引用:

原帖由 Tarocake 於 2012-8-16 23:15 發表


要呀，用內窺鏡切除膽囊，住左2晚醫院。粒石有個5毫子咁大，教授話再拖多一輪，佢都無能為力。

芋兄是指成個胆切除?

又或只是取出胆石而已?

引用:

原帖由 mtpen 於 2012-8-16 20:32 發表


其實是否確實1967年後禁玩爆仗、煙花、火箭?

我在青山道兼善里前後住過�峖�, 第一次於1964 至1965, 而第二次於1968 至1971。

我好記得樓上樓下�薨~拜神,久唔久大嗌 ...

燒炮仗確實在 67暴動後就立例禁止, 怕D 同胞用炮仗內的炸藥製造 土製菠蘿俾 番香港人歎呀嗎. 不過, 當年九龍仔這一類貧民區, 維持治安, 大多都不須政府擔心而且佢地亦都唔太關心. 所以記憶所及, 在木屋區內平時都好似冇見過有警察巡邏. 一切都係自律及有地下組織負責維持秩序. 所以雖然白粉檔及賭檔林立, 糾紛和爭執卻唔多. 而對於我們一般的附近居民, 更加全無影嚮. 所以, 燒炮仗這種開心的慶祝活動, 無人投訴, 差人係唔會理的. 就算真的有人投訴, 佢地都會同你講, 過時過節唔太離譜就算喇!

[ 本帖最後由 rfong50/50 於 2012-8-17 12:56 編輯 ]

濕疹Eczema是表皮炎性反應.潮濕流汗引起,
擦藥膏即可.

牛皮癬Psoriasis是一種自體免疫失調,好發於頭皮
四肢伸側,表皮過度角化而形成銀白色皮屑,初期像
濕疹,但多有很長病史,治療有針劑,藥膏,口服藥,光療,
光化療,多種療法表示沒有好方法,均無法根治,只能
控制病程,使皮膚稍為光滑而已.
我有幾個牛皮癬病人,我用獨家方法,就是用秋水仙素
Colchicine 0.5mg口服每天三次,目前控制良好,
先聲明,colchicine為痛風用藥,國內外都沒有文獻用來治
牛皮癬.

Herpes simplex單純疱疹
分1.2型,1型以咀唇多,2型以生殖器多,
但A片當道後,1,2型就沒分咀唇和生殖器了.
單純疱疹為HSV病毒感染,身體抵抗力弱,壓力大,
焦慮,熬夜,疲倦等誘因就回復發.

Herpes zoster帶狀疱疹
為水痘帶狀病毒感染,第一次感染就是出水痘,病毒
潛伏於神經,當免疫力下降,便伺機作怪,單側沿神經節
長水疱,非常痛.

那麼我上次心口附近非常痛，也有水痘，應該是Herpes zoster帶狀疱疹吧？

膝關節內有十字繫帶,半月形軟骨,
像劉翔那種運動傷害要立刻開刀修補
慢性發炎引起軟骨磨損,嚴重程度要由醫生判定,
輕則打針服藥,做做復健,若常復發,可打玻尿酸,
是關節內一種潤滑劑,有一定療效,
若軟骨都磨掉,則要開刀修補,若連骨頭都腐蝕掉
致表面不平滑,就要換人工關節了.

引用:

原帖由 1149 於 2012-8-17 14:14 發表

濕疹Eczema是表皮炎性反應.潮濕流汗引起,
擦藥膏即可.牛皮癬Psoriasis是一種自體免疫失調,好發於頭皮 ...

多謝49大夫, 即是話濕疹同牛皮癬乃死症了!

幸好除却外觀上有些少紅斑外, 並非太痕癢, 唔搲佢唔理佢根本上唔痕。久唔久見頂唔順, 搽啲類固醇Elomet (英國叫Elocon) 即好, 雖然唔會斷尾。

算啦, 捱多十零年就拜拜了, 蝦蛟就蝦蛟喇, 一於與之共存亡好了!

