引用:

原帖由 mtpen 於 2012-6-23 13:54 發表


以下犯上, 殺無赦!

還是自動引退較為明智!  

筆老大，小弟愚見，一個醒的上司要整下屬一定唔會有空位俾佢走，反之，一個醒的下屬郤可玩謝上司，就算佢係老板運用legitimate power 炒我，我一樣可以set 局 unfair dismissal.

當然，如果你係上司，我係下屬，一定唔夠你玩，即投降

引用:

原帖由 mtpen 於 2012-6-23 13:50 發表


我哋梗係唔夠女仔叻喇, 放學後又要担水、幫手買餸, 暑假要做童工, 仲要週不時俾老豆老母唔開心時要嚟出氣當沙包咁打餐懵, 腦都打壞啦!
  

以往俾老媽執行騰條家法，第一騰開始就扮痛到死去活來，喊到呼天搶地，直至5年級最後一次接受家法，真喊兼唔躲，因為感覺老媽子無力。

正，有點睡意，再聊

引用:

原帖由 Tarocake 於 2012-6-23 14:37 發表

以往俾老媽執行騰條家法，第一騰開始就扮痛到死去活來，喊到呼天搶地，直至5年級最後一次接受家法，真喊兼唔躲，因為感覺老媽子無力。

早啲識去A座揾芋兄你過番兩招就冇使咁痛若吖! 成日聽錯發瘋佬講, 話乜鬼嘢錯就認、打就企定, 真害事!

仲有, 你就好啦, 我阿媽打到我Form 1都一樣棍棍有力, 越老越好火呀, 慘!

引用:

原帖由 mtpen 於 2012-6-23 13:54 發表
以下犯上, 殺無赦!
還是自動引退較為明智!  

筆學長與芋兄的對應方法各有不同，不知其他街坊的對應方法又會如何處理呢？

補充一點，公司並無裁員計劃及與老板無其他茅盾的。打碎玻璃員工更做餐死，損人不利己員工為何要幹，賠償事件都是攪屎棍攪出來，有什麼好方法對他小懲大界呢？哈哈，先謝謝筆學長與芋兄的回應

引用:

原帖由 Tarocake 於 2012-6-23 14:09 發表

當然，如果你係上司，我係下屬，一定唔夠你玩，即投降 ...

我愛民如子, 又點會玩人、炒人呢?

引用:

原帖由 Tarocake 於 2012-6-23 13:54 發表


同意筆老大，但我會玩下野，兼反攻攪屎棍剛才到河邊餵天鵝，好過引

係呢, 芋兄今趟回London, 你啲狐狸仔朋友晚上有否呱呱叫跟你打招呼咁呢?

引用:

原帖由 mtpen 於 2012-6-23 15:37 發表
早�躞悒hA座�M芋兄你過番兩招就冇使咁痛若��! 成日聽錯發瘋佬講, 話乜鬼�狤驦N認、打就企定, 真害事!
仲有, 你就好啦, 我阿媽打到我Form 1都一樣棍棍有力, 越老越好火呀, 慘 ...

蕉仔兒時周不時都全身騰條痕，阿媽叫蕉仔擔水，擔足半日還未回家，鬼咩，半路遇到對手，玩射波子，玩完又與人再拍公仔紙，兩個水桶和擔條比阿媽拿走都不知，你話抵唔抵打，跟人偷偷地走去猛鬼湖裸泳，給街坊告密，又打餐死，幸好沒有被阿媽打壞個腦，都知道做人的道理，至今都沒學壞，不煙，不酒。

引用:

原帖由 蕉園仔 於 2012-6-23 16:07 發表

又打餐死，幸好沒有被阿媽打壞個腦，都知道做人的道理，至今都沒學壞，不煙，不酒。 ...

咁蕉兄就的確扺打矣, 而最值回票價都係能不煙、不酒呢!

看來芋伯母當年太留手了!

引用:

原帖由 蕉園仔 於 2012-6-23 15:40 發表

筆學長與芋兄的對應方法各有不同，不知其他街坊的對應方法又會如何處理呢？

補充一點，公司並無裁員計劃及與老板無其他茅盾的。打碎玻璃員工更做餐死，損人不利己員工為何要幹，賠償事件都是攪屎棍攪出來，有什 ...

