引用:

原帖由 chungyong 於 2012-8-2 20:33 發表


方兄， ，得�鶪G佰點真失禮街坊，莫再提。
執筆時 ECB 及 BOE 已宣佈維持利率不變，sorry,  回覆太遲。

無錯，歐洲再減息空間及效果不大，但如果Draghi  宣佈 ECB 大量買入西班牙意大利國債，加 ...

多謝 中庸兄意見, 睇黎D炒家都係要迫 德閣同 ECB 合作盡快推出更多 SMP, 因為個 歐羅又回到 1.22 邊喇. 估計佢地最快下星期頭做野, 殺的炒家措手不及.

引用:

原帖由 Tarocake 於 2012-8-2 22:54 發表

Thanks My Lord, 會唔會都同你老友肥江單聲呢？

肥江? 哦, 死過翻生果個過氣中央領導人呀?

芋兄你諗得太遠喇, 我識果個胡生唔係強國就嚟落旗唔撈果個呀!

我呢個胡生係我同鄉兼同業, 大家一齊拍住上洗廁所識㗎! 後來我把口叻所以升咗做所長, 即大督。

我兄弟胡生都好叻, 強項係空手入黄刃, 唔使架生可徒手通渠。最近佢調任西環公廁, 所以佢响果區好聞名。連西環黨政軍大樓有乜塞屎渠都會揾佢客串吓, 故識落唔少有實權冶港幕後京官。


老兄即管交出响上高搞你班躪癱個名出嚟, 西環出手, 壞人冇鞋挽屐走。佢哋會發出大中華區通輯令, 有效行使區包括強國於歐洲新加盟殖民地英倫三島, 引渡佢哋落嚟歸案並無限期行政拘留。女嘅留番响西環黨政軍大樓備用, 男嘅派去尖沙咀九龍公園男同志公廁勞軍, 專供南亞裔朋友享用。

引用:

原帖由 Tarocake 於 2012-8-2 22:22 發表

老大可以的話，幫我整2句重d, 比 apricot + orange 更惡毒的最好，因為今次實在好慶，可能要被客戶扣起部份尾數，TMD!

唔使咁㷫, 暫時未使出到太惡毒字眼, 用住Piss off先啦!

引用:

原帖由 mtpen 於 2012-8-3 09:00 發表


肥江? 哦, 死過翻生果個過氣中央領導人呀?

芋兄你諗得太遠喇, 我識果個胡生唔係強國就嚟落旗唔撈果個呀!

我呢個胡生係我同鄉兼同業, 大家一齊拍住上洗廁所識㗎! 後來我把口叻所 ...

Good morning, 筆大督爺，通渠胡果然勁。提醒左我，好耐冇去西環買海味。

講開西環，猶記起90年初剛上任西環中心，有個員工正排期做變性手術，煩事一堆堆。有空分享，

引用:

原帖由 mtpen 於 2012-8-3 09:20 發表


唔使咁㷫, 暫時未使出到太惡毒字眼, 用住Piss off先啦!  

ThanksMy Lord, Your wish is my command

引用:

原帖由 Tarocake 於 2012-8-3 09:45 發表

Good morning, 筆大督爺，通渠胡果然勁。提醒左我，好耐冇去西環買海味。

芋兄講起去西環買海味, 乃那些年居英時, 逢親回港渡假之例牌指定動作。

除咗自用之外, 鄉里搭買、送禮瑰贈, 成喼都係。

真奇怪, 回流後竟然冇再專登去西環買海味, 而對上一次去西環乃2005年上寶翠園睇樓, 咁嘅環境/location開咁嘅價, 唔制!

其實最主要原因係愈嚟愈明白海味之制作過程, 要保存得耐又要靚仔, 用化學品及添加劑係不二之法, 食落肚噃, 少吃為妙!

引用:

原帖由 mtpen 於 2012-8-3 11:08 發表


芋兄講起去西環買海味, 乃那些年居英時, 逢親回港渡假之例牌指定動作。

除咗自用之外, 鄉里搭買、送禮瑰贈, 成喼都係。

真奇怪, 回流後竟然冇再專登去西環買海味, 而對 ...

