引用:

原帖由 rfong50/50 於 2012-7-27 22:16 發表


咁就由我呢個九龍仔街童話俾筆保長知, 其實在沙地吊環玩體操的地方, 可向前直去落斜經 天下為公 牌樓去火車軌,

之所以話叻人自細都有個樣睇嘅, 比起大督筆呢亭冇胆匪類, 方兄日後成為猛人其實早有跡可尋矣。

我住在大同中學腳下大大話話有成五年咁長, 大同係我後花園兼遊樂場, 亦是成長根據地。反而老兄住响離我10分鐘遠街口之念新村, 對大同地形還比我熟, 佩服!

究其原因, 乃胆子問題而已。好坦白講, 落長石級去火車路前, 响右邊吊環旁上石級去沙地足球場就常常去, 但我從未有意圖或企圖上去左邊教室那裡看看, 現在想來也不知何解。

我太循規導矩及胆子少了! 就以今天老兄乃在像食了豹子胆般, 在市場大風大浪及大鱷環伺之下, 乃能及在鱷魚潭中予取予携, 夠哂沙卜! 勁!

引用:

原帖由 mtpen 於 2012-7-27 15:11 發表
照咁睇��, 蕉兄若想從蕉巢去猛鬼湖裸泳, 會是由初段�恞鉾L屋之環山路, 即阿樑及我�]住�鴷菻峆e經過, 上斜到路尾近大同正門前才開始有屋及舖仔之山路, 穿過教務處或籃球場, 再上有沙池 ...

筆學長，你所說的路線不去到猛鬼湖裸泳，但學弟甚少用這條路線，我會在家往山上行，穿過山頂就到大同中學的沙地足球場，再落樓梯，就是那幾個吊環器械操之沙地，這樣會比較快捷。

引用:

原帖由 mtpen 於 2012-7-27 14:51 發表
Absolutely, 阿樑跟我何止冇代溝呀, 簡直是大家童年懂事後首批玩伴呢!
阿樑 (蕉兄亦冇用錯他之真名) 他得呂四娘此名, 全因細個時公仔書 (有别於現時之漫畫書) 及公仔紙上有此武俠人物與他 ...

學長，阿樑是我同班同學，雖跟他未見四十年，但他的名字都仍記得的，早前曾兩次邀請呂四娘出席同學聚餐，但可惜時間未能配合，至今仍未見到面，我們同學間的年紀都不少，應珍惜見面機會，像本月初的聚餐仍能邀請到四位當年曾教導過我們的老師出席，他們年紀都80多歲，去年的聚餐更邀請到一位93歲的老師出席，可惜數月前這位老師不小心在街上跌倒，腳部受傷，至今仍在醫院療養，希望這位老師能盡快康複，出席我們同學下次的聚餐。

引用:

原帖由 rfong50/50 於 2012-7-27 22:16 發表
咁就由我呢個九龍仔街童話俾 筆保長知, 其實在沙地吊環玩體操的地方, 可向前直去落斜經 天下為公 牌樓去火車軌, 若向右邊上斜就是沙地足球埸. 左邊上斜走由人行出來的黃泥山路小徑上小山崗. 通常我地在山崗上捉金 ...

看來方兄年少時都是一個精力旺盛的街坊，捉金絲貓 摘山捻，到猛鬼湖游泳等等都是九龍仔大坑東街坊男孩子的玩樂節目。

引用:

原帖由 mtpen 於 2012-7-28 09:25 發表

我住在大同中學腳下大大話話有成五年咁長, 大同係我後花園兼遊樂場, 亦是成長根據地。反 ...

