今日工買左....火雲邪神同龍虎門

睇完又有d大家0岩聽既感覺.....

如果連火雲邪神都話唔值十四元....真係諗唔到呢個世界有乜公仔書係抵買既

一班頂既作品
如果福龍有心機既一本熱血漫畫

香港漫畫就有機會返生啦

引用:

原帖由 小小力 於 2007-7-6 09:03 發表


如果<火雲邪神>係一班頂既作品,我想,...香港漫畫接近玩完喇!! 畫功普普通通,故事更離譜...有睇開龍虎門既會明白....

至於值唔值十四元,每個人既價值觀都唔同,...我個人就覺得唔值囉!! 不過睇開龍虎門 ...

例子火武cut開3本,本本都咁好買
(好買即係有讀者歡迎佢咁做法)

我覺得火雲既主線係會唔同既,而且講明十二期完...

以前霸刀...武神都有出外傳,不過我諗當主角係黃玉郎,自然特別多反對聲音

我預左呢版既回應係咁架啦,火雲邪神畫面無論大位同細位都做得好足,構圖分境都無交行貨...咁我想問下有冇一本本地或外國既作品,你覺得係頂級製作既呢(真心想討論一下)

漫畫都可以算藝術既一種,當然可以有權比人批評,當然可以講好睇或唔好睇(除左果d四圍問人有冇scan既之外),但製作係咪用心認真同高質,都可以有客觀標準既


好似有個例子,當年特警新人類上畫,好多人又話謝霆峰係垃圾,套戲不知所謂...真的嗎?
果套戲明明製作認真,幾個大場面都交出水準,點解其他外國人睇完都要買片,反而香港人會有咁既反應呢...

唔知我地幾時先可以搵番個平常心,公平咁睇下野,唔好再繼續以批評為主道文化呢

引用:

原帖由 小小力 於 2007-7-6 14:38 發表


簡單D講,好買即係有讀者歡迎佢咁做法,...咁,我地又睇落去睇下<火雲邪神>好唔好賣就知喇!! 講真,我唔係行內人,火武賣得好唔好我真係唔知,...你點知架??我點樣可以知呀??

至於其他point,真係唔識 ...

每一次討論漫畫和電影問題,得番來都係得一個答案,我係一個普通既讀者,除左呢個擋箭牌外,我想之中還有很多討論空間的

你舉的例子都是大作,又怎會是垃圾呢,但平心而論,火雲邪神既質素,絕對唔會響呢幾本書之下
尤其是係絕世無雙,意念好,故事好,但係志文做唔到果一級既製作水準,(多數係時間同資源問題), 好多時所有既人物,後面都係無背景既...但不失為一套中上作品(個人意見)
陳某既作品,睇得出比左好多心機響橋段安排果度,但就算響呢版,何嘗不是聽到很多冷言冷語

我覺城巿獵人比較合適出單行本,如果一期三十頁咁睇,我覺得佢未必可以響香港巿場立足

入樽係上一代必睇既漫畫,香港畫青年熱血既比較少,不過有一個奇怪現象,好多成左名既日本畫家,都會放棄熱血既題材,聽說熱血漫畫既畫師,響日本會比人睇低一線既

日本畫家我最鐘意係安達充,佢果種分鏡,表達風格同埋幽默感,亦是無可代替的

而火雲邪神第一格從背脊拉拉鏈既插圖開始,已經表現出世界第一流既漫畫水準.火雲邪神由直升機跳下既透視角度...上半格火雲運功,下半格出每個角式大頭既彩圖氣勢做得好,連老邪神行出來個神態面相亦有留意...還有很多...都是香港漫畫少見的

懂得欣賞別人優點,比在雞蛋裡挑骨頭,不是好一點嗎.....

看到香港連福龍呢個級數既畫家,都會在專欄說...因為巿道而未能開書,真係有點唏噓......

