引用:

其實如果唔需要顧及龍虎三皇先係主角, 安排一場洪東, 月聖使加埋金童圍攻東方無敵, 可能真係會結束左白蓮篇!

洪東 + 王伏虎 + 金童圍剿無敵，我都會買無敵嬴。因為大霹靂實在太勁，加上無敵有九陽功力，就算降龍十八掌頂得順，三位高手內功同無敵比較始終都係有差距。不過，無敵打低佢地三個後，肯定都會受重傷。

引用:

我估蔘仔出來執雞,然後過龍虎群英一棟!!

其實都有可能架。金鵬咁討厭白蓮教 d 人，插贓嫁禍俾群英，佢實無洩抵。呢招舊著時火雲邪神都經常會用。

引用:

其實,大家分唔分得出電王同醉魔??

電王周身電，成部發電機咁，吱吱聲。。。
醉魔就成日楂住支軒尼詩 XO，好鬼攪笑。

P.S. 唔係好鐘意今期讀友廣場果條友講 d 野，十分擦鞋仔 feel !  

你又講得好o岩喎。有乜理由一打電話去就 expect 係老妖聽電話？莫非藍浪當時已經知道成個龍虎門得返老妖一個，其他人都出晒街？

真係完全唔 make sense 呀。

最得意就係藍浪如果真係想殺死老妖，以佢份人咁狠毒o既性格，無理由唔割左老妖個人頭落黎。佢對自己 d 碎骨爪實在太有信心啦。

小劍仙千祈唔好咁快出場住。佢出現只會令而家局勢亂上加亂，亦都會令火雲邪神，無敵佢地變到好似小朋友一樣，完全無法抗衡。

但另一方面去睇，佢出現亦可以起一個作用。就係令到一 d 唔應該再繼續生存o既角色從此消失，一一被佢屠殺。

洪東的確係勁 ! 的確係醒 !   兩野就收左電王皮。換左係舊著年代，電王就算有十條命都唔夠死。但老黃對新著 d 角色似乎仁慈左好多，好多時都不願下殺手，寧願廢左武功，等佢地無得再作惡就算，呢個真係好大轉變囉。

四龍呢鋪真係慘，佢 d 手下肯定會全軍覆沒，得返佢一個人孤軍作戰。有 d 壯士一去，兮不復還果種 feel !

如果無任何後援，四龍 sure lose ! 軒轅驚天訣 26 層天好似未達到金鐘罩 10 關實力，單係一個蚩尤都無法應付，何況仲有個星宿老怪添。

Anyway，呢場硬仗可以寫得好好睇，希望老黃俾 d 心機落去。

我估計蚩尤應該仲勁過金羅漢，差唔多 11 關 level 左右。咁洪東功力係咪應該界乎 10 - 11 關之間？

洪東 level 照睇應該同參聖，王伏虎相若。

今期四龍表現好激昂同轟烈, 死都唔肯認輸果種性格十分討好, 戰意澎湃, 好似戰神蚩尤上左身一樣. 置身於星宿派班人渣當中, 四龍就好似變左一個正派角色一樣, 完全唔記得左佢原來係通天教 d 人.  

不過當初唔係話四龍只係得 26 層天咩 ? 今期無啦啦又會 upgrade 到 level 28 ?

反而蚩尤坐響度, 對四龍冷笑果個樣就唔係咁討好,
顯得佢好似好奸詐, 好卑鄙咁, 實在有損蚩尤一貫o既型像.  

同意上面論點 ! 洪東係好人, 應該無心去害風雷, 多數係想同佢醫治心臟問題.  

[ 本帖最後由 天下無敵老祖宗 於 2006-12-8 12:04 AM 編輯 ]

老黃結尾 d 說話, 令人覺得四龍好似會死咁. 佢為通天教打生打死, 而佢 d 兄弟都無打算救佢, 真係無乜人性可言.  

老妖o既閻羅勁其實都係邪門武功, 但之前洪東都無話要廢老妖功力, 所以相信風雷多數會無事, 而且功力更上一層樓 (但願係咁) !  

金聖老應該勁過洪東 ! 金聖老只係低過老邪神少少, 但洪東功力應該無可能接近老邪神 level 掛 ?

