筆兄，高裝、馬拉你都記得，真係佩服，你唔提起我都忘記得一乾二淨。

西半山有一個叫做「鳶王」，持住自己疊水，配備精良，旗艦為大馬拉，加上用玻璃
魚絲，每晚必定放出來叫陣挑戰，我等山下的小輩出一隻死一隻，一定被佢�隻滿A真
真正正係斷線風箏，整整下無人敢放紙鳶上天。

正在苦無良策之際，唔知邊個去摩囉街�M到一餅幼如頭髮的鋼線，據聞係戰時作錄音
之用，但居然可以用來紙鳶，好處係�健戊ㄜ讕_。於是放隻上天向「鳶王」挑戰，戰
果係打和，互相都�鬼讕_，但有時候可以扯佢隻馬拉落來，作為戰利品。

到後來想到用油漆溝玻璃粉來臘鋼線，鋒利無比，所向披靡，鳶王亦甘拜下風。

摩囉街的鋼線好快賣到斷市，我地跟住撲去鴨寮街掃貨，但無幾耐就全部斷貨矣。
到後來「鳶王」又繼續稱霸西營盤的天空。

引用:

原帖由 蕉園仔 於 2010-11-2 22:32 發表
相信妳兒時一定不知道那些方飽皮是會有人買來吃的，你估我們不想吃去了邊最靚的方飽嗎！那實在是不可能的事，窮人無錢只能吃外皮囉
請問 Sue 姐兒時有冇燒過炮仗呢？ ...

聽到哩 d 當年, 感覺都有戚戚然既感覺. 亞爸 / 亞媽 個輩,  真是好 艱難 / 堪坷...

細細個, 香港已禁燒炮仗囉...

引用:

原帖由 蕉園仔 於 2010-11-2 22:32 發表

學弟那年教的是一位男老師，好像是性霍的，呢個老師都特別囉， ...

小弟1962年時在大坑東官立小學下午校讀六年班時，確有一男性老師姓霍，戴眼鏡，肥肥哋，鼻子大大，中等身材，年約四十多歲，是否教我英文則記不起。

至於焦兄述及1965有一霍姓老師教英文，是否同一人，則有待考證。

我記不起教我個嗰霍老師有否興揻女仔面珠dun嗰家嘢，但我對之極有印象。有年聖誕左右，佢請我哋十個八個窮鬼上佢深水埗順寕道政府資助嘅Housing Scheme豪宅家玩，仲第一次聽身歷聲音響。佢仲播一段唔記得係汽車定飛機，左右走動咁聲，真嘅一樣，聽到O晒咀。

�M家想番起上嚟，佢真係一個好nice嘅老師，冇階級歧視，佢唔嫌我哋爛身爛世。有個同學好曳，仲揻咗佢個聖誕樹上啲玻璃棉捽我塊面，痛咗我幾日，搞到我留下童年陰影，以後見到玻璃棉都怕怕。

大約廿年前，我睇到和藍大班霍見寕一篇訪問，提及佢Daddy係官立小學教師，住深水埗順寕道，我在想，霍老師是否他Daddy呢？又會咁啱佢個名有個寕字，莫非跟順寕道有關？

大約十年前，我响倫敦唐人街嘆茶，見霍大班坐响隔两張枱，有男有女及青少年共七八人。我原想走埋去拆解我之疑團，並想佢代問候霍老師老人家安好。惟老妻即時阻止，問我是否想高攀人哋而作罷。唉，有錢佬或者真係會少咗啲朋友嘅。不過若然是我呢亭窮鬼朋友，不要也罷！

蕉園仔兄：

你的描述不斷勾出我往昔的歡樂，我在兒時七層大樓住到十二歲左右，因為太迫了又未及徙置到南山村，搬到深水�纊贍a街營盤街，八兄弟姐妹。還記得中由深水�鶡璅鴗k人街與奶路臣街交界的德仁書院，二十分鐘就到。

Mtpen兄：

非常常有靚紙鳶玩，當然有執番來的，有時用報紙做，一定飛得唔高。棺材鳶都有玩。

引用:

原帖由 小師弟 於 2010-11-3 22:17 發表

蕉園仔兄：

你的描述不斷勾出我往昔的歡樂，我在兒時七層大樓住到十二歲左右，因為太迫了又未及徙置到南山村，搬到深水�纊贍a街營盤街，八兄弟姐妹。還記得中由深水�鶡璅鴗k人街與奶路臣街交界的德仁書院，二十 ...

哈哈！德仁書院隔離檔舊書我周時都有幫襯..................厚厚范氏大代數都係伍毫子，而家講黎，都係抵到爛。

引用:

原帖由 mtpen 於 2010-11-2 01:48 AM 發表


睇焦兄寫之童年往事，好似睇緊 The Adventures of Tom Sawyer，請繼續！


等老何兄去完重慶掘金返嚟，佢一定會 filing 呢段珍貴嘅歷史見證的。  

我唔係唔知有猛鬼湖 ...

當年的「猛鬼湖」已被當局加健混凝土上蓋，變成「石硤尾配水庫球場」。

引用:

原帖由 suewong 於 2010-11-2 22:03 發表


如果唔係衰身痕,  讀master, 跟住衰貪心, 攞獎學金, 去外國讀博士, ...