筆保長有所不知, 之所以小弟對  大同中學 甚至 九龍仔附近地區甚為熟識, 實因正小弟乃街童一名, 每天大概有四,五小時都是在街山流連也.
究其原因, 正如其它街坊一樣, 年少家貧兄弟姊妹繁多. 家母須拿些外發加工回家工作, 由初時的 繡花, 油公仔, 串膠花 至最後的 車鞋面都做過. 其中最後的車鞋面就最穩定而賺錢較多, 亦因如此, 我家所住的斗室, 就變成了廠房, 小小 8' x 8' 斗室, 除放了一張雙人床外, 就多放了兩台電衣車. 再加上加工的半製成品, 基本上插針都插唔落. 而 家母基本上由朝到晚都在家中車鞋面, 家中的家頭細務就由我們幾個大的去分擔了. 小弟由 讀四年班下學期開始(當年1 0 歲半左右), 每天放學及午飯後, 都要負責照顧當時衹有幾個月大的妹妹, 由於家中環境躋迫及嘈吵, 通常都是揹著幾個月大的妹妹周圍去, 大同中學, 雞公山山頂大石, 朱牯仔, 石硤尾, 大角咀等地, 天天不同. 一直至下午六時左右就去13, 14 座擔水, 飯後才開始做功課. 這種模式直至六年級下學期, 全家搬至 石蔭村後才改變. 因此, 小弟對九龍仔附近環境可以說是十分熟識的.

引用:

原帖由 蕉園仔 於 2012-7-28 15:14 發表

筆學長，你所說的路線不去到猛鬼湖裸泳，但學弟甚少用這條路線，我會在家往山上行，穿過山頂就到大同中學的沙地足球場，再落樓梯，就是那幾個吊環器械操之沙地，這樣會比較快捷。

蕉兄咁行short-cut法當然是正途, 因我從未入蕉園「視察」過, 以為蕉園與大同中學間會被陡峭山坡所阻隔。

咦, 咁那些年你去大同返學咪好快? 唔多過10分鐘一程, isn’t it?

剛看了洪金寶主演的七小福,其中一幕,
大鼻食西瓜,食完給小弟,小弟食完再給第三個,
到第四個,西瓜連白色的部份也沒有了,
他拿來敷在面上,說好涼呀,
想起小時侯我們也是同樣環境,會心一笑,
中秋時,柚子皮也可以入菜,不知大家吃過嗎.

引用:

原帖由 蕉園仔 於 2012-7-28 15:38 發表

看來方兄年少時都是一個精力旺盛的街坊，捉金絲貓 摘山捻，到猛鬼湖游泳等等都是九龍仔大坑東街坊男孩子的玩樂節目。

其實小弟幼時多病, 身體很差. 試過家母帶我去中環向某名中醫求診, 由於路途遙遠兼藥費昂貴, 有一次沒有在他那裹配藥, 而被他罵到狗血淋頭. 話個仔死左唔好返黎搵佢. 最後惟有改為返黎大坑東 5 座政府診所醫喇. 點知就俾 2 號房 孫醫生醫番好. 都唔知係果個中醫喳定夾醫緣. 總之, 多謝孫醫生當年救番小弟一命刺. 自此, 小弟就開始多做運動, 而身體就變得健康, 五歲後已經二, 三年才睇一幾醫主喇.
其實當年還有很多玩意都很流行. 打波子, 拍公仔紙, 放紙鳶, 斜斜, 摺煙包等等, 有時為了撈鳶, 走幾條街最後都撈唔到. 又或者由九龍仔行去大角咀, 旺角等區隨街執煙包來摺. 除了用來擲煙包外, 亦作為我們孩童時的貨幣的一種. 另一種貨幣為公仔紙, 新的是一毫子一張60連張, 舊的是1毫子100張, 當年我們已用公仔紙來玩沙蟹架喇.

[ 本帖最後由 rfong50/50 於 2012-7-30 13:01 編輯 ]

引用:

原帖由 rfong50/50 於 2012-7-28 16:19 發表


筆保長有所不知, 之所以小弟對  大同中學 甚至 九龍仔附近地區甚為熟識, 實因正小弟乃街童一名, 每天大概有四,五小時都是在街山流連也. 究其原因, 正如其它街坊一樣, 年少家貧兄弟姊妹繁多. 家母須拿些外發加工 ...