報告蕉學長，小弟這招就係連消帶打，引蛇出洞。如果真係有個攪屎棍，佢無蒲面，你唔能夠在桌面上同佢過招。佢而家用陰濕，經過一個權力點（老板）出招，最佳手段就是讓這個權力點知道佢係信錯人。一定要令攪屎棍呢招借刀殺人反被刀傷。同老板面談時，千萬不要表示對攪屎棍有想法，免將內部茅盾嵌入這次個案，就聚焦處理今次問題。

至於老板，佢在上，你無可能以權制權，只能用情理，制度去抵消權力。佢只要同你解釋佢今次處理意見的基礎及原因，你就可以食住上，一一擊破其誤點。

至於直屬上司，暫時只是一個界面角色，並非關鍵。最緊要唔係企攪屎棍果邊就掂。

不過最重要一點，反而要思考點解老板會耳仔軟呢？？

個人意見，倘有不妥，請學長雅正

引用:

原帖由 mtpen 於 2012-6-23 15:41 發表


我愛民如子, 又點會玩人、炒人呢?  

老大果然係好波士，但人乃群體動物，辦公室內政治漩渦有時好難避。小弟一生人只打過一份工，20年職業生涯中多少苦樂片段，繫竹難書，相信老大比我更多

引用:

原帖由 mtpen 於 2012-6-23 15:45 發表


係呢, 芋兄今趟回London, 你啲狐狸仔朋友晚上有否呱呱叫跟你打招呼咁呢?  

見唔到但肯定佢地有食我拋下的肉，因為清道夫無話見到有肉剩

引用:

原帖由 mtpen 於 2012-6-23 16:39 發表


咁蕉兄就的確扺打矣, 而最值回票價都係能不煙、不酒呢!

看來芋伯母當年太留手了!  

唉，都係自己唔好。不過我無酗酒習慣，但煙真係抽好多，不過每支煙只抽3、4口，等49大夫與袋鼠共舞完，請教下咁樣只是心理上有些少安慰定係物理上確是爲害較輕。

好，出去覓食，再聊

引用:

原帖由 Tarocake 於 2012-6-23 19:15 發表


不過最重要一點，反而要思考點解老板會耳仔軟呢？個人意見，倘有不妥，請學長指正 ...

Absolutely, 芋兄真聰明, 做得搞屎棍, 佢理應比你更接近Senior Management, 又或是位高權重之人。既然事實係咁, 蕉兄你切忌捉錯用神, naive到認為自己只要理直氣壯, 又或自己好做得, 公司一定會爭你多過爭佢, 以為at the end of the day老細會棄帥(佢)保車(你)。

你真係以為老細唔知邊個係搞屎棍咩? 只是公司要靠佢多過靠你而已。惟一間公司若容得下搞屎棍之類的奸妃做埋呢亭non-productive之鬥爭, 表示老細乃昏君。而此乃institutional problem, 就算去了此奸妃, 賊死賊還在, 日後還有更多奸妃呢。

算了罷, 此地實不宜久留, 與其花無謂精神去面對無盡又無奈之office wars, 倒不如做隻良禽好了, 待日後回過頭來, 真係得啖笑矣!

祝蕉兄好運!

引用:

原帖由 Tarocake 於 2012-6-23 19:18 發表

老大果然係好波士，但人乃群體動物，辦公室內政治漩渦有時好難避。小弟一生人只打過一份工，20年職業生涯中多少苦樂片段，繫竹難書，相信老大比我更多

芋兄一啲都冇講錯, 我1971年入香港政府時, 乃人見人愛之戇直少年, 担屎唔偷食之餘仲俾人任玩任使都唔會反抗。到2002年在英退休時, 經歴過在人在鬼之地方共工作了30餘年, 我可說對office war之了解、掌握及應對成精到可以出書矣。

一生各大小戰役, 輸贏參半, 惟過程的確令人心酸疲憊, 曾多次掛免戰牌, 但人在江湖, 身不由己, 兼性格決定命運, 繼續作戰到筋疲力盡為止。

事後檢討, 起因不外乎鋒芒太露、樹大招風、又或埋錯堆、跟車太貼轉唔切身。到後期以為有些少江湖地位, 可以做獨行俠, 卒之一樣被人isolated至中箭重傷。

引用:

原帖由 akbcya 於 2012-6-23 10:58 發表
小弟在1961-1962年記得有两位女教師姓宋碧x,及郭艷x 不知各位學兄學弟有印象否?

