風雷好野。

之前 7 重天都俾金羅漢打到噴晒血，家下一雪前恥啦。

風雷家下的確係江湖大佬黎架，仲多左 4 個跟班添，級數明顯地唔同左，嘻嘻。

無敵輸左仲響度偷笑，大家覺唔覺得佢係故意輸俾老天尊？

上面仁兄講得無錯，王苦海好大可能就係古堂 !

唔知係咪高手雲集o既關係，我覺得風雷傳好好睇，同埋刺激過龍虎門好多。

最好不斷咁打落去，唔好婆婆媽媽咁多野講。

以老祖宗 and 空我兩位超凡入聖o既功力，要閃避，或者硬接一記九陽大霹靂都應該完全無問題吧 !

好精彩o既一期，感覺上好睇過龍虎門，起碼打得夠激烈，同埋劍妖呢隻怪物o既出現的確會令人擔心一眾強者的安危。

無敵似乎係想利用風雷o既無雙覺醒破佢 9 陽功力，然後直上第十陽 !  

最初風雷其實都無意去 "反" 王海蛟，只係王海蛟越來越過份，後來仲親手殺死風雷o既媽媽同爸爸 (王降龍)，所以風雷先會聯同三皇去搵王海蛟報仇雪恨。

感覺上王苦海都係一個孝順仔，其實風雷可以同佢解釋下呢段經歷，家下唔止你王苦海死老豆喎，我老豆老母都係被你老豆殺死，咁仲有咩養育之恩好講先？

Anyway，暗黑冰火係一種要先經歷死亡邊緣先可以提升到o既武功，今次王苦海用九死邪功只會間接幫助到風雷提升到 4 重天吧 (純粹估計) !

老祖宗竟然搞到咁狼狽。。。實在令人難以置信。

引用:

風水輪流轉,輪到老祖宗比番凶星-折骨

老祖宗而家受o既痛苦越多，即係表示凶星將來死得越係慘。

引用:

看到天下無敵輸完一回又一回,感覺真爽 ...

你認為老祖宗會繼續輸落去嗎？我可不這樣覺得啊。

引用:

我睇到呢Part, 個心入面媽媽聲, 唔係話老祖宗唔輸得, 但先前睇無敵戰凶星時, 雖然大家未盡全力, 但凶星功力無俾人有天下無敵個種 "食硬全場" 個種level喎!! 而家竟然一個照面就拆天下無敵既骨頭...真係有D亂黎!!!

先旨聲明，我絕對無偏幫老祖宗之意，好似佢之前打輸俾空我，我覺得完全係合情合理，事實上空我的確係勁過老祖宗，以目前黎講，甚至可以話佢係全本書最好打果個。

我覺得今次編者係有心為凶星平反，因為佢響舊著曾經被老祖宗拆骨，所以今次黎個角色調換，輪到老祖宗被人拆。不過，如果你要我估計邊個角色會長命 d，我覺得一定係凶星死先囉。

引用:

十足狀態果陣緊係老祖宗打得羸啦
但係佢比空我打低左無耐
又岩岩比劍妖打多獲
雖然話羸左,但係都傷哂啦
係功力下降情況下比兇星僇到都合理既
仲要係比人無啦啦彈出黎同佢打,都未知咩料就比人郩左了
睇下下期講佢地打成點先啦

老祖宗連戰兩場，兩個對手都係勁人，而凶星就狀態十足，咁打法就算輸都係合乎邏輯。

引用:

但係講到凶星竟然有老祖宗最佳狀態下既7成功力...我就諗:凶星有冇咁勁呀????
而且老祖宗同人打完都係趺到得6成姐(書有講...)..咁凶星多一成都可以打到老祖宗成條jer咁.....
老祖宗既天下無敵去左邊?????

本書好似完全無交代過凶星而家到底去到乜野 level，淨係知道佢訓入棺材之前，同通天教果個鐵元祖不相上下，大概類似而家鐵令公咁上下掛？

但睇返佢之前同無敵過招，表現同今次係好唔同，感覺上如果無敵係十足狀態之下，凶星可能都唔夠佢打，或者平手。

照咁計，無敵其實同老祖宗都唔係差好遠，咁樣老祖宗仲出黎做乜？完全感受唔到佢角色應有o既氣勢同實力。

一係就咁睇，上次凶星同無敵過招時只係玩玩下，無盡全力，但今次見到把震乾坤就發晒癲，打高兩班，所以連老祖宗都被佢打到面爆...