風雷真係要好似當日王海蛟果個 level 先有能力同金羅漢打。否則都只係有頭威，無尾陣。

黑龍就好似係老仙o既剋星一樣，舊著時俾黑龍搞掂左，今次新著都一樣難逃厄運。不過奸角之中佢都算係好乞人憎果個，所以都係早死早著好過。

睇老黃 d 口吻，似乎黑龍同石鐵都即將會有奇遇咁喎。我都希望黑龍快 d 上到 9 關呀，唔駛下下都俾小虎 8 陽威晒。

當年鱷太歲都係金鐘罩 6 關 level，但最後都係衰左俾只係得降龍伏虎氣o既小虎，同埋完全未有內功根底o既黑龍。

銅猩今期竟然有少量戲份，令人有 d 驚喜。希望佢可以繼續多 d 出場喇。

劍痴變到好得人驚，要出動霹靂狂龍先可以踢得死佢。

風雷仲誇張，企定定單憑內勁已經可以將成架直昇機震爆晒，哈哈。

係呀休兄，sorry，搞錯左，黎左呢度發表添...

引用:

風雷仲快過飛機，就快出光速拳!!

d 編劇真係好離奇，無喇喇講風雷同架戰機鬥飛得快。咁睇法，風雷 d 輕功咪獨步天下？飛妖，飛仙都應該拜佢為師喇。

引用:

咁誇張!!, 仲以為講緊「黑豹」!!

無喇喇又整個暗黑冰火 7 重天，唔知搞乜，唔知係咪要長年留響完全黑暗環境先可以練得成呢？

引用:

咁咪分分鐘勁過你？
不過睇定d先啦，金籮柚家陣降到第九關，話唔埋出書果陣，風雷連九關都打唔過，要知道家陣未出書，梗係將d雷聲有咁大整咁大，到出書果陣d雨點細粒成點，就要到時先知，阿彌陀佛！

金羅漢點都係 10 關高手，成本書能夠打得嬴佢o既人都應該唔超過 10 個。我都好有興趣知道風雷會唔會成為其中一個。

引用:

宗兄，王小龍傳真係好令我失望，掛名做主角，但實際同大茄無咩分別，真實主角應該係邪神，劍痴可算係第二主角。個故仔極其量只係個奪寶類型，結局仲好明顯係"趕住收柴"果款...唉!!!

希望part 2會好D啦!!!  

王小龍都係盡快歸隊罷喇。家下打到個人殘晒，條女又走埋，真係 total lost ! 響龍虎門搭正，衰極都有斷橋戲份，威好多。

睇密宗老魔個款都唔況勁得去邊，密宗活佛咁屎，高一級o既老魔極其量咪勁多少少，我覺得金羅漢同金如來一定勁過密宗老魔多多聲。

引用:

咁密宗活佛又唔算好屎,佢始終高八關少少,老魔點都最少有九關實力!

我就想黑龍快少少升關，最好就被老魔打打下，因禍得福之下升到第 9 關，然之後打死埋老魔。

新著 d 密宗武功 so far 都係麻麻地。舊著時o既佛我同在，般若心經堅好多。

嘩，刀仙真係禽獸不如，連自己個女都斬得落手，真係唔死都無用囉。

大家有無買王風雷創刊號呀？我買左邪拳破金版，有隻小金羅漢附送，但可惜唔係全金色果隻版本，報攤阿姐話睇彩數，因為連佢自己都唔知邊隻係金色咁話喎。

故事算係精彩，好睇過王小龍好多。中間橫誇 4 大頁紙 "王海蛟暗黑冰火一重天" 畫得好震撼，地動山搖咁，論氣勢絕對唔會差過勇哥或者無敵。

會 keep 住買落去。

哎，真弓好慘呀，咁就死左，連拖都未拍過。

飛仙，刀仙兩條友打生打死，結果同舊著一模一樣，死法完全一樣，哈，編劇認真慳水慳力。

洪東表現的確令人出乎意料之外，但對於點解佢功力可以完全無損就無交代到。睇佢一野就擊退密宗兩大高手，實在係威到爆。如果小龍都係咁就好喇。

下期書名叫 "飛鷹折翼"，聽落好似唔多老黎，會唔會王飛鷹俾金如來打到重傷，甚至死呢？

P.S. 聽日出版果本 "王風雷"，睇黎都係要買 28 蚊果本，因為隻 "王海蛟" 公仔幾過癮。

[ 本帖最後由 天下無敵老祖宗 於 2008-6-12 14:54 編輯 ]

