引用:

原帖由 mtpen 於 2012-3-4 20:38 發表


唔喇，我都撈夠咯，錢太多又煩兼會身痕，平淡啲好！  

筆兄消灑，而且條path 又清晰，羨慕！

引用:

原帖由 mtpen 於 2012-3-4 21:32 發表


芋兄延遲赴Vienna乃明智之舉！

要知Austria屬大陸性氣候，相比英倫之海洋性氣候更寒更凍。所以愈遲去愈好！

我還記得1975年五一勞動節當天响Ring有大型巡遊，貪高興去趁熱鬧 ...

多謝筆兄指點，15號機票同Marriot 都訂左，應該唔改，因為22號已經要回港。唔知當地的士方唔方便？

引用:

原帖由 Tarocake 於 2012-3-4 17:12 發表

話時話，我真係唔慣英國生活，食是一個問題。我真係對西式食物一般，所以只能自已做，嗱，這是今日早餐原材料 ...

食方面，芋兄你呢位食家梗係會踩到英國一個仙都唔值喇，之不過，我想為英國平反！

其實如果老兄知埞，或會揾啱啲稱心如意美食的！

就讓小弟久唔久介紹一吓，令老兄唔好咁憎我呢個第三故鄉吖！

菜方面，我見到芋兄用西生菜、紅蘿蔔及西蘭花煑麵。其實有種正菜，你估唔到，乃Chinese Leaf，即津菜仔或叫黃芽白又或叫娃娃菜。

你去開Sainsbury's入去摷吓，一般响Town度大間嘅Sainsbury's一定有。至於Tesco，ASDA，大間嘅或者亦有售賣。Central London嘅Tesco Express或Waitrose比較少賣。

你食過包你話正，Chinese Leaf居然响英國買嘅仲甜仲冇渣過香港／大陸嘅，唔到你唔服。係以色列或葡萄牙或西班牙出產。我亦好想老兄影佢幅相放上嚟比大家睇吓，當然仲有食後評價喇！Okay？

引用:

原帖由 Tarocake 於 2012-3-4 21:58 發表



多謝筆兄指點，15號機票同Marriot 都訂左，應該唔改，因為22號已經要回港。唔知當地的士方唔方便？

芋兄大把錢洗唔晒，打的梗好𠺝，去到Hotel Sacher啲Bell Boy唔睇白鴿都睇篤屎喇，必恭必敬添！

引用:

原帖由 mtpen 於 2012-3-4 22:11 發表


食方面，芋兄你呢位食家梗係會踩到英國一個仙都唔值喇，之不過，我想為英國平反！

其實如果老兄知埞，或會揾啱啲稱心如意美食的！

就讓小弟久唔久介紹一吓， ...

唉呀，剛剛去完ASDA，回來才見筆兄個帖，我下周出差回來一定買個拍張照並匯報。我印象中好似食過，但對 Chinese White 就感覺一般。英國蔬果OK喎，菜我較喜歡 Romaine heart, Round lettuce, Gem lettuce, iceberg lettuce是最後選擇。包裝的 watercrest 間中有食。Apple 都幾種，我獨鐘情 Pink Lady，梨 Mice and Conference 都可以，現在仲有鴨梨 ( Ya Pear )供應。Pineapple and Cantaloupe每次必吃，Strawberry 加 Meringue簡直絕配。Figs 好正，Clementines當做，好甜。尚有其他。自從住過倫敦，對香港蔬菜反而不太喜歡，加上我個賓賓廚藝有限（佢帶大芋仔又冧掂芋嫂十幾年，我都唔敢郁佢）

剛才在ASDA整左Fish and chips,個賣相差的但味道可以，加上私人醒我最喜歡的 Parsnip。

筆兄在英國食什麼早餐，小弟在倫敦日日如是芋記自制 Submarine，材料包括: Ciabatta, lettuce, Gouda cheese, Honey roasted ham（間中 honey roasted Turkey）,corned beef, onion ,間中加 buffalo tomato。加杯 black coffee，就展開一日工。附近有 Full English breakfast 不過好唔掂.

筆兄，順道請教， lettuce 過左幾日有紅色邊仲可以食嗎？
Croydon 有間榮業行，近唔近你住果頭？

拜讀旅遊手記時，能感受到1149兄逍遙樂趣，非常羨慕。自己卻萬分無奈。除84年首次踏足海南𡷊（當年屬廣東省）稍為開心遊玩，之後鑊鑊去海南都唔老例。97年客請豪華遊，點知重感冒，無論吃喝玩樂都無福消受。98年舊公司sales kick off, 同人反哂面，差點不歡而散。02年張單以為落硬，三亞final round,最終撻Q. 07年家庭樂，點知一到即要處理一單煩野，無心情玩。08年奧運開幕當日入住Kempinski,第二日，在海灘差D浸親兼碰上一單煩野，又係無玩。去年10月海棠灣 Hilton 開會，5日得半日free,只草草從房間游去大池嬉水片刻。無論如何，一定要自己去一次逍遙遊，最懷念廿幾年前的興隆華僑農場，唔知而家變成點？