老大，咁你點帶入英國境內呢？捉到罰好重！

引用:

原帖由 Tarocake 於 2012-8-3 12:25 發表

老大，咁你點帶入英國境內呢？捉到罰好重！

Don’t you worry, 托契媽鴻福, 大督筆從來未俾Customs逗過。

兼且老兄都知, 從港赴英之班機, 晨早四、五點天都未光就到達, 應該係每日嘅第一班機到埗, 我哋行本土居民通道, 連印都唔使揼, 一馬當先, 再行綠色通道, 速速行唔好四圍望, Customs班大帝連早餐都未食, 佢理得你海味定老味吖?

引用:

原帖由 Tarocake 於 2012-8-3 09:45 發表

Good morning, 筆大督爺，通渠胡果然勁。

講起嚟, 我老友小胡跟大胡都有共通點, 就係通嘢叻。

小胡乃通渠聖手, 而大胡就係通藏功臣。

當年個個詐哂型冇人肯去食雪, 佢老哥冒着高山症之險, 硬哽呢嚿猪頭骨, 自願奉派去中國故有領土西藏同跌膊神棍一幫國際反華勢力對着幹。

到位後又搞大小三四五六通, 着手打通漢藏交通運輸, 又搞漢藏通婚溝淡, 卒之政通人和, 叻到通天俾中央睇起至有今日。

後遺症係你哋有冇發覺大胡成日木口木面, 藕吓藕吓咁, 此乃高山症中招特徵也。御醫話係咁嘅, 冇乜大礙, 由得佢喎!

引用:

原帖由 mtpen 於 2012-8-3 14:59 發表


Don’t you worry, 托契媽鴻福, 大督筆從來未俾Customs逗過。

兼且老兄都知, 從港赴英之班機, 晨早四、五點天都未光就到達, 應該係每日�鼤臚@班機到��, 我�]行本土居民通道, 連印 ...

前幾年有段時間都好嚴架, 出動埋緝私犬添. 不過 , 近兩三年又放鬆番. 無掩雞籠一樣, 任過.

引用:

原帖由 rfong50/50 於 2012-8-3 16:41 發表


前幾年有段時間都好嚴架, 出動埋緝私犬添. 不過 , 近兩三年又放鬆番. 無掩雞籠一樣, 任過.

方兄早排感慨英國運動員渣屎, 冇個叻人。

老兄有所不知矣! 皆由於個個貪生怕死唔肯攞條命搏呀!

想創好成績, 一定要瞓身落去, 好似強國啲鐵人咁, 死就乜就, 挑戰最高難度。

其實英國今次搞奧運好矛盾, 好想藉此鼓勵國民勤運動, 但又怕佢哋亂嚟受運動創傷, 加重NHS (National Health Service) 負擔。  

那些年我在英國, NHS曾有一段時期大力宣傳小心預防運動創傷。以我觀察各同事所得, 超過一半曾因運動創傷做過手術, 玩Rugby 同足球乃主因, 而最終亦要give up那些心愛之運動。

自從老妻右膝cartilage torn 之後我更開始留意, 亦give up 一切高危運動, 唔想因做運動而跛咗仲衰。

人嘅體能唔可以超越上天原本設計之上限, 否則一定傷。有名得你叫之傷患部位, 就更要小心出事, e.g. Tennis Elbow, Housemaid’s Knee, Swimmer’s ear….etc.

引用:

原帖由 rfong50/50 於 2012-8-3 16:41 發表


前幾年有段時間都好嚴架, 出動埋緝私犬添. 不過 , 近兩三年又放鬆番. 無掩雞籠一樣, 任過.

筆大督爺，方學長，都要小心呀。這幾年我一年都會碰上2、3次有海關一早值班。加上經常有道友狗巡防。過去6年來，CX251 及255 幾乎未試過延誤到達倫敦，但可唔可以land就睇BAA.(好似話T3原則上5點前不許升降。）話雖如此，我試過4點半land，5點已經上車回家。亦試過4點已在溫莎上空，盤旋到5點先至land.