引用:

原帖由 利記 於 2007-7-6 16:08 發表

我都買左

我覺得畫就真係好靚

但唔係咁鐘意個故事

好似又睇緊宜家龍虎門講緊既故事咁

咁我到底睇邊本先啱呀

我諗呢本野既故事,主要都係火雲邪神回憶錄來架喇

故事一路都係香港漫畫比較弱既一環,有個漫畫人講過,一個星期三十頁,每次結尾都要扮有高潮咁....其實好高難度

香港無乜可能好似日本漫畫咁,用幾期寫一些閑事...二期唔打...都足以比人小到媽媽聲.....

香港有冇差既漫畫作品.....多的是
而家既絕代雙驕...無論故事,畫功都係水準以下既...我諗作者連三成功力都無出
霸刀亦係同樣情況.....睇睇直頭奇怪....到底係咪馮志明自己起槁既呢

又好似李小龍咁,首都高速既主筆水準一定未夠,但係都睇得出,佢係有用心機去畫...
剩係呢樣...己經唔可以用垃圾來形容

引用:

原帖由 休谷客 於 2007-7-7 14:51 發表


我睇完之後頭都暈埋, 講明係新龍前傳, 突然間又講通天百年大典??  

咁如果唔買"火雲邪神"既話, 淨睇新龍係咪會無左連貫性???  

又或者係咪要買哂兩本, 先至可以睇哂成個 ...

我諗係...之前既智囊提供既......意見

好多人都覺得龍虎三皇越來越唔似主角,所以以三皇為主既橋段就放回龍虎門

而抄橋就好明顯來自火武,兩個故事, 一個世界...互動而生,又各自獨立
有好處亦有唔好處....

引用:

原帖由 kit_siu 於 2007-7-9 01:58 發表
頂......班之作??

老黃只係諗到無o野好諗.....技窮表現!!

龍少我都好支持~~

但好明顯火雲唔係龍少真係鍾意畫...係老細要佢畫o者!!

真想請教一下....怎明顯....

當大家覺得老細都係衰人既時候,有冇諗過有d老細幫人還賭債,借錢比人買樓呢,有錢真係肯分比員工呢

[ 本帖最後由 kenny01 於 2007-7-9 11:01 編輯 ]

引用:

原帖由 Rod 於 2007-7-8 20:32 發表
我唔係反老黃，基本上我依家除殺道行者之外，就只睇老黃個幾本。但係話火雲邪神係頂班之作？真係當我地傻嘅咩。剩係囉翻今期龍虎門對比下都高下立見啦。不過作為龍虎門迷我都會買埋嘅，除非之後水準太 ...

亦想請教一下,依呢位網友所言,今期龍虎門比火雲高幾班,請問有沒有多一點補充,有沒有看到能支持這說法...還是個人感覺呢

引用:

原帖由 Rod 於 2007-7-9 11:58 發表


Kenny兄，take it easy，睇漫畫呢D野好個人，你杯茶可能係人地嘅毒藥，大家各舒己見無所謂，何必一定要擺出一副「你班無知者係到盲從附和，亂挑骨頭」的姿態呢？大家傾下計姐，係咪？

咁我真係覺得火 ...

我真係有響之前既post有講過,可能你無留意睇,
只係看得到反對既說話啦

引用:

原帖由 Rod 於 2007-7-9 12:18 發表


Kenny兄，其實你係咪漫畫界嘅人？又或者係老黃嘅人？因為成日見你好似知道好多我地唔知嘅內幕咁。如果有嘅咪分享下囉，咁我地一般讀者又唔係漫畫Pro，睇書都係在乎一樣嘢：娛樂 ...