唉, 無謂望過去, 盞心都碎。大家生於咁嘅環境, 居然都唔瓜得, 此乃萬幸。活到今天仍有飯食有屋住, 此乃二萬幸。Can’t complain 喇!

方兄自貶為街童, 其實係極之無奈之用詞, 亦可反影當年父母缺失之一面。

要揾食吖嗎! 喂大佬, 揾食還揾食嘛, 小朋友嚟㗎, 佢本性係好奇、活潑、跳蹦蹦的嘛! 佢要成長, 佢要依賴你愛心、耐心去引導、教育㗎, 係需要你每分鐘, 而唔係霎時, 嘅愛心呀! 就算架車泊响車房, 久唔久都要楂上motorway 去run吓架車吖, 何況喺佢出世時佢係你所聲稱嘅寶貝喔, 幾時咁快變咗嚿义燒呀?

若果時光倒流50年, 我與筆老豆互換角式, 此情此景, 我會開源唔到就節流, 一有空就拖住筆仔上大同捉金鳯、摘龍珠菓, 乘機親子。

Easier said than done? 非也, 確有實例。那些年, 許冠傑老嗲亦是一窮二白, 還是常常帶佢哋幾兄弟去公園遊玩, 咁就更唔驚佢哋亂嚟學壞/受傷啦。人家食雪糕、飲汽水, 佢哋就圍埋剝花生。稍有空, 佢就將件執返嚟嘅爛鬼黑板一齊教哂咁多隻讀書寫字。咪淨係睇人哋教子成材, 又被冠以好爸爸、好媽媽, 原來背後有犧牲、有做嘢㗎!  

引用:

原帖由 mtpen 於 2012-7-28 20:21 發表


唉, 無謂望過去, 盞心都碎。大家生於咁�奰藿�, 居然都唔瓜得, 此乃萬幸。活到今天仍有飯食有屋住, 此乃二萬幸。Can’t complain 喇!

方兄自貶為街童, 其實係極之無奈之用詞, 亦可反影當年父母缺 ...

筆保長請勿誤會, 小弟自詡街童, 是乃因小弟好動整天周圍走, 家中擠迫但家門附近是有地方供小朋友玩耍的, 衹不過小弟喜歡周街走而矣. 至於晚上才開始做功課亦不影嚮學業, 小弟的升中試成績絕對見得人的. 反而覺得當年是一種磨練, 細細個就養成獨立處事的能力. 試想當年十歲的我, 已經可以有時代家母由九龍仔去荃灣交貨喇, 現在有地鐵D 父母都唔放心喇, 何況當年我要揹住袋布鞋面, 由九龍仔行去 南昌街 元洲街交界果個公廁門囗, 搭五毫子貨車入去 荃灣 沙咀道 交貨. 有次, 隔籬屋個老友 阿成冇錢又話要跟住去, 結果兩個細佬用一元搭貨車入去, 返離就由 荃灣 行路兩個幾鐘頭去 荔園, 才夠錢搭巴士番屋企. 當時 葵涌道都未起好, 要行舊路青山道上落斜才經 九華徑落 荔園. 現在想來, 雖苦亦甜. 聽聞現時有年青人見工都要有家長陪同, 比起當年我們這一代, 都唔知邊一代人幸福D 喇.

講開現時呢代人, 唔知 筆保長對於十號風球 東鐵壞車服務癱瘓事件有乜意見呢.

引用:

原帖由 rfong50/50 於 2012-7-28 18:10 發表


其實當年還有很多玩意都很流行. 打波下, 拍公仔紙, 放紙鳶, 斜斜, 摺煙包等等,...

方兄講起兒時玩意, 有啲真係好危險!

老兄提到玩「斜斜」, 唔整盲隻眼變海盜船長算偷笑矣。可能呢個forum好多後生仔未見過「斜斜」係乜東東。

制作過程係咁嘅, 呢, 蕉兄早两日話將個荷蘭水蓋放响火車軌上, 等火車行過壓扁咗之後, 用槌仔加工揼平啲, 再用磨刀石磨利週邊。  

之後好似粒鈕咁篤两個對等窿在「斜斜」上, 穿上一條幼繩並加結於尾, 完成!