黃小妹攞獎學金去外國讀博士，相信是英倫吧？

若然是，請問何年？因倫敦唐人街好細，或者小弟跟黃小妹响茶樓撞過面也未定。

60 年代, 德仁書院唔係在旺角弼街/西洋菜街交界嗎 ??  不然, 那間叫乜書院, 記得好像係男校, 校樓係藍色, 不知有否記錯了 ?      現址係望覺堂基督教大樓,  有師兄師姐可以指教下嗎 ?

引用:

原帖由 mtpen 於 2010-11-4 13:54 發表


黃小妹攞獎學金去外國讀博士，相信是英倫吧？

若然是，請問何年？因倫敦唐人街好細，或者小弟跟黃小妹响茶樓撞過面也未定。  

非英倫也.

92 年頭去, 95年中返.

當時 64 新鮮熱辣, 遇到不少千方百計, 唔想返中國的留學生...

引用:

原帖由 理魯竇 於 2010-11-3 00:15 發表

西半山有一個叫做「鳶王」，我等山下的小輩出一隻死一隻 ...

理兄睇嚟同老何兄及 comm 兄响西環��過鳶了。

引用:

原帖由 mtpen 於 2010-11-4 09:31 AM 發表


理兄睇嚟同老何兄及 comm 兄响西環½過鳶了。  

香港鮮有地方放了！

引用:

原帖由 hkgalbert 於 2010-11-5 04:16 發表

香港鮮有地方放了！

對呀！不過�M家啲後生仔唔會得閒去玩啲咁落後嘅玩意矣。

咦！突然醒起 Albert 兄去咗花旗都幾個月了，睇你 post 呢段嘢嘅時間，想必仍處蕃邦。

好快啲返嚟避寒囉噃！

引用:

原帖由 hkgalbert 於 2010-11-4 13:41 發表 當年的「猛鬼湖」已被當局加健混凝土上蓋，變成「石硤尾配水庫球場」。

HKGALBERT兄：
好多謝你的告知，小弟這一輩子都不會忘記這個猛鬼湖的，要不是那次臨危不懼，保持鎮定，雙手抓緊地下，慢慢一步一步爬回安全地方，否則現在已在極樂世界了。

小師弟兄：
其實好多舊事能夠重提都是大家把一些舊事舊物分享出來，然後產生一些化學作用，一件舊事產生後就再變化出另一件舊事，才能把部份已忘記的舊事call back，例如要不是友明兄講出蕉園入口旁邊有個裝義肢的肥佬的小鋪，他的小鋪隔離的餅鋪，再隔離的字花檔，我才能想起餅鋪對面有個神祕地方X貴園，字花檔斜對面有間雜貨鋪等等。這又使我想起在雜貨鋪向桃園街方向再行出少少，就是拍毛泥(水泥)紙袋的地方，對面就是小弟常常理髮的地方囉。


另外小弟又想請友明兄、小師弟兄，mtpen學長和其他前輩幫忙，想想這個童年遊戲的玩法，因小弟已忘記了，大家還否記得以前成年人吸煙的牌子嗎，曾經有一段時間想在地上檢一隻煙盒都好難嗎？對了，這個遊戲是用煙盒來玩的，當時的香煙牌子小弟記得的有『好彩』『良友』『駱駝』『萬寶路』『雲絲頓』『555』等等，我們會把這些香煙盒接成一個三角型的煙盒，然後會把不同牌子的煙盒來分等級，例如謀隻牌子煙盒就較高分，其它就較低分，但如何玩法小弟就記不起了，不知你們還否記得這個遊戲的玩法和如何以不同牌子來計分的呢，小弟好記得那段時間真的很難在地上檢到煙盒，那時的清潔工人應該好多謝我們幫了他們一把哦，哈哈。



理兄：
玻璃魚絲和網絲我都見過，但當時真的很貴，不是有錢人休想去玩這些高級東西，我等窮人只能買一些300碼或600碼的線來臘的，至於閣下所說的油漆溝玻璃粉所臘的線就未見過，小弟當時放紙鳶是在蕉園山上，近大同中學那個泥地足球場，很多時都是跟大環山那邊的鳶友對戰。



mtpen學長：
跟據學長所描述的霍姓老師外貌，百份之百跟教小弟英文的那個霍姓老師吻合，好大機會是同一個人，原來香港打工皇帝就是他的兒子，利害。學長請問閣下還在大坑東官立小學讀書時有沒有打乒乓球，學弟記得當時我們不是在乒乓桌上打的，是在學校地下大堂用書包作中間分界網，就在地上打乒乓球囉，有次贏左，好開心，大聲講話，排隊上樓時被一位未曾教過的老師鬧，差點要罰企，所以學弟在學校的成績表上行為的分數好差的，呵呵，未知學長行為這一欄拿的是什麼級呢？

下回分享一件在蕉園內發生的人間慘劇給閣位知吧。

引用:

原帖由 mtpen 於 2010-11-5 01:42 AM 發表


對呀！不過鶽家啲後生仔唔會得閒去玩啲咁落後嘅玩意矣。

咦！突然醒起 Albert 兄去咗花旗都幾個月了，睇你 post 呢段嘢嘅時間，想必仍處蕃邦。
...

