引用:

火雲邪神應該唔會咁蠢只得一條友!! 但仲有咩高手呢??

引用:

邪神會唔會已經同金如來傾掂數, 一齊到泰國呢??  

有可能喎。

救老邪神咁大件事，而通天教又係虎穴龍潭，火雲邪神無理由孤身犯險而唔搵外援幫手。佢應該暫且放低對付龍虎門 d 計劃，派遣金如來，星宿老仙，伊賀飛仙等一齊去泰國幫手，咁先至叫做有 d 勝算。

不過，豬油應該都會做佢 backup。總之今次老天尊同佢 d 仔都會好唔得閒。

引用:

藍浪會唔會有金聖做佢backuo呢？
依家就咁睇藍浪身邊既高手對比老天尊個d真係一個都唔入流喎

仇千鶴家下無晒高手風範，淪落到要藍浪個 body guard，死晒狗咁，睇黎都係玩唔長。

金聖老輩份咁高，無理由甘心為藍浪賣命，佢應該只會服從無敵一個。

引用:

白蓮又唔會仲有其他高手出席呢???   

我想睇到咁樣o既劇情安排。

無敵突然出現於百年大典，隨行仲有金聖老 and 金羅漢兩位絕世高手。

火雲邪神眼見叛徒金羅漢出現，即時火到黎埋，派遣金如來去教訓金羅漢。肯定精彩萬分。

另外，金聖老都唔可以懶懶閒，一條友隻 dup 老仙 + 飛仙。

無敵就在旁虎視眈眈，等火雲邪神同老天尊打到殘晒時候，突襲佢。。。

我未買火雲邪神，因為報攤未有得賣，只係睇左龍虎門。

火雲邪神改變型像，連帶個面具都唔同左，兩邊多左對獠牙，好似無咁好睇啊。唔知老黃係咪想整死藍浪，然後捧陳傲雲做接班人？其實藍浪死都係合理，因為可以加深佢同無敵之間o既仇怨。

感覺上，龍虎 3 皇係唔夠打。單係一個青元老已經有易筋經白級，加埋一個類似豬油o既戰狂，仲有個實力未明o既東條秀夫，所以實在唔多睇好 3 皇。

睇左火雲邪神，評語同大家都係差唔多。

1, 易筋經被設定得太誇張，黃級已經能夠將酒全部蒸發晒。咁藍級咪已經可以將對手化灰？

2, 畫功無想像中咁靚，有 d 圖仲有少少張萬有 feel。特別係臨尾文殊天尊果個造型。

3, 好 confused ! 正當龍虎門呢邊講跟百年大典，無啦啦呢邊又開多條線，又係講類似o既故事，睇到好亂。

但係得 12 期書，心郁郁都想繼續買黎睇晒佢。

好慘，唔記得問報紙販索取火雲邪神咭片。。。

[ 本帖最後由 天下無敵老祖宗 於 2007-7-6 15:13 編輯 ]

三皇今期各自都打得好好睇，特別係黑龍同東條果場柔道對決，好有中日大戰 feel !

估唔到藍浪咁就去左領飯盒，真係幾快手，完全無話拖拖拉拉。

火雲邪神話感應到再生園有股好熟悉o既殺氣，唔知係咪指震乾坤呢？

下期好睇呀，金羅漢決戰金如來，十分期待 !  

引用:

係再生園會唔會係東方無敵?

唔。。。如果係咁的話，即係話無敵事前已經同老天尊達成某 d 協議先可以咁做啦，若果唔係老天尊都唔會無啦啦俾個地方無敵 "哩埋"。但如果無敵真係親自出馬，佢認真蠢。果度係通天教地頭，火雲邪神武功又同自己差唔多，就算俾佢打得嬴邪神，佢都會身受重傷，到時老天尊一個屈尾十，反口話唔合作，一野打死埋無敵，咁咪好著數？

所以估計無敵唔會咁做囉。反而會懷疑白骨丞相都唔知會唔會係無敵假扮呢？

下期黑龍應該要出雙節棍啦，一野打殘東條，好過淨係企響度捱斬嘛。

引用:

同意!! 今期打鬥真係打得好好睇，黑龍對東條果場柔道對決動作設計一流!! 有時真係唔洗下下話頂級神功對決打到識飛先精彩..!!

藍浪就咁就去左,仲兒戲過醉魔,但總好過<火雲邪神>裡邪神要殺藍浪卻只能打斷佢對手!!

期待金羅漢決戰金如來,相信金羅漢高DD!!

今期三皇果 d 打鬥好有舊著 feel，一招一式咁打，埋身肉搏，最鐘意睇。唔似邪神或者無敵咁樣，下下都打到地動山搖，唔駛咁誇嘛。

金羅漢一條友就能夠頂得順 7 重天 + 九陰，同埋 7 重天 + 陽世 12 章，我都覺得佢勝算會較高，唔知佢 d 金鐘罩有無進步呢？

今期最尾果幅乜鬼梵天死神，個名叫做 "濕婆"，真係俾佢笑鬼死 !