但係我有小小意見係...有碗話碗...得0黎,
可唔可以多少少內容,
唔止係唔掂,垃圾,畫功唔得之類

講內幕....呢版版主一定知得比我多

另外香港人通常都唔會比時間編劇,中華英雄連載多年,直到出單行本,都要隔很久才為人熟悉,海虎一,亦係苦苦爭掙扎,成個第一部成績都未如理想...
武神就要靠暴力,靠食老本土黑豹咁早出場,玩返白家武功)

路飛.....有幾多人係由第一期睇起,就已經覺得好正0丫,狐忍頭十幾回又有幾多人覺得好睇,不過我都覺得香港好難有人會試買新漫畫....重要比時間令角色入戲既...
所以我希望有漫畫公司可以賺大錢....咁先會有鉄血英雄,少林奇兵,俠骨神鑑,天下無敵....呢類作品

引用:

原帖由 Rod 於 2007-7-9 15:54 發表


好，見你咁客氣問，我又認真回應下你。

單舉一例：邪神用黃級功力，強如老少天尊等已經要扎晒馬先頂得順，仇千鶴等更有「痛苦表情」。大佬呀！有無做功課架！都唔sync翻龍虎門嘅！？咁講邪神要用到黑 ...

劇情有問題就已經係肯定既
但係半獨立咁睇,呢個表達方式我係接受既...
我會諗...d人話火雲邪神功力又精進左...如果純用咩級數來形容力量,黑級已經係最高,無得再步架啦喎...本書就會變得好死板,好似跆球道有幾好黑帶,但係功力會唔會有一樣,而黃帶係咪無機會嬴到黑帶呢....

肥良玩級數係最出神入法果個,由神級到超神再到入極...由死亡力量到無界到終極,但係到而家都終於自食奇果,剩鬥匹數唔好睇,加完全境界....而家去得太盡,個個都九十九重天,完全境界...加流量,可惜又諗唔到用乜來形容流量.....咪又還原返無準則0羅

另外我又覺得....講來講去都係編劇方面既問題喎....重要對返龍虎門...

引用:

原帖由 Rod 於 2007-7-9 16:13 發表


你咁諗都係正面嘅，不過我作為消費者，又真金白銀比錢買，覺得唔好睇一定cut。亦係好正常吖。

呢個絕對係你既自由,亦都係合理既選擇

但係響評論既時候,我諗最合適既回應係..."我覺得唔好睇","故事令人失望"...而唔係垃圾,或者畫功差,質素低...

好似我睇完墨攻(電影)咁,我覺得你可以話唔好睇,但係話香港電影不知所謂,話質素唔得,場面無水準就有欠公平0羅...

引用:

原帖由 Rod 於 2007-7-9 16:51 發表


你有無認錯人呀我幾時同你傾講墨攻

入面既你...唔係代表你一個人

引用:

原帖由 Rod 於 2007-7-9 16:44 發表


請問我幾時有咁講過？

唔好意思...
呢番說話唔係對你講既..但你有冇留意有幾多人響呢版鐘意咁講野,呢番說話係同佢地講既....

引用:

原帖由 Rod 於 2007-7-9 16:42 發表


所以我一開始己經講：「睇漫畫呢D野好個人，你杯茶可能係人地嘅毒藥，大家各舒己見無所謂」

好明顯大家要求唔同姐，但無需要對不同意見扣上「以批評為主道」、「雞蛋裡挑骨頭」或「不公平」等帽子囉…

咁睇下評論中唔中肯0羅....
我諗你最好睇埋其他人既言論

單打就當幽默....無知就當成就

當然亦唔係話你啦

引用:

原帖由 kit_siu 於 2007-7-10 00:42 發表
kenny兄...你開個topic, 又唔俾人講本書有咩唔好, 又係咁撐本書, 無問題, 個人喜好!!

但人地發表意見你又ban, 雖然你好客氣咁請教人, 但會唔會有你講無人講呢!!

我唔識咩行內人, 咩好唔好賣, 我只以個人喜好 ...

ban....可以ban d咩呀

唔可以辯論,咁就唔好叫討論區,
乾脆叫留言版啦

如果反對既意見係有point的話,我都會認同的,好像故事入面既功力於龍虎門既對比

但係又係用一句話我係普通讀者,或者同四大名捕有好大距離...就真係.........

引用:

原帖由 tangoho 於 2007-7-11 09:23 發表
其實我都留意左kenny01好耐
我唔夠膽質疑佢既"專業",意見同見識
但佢好似下下都好死撐玉皇朝
用左好多point泥撐
無錯.大家係呢度為自己講既野,為自己所諗既野去說服人支持係無可厚非
但佢既態度,用 ...