引用:

原帖由 rfong50/50 於 2012-8-17 12:55 發表


燒炮仗確實在 67暴動後就立例禁止, 怕D 同胞用炮仗內的炸藥製造 土製菠蘿俾 番香港人歎呀嗎.  ...

方兄冇講錯, 那些年我從未見過軍裝警員响我哋住嘅木屋區出沒。

情況一如現今新界啲村落咁, 有時有節咪一樣有人燒爆仗, 正所謂山高皇帝遠!

賣白粉從來都係犯法, 但從來都有人做。怕? 賺錢嘅事殺頭都有人做!

引用:

原帖由 mtpen 於 2012-8-17 15:15 發表


多謝49大夫, 即是話濕疹同牛皮癬乃死症了!

幸好除�狴~觀上有些少紅斑外, 並非太痕癢, 唔��佢唔理佢根本上唔痕。久唔久見頂唔順, 搽�躞�固醇Elomet (英國叫Elocon) 即好, 雖然唔會斷 ...

唔知點解, 英國人特別多人患濕疹 Eczema, 記得九十年初, 倫敦唐人街 Little Newport Street, 新聯社旁有間中醫藥行. 因為用中藥醫治 Eczema 有一手, 每曰都有很多英國人排隊候診. 記得當年連 BBC Panorama 都有特輯報導過. 講開 新聯社喱間茶吧, 七十年代初期乃很多老華僑假曰聚腳, 互通信息, 消磨時間的好地方.

今天經濟日報訊
明星中醫針灸治牛皮癬,疑打類固醇,
令女人停經生鬚,男人肚現裂紋,
小孩停止長高,個個癡肥.

我對中醫非常排斥,
濕疹是小毛病,擦擦藥膏即可,雖然藥膏也有些含類固醇,
但量非常少,不用怕,
牛皮癬雖難纏,西醫也會用類固醇,但用法用量都會嚴格控制
減少副作用.我用Colchicine,雖是off lable use,但是非常安全.
關節痛,腰酸背痛,骨頭痛很多人找中醫中藥,很有效,其實都是
用類固醇.俗稱美國仙丹.

引用:

原帖由 rfong50/50 於 2012-8-18 13:22 發表


唔知點解, 英國人特別多人患濕疹 Eczema, 記得九十年初, 倫敦唐人街 Little Newport Street, 新聯社旁有間中醫藥行. 因為用中藥醫治 Eczema 有一手, 每曰都有很多英國人排隊候診...

方兄冇講錯, 可能係水土問題, 英國人好興生濕疹, 我未移民前都冇呢家嘢, 係响佢度野番嚟嘅。

另外一種流行病係Hay Fever, 即花粉症。我好彩冇中招, 但筆嫂就不幸染上。

呢兩種病唔會一落地就發作, 通常响第六至七年至上身, 中就中、唔中就過骨, 好靈嘅。

好坦白講, 呢兩種病都係無藥可醫, 只是時好時壞, 唯有面對而已。

引用:

原帖由 1149 於 2012-8-18 15:24 發表

今天經濟日報訊: 明星中醫針灸治牛皮癬,疑打類固醇,令女人停經生鬚,男人肚現裂紋,小孩停止長高,個個癡肥.
我對中醫非常排斥,濕疹是小毛病,擦擦藥膏即可,雖然藥膏也有些含類固醇,但量非常少,不用怕, ...

多謝49大夫之專業醫療訊息。

香港之中醫及中藥都很亂籠, 我都好怕, 我倆老有成廿幾年冇睇中醫了。

香港之中藥百分百從強國而來。強國最叻做假, 就算個中醫了得, 你信得過啲中藥嗎? 連啲老字號嘅中藥材專門店嘅買手都分分鐘被呃入錯假藥, 更何況普通藥材鋪? 哇唔制!