我在T3從未被查過，不過09年開始我d 海味都是先寄parcel 過去。預先同樓下porter 夾好，收件人用假名，收件地址公司樓下reception. 個porter 做左廿幾年，同郵差好熟，要是郵包送抵，無事。要是有張卡叫去提貨，即是有事，我教porter 若然遇到這情況，告知無此人。迄今，次次順利。不過每次我都會打開給porter 看，證明我無運古靈精怪物件。

引用:

原帖由 mtpen 於 2012-8-3 18:18 發表


方兄早排感慨英國運動員渣屎, 冇個叻人。

老兄有所不知矣! 皆由於個個貪生怕死唔肯攞條命搏呀!

想創好成績, 一定要瞓身落去, 好似強國啲鐵人咁, 死就乜就, 挑戰最高難度。: ...

Sorry to learn that，筆嫂是勞損或是運動創傷?請小心

引用:

原帖由 Tarocake 於 2012-8-3 19:10 發表

Sorry to learn that，筆嫂是勞損或是運動創傷?請小心

多謝芋兄關心, 那是十年前的事了。

老妻先是在廚房學阿信咁跪在地磚上抹地, 站立起身時姿勢不正確, twist咗隻膝頭一嘢, 即時痛到標眼水, 隻腳跟住好似lock死咗咁唔郁得。

我見佢又唔係跌親, 唔理佢到我放工見佢只係腫咗少少, 跛吓跛吓仲郁得, 以為兩三日自動會好番, 冇去睇GP, 只搽咗啲正骨水。

如是者三日都冇好過, 見GP。話cartilage torn, 要盡快入院做keyhole surgery, 開三個窿响膝蓋, 將撕裂突出joint位果片軟骨剪平佢, 要全身麻醉。

好彩我公司個Medical Insurance cover埋佢, 不用等NHS排期, 可第日去Croydon 私家醫院Shirley Oak Hospital 即照磁力共振相(MRI), 醫生話最好做手術, 但我聽做過手術嘅同事講即使做咗, 舊患就是舊患, 久唔久仍痛, 分別不大。

醫生見我哋揸唔定主意, 建議先做物理治療三個月再看病情。真幸運, 好番九成。現已十年, 只於三年前又twist親跛咗三日, 基本上已達完全復完, 就算番風落雨都冇痛, 不過唔可以再踎响度或喪跑。

但每日仍要花半小時依物理治療師教落果幾招在家做。佢仲話一世都要咁日日做, 當做柔軟體操/Yoga。試過偷賴冇做幾日, 隻脚會冇力兼發軟蹄。  

Torn is torn, 冇計。所以奉勸各位網友街坊, 小心運動創傷, 一世㗎!

引用:

原帖由 Tarocake 於 2012-8-3 18:56 發表


筆大督爺，方學長，都要小心呀。這幾年我一年都會碰上2、3次有海關一早值班。加上經常有道友狗巡防。 ...

多謝芋兄提點, 我真係從來冇諗過係犯法咁大鑊, 一路以來冇理會, 真係大話夾好彩矣。

多口問句, 會否是新例唔准帶海味呢? 我只知唔准帶月餅、生菓而已。抑或帶少過免稅額就okay咁呢?

我仲年少無知。。
話說７年前跟友人係ＢＡＮＧＫＯＫ唐人街某偏僻小店買左虎骨膏。
仲講笑話如果係ＨＫＧ比Ｄ狗聞到。一定嚇到掉頭走。依家諗起真５識死。

引用:

原帖由 Tarocake 於 2012-8-3 09:45 發表


講開西環，猶記起90年初剛上任西環中心，有個員工正排期做變性手術，煩事一堆堆。有空分享，

使鬼排期咁論盡唧, 引刀成一快, 乾手淨脚啦。

齊口啲用閘刀吖!

