌堅呀!

引用:

原帖由 flowingwater 於 2012-7-25 19:19 發表

送給筆老兄及各街坊　由１分３０秒開始　該地方留下５少筆毛 當年好有鄉村ＦＥＥＬ　真係好難想象係依家既九龍塘

多謝水兄好介紹, 呢個火車山窿離大同中學《天下為公》牌樓不遠, 的確留下唔少筆毛呀!

水哥咁熟當地, 莫非亦是附近老街坊? 呢度係蕉兄後欄嚟㗎!  

引用:

原帖由 flowingwater 於 2012-7-25 19:19 發表

送給筆老兄及各街坊　由１分３０秒開始　該地方留下５少筆毛當年好有鄉村ＦＥＥＬ　真係好難想象係依家既九龍塘

火車路旁有條小水溪, 我曾跟老媽子從山嘅另一邊山脚, 即環山路, 托住幾盆衫上山穿過大同中學落此小溪洗衫, 淨路程來回要成個多鐘呀!

引用:

原帖由 蕉園仔 於 2012-7-26 01:32 發表

另要向學長報告，學弟有同學從加拿大回港渡假，知悉我們找到呂四娘，於是致電給他，得悉學長當年所租住石屋的包租公和包租婆即呂生和呂太仍健在，距今都幾十年了，不知學長還否認得這兩位大坑東環山路的老人家呢？ ...

Bravo! It’s magic! 嗱, 我都話過九龍仔大坑東風水好㗎啦, 住過嘅人除咗風生水起、大富大貴外 (大督筆除外, what a pity! ) , 更長命超過百歲!

呂四娘嗲哋及媽咪我當然仲記得好清楚喇, 雖則大家冇見已剛巧50年。我相信佢哋两位老人家已過90歲矣。呂生因外出工作, 我記不起他之樣貌, 但呂太個樣, 仍非常清晰在我腦海中, 見到我一定認到。

請蕉兄跟你位加國friend代我向呂四娘轉述我對他嗲哋及媽咪問好!


呂四娘可能是最後留守該區直到拆大同中學繼而起城市大學之最後街坊。若他老哥肯上此forum吹水, 我敢保證好多嘢聽, 當然亦好多相睇, 因呂四娘响大督筆眼中乃超級富戶, 實買得起相機影相也。故請你們說服呂老兄上嚟吹水, 包保生色不少呀!

引用:

原帖由 理魯竇 於 2012-7-26 00:56 發表

筆兄，你真係英明神武，捨無敵大海景，頭也不回。今晚睇電視新聞，見到藍灣半島慘遭蹂躪，好多單位玻璃窗裂晒，而家封晒木板，我都唔知當晚破窗後，那些住戶點樣渡過狂風暴雨的一夜。

呢啲叫做好睇唔好食也, 咁嘅情況, 只有一處可避, 乃後欄工人房, 因果度祇有两隻後巷加天井窗仔, 今鋪班班、印印最安全, 亦都俾機會啲所謂有錢佬可跟佢哋共處一室,賓主共歡吖!

引用:

原帖由 1149 於 2012-7-26 17:32 發表

大同食堂有時也看到阿良收錢,不知食堂是否他家開的...

49兄提到阿良在大同中學食堂幫手收錢, 那就確實呂四娘是我同屋朋友仔了, 因我突然醒起他嗲哋是做包伙食的。

引用:

原帖由 蕉園仔 於 2012-7-26 22:29 發表

筆學長請放心，呂四娘100%是你當年的同屋朋友仔啦，學長年紀應比四娘只大少許，那些年應該沒代構，還一起到處玩耍，對嗎？ ...

Absolutely, 阿樑跟我何止冇代溝呀, 簡直是大家童年懂事後首批玩伴呢!