咦, ak兄原來亦是大坑東官小書友仔咩, 乜老兄好似冇提及過嘅? 大家可能係同過班都似。

趁未開波，送2隻鬼佬大芭蕉俾蕉圓仔學長，順一順氣。我估學長應該唔係今朝討論果位員工

引用:

原帖由 Tarocake 於 2012-6-24 00:35 發表
1趁未開波，送2隻鬼佬大芭蕉俾蕉圓仔學長，順一順氣。我估學長應該唔係今朝討論果位員工

Resend

引用:

原帖由 Tarocake 於 2012-6-24 00:35 發表
1趁未開波，送2隻鬼佬大芭蕉俾蕉圓仔學長，順一順氣。我估學長應該唔係今朝討論果位員工

多謝芋兄的大芭蕉，很好味，蕉仔聽完這故事，在想如果我是員工之一，會跟小學時老師的教導，士可殺不可辱，頭可斷血可流，志不可屈，令願賠償，也不會道歉，賠償的錢當作帛金送給這個十鳩老版。

引用:

原帖由 mtpen 於 2012-6-23 22:30 發表


芋兄一啲都冇講錯, 我1971年入香港政府時, 乃人見人愛之戇直少年, 担屎唔偷食之餘仲俾人任玩任使都唔會反抗。到2002年在英退休時, 經歴過在人在鬼之地方共工作了30餘年, 我可說對office war之 ...

Oh! 我同筆老大志同道合，老大較厲害，工作經驗跨越人鬼兩域。小弟在單一公司，算是high flyer , 做過不同部門。雖然我的core competence 在. Commercial，staffing 是我較有天份的managementfunction. 小弟前10年管operations, 連上5級，全部上司變成下屬，面對的挑戰可不少。百幾人的operation 起碼40個小社會，staff issues 日日新鮮鑊鑊甘。一定要用system 去管，否則亂硬。我下面有4 tiers, 每層既supervisory management 一定要到位，否則無 control . 我成日同的馬講，一定要system in place , 另外人多工作刻板的環境，做supervisor and manager 一定要懂如何 apply motivation heat, 否則起唔到個 working climate, 到時一定管得吃力。我做 controller suppose 係抓productivity , strategy, quantitiveperformance 及 direction 等，如果雞毛蒜皮或者小的 staff issue 都要來到我這裡處理，咁就証明你地幾層都廢。話雖如此，都仲有的minor but 古靈精怪野要我出手。

後10年管班 managers and. Professional, 卻是另一體驗。

前者 tedious 但無殺傷力，後者唔複雜，但要小心。

有空再交流junior staff 的古怪野

引用:

原帖由 蕉園仔 於 2012-6-23 13:40 發表

方兄，小弟早年也喜歡看 NBA 的，最瘋狂是芝加哥公牛對猶他爵士年代，當然米高佐敦是NBA籃球的表表者，但他的公牛隊友柏賓(Scottie Pippen)我也非常欣賞，柏賓打法全面，他無論傳球，控球，射球，都很到家，籃板王 ...

飛人的黃金年代肯定是二十年來最精彩的, 特別是第二次的三連霸, 基本上全隊除 佐 敦, 柏賓和洛文外, 科爾和古高都配合得很好. 不過, 既生瑜何生亮, 爵士那邊就更可惜了, 史托頓和馬龍的配合再加上死光槍漢拿錫的外圍投射, 都禾能嬴取一皂冠軍指環. 我相信當年的爵士應比現在的熱火三頭犬勝一籌. 君不見熱火對塞爾特人時基本上無大優勢, 祇不過塞爾特人整隊年紀太大後勁不繼才敗矣.