引用:

原帖由 flowingwater 於 2012-8-3 22:24 發表

我仲年少無知。話說７年前跟友人係ＢＡＮＧＫＯＫ唐人街某偏僻小店買左虎骨膏。
仲講笑話如果係ＨＫＧ比Ｄ狗聞到。一定嚇到掉頭走。依家諗起真５識死。

請教水哥, 虎骨膏有乜咁好?當真老虎骨做?

南洋啲神藥有時都幾work, 紅花油、獅子油….。  

有次老妻淥親, 攞支陳年坡佬獅子油一搽即好, 正!  

真係笑死街坊。我只係順便買埋一份。
放左係雪櫃七年都無用過。
係真係假就真係５知 。不過間店咁僻。該物件係一小磚５ＣＭＸ５ＣＭ
好大藥材味。

引用:

原帖由 mtpen 於 2012-8-3 21:57 發表


多謝芋兄關心, 那是十年前的事了。

老妻先是在廚房學阿信咁跪在地磚上抹地, 站立起身時姿勢不正確, twist咗隻膝頭一嘢, 即時痛到標眼水, 隻腳跟住好似lock死咗咁唔郁得。

我 ...

Thanks  God 筆嫂尚算大幸，除左柔軟體操外，要唔要食d  joint  care 幫助下呢？

引用:

原帖由 mtpen 於 2012-8-3 22:12 發表


多謝芋兄提點, 我真係從來冇諗過係犯法咁大鑊, 一路以來冇理會, 真係大話夾好彩矣。

多口問句, 會否是新例唔准帶海味呢? 我只知唔准帶月餅、生菓而已。抑或帶少過免稅額就okay咁呢?  

老大，我都混淆。我親口問過海關，scallop,
abalone, oyster, shrimp 等乾貨不能帶入境。但本地華人員工卻堅持無明文禁止攜帶海產乾貨入境。不過亦聽過有人被罰一粒乾貝100鎊。所以唔搏。

引用:

原帖由 flowingwater 於 2012-8-3 22:24 發表
我仲年少無知。。
話說７年前跟友人係ＢＡＮＧＫＯＫ唐人街某偏僻小店買左虎骨膏。
仲講笑話如果係ＨＫＧ比Ｄ狗聞到。一定嚇到掉頭走。依家諗起真５識死。

水兄，我仲攪笑，06年接英國呢壇野時，乜都唔知，每次去曼谷充完電一定帶d林真香肉乾返去做手信，其中一個仲係投資推廣處UKTI d 官。佢只係表示多謝，反而Lotus 個侍應提醒我肉類制品嚴禁進口我先知驚。話時話，原來香港唔準帶野生花旗參入境。去年VancouverRichmond 間東方紅話佢地開張單就冇事，講極我都唔明。

引用:

原帖由 mtpen 於 2012-8-3 22:25 發表


使鬼排期咁論盡唧, 引刀成一快, 乾手淨脚啦。

齊口啲用閘刀吖!
  

老大，你估以前d 太監? 好spring 煩嫁! 前期心理評估及賀爾蒙反應觀察加埋都起碼1個月sick leave. 政治色彩濃厚，90幾人睇住我點做，人事部瀉得就瀉，班馬又處理唔好，連用廁問題都要我出手，唉!

引用:

原帖由 mtpen 於 2012-8-3 22:12 發表


多謝芋兄提點, 我真係從來冇諗過係犯法咁大鑊, 一路以來冇理會, 真係大話夾好彩矣。

多口問句, 會否是新例唔准帶海味呢? 我只知唔准帶月餅、生�X而已。抑或帶少過免稅額就okay咁呢?  

現在很多種類的海味都可以帶, 聞說連鹹魚都可以帶, 而且可以在網上查邊種可以,邊種唔得.

引用:

原帖由 rfong50/50 於 2012-8-4 01:06 發表


現在很多種類的海味都可以帶, 聞說連鹹魚都可以帶, 而且可以在網上查邊種可以,邊種唔得.

方學長，係就好喇，下次筆大督爺伉儷回英時，可帶條馬友