唔知各位兄台有冇 50'~60' 影片 「豪門夜宴」的資訊呢？有冇發行vcd/影帶、何處有售等。

我只記得係全港电影演員/台前幕後人員一年一度為工會(電影從業員?)義演的，主角是 吳楚凡 ，餘者就一個都唔記得或唔識。

我80'在電視的粵語片時段冇頭冇尾的看了中間一段，及后在報紙的娛樂資訊中得知此影片的大約故事和歴史，好想看完全套影片。不過找了拾多年都找不到那影片的影帶/vcd(包括托在三藩市、多倫多的親友找)。

在此先謝過各位兄台。

引用:

原帖由 西南風 於 2008-11-25 10:58 發表
唔知各位兄台有冇 50'~60' 影片 「豪門夜宴」的資訊呢？有冇發行vcd/影帶、何處有售等。

我只記得係全港电影演員/台前幕後人員一年一度為工會(電影從業員?)義演的，主角是 吳楚凡 ，餘者就一個都唔記得或唔 ...

1959年的《豪門夜宴》還未出過 DVD 影碟吧 ，香港電影資料館館內有copy, 如果好想睇可以去館內借閱觀賞一下喇。

引用:

原帖由 wai1960 於 2008-11-24 02:28 發表

我覺得這張的周坤玲笑起上來真的很像張瑛。

周坤玲和張瑛兩人都有頗為顯現的顴骨，又面長長，下「爬」尖尖，所以都幾相似 ... ！！

一個英俊，一個貌美 … 咁囉！！

tangkennis兄，多謝回覆及指點。

引用:

原帖由 tangkennis 於 2008-11-29 17:25 發表
一個英俊，一個貌美 … 咁囉！！

而且兩人都是下巴兜兜，有錢相。呵呵！

引用:

原帖由 西南風 於 2008-11-29 23:43 發表
tangkennis兄，多謝回覆及指點。

不用客氣也。

呢位小生都無需大家估了，是江一帆。

小弟喜歡江一帆呢種型，在粵語長片中屬少見也 。文藝青年，有少少憂鬱內歛型，唔似其它的很「佬」或「懶」靚仔，難得呵！！

曾有意見認為他表情木訥亦無演技，故此不能紅起來 … 這實在是太過偏見喇！！ 阿一帆哥做戲其實有表情亦好有演技架！關於他「傳奇」的退出影壇，有很多論壇均有講及，孰真孰假亦不知，在此不贅了。



[ 本帖最後由 tangkennis 於 2008-12-3 19:03 編輯 ]

有趣的是，有論者認為他的退出「影響深遠」喎 ！六十年代初，江一帆和胡楓多以雙生姿態演出電影，平分秋色 … 後來阿一帆哥為故退隱，那麼就剩下阿修哥獨當一面，後走紅至縱橫稱雄粵語片壇凡十數年，正是紅是整定，不紅亦是整定了！！

Good night !

其實論到外形，我也真的喜歡江一帆，他絕對是一種很平易近人的鄰家人的味道，給我很舒服的感覺。如果要我揀張瑛、胡楓和他，我就揀他。
他有甚麼「傳奇」？

引用:

原帖由 wai1960 於 2008-12-3 20:30 發表
其實論到外形，我也真的喜歡江一帆，他絕對是一種很平易近人的鄰家人的味道，給我很舒服的感覺。如果要我揀張瑛、胡楓和他，我就揀他。
他有甚麼「傳奇」？

眾說紛紜 … 在不清楚的情況下，都係唔好多講 … ！

[ 本帖最後由 tangkennis 於 2008-12-4 17:49 編輯 ]

個女仔叫莫蘊霞，唔睇演員表都唔識呵 ... ...。


[ 本帖最後由 tangkennis 於 2008-12-4 17:50 編輯 ]

而套戲叫《後窗》- 1955，很多版友都看過吧。有很多明星做吖; 粵語電影工作者全體為了伊秋水的逝世而義拍了這部電影，並將此片收入撥作為其遺屬生活及教育之費用呢。

記得細路仔時聽阿媽同隔籬師奶閒聊，講到江一帆，有師奶話佢睇過娛樂雜誌寫江一帆，江話佢之所以用此藝名係希望有吳楚帆的「一乘」成就。
文章作者重抵死咁話：「終於成他所願有10%吳楚帆的成就。」
我都喜歡睇江一帆，胡楓就唔多睇。

[ 本帖最後由 ali 於 2008-12-5 05:01 編輯 ]

阿修哥胡楓我感覺都係普普通通咁喇 … 舍妹曾嘗謂曰：「呂奇、胡楓同謝賢，個個都咁〝佬〞，阿寶珠芳芳姐冇理由會鐘意嗰喎 ... ...！！」咁嗰陣時興吖嘛，冇計 ！！

阿胡楓梗係同我鍾意的林鳳、南紅和吳君麗拍檔多，所以連帶佢都要一起睇埋 … ... ！！

阿一帆哥演戲有幾多成似楚帆叔，可能都係一個有趣的課題喎 ！！

另外有一位我都好喜歡，係阿聲哥林家聲。唱大戲好唔在講，嗰陣時的太子角色，什麼的《無頭東宮系列》，幾乎由佢包辦哂 ！！拍武俠片又得，佢套《武林聖火令》好好睇呵！當然佢拍文藝時裝又得喇！如果話要挑剔一下，個子不屬高大是實情，不過這問題都不大吖 ... 。

阿聲哥好後生呵 ！！

多年前不知在何處「自取」的一張照 (要謝原先得到的網友) ，石燕子和任冰兒的教堂結婚照，夠經典 ！！見到阿聲哥，好靚仔呵 ！！亦見到佢家姐(亦有一說是妹妹，不知孰何也 ... ... ) 林家儀。

如有版友後生過頭唔識阿燕子哥 ... ... ，哩 ... 係《英雄本色》中做阿豪哥阿Mark哥佢吔大哥嗰個吖！！

Good night !

我喜歡林家聲，真的夠靚仔，就正如你所說的，矮了一點。其實他那年代的明星，粵劇的有任劍輝，武俠的曹達華，但我還是很林家聲覺得最合眼。

引用:

原帖由 wai1960 於 2008-12-8 01:24 AM 發表
我喜歡林家聲，真的夠靚仔，就正如你所說的，矮了一點。其實他那年代的明星，粵劇的有任劍輝，武俠的曹達華，但我還是很林家聲覺得最合眼。

agree, really handsome

此照大概攝於1952年。但不知為何在底部蓋上 "PROOF 此係 XX" 的印，另外中間亦有一個長印，但內容則看不到。

還有伴娘陳好逑及花女雷靄然(右下鄧碧雲女兒)

引用:

原帖由 tonychankamtong 於 2008-12-8 21:48 發表
此照大概攝於1952年。但不知為何在底部蓋上 "PROOF 此係 XX" 的印，另外中間亦有一個長印，但內容則看不到。

此相大概在 2005 年間在某懷舊論壇遇到，名字已忘了
…

引用:

原帖由 mandy 於 2008-12-9 23:07 發表
還有伴娘陳好逑及花女雷靄然(右下鄧碧雲女兒)

哦，原來仲有咁多知名人仕，謝告之。