飾演金世遺的演員可能你哋都未必熟悉，但係佢位千金你哋就一定識，什麼的港聞版、娛樂版、大小週刋都會見到佢，最鍾意帶住 D 貓狗影相 ！！

咁 ... 飾演谷之華嗰位大家又識唔識吖？

晚安！！

引用:

原帖由 tangkennis 於 2008-12-18 07:34 PM 發表
飾演金世遺的演員可能你哋都未必熟悉，但係佢位千金你哋就一定識，什麼的港聞版、娛樂版、大小週刋都會見到佢，最鍾意帶住 D 貓狗影相 ！！

http://i20.photobucket.com/albums/b203/tangke ...

傅奇？？

引用:

原帖由 choihung 於 2008-12-18 21:50 發表


傅奇？？

對吖，是傅奇。我淨係識貼圖，其實對他亦認識不多 ，望有版友補充一下。

他太太是長城三公主之一石慧。



以前有版友貼過她很多相了，在此不贅，貼一張咁多喇 ，其它的可往舊帖找尋一下
；佢哋位千金傅明憲，又登娛樂版，又登港聞版，大家會熟悉很多吧！！

有感而發，寫多幾句。

當年汪阿姐「突然地」當起香港人大代表，大家都記得吧 ！事緣代表港澳區娛樂圈的人大委員，長期以來都是傅奇、石慧兩夫婦所擔任 … 後二人要作移民加拿大之舉，做楓葉國公民，其職位乃懸空，有關人仕要四出「统戰」找尋候補人選，後來的大家都知已成歷史了！！

據云其後的某一年，號稱「橋王」的黃百嗚往加拿大，踫上了傅奇、石慧兩夫婦，言談間有人表示其千金有意投身娛樂圈發展，希望呢位「橋王」世叔可以扶持一下呢位世姪女喎 ！就在當年的暑假檔期，有一部《開心鬼放暑假》上映，大家有冇記得有傅明憲吖，時為1985 年 ！！(註：有另外一個說法是阿千金小姐瞞著父母自已偷偷回港拍戲喎！ 姑勿論是何種途徑，沒有妳父母撐腰又點會成事吖 ！！)





明星父母幫助子女入娛樂圈，一向有之，於今尤甚，有越演越烈之勢喎 ！！史上第一單可能係文蘭吖！當年電視台每逢播阿文蘭做嘅粵語長片，阿媽就會話：「阿文蘭，梁醒波個女吖嘛，捧極都唔紅！」嗰陣時阿文蘭都同好多當紅小生拍過檔架，不過梗係唔紅嗰度擇駛喇 … 放眼今日娛樂圈，歴史往往在不斷重複自己，信焉哉 ！！(註:父母關切倦顧子女，正是人同此心，心同此理，本亦無可厚非，不過有時… 「恨鐵不成鋼，點石不成金」… 做得捧得太過份，徒惹人反感添 ！！)

呢位女演員，我初初睇唔覺靚，還有一點「有冇攪錯」的感覺 ，但係看下去又感覺不同咗，樣子亦頗為標緻，有親切感，鄰家女孩的模樣。





冇它嘅，這只証明了一樣野，後生少年時就往往追逐冶豔嬌花，到了後來，突然間你發覺 … 這般樣貌原來有著另外一種美態 ，驚覺到自己詔華「逝去了的都已逝去」 ... 看待美的感覺已經截然不同了…

她叫王葆真。

長城三公主之中有一位在片中擔任要角，飾演厲勝男。唔駛講係邊個喇啩 ！

靚呵   ！！

晚安！

林妹妹兩個女羅大鉗、羅細鉗都係演員

引用:

原帖由 ali 於 2008-12-23 04:20 發表
林妹妹兩個女羅大鉗、羅細鉗都係演員

一早預咗有高手環伺，所以已經用了〝可能〞兩個字了 ... ...！！ 阿媽淨係提過文蘭，冇講過羅大鉗、羅細鉗呵 ... ！

嗱，除了阿游哥，碧堅哥和容小意外，你話係邊個係羅細鉗吖 ... ...？



[ 本帖最後由 tangkennis 於 2008-12-23 16:47 編輯 ]

