引用:

原帖由 小小力 於 2006-9-20 09:12 發表
鐵手四拳打同一個位破唐不甩渾沌天衣...
好似化學左D !! 唐不甩又會唔知自己弱點?
仲要被人四拳打肚破天衣...
佢真係以為刀槍不入，無懈可擊...於是將自己變成沙包...任打!?

咪就係囉...有無兒嬉D 呀...俾人響同一位置打幾拳就散開

好明顯d 編劇又開始拖書喇

引用:

原帖由 劍守 於 2007-1-3 17:13 發表
冷血出手太早la,我好似睇到蘇夢枕正要出手救無情!!!

晒氣喇...d 編劇講到d 時間o岩o岩好咁, 如果冷血早到一刻, 同鐵手聯手出擊, 一定做瓜唐十五喇, 如果遲o黎一刻, 咁無情可以埋單喇, 又要寫到依家要同唐十五單打獨鬥

睇埋今期就真係仲覺得唔合理, 唐十五都知道唐門總壇瀨左野喇, 自己o既實力已經見晒底, 就算俾佢收拾晒眼前o既敵人, 但係對方後援有幾多, 真係未知之數, 人地打完你總壇就梗係即刻趕過o黎援手對付你喇, 唔通收工返屋企訓覺咩, 即係話可能有好多援兵o黎緊, 仲有未蒲過頭o既諸葛先生, 你無理由知道佢響屋企半夜三更同兩個偷僮吹水掛, 話唔定響附近隨時出o黎執你死雞, 佢之前又同雷損狄飛驚交過手, 佢兩個會唔會出手幫中原群雄你又唔知, 自己仲話有幾大抱負要天下一唐, 真係o既話就梗係保留實力, 伺機返o黎逐個擊破好過喇, 佢要走人...現場班蛋散點留得到佢

無情o個邊就仲白癡, 又話自己方面點機關算盡,攪咁大單野打到依家先話你帶o黎班友會保留實力, 無理由呢樣野響籌劃攻打唐門o個陣你諗唔到掛, 應該要有個萬全之策令到你帶o黎o既人要萬眾一心,全力出擊架咩

原本之前o既劇情舖排都幾好, 但寫到依家為左要拖長個故仔, 原來寫到兩個有勇有謀o既強者變左兩個白癡一樣

引用:

原帖由 小小力 於 2007-1-17 09:43 發表
睇完今期,我覺得唐明皇超勁,又一個打不死!!
我唔明,話每把劍有佢既特性,所以周白宇控制唔到「九五」,係佢失策!?
咁,點解唐明皇唔會控制唔到冰封劍??唐明皇有冇鍊過類似既武功!! 點解唐明皇隻手唔會變雪條??唐明 ...

我都係咁話....真係好夾硬O黎咁要周白宇輸俾唐明皇, 仲要咁快手響追命到之前擺平唐妞...太不可思議喇

可以話兵器係有靈性...但有無誇到俾第二個一拎上手就會控制唔到佢被佢所傷先....攪到又好似睇緊神兵D 天馬行空橋段咁....都唔合常理

引用:

原帖由 小小力 於 2007-4-3 14:22 發表
玄苦大師話話十八羅漢既氣硬功已經屬於一流，但十八羅漢一出場已經被人地蝕骨銷魂十二金粉K.O. 左九個….
可唔可以唔好人人都叫一流高手呢??

響依家o既漫畫武俠世界裡面, 一流高手只係 nornal standard...超級高手o個層先襟玩d..無咁快被人ko 架