引用:

原帖由 rfong50/50 於 2012-8-18 13:22 發表


講開 新聯社喱間茶吧, 七十年代初期乃很多老華僑假曰聚腳, 互通信息, 消磨時間的好地方. ...

我2004年回流時唐人街好似仍有三間茶吧仔, 若冇記錯, 正街猪乸街匯豐銀行附近一間, 金門麵包鋪自己樓上一間, 佢斜對面又有一間, 即方兄所指响Little Newport Street果間。

其實佢哋家陣主力賣傳統中式麵包糕餅, 坐响度嘆番杯港式奶茶或咖啡者已不多矣。

可能佢哋仲係興好似新界元朗鄉下一盆盆咁打開擺賣啲麵包, 衞生上有點兒那個。兼且吹水時俾老闆昅住哂, 似在阻住人哋做生意。我見好多老鬼華人已轉移陣地去唐人街附近之MacDonald、Burger King、Wendy之類成羣吹水, 貪果度夠free!

引用:

原帖由 mtpen 於 2012-8-17 08:59 發表


芋兄是指成個胆切除?

又或只是取出胆石而已?  

老大，成個膽俾佢報銷，攪到我之後見到d飛佛如荔芋扣肉，東坡肉，海南雞及其他煎炸野都要就著食。

引用:

原帖由 mtpen 於 2012-8-18 15:26 發表


方兄冇講錯, 可能係水土問題, 英國人好興生濕疹, 我未移民前都冇呢家嘢, 係响佢度野番嚟嘅。

另外一種流行病係Hay Fever, 即花粉症。我好彩冇中招, 但筆嫂就不幸染上。
...

Oh Shit ! 我旅英已超過6年，如果中招 Hay Fever，會有什麼symptom呢？

引用:

原帖由 mtpen 於 2012-8-18 20:52 發表


我2004年回流時唐人街好似仍有三間茶吧仔, 若冇記錯, 正街猪乸街匯豐銀行附近一間, 金門麵包鋪自己樓上一間, 佢斜對面又有一間, 即方兄所指响Little Newport Street果間。

其 ...

筆主任，方學長兩位倫敦地膽，真遺憾，新聯現時是用茶包供應，想要港式奶茶麻煩稍移玉步到街口香港茶餐廳，仍有許多港人年青一代聚腳

引用:

原帖由 Tarocake 於 2012-8-18 22:32 發表


老大，成個膽俾佢報銷，攪到我之後見到d飛佛如荔芋扣肉，東坡肉，海南雞及其他煎炸野都要就著食。

焉知非福, 芋兄所列出者皆大督筆之飛佛, 我有胆兼冇三高, 我都冇胆成日食。

莫講東坡肉呢世都未食過, 但亦唔恨食, 就算荔芋扣肉同海南雞我都有幾年冇食過, 雖然我大把quota。

Everything happens for a reason…老兄用阿Q心態又或感恩心態處之好了。呢亭美食, 若不加自我節制, 遲早三高爆血管收塲。

我唔想上半世食埋下半世, 我想長食長有呀!

多口問句, 老兄要否長期食啲藥去代替冇胆汁後之身體運作需要呢?

引用:

原帖由 mtpen 於 2012-8-19 08:58 發表


焉知非福, 芋兄所列出者皆大督筆之飛佛, 我有胆兼冇三高, 我都冇胆成日食。

莫講東坡肉呢世都未食過, 但亦唔恨食, 就算荔芋扣肉同海南雞我都有幾年冇食過, 雖然我大把quota。

...

筆大督爺果然懂養生之道 ，活得非常健康。小弟托賴無需食藥，盡量控制唔食太多肥膩美食就是。但以我咁為食，有時自控能力實在太差。就如昨晚黃油蟹飯局，旁邊條5高人仕（3高+高薪及高傲），只食佢份一半，剩低果半我就唔客氣。我反而最怕隊酒，有些環境躲不了。今晚廣州有飯局，隊酒風險系數極高，ciao! 只能多飲水去dilute .

