引用:

原帖由 老何 於 2010-4-1 19:06 發表


Ah wong 你一講就記得, 好似重有間名「廣大」的在附近。因..........你老哥拿住戒方對住d馬騮

我都知老何實記得。[廣大」有大專部和中學部（院長是著名心理學家譚維漢博士），其前身是在廣州的[廣州大學」。
我沒有在那裡教過書，只是60年代經常拍拖經過勝利道而已。

黃兄快把各大小事務理順,再多些上來,與我們一起進入時光墬道,找回快將忘記的舊事,把快樂的場面重溫,忘記困擾!
多謝kintsun兄錯愛，待過了4/15當會多些上來。（此地4/15為報稅之最後限期）

兄台的中醫專業知識尤為珍貴,這奧秘需要有心人把它向我們介紹,把中醫良好療效加以確立,改变我們對中醫的印象.
兄台謬讚，小弟學淺，深感心有餘而力不足，慚愧！

黃兄所說的聖培爾中學,本人不熟但在50年代報紙體育版頭常見,在學界篮球賽屢次獲獎. 這種學界篮球熱潮,50-60年代流行,一些私立學校的表現絕不差! 下文出自大公報1955年12月2日:
兄台竟能搜尋到50多年前如此珍貴的資料，真是有心人，不勝欽佩！

對o也~~以前小女子成聽老爸講~~
以前d木屋經常火燭ga~~燒到成個山都係~~

引用:

原帖由 kintsun 於 2010-4-2 10:30 發表
黃兄快把各大小事務理順,再多些上來,與我們一起進入時光墬道,找回快將忘記的舊事,把快樂的場面重溫,忘記困擾!

兄台的中醫專業知識尤為珍貴,這奧秘需要有心人把它向我們介紹,把中醫良好療效加以確立,改变我們 ...

x100

偶然間看到這裡, 原來有個大坑東的回憶錄, 十分精彩.
我也曾在南山邨居住30年, 但剛才看到很多影象在之前也沒見過, 因為這些事情是在我出生之前的發生呢, 由於自小家貧, 沒錢買相機紀錄, 只能在這裡口述歷史而已
記得大坑東除了12座南華茶樓之外,
還有14座樹記茶樓=南山邨熟食檔那家,  你們還記得14座潘記冰室嗎? 當年出名的是菠羅包, 一個早上出爐幾十盤,
公園旁邊有幾間米舖
另外13座係有林勤記士多, 馬錦記粥舖+雲吞面
現在南昌辦館對出曾有一條木製的行人天橋呢
樓梯口更有3-4檔剪頭髮, 我曾幫襯不少
而車仔面檔就在12座/13座附近, 當年3毫子米粉都有得食, 另外協同對面斑馬線位更有兩檔車仔面檔孖住開, 仲有豆漿, 菊花茶同酸梅湯呢
當年南山邨街市同大坑東12-3座下午會有小販熟食, 當年的檔口數目更達20檔, 呵呵, 我最喜歡就是生菜魚肉, 同豬排碎+豬皮粒既碗仔翅, 仲有很多車仔檔如: 2檔豬皮魚蛋, 波羅刨冰, 魷魚檔, 粉果燒賣, 2檔炸豆腐, 2檔腸粉, 炸番薯, 豆腐花, 雞蛋仔夾餅, 粽子, 煎蘿蔔糕, 涼粉, 油渣面, 豬大腸, 臭豆腐, 2檔牛什, 卥味... 絕無誇張
現在東龍樓位置, 曾有一檔雲吞面檔, 一間生滾粥舖, 老闆就是沛華園的上手老闆,仲有兩大間文具店(聖誕前一定去這裡挑選聖誕卡)
仲記得華人酒家內分了天地玄黃宇宙洪荒8個區域, 當年這裡更是大坑東最高尚的食府呢
你們還記得以前的救世軍及又一村曾有早茶飲嗎? 我曾經去過, 但年紀太小, 有點模糊,
請各前輩多多賜教吧.

引用:

原帖由 lookinch 於 2010-4-3 17:06 發表
現在東龍樓位置, 曾有一檔雲吞面檔, 一間生滾粥舖, 老闆就是沛華園的上手老闆,仲有兩大間文具店(聖誕前一定去這裡挑選聖誕卡) ...

記得細個食雲吞面宵夜,
D老道亦係對面有佢地宵夜!

對住4A巴士站文具店,
記吾記得乜名?

應設是當年大坑東最的(協生文具)南華冰室座落在7.8之間的南華茶樓在8.9之間呢.兄才有到過(文珍茶樓)品茗呀.已經有好久歷史了..4座的單眼佬(紫貝天葵)及江仔記(油渣麵或稱垃圾麵或路邊蓆地觀看連環圖書(上下两集4.5寸那種)當年1毫子有6套的笫６座(林記)的蘭苑士多的豆漿.汽水餅........12.13座的迷你露天小食應有順有連賭錢的(魚.蝦.蟹.猜公.字的也孩童的玩意...各前輩.大大可有補充..

引用:

原帖由 lookinch 於 2010-4-4 01:06 發表
你們還記得14座潘記冰室嗎? 當年出名的是菠羅包, 一個早上出爐幾十盤,
...

當時潘記應該搵唔少.

有此感慨, 覺得香港的小生意, 很難立足.