阿樑 (蕉兄亦冇用錯他之真名) 他得呂四娘此名, 全因細個時公仔書 (有别於現時之漫畫書) 及公仔紙上有此武俠人物與他全名首尾同音, 於是大家安他此花名而已。

我1949年出生, 他應與家弟同齡, 約1951 – 1952年出生。我跟他玩泥沙於1958 – 1963年間, 當時他約7至10歲左右。要不是從你們大同中學書友仔口中得知, 我真想不到他後來响體壇咁出名。

在我記憶中佢細個時圓碌碌, 屬強壯之類, 但並非特别高大。我有理由相信阿樑後來成為名將, 多得两樣嘢。

第一, 他家底算富裕, 起碼同我呢亭窮鬼比係咁, 衣食足, 故營養好, 有利發育。

第二, 他住在大同中學腳下。環山路11A两層高石屋與大同隔個fence。屋之菜地/花園背後有一條十呎高木梯可爬上斜坡到達廁所/石乒乓波枱附近, 再沿課室 (走廊有大紅圓柱支撐 ) 上籃球場。假日及旁晚因校園不設防, 故附近街坊大可使用其設施。阿樑及我哋幾條o靚仔自可在籃球場上任玩唔嬲矣。

當然, 有此環境還要阿樑有此優秀運動員素質及努力才成啊!

引用:

原帖由 蕉園仔 於 2012-7-26 01:32 發表

筆學長眼力和記憶力的確利害，那處確是蕉仔的後欄，小弟很少會跟經此處，就算要去猛鬼湖裸泳，都是經《天下為公》牌樓再轉左邊經牙菜坑上猛鬼湖，...

照咁睇嚟, 蕉兄若想從蕉巢去猛鬼湖裸泳, 會是由初段两邊無屋之環山路, 即阿樑及我哋住嘅石屋前經過, 上斜到路尾近大同正門前才開始有屋及舖仔之山路, 穿過教務處或籃球場, 再上有沙池及有幾個吊環器械操之沙地, 落石級穿過「天下為公」石牌樓, 過火車軌, 再上芽菜坑到猛鬼湖, 對嗎?  


來回個半鐘唔少得, isn’t it?

引用:

原帖由 1149 於 2012-7-27 16:15 發表

穿過沙地吊環上面教室.來到山頂,再直接過去,

49兄真搞笑, 上完沙地吊環, 即落石級前右面之山頂再接過去? 跳崖呀?

引用:

原帖由 1149 於 2012-7-27 19:40 發表

教室後山頂,可接歌和老街,那時侯歌和老街只有到畢假山,猛鬼湖這段還未有.

49兄所指是落石級前左面之山頂, 即沙池對上。因我非大同中學師生, 所以重未上過那邊, 行過沙地抬頭只見校舍一樣之單層建築物而已。

那49兄或各位街坊可曾有經此路往返? 是甚麼樣的山路?

引用:

原帖由 rfong50/50 於 2012-7-27 22:16 發表


金鳳. 那裹夏天人就冇, 金鳳就多到捉都捉唔晒喇.金 ...

多謝方兄之詳細描述!

金鳯個名好熟,但忘記了是甚麼,金色臭屁辣?

引用:

原帖由 rfong50/50 於 2012-7-27 22:16 發表


咁就由我呢個九龍仔街童話俾筆保長知, 其實在沙地吊環玩體操的地方, 可向前直去落斜經 天下為公 牌樓去火車軌,

之所以話叻人自細都有個樣睇嘅, 比起大督筆呢亭冇胆匪類, 方兄日後成為猛人其實早有跡可尋矣。

我住在大同中學腳下大大話話有成五年咁長, 大同係我後花園兼遊樂場, 亦是成長根據地。反而老兄住响離我10分鐘遠街口之念新村, 對大同地形還比我熟, 佩服!

究其原因, 乃胆子問題而已。好坦白講, 落長石級去火車路前, 响右邊吊環旁上石級去沙地足球場就常常去, 但我從未有意圖或企圖上去左邊教室那裡看看, 現在想來也不知何解。

我太循規導矩及胆子少了! 就以今天老兄乃在像食了豹子胆般, 在市場大風大浪及大鱷環伺之下, 乃能及在鱷魚潭中予取予携, 夠哂沙卜! 勁!