引用:

原帖由 Tarocake 於 2012-8-19 10:46 發表


筆大督爺果然懂養生之道 ，活得非常健康。小弟托賴無需食藥，盡量控制唔食太多肥膩美食就是。但以我咁為食，有時自控能力實在太差。就如昨晚黃油蟹飯局，旁邊條5高人仕（3高+高薪及高傲) ...

我點會唔知家陣搵食艱難呀, 男女一樣, 陪酒、陪笑….

始終果句, 健康原來最值錢!

我咁保重都有唔妥, 但我無悔, 因非戰之罪。

祝芋兄早日搵夠, 唔使再為五斗米而折腰!

引用:

原帖由 Tarocake 於 2012-8-18 22:34 發表


Oh Shit ! 我旅英已超過6年，如果中招 Hay Fever，會有什麼symptom呢？

恭喜你, 芋兄, 照睇你已對Hay Fever免疫了!

第一, 六年唔發已唔發。第二, 呢味嘢專搞女人嘅多!

其實Hay Fever 者, 乃自身免疫力錯誤攻擊好嘅白血球 (如有講錯, 還請49大夫更正為盼), 至令產生過敏。

在英時, 我見女同事及女鄉里患此病多於男性。有說女性因對任何事太緊張以致破壞自身免疫力系統或致失調。

佢哋有句嘢各位女士或要引以為戒 : Women want things done yesterday, whereas men are happy to leave them till tomorrow!

Hay Fever病徵: 鼻塞、流鼻水、打噴嚏、眼睛痕癢、流眼水, 總之好似大傷風咁嘅款。


[ 本帖最後由 mtpen 於 2012-8-19 20:26 編輯 ]

引用:

原帖由 Tarocake 於 2012-8-18 22:35 發表


筆主任，方學長兩位倫敦地膽，真遺憾，新聯現時是用茶包供應，想要港式奶茶麻煩稍移玉步到街口香港茶餐廳，仍有許多港人年青一代聚腳

是新開的嗎, 抑或是我數漏了?

下次芋兄出巡London不妨將呢間香港茶餐廳外貌影張相放上嚟好嗎?

我仍好懷念金門麵包啲舊式正宗香港茶餐廳大大個雞尾包、波蘿包, 咁多間佢算擺得企理乾淨。  

每次週末出親唐人街必定買幾個回家放入雪櫃冰隔深凍, 擇日取出解凍然後再用焗爐整番熱做下午茶, 可口到一如新鮮出爐一樣, 正!  

引用:

原帖由 mtpen 於 2012-8-18 20:52 發表


我2004年回流時唐人街好似仍有三間茶吧仔, 若冇記錯, 正街�u��街匯豐銀行附近一間, 金門麵包鋪自己樓上一間, 佢斜對面又有一間, 即方兄所指�誄ittle Newport Street果間。

其 ...