將個「斜斜」一邊繩尾勾在左手中指, 然後好似脆麻花咁擰十吓八吓, 再勾另一邊繩尾於右手中指, 當两手一開一合時個「斜斜」會好似風車咁轉。

我跟阿樑就玩得多「界」「斜斜」, 睇吓邊個條繩被對方「界」斷先。上天待我哋不薄, 繩斷後個「斜斜」咁耐都冇試過飛出「界」盲大家隻眼。  

引用:

原帖由 1149 於 2012-7-28 17:27 發表
剛看了洪金寶主演的七小福,其中一幕,
大鼻食西瓜,食完給小弟,小弟食完再給第三個,
到第四個,西瓜連白色的部份也沒有了,
他拿來敷在面上,說好涼呀,
想起小時侯我們也是同樣環境,會心一笑,
中秋時,柚子皮也可以入 ...

我媽以前常做的「蒜頭豆豉炆柚子皮」
把柚子皮穿上繩子放上蠟燭就是中秋節燈籠

引用:

原帖由 rfong50/50 於 2012-7-28 22:03 發表


講開現時呢代人, 唔知 筆保長對於十號風球 東鐵壞車服務癱瘓事件有乜意見呢. ...

有乜意見? 呵呵! 我大督筆講嘢從來都咁涼薄嘅!

我乃君子, 所以求諸己。只有小人才求諸人。  

夜麻麻已知打大風都冇啲危機感, 仲四圍去?

返工? 乜嘢工呀? 去滾咋係冇?

放工? 電台都教人留番响原地啦, 扺嚿佢死啦!

引用:

原帖由 mtpen 於 2012-7-28 22:31 發表


有乜意見? 呵呵! 我大督筆講�炱q來都咁涼薄��!

我乃君子, 所以求諸己。只有小人才求諸人。  

夜麻麻已知打大風都冇�囍M機感, 仲四圍去?

返工? 乜�洃u ...

絕對同意, 八號風球都掛左 五, 六小時啦., 仲未返屋企, 意外壞車冇服務怪得誰, 開放個站俾你避雨仁至義盡, 再鬧下次八號風球縣掛後 三小時停止服務你都冇野講呀. 仲累埋街坊呀. 依家 D 傳媒巳經變成不同黨派的打手. 水準質素每況愈下喇.

英國出到 5 大天王又點, 甚麼世界冠軍, 環法冠軍又如可, 結果又係三甲不入, 見佢地過 Putney 的時候重輸俾帶頭過兩個傻佬成條街, 就知冇得追啦, 大佬前面平路呢架, 唔炒車好難追架.

市民有家歸不得，有點燥火係可以理解的，
但最衰就係有些塘邊鶴事後孔明抽水怪魔過氣議員，
攪攪陣無幫襯，
成事不足，敗事有餘。

單車公路賽我都有睇，最好笑就係個後生仔被個老人家走甩咗
都唔知，真係薑是越老越辣。

引用:

原帖由 理魯竇 於 2012-7-29 00:22 發表
市民有家歸不得，有點燥火係可以理解的，
但最衰就係有些塘邊鶴事後孔明抽水怪魔過氣議員，
攪攪陣無幫襯，
成事不足，敗事有餘。

單車公路賽我都有睇，最好笑就係個後生仔被個老人家走甩��
都唔知，真 ...

果個 哥倫比亞 單車手諗極都唔明, 點解就黎衝線果 D 大牌近都唔近下. 就在分心想望一望後面時, 比果個 哈薩克 單車手乘機發力拋離衝羸. 輸在經驗囉. 其實使乜理人衝唔衝上黎呀. 自己衝左線先算啦. 根本自己都冇諗過會羸, 冇得好講.

引用:

原帖由 rfong50/50 於 2012-7-28 23:16 發表


絕對同意, 八號風球都掛左 五, 六小時啦., 仲未返屋企, 意外壞車冇服務怪得誰, 開放個站俾你避雨仁至義盡, 再鬧下次八號風球縣掛後 三小時停止服務你都冇野講呀. 仲累埋街坊呀. 依家 D 傳媒巳經變成不同黨派的打 ...