請問呢個係乜野角度呢:wondering

一日出三個post就係正常的密度嗎

我話古惑仔好,叫人支持夢天堂又係支持玉皇朝

你無point又話人地用point來撐

我就由頭到尾都響度討論緊漫畫,兄台呢個post又請問響度講d咩呢:wondering::wondering::wondering::wondering:

[ 本帖最後由 kenny01 於 2007-7-11 10:58 編輯 ]

引用:

原帖由 小小力 於 2007-7-11 11:06 發表


tangoho兄,點解仲回應呀....?

我終於明白香港漫畫既其中一個死因了.....

連以事論事既討論能力都無而又無膽...就真係....

引用:

原帖由 tangoho 於 2007-7-11 20:24 發表
例如我覺得公仔麻麻地,可能睇唔慣個畫風,而顏色上我自己覺得好似好"白",可能紙質問題,

呢d咪可以拿出來討論既地方0羅....唔明白有乜唔可以討論

引用:

畫功普普通通,故事更離譜...有睇開龍虎門既會明白....

呢d我個人覺得唔算0羅....

[ 本帖最後由 kenny01 於 2007-7-12 09:50 編輯 ]

引用:

原帖由 kit_siu 於 2007-7-12 00:28 發表
算我o既諗法比較大眾化...覺得火雲本書唔係好得...就係咁多!!

你唔駛覆o架啦...因為我都唔諗住o係呢個post再打o野啦!!  因為我唔想同你討論d咩...有無膽都好啦...你一個人想講咩都得...我睬你都晒x氣!!

呢d咪有質素既網友0羅....

你可以講野,而我就唔比覆

最後多謝你一路話睬我都晒x氣,一路又打咁多字回覆

引用:

原帖由 小邪靈子 於 2007-7-12 08:53 發表
大家傾番書內容咪幾好
何必係度鬧交唒時間

呢位網友,我覺得有觀點就係討論
有d成個post都無講過漫畫既回應,我諗咁先叫鬧交0羅

另外我覺得故事係非常重要既一環,但並不代表,故事就係漫畫既全部...

引用:

原帖由 利記 於 2007-7-12 11:54 發表


正等如外間成日話阿飛正傳唔好睇

但又唔鬼明外國人就好推崇厘套戲

而我以一個要比錢買飛睇戲既人黎講,真係唔識欣賞!!

但好似我家姐,佢就可以睇出另類既野

佢話睇 ...

我亦很認同你的說話...
但我感覺這版多數是討論劇情或挖苦漫畫人為多
既然有一個漫畫討論區,為何不可以深入一點討論研究呢

我有咁既反應,係因為舉例說好似有人同你講

1.\用膽機聽歌,正低能仔,有聲咪得0羅

2.\我只係鐘意只係普通人聽歌,唔可以響度講用乜特別唱盤,用邊隻m比較有力,我話鴨記三舊水mp3出0黎既聲咪等於你幾萬銀機一樣,當你想分析隻機既特點,想話討論隻天碟有乜特別既時候,佢又會話返你...我係一個普通人,乜野天碟對我來講都係垃圾一樣...

我又無話呢度剩係比人研究,唔無話其他人剩講劇情係唔好,又唔係呢版版主,每個網友寫既野,我都有分析,有回應....我舉例好多似,好似絕代雙驕,霸刀呢d係無誠意水準既就當睇唔到,我講曬有乜好咁讚火雲,邊荒,夢天堂又話得個偏幫,咁唔接受人地意見既到底係....邊個呢...

引用:

原帖由 利記 於 2007-7-13 11:06 發表

聽Hi Fi 係一樣更主觀既玩具

係自己耳中係好聲

可能係人地既耳中係衰聲

所以係無得拗的!!!!!

包括埋我所講既極端例子

鴨記三舊水mp3既聲音等同hdcd既音質...

而且唔係拗喎.....係事實喎
除非當時人係話...我覺得啦
因為個人感覺得大曬既...