已回港一星期！老人捱苦夠了！要啃新鮮蒸鯇魚、新鮮菜心炒牛肉、新鮮蕃茄土豆湯、新鮮豆腐到湯！中華民國人快努力，解放金山、加拿大、歐洲受苦爛的人民！

引用:

原帖由 蕉園仔 於 2010-11-5 12:19 發表

HKGALBERT兄：好多謝你的告知，小弟這一輩子都不會忘記這個猛鬼湖的...

我諗啲人如果响石硤尾配水庫球場踢波而又冇睇掌故或呢個forum嘅話，未必知球場下面有咁多寃魂。

蕉兄所述之煙包遊戲冇乜記憶，可是我常跟家弟拾之作床上足球比賽。將每個硬煙盒剪開摺成两個A狀紙牌，不同牌子變成不同球隊或前鋒後衞等，錫紙則搓成波子狀，然後用手拍下令錫紙波子彈向對陣籠門，中途若跌在對方紙牌前，對方拍下彈回。輸咗盛惠公仔紙一張，或波子一粒。

你說得對，記得學校並無乒乓球桌，一般是用書包作中間分界網在地上打的。至於操行，應該不過不失，因若在校犯過而俾老師寫手册，返歸亞爸亞媽一定殺咗我，所以不敢作反。最無辜係嗰次屋企冇錢俾我帶返校交學費而被罰企黑板。

蕉兄响post #1249所述之揾銀大法，令小弟佩服不已！點解當時我唔識咁做呢？蠢即係蠢！

老兄腦筋轉數快，加以你一手好文章來看，想必正處高薪厚職，又或印印脚嘆緊世界矣，對嗎？

那個理髮師傅搬屋之後不久，我曾見過他在街上擔著殺騎馬叫賣，因為搬屋前，拍紅毛泥紙袋前面就是殺騎馬工場，猜想他因為熟識，所以就轉這行頭吧！
拍紅毛泥紙袋的地方長滿了大大棵的野菊花，拍出來的泥麈滿天飛，把野菊花蓋滿了泥麈，過路的都急急腳行過。

引用:

原帖由 hkgalbert 於 2010-11-5 15:33 發表

已回港一星期！老人捱苦夠了！要啃新鮮蒸鯇魚、新鮮菜心炒牛肉

..

Albert 兄，Welcome back!

至於解放呢啲番邦，咪呀！唔好咁快住呀！係都等我歸西咗先喇！免得祖家啲盛世子民帶埋啲假鯇魚、假菜心、假蕃茄土豆及假豆腐到彼邦破壞人類最後樂土，到時我想走難都冇碇落脚呀！

當年德仁書院在奶路臣街同通菜街交界，外牆用麻石鋪砌，門口在兩條街打斜開，聽說是全港第一間介紹貧困學生工作的半工讀學校，我所知葵涌和合道葵星工業中學都是半工讀學校。

[quote]原帖由 杜友明 於 2010-11-5 16:01 發表

拍紅毛泥紙袋前面就是殺騎馬工場，紅毛泥..長滿了大大棵的野菊花，拍出來的泥麈滿天飛，/quote]

當時真係民智未開，殺騎馬工場居然會開响拍紅毛泥紙袋附近，食唔死算偷笑！

引用:

原帖由 蕉園仔 於 2010-11-5 12:19 發表


呵呵，未知學長行為這一欄拿的是什麼級呢？ ...

平時觀察--唔慌高分...

SUE姐姐講開操行.
阿水讀幼稚園時默書常取100分.
但老師總給我豬仔的貼紙.其他同學取一百分都是白兔仔.
知唔知點解..

引用:

原帖由 flowingwater 於 2010-11-5 17:36 發表
SUE姐姐講開操行.
阿水讀幼稚園時默書常取100分.
但老師總給我豬仔的貼紙.其他同學取一百分都是白兔仔.
知唔知點解..

考起!!!

水哥, 好有女人緣o加o窩...

引用:

原帖由 suewong 於 2010-11-5 17:14 發表

平時觀察--唔慌高分...

黃小妹係老師即係老師，俾妳睇穿咗。

都係趁人少少，認咗先，費事第日咁啱响度真係遇到同班同學仔到時都係要認。

我人冇乜點，硬係鍾意一言九頂咁啫。

引用:

原帖由 flowingwater 於 2010-11-5 17:36 發表

阿水讀幼稚園時默書常取100分.但老師總給我豬仔.其他同學取一百分都是白兔仔.知唔知點解.

水哥仔呢單case問我就最清楚，因我坐响佢隔離。

鬼咩，佢係默啱晒呀，之不過佢搞到張紙又口水又鼻涕咁，汚糟邋遢！

個miss仲有隻黑豬仔印�謘A不過唔想hurt佢弱小心靈，費事佢留下童年陰影，所以只係揼隻白豬仔算嘞！

杜友明兄：
有張舊日德仁書院的照片。