我都睇左今期，唔係好喜歡老黃硬係要老屈冰火 7 重天係一種會導致心臟有問題o既武學。     

若果 7 重天本身就存在著呢個問題，點解當日又要花咁多篇幅去描述王海蛟點樣用 6 重天接東方無敵百招以外，最後就敗於九陽神劍，射中佢心坎穴？

三皇再戰王海蛟時，月仙兒特登提水，話王海蛟心臟就係弱點，因為曾經被大陽劍射中。咁即係話如果王海蛟無被大陽劍所傷，佢心臟就唔會有問題啦，係咪？

我希望老黃唔好再 confuse 大家啦。

四龍好慘，得番 2 成功力，唔知佢將來有無可能翻身呢？

白俊超級靚仔，有資格同小虎佢地爭女。  

其實龍虎門到目前為止都出左好多女角架, 不過就無乜作為, 同埋好耐先出一次場. 好似蜜兒, 南宮靈之, 毒娃, 真弓 . . . 老黃大可以將佢地分配一下俾群英.

洪東真係好犀利, 連醉拳都識, 佢而家就好似舊著時柳森嚴咁, 成為群英o既武學導師 !  

非常同意。單打獨鬥，洪東戰醉魔應該係可以穩操勝券。因為洪東唔單止功力深厚，而且招式上修為更加係出神入化，唔會好似醉魔咁獨沽一味，來來去去都係得醉八魔拳法。

之前有人話洪東可以同金聖老一爭長短，但我覺得就未必可以喇。金聖老一野就可以震開陽世奇經 12 章，同埋一招就可以令仇千鶴受制，我估洪東都未必可以做得到。但好奇怪，當金聖老面對老邪神時，佢竟然連一招都捱唔住，唯一解釋係老邪神確實係勁得離晒大譜，要有無敵或者老天尊果 d level 先有資格同佢打。

洪東教風雷醉螳螂都屬恰當，須知道風雷本身都已經無咩進步空間，應該唔會有冰火 8 重天掛？咁佢唯有響招式上再作鑽研，咁先叫做可以有所突破。

反而三皇佢地就無需擔憂啦，小虎 d 九陽神功，有排練啦。黑龍金鐘罩先得果 8 關，都係有排。反而小龍就最有 potential，九陰真經只係差兩章就到達 top level，招式上又已經練到滾瓜爛熟，過多 1000 期都應該可以夠班挑戰無敵架啦。

話時話，降龍 18 掌最後一式係叫咩野名？係咪就係 "亢龍有悔"？

[ 本帖最後由 天下無敵老祖宗 於 2006-12-16 10:57 AM 編輯 ]

我都睇左今期，覺得讀者來信果位 "阿豹" 講得好好，完全係好多讀者o既心聲，希望老黃引以為鑑，檢討下自己 d 武功 setting，唔該。

今期個書名係咪調轉左？上期話今期叫 "憤怒的黑龍"，但何解今期又會叫做 "通天。元始。廣法" ？

鐵三郎原來係猛料黎，但可惜無詳細介紹佢練到第幾層天。估計起碼有 26 或以上掛？

純粹個人感覺，新著o既伏羲問天錄似乎比舊著更加有特色。掌法 + 腿法，仲有 d 八卦氣勁做襯托，觀感上幾好。

今期隨書附送 07 年曆卡，我揀左王小龍呀 !

老黃班友仔 d 創意真係無乜，今期第一頁竟然見到有種武功名叫 - "五輪真功"？

真係吹到啤啤聲。

好耐無見翻江蛟同人開片，今期佢都好賣力，幾精彩。  

[ 本帖最後由 天下無敵老祖宗 於 2006-12-21 06:03 PM 編輯 ]

通天老祖有個入門弟子，有足本 "道經" 秘笈，會唔會係龍貫天呢？

若果 28 層天只係差易筋經黑級一個馬鼻，咁係咪代表練成頂峰 33 層天就一定可以擊敗易筋黑級同九陽？

暫時以書中曾經提及過o既武功黎睇，似乎係 "道經" 同埋 "日月神鑑" 有超越易筋經同埋九陽神功o既可能。

Kevin Liu 大哥，你想要張年曆咭，我可以寄俾你。

你唔好咁客氣，如果我真係收你o既錢，我就真係連師奶都不如，咁樣貪小便宜法。

所以，你喜歡的話，我寧可給你作珍藏 !  

我未睇今期呀，因為今次出書好似比以往遲左少少，成兩點多都未見到報攤有得賣呢。  

乜蚩尤都只係勁過小龍少少咋？ 假以時日小龍提昇至九陰 8 章的話，咪可以好 easy 咁打低蚩尤囉 ？甚至可以同邪神，無敵佢地過 50 招而不敗？

嘩, 今期 d 畫功實在令人好失望囉, 大家不妨睇下第 12, 13 頁, d 面相 (白俊同小龍) 真係醜樣到離晒大譜呀 ! 老黃點可以俾咁樣o既畫稿出街架 ?