妖, 一了百了, 以後一掛八號波就全線停駛, 以安全為理由, 吹呀!

啲反中亂港報紙佬打着所謂民主、自由紅旗, 進佔道德高地, 暗裡從中獲取不可告人之利益、支助、捐款, 與國際反華集團靠攏。

最慘啲冇腦刁民, 唔係先俾阿爺洗腦, 而係自已先洗自已個燒壞腦, 逢中必反, 連累埋未明大局之小學雞, 有書唔讀, 走去響應永遠英明正確嘅毛主席果套放手發動羣眾、炮打師令部、敢把皇帝拉下字馬…造反理論, 用紅衛兵式衝激特區政府, 夥用神棍一幫, 乜都反一餐, 到第日讀書唔成, 老豆唔俾錢個搞搞震衰仔使, 卒之鬥到老豆佢自已頭上就真該煨矣。

1967年暴動時, 我最聽得多左仔嗌嘅口號係: 「千言萬語, 就是一句話: 造反有理!」, 用之攻打港英偽政府。古為今用, 呢鋪真頭痕! 自少壯大佢哋個胆, 後患無窮。睇怕阿爺亦樂見其成, 當啲死o靚仔以為好過癮玩到出現暴力場面, 到時借勢出動人民解放軍及六四型坦克restore law & order就吾不欲觀之矣!

引用:

原帖由 mtpen 於 2012-7-28 16:31 發表
蕉兄咁行short-cut法當然是正途, 因我從未入蕉園「視察」過, 以為蕉園與大同中學間會被陡峭山坡所阻隔。
咦, 咁那些年你去大同返學咪好快? 唔多過10分鐘一程, isn’t it?
  

全中, 所以學弟真係好少遲到的。

引用:

原帖由 rfong50/50 於 2012-7-28 18:10 發表
其實當年還有很多玩意都很流行. 打波下, 拍公仔紙, 放紙鳶, 斜斜, 摺煙包等等, 有時為了撈鳶, 走幾條街最後都撈唔到. 又或者由九龍仔行去大角咀, 旺角等區隨街執煙包來摺. 除了用來擲煙包外, 亦作為我們孩童時的貨幣的一種. 另一種貨幣為公仔紙, 新的是一毫子一張60連張, 舊的是1毫子100張, 當年我們已用公仔紙來玩沙蟹架喇.

終於有方兄這位街坊記得起有擲煙包這個遊戲啦，興玩這個遊戲時真係想在地上執個吉煙包都好難架，我記得不同牌子的煙包所代表的價值都不一樣，例如某牌子煙包就值100，另某牌子煙包就只值80，如此類推，蕉仔不抽煙，所以煙的牌子記得好少，例如有好彩，總督，雲絲頓，555等等。

引用:

原帖由 ali 於 2012-7-28 22:07 發表
我媽以前常做的「蒜頭豆豉炆柚子皮」
把柚子皮穿上繩子放上蠟燭就是中秋節燈籠

把飲完的牛奶罐底部開孔，把罐放在線轆上，用鐵線串在長竹，就變成探射燈燈籠
囉。

唉……
大氣候上, 香港已到第三、四代。
慢慢被國內8, 90 後拋離。
因工作關係;常跟國內80 90 合作;
真係好勤力;無投訴。

引用:

原帖由 蕉園仔 於 2012-7-29 11:45 發表
終於有方兄這位街坊記得起有擲煙包這個遊戲啦，興玩這個遊戲時真係想在地上執個吉煙包都好難架，我記得不同牌子的煙包所代表的價值都不一樣，例如某牌子煙包就值100，另某牌子煙包就只值80，如此類推，蕉仔不抽煙，所 ...

