引用:
原帖由 xocatII 於 2007-8-14 15:21 發表
With regard to about 10 users being banned, as they attack xocat in a lot of ways without giving concrete suggestions. And this has been for over 6 months... Robin and I keep our eyes on it for lo ...
我作為小版主，就有話直說，講下我既睇法。
你地係XOCATII既權威領袖，有野要做，有話直說就得；唔需要講話有多user支持你，更加唔需要突然整條新規定出黎去ban人，你咁做會有損權威。
你地覺得有人攻擊XOCAT，理應挺身而出，去揾個問題出黎，而唔係keep silent for a long time！等到你地唔忍得，就加條新例出黎ban晒D”單打”你地既會員，咁做只會有更多會員對你既做法側目，更加解决唔到問題；悠悠眾口，你點ban得晒？至尊豪庭都發展到第九代啦。
對你地既管理手法”單單打打”係一件好正常既事；幫得你地手既版主/會員有野講，你地就愛理不理；D會員口痕叫你開個新區，你地又有效率冇考慮咁去回應(可以考究番”創業版”的成立)，攪到”創業版”變成免費廣告版；對分版小版主既任免，就更加係講彩數。淨係呢睇在一D幫得你地手既版主/會員眼中，又點會冇怨言？怨言積到咁上下，你地又愛理不理，咁就suggestion變”單打”。
更何況係呢班”單打”你地既會員，亦並唔係一開始就”單打”你地，佢地亦曾經卜心卜命去做小版主，幫你剷走D無聊垃圾帖，維持版面秩序，有部份仲要攪到連屋企人都比D野蠻會員問候；聽下睇下佢地有乜野講，比D正面既回應，佢地就係你地既好幫手，而家個個變晒頂心衫，你地又有冇諗過自已有份一手做成？
試諗下，炮艇工兵作為modeator，佢做既係為左平衡大版主們同會員們係”17歲私鐘打真軍”上既睇法，你連佢都ban埋，點服衆?
建議：
大版主們一個星期抽三日，每日兩個鐘，主動D去睇下回應下”版主專區”、”意見箱”同埋”版主/新版加設區”，有野跟進就跟進，冇野跟進咪吹下水；要有PM先考慮應唔應，同做紙版警察有乜分別?無為而治係好，但係唔係成日都行得通。
PS：羅賓、dear friend講既唔一定啱得晒；有時迷妖、小丑都有D意見聽得下！
我上面講既係版務意見，意見應該存在係意見箱，唔應該淨係靠PM交流。
同文將以PM形式，送呈大版主。