豬油出 7 成功力都未能將小龍徹底壓下, 咁到底係豬油功力渣, 定還是代表小龍功力勁抽 ? 咁樣推算, 金羅漢咪勁過豬油囉 ? 因為佢一個人就已經頂得住小龍 + 風雷喎.

我希望老黃佢地及早為小龍功力設定來個定位. 小龍功力勁過小虎同飛妖, 呢點大家都可以理解. 今期佢表現得好有信心, 認為自己都可以同豬油周旋且立於不敗之地. 咁到底九陰 7 章大約相等甚麼 level ? 金鐘 9.5 關嗎 ? 易筋經白級初階 ? 或者九陽神功 7.5 陽 ? 至起碼都希望有個約莫o既數字囉.  

小龍自 upgrade 之後, 表現大多數都十分令人刮目相看. 例如輕易挫敗黑心老狗, 同老邪神, 金聖老對掌時果種敏捷, 瀟灑和靈巧o既表現, 一掌拆大橋等. 呢 d 都係令小龍 fans 印象難忘o既片段.

最慘不忍睹o既莫過於風雷 + 小龍都未能打嬴金羅漢, 希望呢 d 離譜情節從今唔好再出現就好啦.

[ 本帖最後由 天下無敵老祖宗 於 2007-1-6 11:00 AM 編輯 ]

係啦, 今期的確係悶到嘔電, 劇情又唔緊湊, 就算 miss 左唔睇都無乜損失.  

四大族長好鬼二打六 feel, 好似嘍囉, 都係舊著時代畫得靚囉.   

Agree ! 今期無論劇情, 畫功方面都算係 keep 返個水準, 希望小虎, 小龍佢地加入戰團, 可以令下期打得更加精彩就好喇.

四大族長除左青龍較為似樣之外, 其餘 3 件都幾不知所謂, 做型普通, 武功又屎, 真係唔出好過出囉.  

青龍的確係好勁, 雙皇同佢打都完全佔唔到上風, 似乎起碼都要加埋小龍先叫做有 d 勝算. 如此睇黎, 青龍應該都有金鐘 9.5 關 level, 極接近金羅漢級數.

其餘果三件實在不值一提, 相信如果只係單打獨鬥, 飛妖應該可以揪得低任何一件, sure win !  

兩位大哥, 我之所以覺得青龍猛料, 係因為黑龍本身已經有金鐘 8 關, 而小虎都有 6 陽功力, 兩個人同時發招打落青龍要害, 但都只係可以令佢輕微受創, 可見青龍起碼都要有 9 關或以上 level, 否則又點樣可以捱得住雙皇同時用重招攻擊呢 ?

當然, 青龍同金羅漢比較, 就肯定係金羅漢勁 d 啦. 單係護身氣勁金羅漢都已經 win 成條街.  

韋陀咁耐都無蒲頭, 如果呢段日子佢真係全心全意去修練佢o既九霄真經第 9 章的話, 他日再次出場, 功力之高一定係群英之冠 ( 但願真係咁 ) !  

黑龍以金鐘 8 關功力捱蚩尤一拳都要狂嘔黃膽水. 好想知如果金羅漢 10 關金鐘罩捱蚩尤一拳時, 到底金羅漢會唔會痛, 定還是金鐘罩震到蚩尤手指骨爆裂 ?

引用:

照睇,金羅漢功力高過蚩尤好多喎,同意嗎?

睇完今期蚩尤同黑龍互轟對方一拳o既情況後, 我相信金羅漢係絕對勁過蚩尤, 但勁幾多就唔敢講.

黑龍咁樣硬食蚩尤重拳都只係嘔下黃膽水, 換轉係金羅漢 10 關的話, 可能連口水都唔會流一滴. 但蚩尤就可能會好大鑊, 分分鐘胸骨都會裂 !  

引用:

依照近幾期黎睇, 應該係金羅漢勁d
但係之前邪神都係小勝蚩尤(論功力)
真係令人覺得好矛盾

係啦, 蚩尤貴為一門之主, 功力無理由仲低過金羅漢掛 ? 如果照咁推斷, 蚩尤咪連劍妖都打唔嬴 ? 因為劍妖都曾經同金羅漢打成平手 .