其實 摺/ 擲煙包 這玩意和現時的收藏閃卡差不多, 衹不過是現在的商人利用閃卡圖利, 而吾等當年貧窮兒童就廢物利用而矣. 記得當年最低值的是 紅人, 好彩等只值 10, 紅雙喜 值 100, 有一些見都未見過的煙如 富士等就過萬, 但最貴的 雪山 我就見過, 值 20萬. 擲煙包其中一個玩法就如擲仙, 將某一等值的煙包套在一起, 在地上劃一條線, 然後就將套在一起的那疊煙包向那條線拋去, 誰人的那疊煙包最接近那條線就羸. 而摺煙包亦如公仔紙一樣, 乃小朋友的一種貨幣. 可在小朋友間兌換.

引用:

原帖由 rfong50/50 於 2012-7-29 15:34 發表

其實 摺/ 擲煙包 這玩意和現時的收藏閃卡差不多, 衹不過是現在的商人利用閃卡圖利, 而吾等當年貧窮兒童就廢物利用 ...

方兄與蕉兄提到之兒時流行玩意, 請各前輩繼續發掘更多以作歷史見證。  

但作為過來人玩家, 我大督筆有責任作補充其制作及玩法。但年代久遠兼患有老人痴呆症一期, 當中或有錯漏, 萬望各位網友街坊指正。

另蕉兄多次提到去猛鬼湖裸泳, 家陣啲後生仔睇到此壯舉, 仲以為老兄那些年已咁前衛興剝光豬曬白白, 跟當年香港天體會連伯氏乃同好。其實蕉兄咁做法乃另有苦衷者!

不過若啲八、九十後有咁想法, 可以理解。我並非想冒犯佢哋, 的確因夏蟲從來不會, 亦不可能見過冰也。呢啲富二代後生仔點諗得到去游水唔帶或着泳褲咁荒天下之大謬呢。

首先, 話明係猛鬼湖, 年中浸死過唔少o靚仔, 公然話去果度游水父母即場封殺, 絕對正確。仲去嘅, 一定係掩啞抵偷雞果隻, 當年莫講話冇錢買泳褲, 根本分分鐘連褲都冇得着 (尤指大督筆之類窮鬼), 唔裸泳條褲濕滴滴返歸父母見到實行家法侍候。故此裸泳以致自暴其短, 實乃迫不得矣。

蕉兄, 係咪咁唧?

引用:

原帖由 rfong50/50 於 2012-7-29 02:35 發表


果個 哥倫比亞 單車手諗極都唔明, 點解就黎衝線果 D 大牌近都唔近下. 就在分心想望一望後面時, 比果個 哈薩克 單車手乘機發力拋離衝羸. 輸在經驗囉. 其實使乜理人衝唔衝上黎呀. 自己衝左線先算啦. 根本自己都冇諗 ...

恭賀 黃金寶 在奧運男子公路賽得 37名, 輸俾果個賽前大熱門, 卡雲迪斯, ( 29名 ) 幾個位而矣, 而又比環法冠軍 韋堅斯 (103 名) 好得多.

英國今曰的 金牌希望乃 女子400米目由式上屆金牌得主 Rebecca Adlington 睇下中國有乜秘密武器喇.
Rebecca Adlington

引用:

原帖由 rfong50/50 於 2012-7-28 22:03 發表

當年我要揹住袋布鞋面, 由九龍仔行去 南昌街 元洲街交界果個公廁門囗, 搭五毫子貨車入去 荃灣 沙咀道 交貨.

方兄, 你所提到在你悲慘歲月時等貨車入荃灣果個元州街公廁係咪呢個?

我跟49兄從小便响呢度相遇過。

响大督筆人生中, 此公廁亦佔有非常重要的一席位。加上此公廁有着依利莎佰皇朝英冶殖民地風格, 連英國本土亦不復多見, 極之罕有, 值得保留。

更更重要者, 乃有着方兄及49兄此二偉人之「足」漬, 故屬國務院一級歷史保護文物, 邊個話拆佢我拆佢骨, 我說了算!  

又想訪問吓老兄何年在此出沒咁呢, 或者大家亦從小便响呢度相遇過也不定喔!