韋哥而家同緊洪東，石鐵佢地一齊，暫時都應該係屬於 "安全組別"。

我對而家o既龍虎門存在左不少疑問。

例如風雷o既暗黑冰火邪拳，單係第一重天，已經可以打到金羅漢咁狼狽，他日如果真係去到頂峰 7 重天，係咪可以一拳打爆成個宇宙呢？

老祖宗未死，今期仲練成穹蒼寶鑑，遲早實會再出黎搞事。係咪意味著王無忌，赤飛佢地都尚在人世呢？

今期係王飛鷹自出場以黎打得最多o既一期，但可惜亦都係最後一次睇到佢打，因為佢真係去左賣鹹鴨蛋 lu，哎。。。

另外一樣就係今期好有舊著 feel，主要係因為多左幾個一出即釘o既鹹濕和尚，仲要下下都講埋 d 衰格野，例如咩先姦後殺，姦屍。。。諸如此類，直頭係舊著時奸角 d 指定例牌對白。

下期應該有普陀法王，因為叫 "霹靂禪震"。斷估普陀應該可以同金如來半斤八兩掛？

大家覺得企響王小虎旁邊果個神秘人係咪就係金如來呢？

我覺得有 d 似，因為果個人都係著住類似金如來果對 boot !  

大家覺唔覺今期普陀法王個樣畫到成個金如來咁呀？兩個樣差唔多，只係金如來 d 鬚係捲曲...

日尊者下期應該都係凶多吉少，小虎家下發晒神經咁，話唔定整招霹靂狂龍埋佢單，旁邊仲有普陀法王押陣，佢想走得甩都好很難囉。

因乜事普陀法王要咁好人，就咁放走日尊者？起碼都要廢佢武功喇。

好唔鐘意今期又花大量篇幅去講返外傳所發生過o既事，對於我地呢 d 有買開外傳o既讀者黎講，簡直就係搵笨七。

請問舊著果時有無王文燕呢個人架？武功又好唔好架？

多謝冰河兄解畫，講講下我又好似睇過呢段。白就係練易筋經藍級，係咪都係用摧心掌？金詩詩好似就係俾白就老強左？

睇老黃最後果番說話，略帶暗示，勇哥仔的確有可能會殺死青紅蘿蔔，斬草除根。

中間內頁預告，老祖宗即將再次登場。但希望今次會處理得好 d，唔好太過神話 feel，例如一掌就打爆金鐘罩 10 關，或者硬食完霹靂狂龍後完全無反應又即刻可以反擊。。。強弱過份懸殊，變相無晒趣味。

金羅漢而家變左 "瘋羅漢" !

從前話打就打，話殺就殺，霸氣十足。但而家竟然會講咩 "你唔好再打我啦，你再打我，我就還手架喇。"

古古怪怪咁，真係有 d 睇唔慣。

的確係近來最好睇同精彩o既一期，值得一讚。

老妖屠殺琴僧同畫僧，回復殺性，個人覺得無乜唔妥。因為學小龍話齋，雙僧的確係死有餘辜，無需姑息。

小龍回復高手霸氣，好野，難得同 11 關 level o既金如來對掌都完全無落下風，掂爆喇。

照目前形勢分析，並唔覺得金如來有太大嬴面，3 皇 + 雙妖，咁強陣容，除非對手係勇哥或者無敵喇，咁都仲有得打下。

老黃話大水牛會有奇遇，估計都係同粒舍利子有關，加埋大水牛的話，金如來呢鋪肯定會落荒而逃喇。

唔係好明，家下風雷功力都已經到達暗黑冰火 2 重天，按道理比冰火 7 重天仲更加勁先係。

但睇佢同 9.5 o既關金羅漢打，情況依然狼狽非常，哎。。。

[ 本帖最後由 天下無敵老祖宗 於 2008-8-31 00:51 編輯 ]

俾今期個書名 (九陰。金童。降龍掌) 誤導左，以為小龍會擔正大旗，同金如來打鑊勁，原來真正打果個反而係大水牛，咁應該叫做 "至尊魔功會如來" 會比較貼切 d...

估計黑龍可能會意外地食左其中一粒舍利子，因而功力大增，順利突破至第 9 關都唔定...

小虎 8 陽 + 黑龍 8 關 + 小龍九陰 7 章, 金童寶典都無辦法打得嬴金如來, 但之前金羅漢同金如來隻 dup, 都可以憑羅漢禪指打傷金如來...照咁計, 如果 3 皇今次對付o既係金羅漢的話, 似乎都唔會有太大嬴面啊...

大家有無發覺無敵 d 武功已經去到不可思議o既境界？九陽神劍唔單止可以用曲線型態射出，仲可以中途話停就停，可繼續射亦可 hold 住唔射，好誇 !

有個感覺，金羅漢遲早都會好似老妖一樣，改邪歸正做好人。但可惜佢 d 仇家實在太多，就算轉做好人的話，都未必個個人都願意俾機會佢。