其實我覺得火雲邪神同龍虎門冇乜分別(我指劇情),其實好似之前的朋友所講,係因為老黃想將主線放回三皇身上,但又想講火雲邪神,所以先出多本書. 其實今期火雲邪神同龍虎門只不過係差個書名唔同. 買左火雲,如果冇留意個書名,又唔知仲有一本龍虎門, 咁訧可以當龍虎門咁睇.一定唔知原來今期有兩本龍虎門的.
以質素而論,如果當火雲係龍虎門,就一定會覺得今期"龍虎門"好正,質素高左好多.
但如果以一本新書而論的話, 只可以叫O.K., 試問玉記有邊本新第一期唔係有四五十頁,畫到要幾靚有幾靚的?
要確認火雲係咪一本高水準之作,起碼要五期後才可以下定論呢.
希望可以吧!! 但機會只是五五之數

其實我覺得只是KENNY01兄的見解比較獨特,
同其他朋友的想法出入較大.
因此很多人都會不太認同KENNY01兄想見解吧!
加上KENNY01兄因為常常在論壇中說要支持用錢買漫畫,
不要上書屋, 不要BT.......
可能會令人覺得他太清高, 太串吧.
其實每個人都會有不同的意見.
同一本書,有人會覺得好睇,有人會覺得不好睇.
可能火雲邪神一書大多數人都只是覺得是一本質數O.K.的書(我也是這樣覺得)
但每人的觀點與角度都會有所不同.
只要是自已真心覺得便沒有問題.
KENNY01兄可能是小數覺得火雲質數很高的讀者.
但也不能因為他的見解不同而誤以為他在推書吧.
大家有不同意見,不妨心平氣和的作出討論吧.
我相這樣對大家都會好些

以上只是本人的個人意見,
如各位(KENNY01兄或其他朋友)請多多包涵
火雲邪神還有十一期, 希望之後在這版的POST都是在討論火雲邪神或龍虎門吧

引用:

原帖由 喜歡足球 於 2007-7-15 23:23 發表
今期「火雲邪神」,文殊狂怒催勁個姿勢,十足十「龍珠」咁!

文殊話哂都係一教之主,衰到好似細路仔打交咁,捉人隻腳,佢真是「難成大器」,鬼唔望邪神暴發勁,震斬斷佢雙手。

同意, 最好踼斷埋佢對腳
由舊著開始我一直都覺得佢同邪神,無敵依D教主級差幾皮.
人又衰格又鬼鼠.真係唔死都冇鬼用
如果唔係要响日後同老天尊爭權,
真係早D俾邪神收皮好過

引用:

原帖由 不平凡人 於 2007-7-16 22:43 發表

呢排係爭咁d...
以前見佢d漫畫..好多時都估唔到....永遠唔知邊個會無啦啦死(最記得就係師傅東個徒弟..唔記得咩名...比人煮左對手..之後就咁死左...之前都算係一大配角黎)......
e+????近期死咁幾個唔知咩人既 ...

師父東個徒弟叫唐俊,都幾靚仔下,佢死O個期真係幾震撼架.
先俾人打甩只眼,跟住煮手,O個期直頭追住黎睇,好緊張,好震撼!!
不過近年都好小死人喇,瑞新之前响信箱好似話經常被人針對,唔可以寫得太激,
所以唔可以好似以前咁將D角色寫到死得好慘以給讀者留下深刻印像.
所以寧願將角色收埋而唔整死佢喎,
所以好耐都有冇乜勁人死.
好似龍虎門咁冇乜人死........

嘩!!!
乜今期連通天大戰都唔請牙!!!!!
我覺得最好睇就係依一PART的.
竟然連小小都唔講, 真係好過份.
都唔知之後O個4期點收科?????

引用:

原帖由 喜歡足球 於 2007-8-28 00:12 發表
個人覺得，「火雲邪神」是一本前傳，應該係以講舊事為主，現在發生的故事，放回「龍虎門」比較適合

其實係前傳或是雙線發展都無問題
但一度寫一D,寫到唔燙唔水就真係好令人反感.
我覺得老黃之前要出火雲,可能係想邪神主線落番火雲度,
令三皇唔使做配角
如果又將通天條線放龍虎門度
咁三皇咪變大配角......

引用:

原帖由 gregoryliu 於 2007-9-22 18:39 發表
其實如果四龍有心理準備, 我諗佢都唔會哼一聲.

不過無厘頭咁就冇左雙手, 我諗都幾震憾

無厘頭冇左隻手,真係好慘,
點解唔斷二郎神隻手?
希望佢可以駁得番啦