黃圈o個個係羅細鉗。
照片調較淺色後，見到馮亦薇（粉紅圈），佢個女係80年港姐季軍黃靜。

引用:

原帖由 ali 於 2008-12-24 03:25 發表
黃圈o個個係羅細鉗。
照片調較淺色後，見到馮亦薇（粉紅圈），佢個女係80年港姐季軍黃靜。

勁 ！ 這正如 tonychankamtong 兄一樣，相信世間上沒有一條「競猜粵語長片演員」的題目可以難倒你，兩位都係高手，不知還有多少隱伏不出未曾出手呢  ！！

小弟在此主題胡亂寫下片言隻字，多據長輩閑聊所講或多年前所看過的雜誌報張，並未有多作考據，如有謬誤還望各位不吝指教也。

[ 本帖最後由 tangkennis 於 2008-12-24 11:25 編輯 ]

站在盧敦身後的就是林妹妹 ( Just in case 有版友真係好後生都話唔埋 ！) , 兩母女都有點兒相像吧。






這張圖比較清楚一點了。

再找多一張林妹妹的；她做戲都唔錯架，專做潑辣或姨太太一類角色，鬧人個樣都幾凶惡！但係唔鬧人時演一些拋眉弄眼之表情，眼角眉稍之間都頗有風情架 ！！




[ 本帖最後由 tangkennis 於 2008-12-24 20:52 編輯 ]

  佳節臨近，謹祝各版友聖誕快樂！  

聖誕快樂。

接上文，飾演厲勝男的是長城三公主之一的陳思思。她曾經主演電影《三笑》中的秋香，故亦有「史上最美麗的秋香」的美譽，真的是當之無愧 ！(中港台三地的戲劇電影演出過秋香一角的有很多了，邵氏的李菁，周星馳套《唐伯虎點秋香》中的鞏俐，當然還有仙姐的秋香，梅雪詩的秋香，甚至於吳美英的秋香，還有《民間傳奇》中呂有慧的秋香 ！ … 等等，但係論起「美豔絕倫」，真的是誰能與陳思思爭鋒 ！！)




可惜在舊年時她因病在上海已離開我們了 …

當年曾經「排除萬難、力敵主流」 ，有睇過麗的劇集的版友 ，都認得他吧 ！當時屋企人不叫他的名字，就咁叫佢做「車月亭」！！

晚安！

[quote]原帖由 tangkennis 於 2008-12-27 20:05 發表
當年曾經「排除萬難、力敵主流」 ，有睇過麗的劇集的版友 ，都認得他吧 ！當時屋企人不叫他的名字，就咁叫佢做「車月亭」！！

晚安！

[quote]

浮生六劫「車月亭」 ，一個不「平凡」的名字。

[ 本帖最後由 tykkwong 於 2008-12-28 01:19 編輯 ]

引用:

原帖由 tykkwong 於 2008-12-28 01:11 發表

當年曾經「排除萬難、力敵主流」 ，有睇過麗的劇集的版友 ，都認得他吧 ！當時屋企人不叫他的名字，就咁 ...

對吖！ 果陣時觀眾不諳「左派」演員，為何「突然間」出現了一位這麼好演技的演員呢 ！平凡叔講對白時夾著一些不純正的廣東話，別有韻味，做得非常好 ！！

亦祝各位版友新年快樂！


        

[ 本帖最後由 tangkennis 於 2008-12-31 09:20 編輯 ]

新年快樂，工作順利、一年好過一年。

引用:

原帖由 wai1960 於 2009-1-1 23:38 發表
新年快樂，工作順利、一年好過一年。

大家咁話 ！ ！

凡談起粵語長片，網友十居其九都會提起【十兄弟】 ！！係我地以前做細路仔的心目中，「公子佳人式」的戲曲又或者是「情意綿綿式」的愛情片都並非是我們心目中的經典吧 ，唯獨是神怪「童話故事」，先至令我地「懷緬過去常陶醉 … 」吖嘛 ... ...！！

先前我已經見到有版友介紹【十兄弟】這隻 DVD，但係無相貼出哩喎，等小弟代勞啦！！

【十兄弟】1960 年制作。
張瑛、羅艷卿主演。吳回導演。

蝦哥，蝦嫂(三妹)。