引用:

原帖由 Tarocake 於 2012-3-5 02:15 發表
筆兄，順道請教， lettuce 過左幾日有紅色邊仲可以食嗎？

如果檢查過冇腐爛跡象應該冇問題。

穩陣起見，淥熟食，不要當salad生食便可。

值得一提，所有蔬菜，一如其它食物如魚、肉、生菓等，回家後要盡快放入雪櫃，尤其是响英國，因屋內有Central Heating，否則好易壞！

引用:

原帖由 Tarocake 於 2012-3-5 02:15 發表
Croydon 有間榮業行，近唔近你住果頭？

Croydon間榮業Supermarket响Purley Way汽車購物街嘅另一邊，我屋企揸車去唔使10分鐘。  

嗰度係葉煥榮嘅榮業集團响South London起嘅两層高商場仔，內有大同酒樓。



Weekdays茶瘾起，叫老妻去開定枱等我食dim sum lunch。早期Weekends 時Central London易泊車，多數出唐人街飲茶買雜貨，後來嘅Free Parking時段收窄兼入城要放下買路錢，好多時近近哋榮業算嘞！

引用:

原帖由 Tarocake 於 2012-3-5 02:00 發表

唉呀，剛剛去完ASDA，回來才見筆兄個帖，我下周出差回來一定買個拍張照並匯報。...

好高興芋兄識得欣賞英國嘅蔬果，你數落嘅我都好懷念，尤其是Strawberry當造時，平、靚、正！仲有唔知邊度運嚟嘅Prune（西梅），成隻鴨蛋咁大隻！

芋兄影開Chinese Leaf，不妨影埋Aubergine（茄子／矮瓜）吖，你唔會响香港見得到咁完美嘅紫色肥矮瓜㗎！

引用:

原帖由 Tarocake 於 2012-3-4 19:40 發表

多謝筆兄，有一個問題請教，如果我放100K進行大包圍，make 唔make sense? 反正銀行無息

芋兄且慢！

話分两頭，揸港幣、美金冇息啫，若然老兄將HK$100,000 (=£8,200) 買Premium Bonds，咁即係要轉揸英鎊，件事又唔係咁睇法喇！  

Isle of Man嘅Nationwide International家陣咁嘅銀碼（見website http://www.nationwideinternational.com/bonds_microsite/bond_selection-1year.htm），一年定期2.7%利息，亦即係老兄會唔見咗£220（約HK$2,700）一年嘅利息或opportunity cost！

三思呀，都係玩住一仟幾佰鎊先喇！玩呢家嘢祗可當買個希望，但又唔犯本咋。

以我實戰經驗，两公婆共買咗£2,000，約18年，合共大約中過六、七次獎，除咗一次中過£100外，共它皆£50而已！

引用:

原帖由 Tarocake 於 2012-3-5 02:00 發表

包裝的 watercrest 間中有食。 ...

芋兄提到嘅Watercress（西洋菜）乃老妻之飛佛！

包裝得好靚，washed，俾人當salad咁即食，好矜貴。

一般我哋會去Sainsbury’s買两包煲西洋菜湯，加入無花菓、杏仁、蜜棗及果皮。

後因無花菓據聞有毒，蜜棗又染色，棄用二者。有幾次响西環海味鋪買嘅杏仁及果皮用光未及回港補貨，齋煲加嚿猪肉仔，一樣咁好飲！

你估唔到，两包咁細細包嘅菜，居然仲香西洋菜味過响香港放成斤落去煲嘅，可能佢淨係葉嘅關係吧！

引用:

原帖由 mtpen 於 2012-3-5 08:58 發表


如果檢查過冇腐爛跡象應該冇問題。

穩陣起見，淥熟食，不要當salad生食便可。

值得一提，所有蔬菜，一如其它食物如魚、肉、生菓等，回家後要盡快放入雪櫃，尤其是响 ...

筆兄，明白。小弟一向好企理，洗到乾乾淨淨，索乾水（lettuce 除外），然後切到整整齊齊，放入食物盒或保鮮袋。你見到只有 lettuce, broccoli, cauliflower, carrot，平時我仲有 butter nut squash, cucumber,celery。 swede 吃過一次怕怕，

引用:

原帖由 mtpen 於 2012-3-5 09:46 發表


好高興芋兄識得欣賞英國嘅蔬果，你數落嘅我都好懷念，尤其是Strawberry當造時，平、靚、正！仲有唔知邊度運嚟嘅rune（西梅），成隻鴨蛋咁大隻！  

芋兄影開Chinese Leaf， ...

原來叫Aubergine,我95年在北京第一次見，仲以為西紅柿，早年出差北京我經常買圓茄子，久寶桃，蟠桃，心裡美（大Radish),西紅柿，而家無咁靚

引用:

原帖由 mtpen 於 2012-3-5 11:30 發表


芋兄且慢！

話分两頭，揸港幣、美金冇息啫，若然老兄將HK$100,000 (=£8,200) 買Premium Bonds，咁即係要轉揸英鎊，件事又唔係咁睇法喇！  

Isle of Man&# ...