引用:

下期火雲終於到你出場喎,興奮否?

無呀 ! 其實都唔係好想老祖宗咁快就出場，因為佢武功 level 太神化，就算火雲邪神 + 無敵聯手恐怕都唔夠打，咁又有咩好睇呢？

我估再生園果個應該係無敵 or 寶劍 - 震乾坤 !  

姑勿論金羅漢下期能唔能夠打得嬴金如來，今期佢表現真係非常有型，霸氣十足，成個豬油咁款。

特別係呢句："不識本座，好打有限 !" - 真係寸到爆炸 !

金羅漢可能唔止 10 關掛，maybe 打打下會有驚喜俾大家。

難以想像火雲邪神一個人點樣可以同成班高手周旋？單係要打嬴豬油已經大費周章，跟住仲有文殊，白無涯，四龍，二郎神。。。件件都唔係二打六，何況仲有個超級勁野 - 老天尊在旁邊等住執死雞。

哎，邪神情況絕對唔樂觀囉。

引用:

等我解釋下邪神仔力量有幾多!
易筋黑級+羅剎轉生+羅剎上身=半神境界
真係有幾多人都唔夠佢殺!

嘩，咁火雲邪神現時黎講咪即係天下無敵？

妳覺得係咪連無敵，老天尊都唔再夠佢打呀？

引用:

想問血魔係唔係盲而靠聽覺架??
想問點解咁多魔唔去要搵個盲既去監視金羅漢呢??
東方無敵派金聖老去拍賣衰左又冇辦法,派藍浪去泰國又冇高手同行結果藍浪好容易就死左,知金如來係咩料先請佢,但就派個低班D既金羅漢去殺佢...
東方無敵真係勁!!  

Very Agree !

無敵到底知唔知金如來係乜野料架？老黃報稱話係 11 關功力，若果金羅漢呢段日子係無任何進步的話，理論上最終都會輸俾金如來。

無敵點解唔派金聖老去？金聖老點都勁過金羅漢掛？

或者佢其實都可以親自出馬，俾金如來見識下九陽神功o既厲害，而且仲 sure win，因為普陀法王曾經話，九陽霹靂掌一定 win 硬天佛掌 !

引用:

我買老天尊捱唔到五十招

引用:

無敵應該重夠打
老天尊就算把la 等練道經有成先出黎再比過

為左令通天百年大典呢場大戰更加有睇頭，我覺得無敵同金聖老最後都應該現一現身，加入呢場混戰。火雲邪神如果真係咁有把炮可以打低晒三大幫會所有勁人，包括老天尊在內，即係表示佢已經去到一個近乎神o既境界。

所以，無敵 + 金聖老打埋一份的話，就正好考驗下邪神係咪真係咁堅 !

引用:

邪神超勁,勁到離奇...咁輕鬆可以一個可以迫退三大高手!!
都唔緊要,我最怕就係第日話邪神打唔過實力低幾班�奰s虎三皇炸...!!

咁又真係離譜左 d ! 咁計法老天尊咪連金羅漢都不如？佢已經叫做係成個通天教入面最勁果個，咁都一野被震開？咁通天教不如提早執笠好過，無謂丟人現眼。

老天尊同舊著時差好遠，舊著時勁好多，40 層天功力，成座涼亭炸到粉碎 !

引用:

可能金羅漢已經練成十一關!

哈，我都好想金羅漢係 level 11 呀。費時被金如來兩下就打低，無 d 睇頭，又浪費 14 元。

引用:

如果無敵親自出馬仲可以順手幫白鷲埋單添

今期東條終於都被黑龍殺死左，總算對黑龍o既 fans 有個交代 (再拖多幾期大家實會起哄)。

而青元老亦被小龍打至重傷。但好奇怪，點解 d 編劇由始至終都無再提起青元老有易筋經白級功力？可能已經唔記得左喇？

果件戰狂反而係最惡搞，最後要勞動到 3 皇聯手打佢，希望下期順利搞掂佢喇，無謂再拖落去喇。

哈哈，金羅漢今期頻頻捱打，但好彩佢 10 關金鐘罩夠堅，被金如來打完都無事，可以繼續再打。所以話，就算金如來真係有 11 關功力都未必 sure win，因為金鐘罩實在非常捱得。

另外，今期有新人物出現，琴，棋，書，畫 4 魔僧，但做型普通，同舊著時差唔多。

引用:

小虎之前暴君龍都踢得死, 而家竟然踢唔贏果件二打六戰狂

唔通同馬小靈臨別秋波, 去得太盡腳都軟埋

其實果件戰狂 d 武功到底叫咩野名堂？好似都未有任何正式介紹咁。淨係見佢 d 拳一味有 d 火箭形狀氣勁，但就毫無招式可言，咁即係算點先？

斷估暴君龍都應該勁過佢，仲有玄劫都係。

戰狂終於都死左，無再拖落去，真係令人鬆一口氣。

金羅漢的確係堅，雖然功力唔及金如來，但勝在金鐘罩夠捱得，咁打落去應該可以慘勝金如來。至於血魔就慘囉，睇黎都係凶多吉少。

老黃無啦啦又整個羅剎女出來做乜野？莫非想抄襲返之前電龍 d 橋段，等小龍有得拍下拖？

引用:

我覺得羅剎女係要黎頂玉兒個位
邪神同羅剎女應該係青梅竹馬關係
新著邪神同小龍又要爭多次女~

金羅漢下期出埋最後絕招之後應該會輸 但係走得甩
之後番白蓮教閉關 等<惡佛會>o個時出番黎

羅剎女畫得幾靚，個樣仲唔多似係壞人。可能會講佢鐘意小龍，但小龍又不屑同羅剎教交往，所以就唔 so 佢。

金羅漢最後絕招到底係乜？實在好難估計。會唔會係金鐘罩 10.5 關呢？

引用:

岩岩至睇完今期"新龍"&"火雲"。後者"元老王"一如所料俾老祖宗當細路咁玩，希望龍少手下留情，唔好將一個可以同易筋黑級有得揮既絕世高手玩到變成毒奴咁款啦，呢D手法留番俾狂人萬有就得啦...阿門!!

元老王個名聽落好似好勁，以為佢點都可以同老祖宗打兩野，但點知佢連老祖宗件衫都完全碰唔到。最後仲要中埋萬毒心經，睇黎下期都係被化灰居多。

今期真係超好睇，可以話係近期o既佳作，劇情緊湊，畫功又靚，足足要重複翻睇 4，5 次先至安樂。

金羅漢俾人o既感覺就好似豬油一樣，鬥志超級強橫，打極都打唔死，訓低左又可以起返身再打，勁 ! 金鐘罩 10 關無被破罩門的話，始終都係有翻身反撲o既能力。

如大家所料，血魔今期被白就打死左，唔知無敵知道左會點，會唔會考慮下親自出馬，乘虛剷平羅剎教呢？

元老王下期會出場，意味著老祖宗更加有可能會出場，哎，好驚到時又會搞到成本書神神化化咁呀。

[ 本帖最後由 天下無敵老祖宗 於 2007-8-9 14:24 編輯 ]

引用:

咁要睇下新龍點設定你老哥既功力啦，如果好似舊龍咁，又九死邪功又穹蒼寶鑑又萬毒心經又御劍飛行，咁大家可以收工�奎熔剪o...邊有得打呀大佬!!!  

哈，如果元老王唔出，老祖宗都應該唔會出。希望老祖宗盡量唔好咁快出，除非火雲邪神比黑級浮圖易筋經更厲害的武功，而無敵就練成終極十陽，否則誰能與佢匹敵？

引用:

實在無諗過最後絕招竟然係羅漢禪指
不過金羅漢應該贏唔到 最多都係打傷金如來之後趁機逃走

其實當金羅漢背脊中重掌嘔晒血果下，我以為佢今次實會死，但點知佢奇蹟地無事，仲可以兩下手勢就殺死二魔僧。。。咁o既功力，何止 10 關呀又？

引用:

聽老黃口氣金羅漢最後應該都係輸, 如果唔係東方無敵點會去剷平西方寺!  

無敵肯出手的話，九陽霹靂掌兩下手勢就打爆金如來。

引用:

無計~鬼叫佢係玉郎愛將咩.......
除左對住教主級 佢有邊次o既表現唔係超過十關應有o既表現

Anyway，金羅漢近期表示真係超班，論鬥志亦不下於豬油，所以應該無咁快會死。

引用:

今期真係打得好精彩!  

我睇金羅漢最終都係會輸, 不知會否被生擒??  

血魔就真係幾無辜, 咁就香左!
不過無敵似乎輕敵左, 無理由唔派多幾個高手去, 金如來唔係蛋散喎???

金羅漢呢種 level o既高手，如果最後要安排佢被白就偷襲或者生擒，我反而寧願見到佢轟轟烈烈被金如來打死算數。

如果佢好彩走得甩的話，我希望老黃俾個機會佢練成 11 關，好讓佢他日再搵金如來報仇雪恨。

又或者到時金如來已經被無敵或者群英打死左都未定。。。

原來當年用干將劍劃傷老邪神額頭果個人真係老祖宗，我相信佢遲早都會響龍虎門再次登場。

可能到時又會有 "老天尊會老祖宗"，或者 "無敵會老祖宗" 呢類情節出現。

火雲邪神o既終極黑級浮圖其實勁過普通黑級浮圖幾多呢？本書好似仲未有正式交代。好奇怪，豬油今期身受終極黑級浮圖重擊，唔單止無咩大礙，仲可以即時駛出雷霆擊鼓，咁係咪代表豬油其實已經超越老天尊同埋無敵果個級數？

d 功力 setting 又再開始混亂啦。