小弟所說的 新聯應在 Little Newport Street 近 Charing Cross Road, 即地鐵 Leicester Square 站出囗左轉前行第一個路口左轉就可進入 Little Newport Street 及望見 新聯. 剛在 Google map check 過, 2008年Google 拍街景時, 依然健在. 反而從前間有幫襯街囗的 Garfunkel 西餐廳及益川旅行社就唔見左.
其實, 新聯的咖啡茶都冇甚麼特別, 麵飽西餅更平平無奇(當年的評語), 之所以成為當年華僑聚腳之地, 純因當年旳特殊環境做成而矣. 正如早年香港華僑往反英國多數幫襯 歐亞旅行社, 因寄艙行李的重量有彈性, 如報住新界的話, 寄艙行李自動提升至 30kg, 如若踉他們相熟的話, 基本上寄艙行李幾重都不是問題. 小弟曾經兩個人寄艙四大袋藍白色帆布袋加兩個行李箱, 都不用補錢. 全因歐亞老板 文伙X 乃新界人的原故.
聽一些老華僑憶述, 在六,七十年代初期的倫敦唐人街大部份以新界原居民為主, 而其中男性佔九成以上,甚少女性. 究其原因,主要為當年香港政府曾推行過一個以農地換居留權的政策, 以協助新界偏遠地區貧窮鄉村居民出國謀生之同時, 收回部分荒廢的農地以配合香港的長遠發展計劃, 如天水圍, 落馬洲, 沙頭角等區. 那些接受計劃旳新界原居民都是來自貧窮偏遠鄉村的客家(圍頭)人, 基本是一貧如洗, 肯瓢洋過海, 純以謀生為目的. 因此, 多以家中男丁先前往英國, 待落地生根後才接在港家卷前往團聚, 這樣快則三四年, 慢的十年八載都有之. 由於新聯的老板亦早期新界原居民, 因此每逢假曰( 英國華人餐飲業是放星期一的), 必定聚集一班旅英同村兄弟, 互相問好, 若有新到或新從香港回來的, 又可探問一下遠方鄉中近況. 如遇工作或生活問題亦可互相通報彧協助. 儼如一個小型香港同鄉會角色. 就算直至家裹大細已全部抵英團聚, 這種每星期的茶聚聊天已經變成很多老華僑的習慣. 直至八十年代中期, 小弟仍可見到有些老華僑在此聚首.
不過, 隨著時間的慢慢過去, 新聯社的歷史任務應該已經完結. 它現在應該衹是一間普通的麵飽餅店, 茶吧來說實在太細了. 但是, 在Google 的街景拍攝中, 我們仍可看見它照牌上寫蓍它一直以來為老華僑的服務範圍, 旅行社, 書報社, 茶吧 和 麵飽店. 希望下次回倫敦時可以見到這間令很多前人充滿回憶的茶吧依然健在吧.

引用:

原帖由 rfong50/50 於 2012-8-19 21:56 發表


小弟所說的 新聯應在 Little Newport Street 近 Charing Cross Road, 即地鐵 Leicester Square 站出囗左轉前行第一個路口左轉就可進入 Little Newport Street 及望見 新聯. 剛在 Google map check 過, 2008年Goo ...

我2000年左右都有幫襯益川買機票回港, 莫非執咗? 又要搵芋兄查吓!

Eupo(歐亞)70年代雄霸HK – LONDON機票, 益川都未出世。我1975年去Vienna時冇直航HK – VIENNA, 故要經London轉機。

歐亞之英航Chartered Flight平靚正。我最有印象佢哋派個職員隨機照顧幫佢買機票嘅乘客, 因好多鄉里唔識番文, 佢好似免費導遊咁, 帶啲阿伯阿嬸過關, 啲入境官員好熟佢, 由得佢自出自入幫鄉里。

引用:

原帖由 mtpen 於 2012-8-19 21:46 發表


  每次週末出親唐人街必定買幾個回家放入雪櫃冰隔深凍, 擇日取出解凍然後再用焗爐整番熱做下午茶, 可口到一如新鮮出爐一樣, 正...

筆保長都識呢招呀, 基本上乜野麵飽都得, 方飽都冇問題, 新鮮一樣.

引用:

原帖由 mtpen 於 2012-8-19 20:24 發表


恭喜你, 芋兄, 照睇你已對Hay Fever免疫了!

第一, 六年唔發已唔發。第二, 呢味嘢專搞女人嘅多!

其實Hay Fever 者, 乃自身免疫力錯誤攻擊好嘅白血球 (如有講錯, 還請49大夫 ...

老大，真係日頭唔好講人，HayFever 免疫但Flu 中招。日上廣州車廂空調唔夠，焗沙甸魚咁。希望小病是福。

好好彩，兩班車竟然配到同一車廂，同一座位。未試過，特拍照留念。