引用:

原帖由 akbcya 於 2010-4-4 10:08 發表
應設是當年大坑東最的(協生文具)南華冰室座落在7.8之間的南華茶樓在8.9之間呢.兄才有到過(文珍茶樓)品茗呀.已經有好久歷史了..4座的單眼佬(紫貝天葵)及江仔記(油渣麵或稱垃圾麵或路邊蓆地觀看連環圖書(上下两集4.5寸那種)當年1毫子有6套的笫６座(林記)的蘭苑士多的豆漿.汽水餅........12.13座的迷你露天小食應有順有連賭錢的(魚.蝦.蟹.猜公.字的也孩童的玩意... ...

請教, 為何會記得咁清楚個價錢 ?

潘記曾衝出尖沙咀厚福街經營, 不過90年代已執笠了

我都響龍珠街(電力站個位)跟老豆賣過車仔麵
每日賺三幾十

有冇人記得大坑東,
對住巴士站嗰座,
有個「在家中醫」叫肥佬葉?

引用:

原帖由 akbcya 於 2010-4-4 02:08 發表
應設是當年大坑東最的(協生文具)南華冰室座落在7.8之間的南華茶樓在8.9之間呢.兄才有到過(文珍茶樓)品茗呀.已經有好久歷史了..4座的單眼佬(紫貝天葵)及江仔記(油渣麵或稱垃圾麵或路邊蓆地觀看連環圖書(上下两集 ...

文珍茶樓冇乜印像,
反而文珍燒味仍健在於南山邨,
以前係邊度已吾記得咗。

另外記吾記得蘇記?
做傢俬嘅,
老細同我老豆幾熟,
但聽聞搬去南山邨後無耐過身。

引用:

原帖由 him4466 於 2010-4-8 04:29 發表
我都響龍珠街(電力站個位)跟老豆賣過車仔麵
每日賺三幾十

有冇走鬼?
記得以前大坑東走鬼檔,
(即今日惠康後面)
D小販對每個差人都有個花名,
天文台會叫,
最記得有個叫黑面神,
一聽到就即刻要走。

又唔駛走鬼喎, 當時附近都無其他檔口,
有時差人行過就話 2 句, 又有時扮要走, 好人既都話唔駛
同而家 d 走狗無得比

話時話, 我地都唔係做左好耐,
而家想勤奮 d 做 d 野幫補家計就只好去連鎖快餐店

仲記得瑪利諾叫 d 學生唔比幫襯我地

「廣州大學書院」源自廣州大學(1927年3月3日創校)在抗戰時遷來香港，分別創辦「廣橋書院」及「廣大書院」(黃毅芸校長)，前者與其他流亡書院合併為日後香港中文大學的「聯合書院」；而後者的校址變遷多次
深水埗荔枝角道 307號；
旺角亞皆老街 98號；
在葵涌和宜合道，在接近97時仍有招生，只辦私立中學。

乜原來廣大到97尚在辦學, 真係諗唔到, 對面地球牌大同拆左又起過, 記得老父講過,
江茂森老先生對家父說, 大同遲早都會停辦, 到衣加都唔知因由, 表面文章係地皮,
內中又係乜呢？

政府中學頂爛市也！再者當年私立大同中學佔用後來可以建成一所香港城市大學的用地，比之拔萃、喇沙、華仁都要大，當然逃不過被拆的命運。

引用:

原帖由 hkgalbert 於 2010-4-18 00:04 發表
政府中學頂爛市也！再者當年私立大同中學佔用後來可以建成一所香港城市大學的用地，比之拔萃、喇沙、華仁都要大，當然逃不過被拆的命運。

唔係掛！？佔用！

花墟村的真面貌

花墟村經3次大火(1951, 1955, 1956)後消失了,變為今天的花墟公園.一直想找出花墟村的真面貌,從報紙中找到了!

[ 本帖最後由 kintsun 於 2010-5-1 01:51 編輯 ]

花墟村3次火災發生日期、時間、地點、焼毀木屋數量據大公報的報導如下:

年	月	日	時間	地點	焼毀木屋數量
1951	1	16	12:10 noon	花墟村直街	113
1955	11	1	1:10 pm	渠邊街	428
1956	10	22	9:10 pm	直街5-7號間	150

1955年11月1日第二次火災災場工商日報記載如下:

乜以前已經叫花墟村,
睇嚟花墟吾係近年嘅事。

偶然間上咗何老兄呢個forum，令我勾起童年時無限嘅回憶。

我亦是大坑東老街坊，曾於1956至1958年間租住於七層樓C座七樓585室。

1956年十月暴動，挨山邊望向A座，只見香島中學那邊烽煙四起。某日，差人逐家逐户上門命令所有男人落地下公厠前空地踎底，雙手放腦後接受盤問。我只得七歲，當然無份，之不過我老豆同大佬就要落去。咁都得？得！不過如果依家咁做法，冇暴動都變有暴動嘞。

哈！你好........

多左個40後, ........那裡平時都滿山青天白日滿地红........所以係人都要踎低lor！
我住香島隔離, 現已拆左半邊。

[ 本帖最後由 老何 於 2010-5-10 17:14 編輯 ]

引用:

原帖由 老何 於 2010-5-10 17:12 發表
哈！你好........

多左個40後, ........那裡平時都滿山青天白日滿地红........所以係人都要踎低lor！
我住香島隔離, 現已拆左半邊。

Hi, 何老兄！

咁當時我响C座見你嗰邊煙bum bum，不知老兄家居安好否？

[ 本帖最後由 mtpen 於 2010-5-10 21:33 編輯 ]