當初原計劃是我要投資一半設備費，所以小弟06，07年換左幾lot 英鎊，最低都14.65，英國我 bill 都是用英鎊，而家都唔知點算，如果唔係forex lost , 我個 book 幾靚嫁。無計啦，有早知就無愛滋。

引用:

原帖由 mtpen 於 2012-3-5 14:43 發表


芋兄提到嘅Watercress（西洋菜）乃老妻之飛佛！  

包裝得好靚，washed，俾人當salad咁即食，好矜貴。  

一般我哋會去Sainsbury’s買两包煲西洋菜湯，加入無花菓 ...

我就鍾意 watercress 煲粥。

引用:

原帖由 Tarocake 於 2012-3-5 02:08 發表

筆兄在英國食什麼早餐，小弟在倫敦日日如是芋記自制 Submarine，.. ...

早餐基本上食齋，冲即溶麥片加牛奶，每人两片方包，每日輪流搽牛油、菓占或夾芝士，再加蘋果及奇異果各一。  

我哋習慣早餐唔開鑊，冇腸仔、冇火煺、亦冇蛋。

麵包我哋喜歡Farmhouse，此乃品種名稱，不同牌子都有造，貪佢好香麵包味，首選Kingsmill，Allinson及Hovis都好。

引用:

原帖由 Tarocake 於 2012-3-5 17:23 發表

當初原計劃是我要投資一半設備費，所以小弟06，07年換左幾lot 英鎊，最低都14.65，

睇怕芋兄有排坐艇矣！

咁喇，存入啲好利息嘅户口幫補吓喇！

引用:

原帖由 Tarocake 於 2012-3-5 17:18 發表

筆兄，明白。小弟一向好企理，洗到乾乾淨淨，索乾水（lettuce 除外），然後切到整整齊齊，放入食物盒或保鮮袋。你見到只有 lettuce, broccoli, cauliflower, carrot，平時我仲有 butter nut squash, cucumber, ...

老兄都算食得幾健康，不過少啲肉仲好，腸仔、火煺長食冇益，切記！

昨晚接到噩耗,二弟二嫂在廣州車禍,二弟當場死亡,二嫂
筋骨斷四根,開車是二嫂的妹夫,妹妹二人也重傷,二嫂轉
回香港醫院,還不知道二弟情況.公安找到我四弟,弟妹問我
是否要告知兩老,唉,,,醜婦終需要見家翁,爸爸哽咽,媽媽
哭得很傷心.
  二弟,1958年生,小時住九龍仔,我和他負責擔水,洗衣和背
妹妹,還有做籐器手工,常和我比快,讀書常滿江紅,小五就輟學
去打天下,當過修車學徒,說太髒幾個月就不做,到處打工,也
沒住家裡.認識二嫂就同居,兩人都做企堂,打拚還做到部長,
最好時,香港,澳門,大陸各有一間房子,廿年前跑去大陸開餐廳,
可是2-3年就回來,所有房子都虧光,只能租屋住.為了申請公屋
同居三十多年於去年登記結婚.近年來人老了,不要說部長,
連企堂也不太歡迎了,工作一直不太如意.本預算老了吃綜援,
卻如此突然結束.人生短暫,不勝欷虛.
    人有年紀就常聽到噩耗,8年前,中學的死党肝癌走了,才46
前老板胃癌走了,才48,所以,該及時行樂.

今日番南山村

引用:

原帖由 1149 於 2012-3-5 19:31 發表
昨晚接到噩耗,二弟二嫂在廣州車禍,二弟當場死亡,二嫂
筋骨斷四根,開車是二嫂的妹夫,妹妹二人也重傷,二嫂轉
回香港醫院,還不知道二弟情況.公安找到我四弟,弟妹問我
是否要告知兩老,唉,,,醜婦終需要見家翁,爸爸哽咽 ...

1149兄，驚悉令弟不幸，謹向你及家人致以親切慰問

引用:

原帖由 mtpen 於 2012-3-5 19:05 發表


早餐基本上食齋，冲即溶麥片加牛奶，每人两片方包，每日輪流搽牛油、菓占或夾芝士，再加蘋果及奇異果各一。   

我哋習慣早餐唔開鑊，冇腸仔、冇火煺、亦冇蛋。:hams ...

我食開果隻好似叫Warburton Farmhouse Soft White,Ciabatta 之前食三文治。周末有時多士，塗花生醬，Lemond curd and Manuka honey

引用:

原帖由 mtpen 於 2012-3-5 19:14 發表


老兄都算食得幾健康，不過少啲肉仲好，腸仔、火煺長食冇益，切記！  

筆兄，小弟倫敦一滴油都無。microwave cooked egg white  sorry boarding