蕉兄所提及的球員我都很喜歡, 同時, 我亦喜歡牙擦蘇 米拿, 須知道一個真正的天皇巨星是須要在球隊須要你的重要時刻你就要挺身而出, 扭轉乾坤, 反敗為勝. 還記得當年 米拿於衹剩 9 秒左右時閒連入 8 分為溜馬反敗為勝的鏡頭, 真是精彩絕倫. 相信勒邦占士有排都學唔到怎樣在最後和最重要時候揹起隊波啦.

現在梗係 林書豪喇, 起碼可以見到佢有兩次能夠表現到有這種心理質素. 一埸對速龍唔使講果三分致勝球喇. 另一埸就係臨尾連入 10 個罰球, 1 個都冇射失, 相信很多天皇巨星在重大壓力下都未必做得到. 希望在現今太過體力化的 NBA 賽事中, 他能夠適應下來, 發揮應有水準為華人爭光(邊個國籍都好喇!).

引用:

原帖由 蕉園仔 於 2012-6-24 01:25 發表

多謝芋兄的大芭蕉，很好味，蕉仔聽完這故事，在想如果我是員工之一，會跟小學時老師的教導，士可殺不可辱，頭可斷血可流，志不可屈，令願賠償，也不會道歉，賠償的錢當作帛金送給這個十鳩老版。:f ...

學長果然大丈夫，讚！！

筆老大，小弟飛佛parsnip ,AsDA 要聖誕前後至賣，小弟去年送左包越南腰果俾cafeteria
manager, 每次我想食，佢會特別做。trust me, 加 ketchup 會有一種好似話梅香味。香港唔知邊度有得賣

引用:

原帖由 Tarocake 於 2012-6-24 02:48 發表

筆老大，小弟飛佛parsnip ,AsDA 要聖誕前後至賣，小弟去年送左包越南腰果俾cafeteria
manager, 每次我想食，佢會特別做。

小弟未曾見過或品嚐過芋兄此飛彿, 請講解一下是何等素材而成好嗎?

從老兄之交際為人, 我有充份理由相信你所行之道路, 縱然偶有崎嶇, 一定還是比其他人易行, 請繼續用你一如既往用與人為善之方法做人吧, 我睇好你的!  

我放胆於此將老兄你成功之道拆解, 乃你識得利用地球上所有生物也沒有之天賦 (或許有, 只是我們人類聽不懂罷了), 即《語言交流》, 亦即《把口》從而與人建立好《Guanxi》此universally recognized中文名詞《關係》。看看你跟已過身之蓮舫老細友誼便可知一二矣。

其中一個用把口而成功之實例, 就係花旗黑仔總統矣。一隻黑鬼, 在芸芸白鬼中打出一片天, 靠的是一把口而已。所以芋兄要好好將你此優良傳統pass之與芋仔啊!

阿筆以上之恭維, 你就當我licking your ass好了!

引用:

原帖由 rfong50/50 於 2012-6-24 02:32 發表
飛人的黃金年代肯定是二十年來最精彩的, 特別是第二次的三連霸, 基本上全隊除 佐 敦, 柏賓和洛文外, 科爾和古高都配合得很好. 不過, 既生瑜何生亮, 爵士那邊就更可惜了, 史托頓和馬龍的配合再加上死光槍漢拿錫的 ...

牙擦蘇 米拿在9秒時間左右連入8分實在是神話，他真的不愧為神射手，方兄還否記得在1972年慕尼黑奧運的決賽上，

蘇

聯

在最後3秒投入2分以51:50氣走美國的情景？

NBA最引人只處也就是幾秒鐘變化很大的啊。

林書豪當然是現今在NBA的華人之星，在 YOUTUBE 可找到很多關於他的片段，他之能夠有今日，見他練得好辛苦，加上運氣，才有今日之成就，希望他能繼續發光發亮。

引用:

原帖由 Tarocake 於 2012-6-23 14:37 發表



以往俾老媽執行騰條家法，第一騰開始就扮痛到死去活來，喊到呼天搶地，直至5年級最後一次接受家法，真喊兼唔躲，因為感覺老媽子無力。

正，有點睡意，再聊

芋兄孝子也，伯母有子若此該無憾了。