引用:

原帖由 mtpen 於 2010-5-10 18:49 發表


Hi, 何老兄！

咁當時我�觜座見你�劗銩柪um bum，不知老兄家居安好否？

有心 ,那年還未搬上桃苑。 當日傻傻更更等巴士等左4個鍾, 最後從尖沙咀行路返何文田屋企,
路上豬籠車川梭不断, 銀雞bb��, 在窩打老道彌敦道交界見人群包圍一私家車, 被一大漢喝叫快d走。
記得第二日父親駕車被截,要以20元買枝青天白日旗, 車一路行, 我持旗伸手車外係咁擺舞, 好過癮

引用:

原帖由 老何 於 2010-5-11 17:58 發表


有心 ,那年還未搬上桃苑。 當日傻傻更更等巴士等左4個鍾, 最後從尖沙咀行路返何文田屋企,
路上豬籠車川梭不断, 銀雞bb��, 在窩打老道彌敦道交界見人群包圍一私家車, 被一大漢喝叫快d走。
記得第 ...

何老兄都幾有sense of humour噃。咁混亂情景下都處之泰然，仲話好過�痋A佩服！

當日差佬上門call人落樓，我嚇到標尿。你估好似依家啲差人叔叔咁温文有禮兼陰聲細氣咁話：「裡面嘅男士們，唔好意思阻你哋一陣，請出嚟同我哋落樓下一聚」，咁呀？嘭！嘭！嘭！嘭！裡面嘅麻甩佬通通同我出嚟，雙手舉高放响後頸，一個跟一個，快啲手！

triple兄响佢post #701話好慘。睇你响乜嘢角度嚟睇啦！比起金字塔血淚史裡面啲奴隸就好好多添。triple兄用緊今時今日咁文明嘅社會文化嚟睇就係慘啲嘅。而家興講乜嘢人權、人身自由呀，呢啲咁欺君犯上嘅字句，唸吓都自覺罪該萬死呀！當時社會行緊Jungle Law弱肉強食，興恰人文化。响外面明俾人abuse， bully咗都要硬食。返屋企亦唔好得幾多。亞爸亞媽有樣學樣，郁啲都用武力鎮壓。輕則學氣管炎兄早排講咁「夏楚」吓，重則「春揪」都得呀！

唉！怨氣太多了。都係講番火燭呢單嘢先。各位兄台，你們可曾吃過火災救濟餐咁呢？如果未，那我可形容俾你哋知，那是一等一美食，否則我不會事隔50多年後仍然回味無窮的。你哋估係乜東東？

之唔係就係椰菜煮沙典魚囉。估唔到喱？

其實我哋無資格去排隊攞飯嘅。1958年之後家境更壞，連租七層大厦都唔夠錢，於是乎再搬入啲，去咗朱古仔環山路11A一間石屋。两層高，一屋六伙。我哋一家六口住間50呎板間房。就响大同中學球場山玻脚下。環境仲衰過七層大厦多多聲，冇水、冇電、冇厠所。最慘係冇街燈，亞爸週不時半夜三更要我出路口，即瑪利諾神父小學對面間舖仔拍門買止痛藥，來回15分鍾我會於崎嶇難行小路急步走，因沿途一邊係山玻，一邊係人哋屋背脊，夜嘛嘛，冇屋、冇人、冇燈，好驚有隻鬼標出嚟咬我。我一路走一路有唸聖母經�謘Awork喎，so far真係冇俾鬼搞過噃。可能自細夠哂訓練，依家見到鬼子佬一啲都唔驚，仲好friend添！


環山路對面雞冠山 (or烏龜石山？) 脚下水坑仔西面之木屋週不時俾一啲道友追龍引起火災，我哋呢邊未曾燒過，但我哋一於揸住個兜去攞救濟飯食。其實咁做冇乜人義道德嘅。邊個唔知衣食足，知荣辱吖？咁我哋當時上晝都唔知晚頭黑有冇飯開吖嗎，禮義廉呢家嘢等第日有銀先再講喇！都係為勢所迫啫！

引用:

原帖由 mtpen 於 2010-5-11 22:48 發表


何老兄都幾有sense of humour�諢C咁混亂情景下都處之泰然，仲話好過�痋A佩服！

當日差佬上門call人落樓，我嚇到標尿。你估好似依家�灡t人叔叔咁�鄐憒麻妣摀掄n細氣咁話：「裡面�翵k ...

多謝你的分享. 老兄所記的 口述歷史, 非常生動仔細, 活龍活現...

聽前輩講完五十年代既艱苦.即刻令我反省自己情況都唔係太差.
只不過係條路難行d.未致於冇飯食.冇屋住.

引用:

原帖由 mtpen 於 11-5-2010 22:48 發表


何老兄都幾有sense of humour噃。咁混亂情景下都處之泰然，仲話好過�痋A佩服！

當日差佬上門call人落樓，我嚇到標尿。你估好似依家啲差人叔叔咁温文有禮兼陰聲細氣咁話：「裡面嘅男 ...

老兄一鳴驚人，精釆，應該還有好多野分享架。

等住聽故仔....正

引用:

原帖由 Lawrencetoo 於 2010-5-12 00:21 發表
老兄一鳴驚人，精釆，應該還有好多野分享架。

多謝各位！失敬！失敬！小弟豈敢响呢個高手林立嘅forum招摇呢？

小弟才（&財）疏學淺，白字連篇，皆因自幼讀書少，只係Form 5仔(亞伯？)，况且自幼家貧(真)，父母唔識點樣先做到好爸爸好媽媽(can’t comment) ，自已唔勤力(似)，洋奴買辦式教育制度(似)，港英打壓(賴) 。點都好喇，起碼未至於文盲，仍然夠胆上嚟同各位咁有份量嘅大哥大姐寫番两咀。

始終嗰句，小弟若有講錯、講漏、講大咗，請多多包涵。我都係想為九龍仔歷史盡一分力。相比何老兄及一眾前輩，小弟定必要行埋一邊。佢哋呢年多以來(我依家先至無意中睇到，走哂寶！至於各大師之鴻文，只看到page 5，因每個post都有料到，要俾啲心機�棬u吓先至得)咁有耐性去run呢個forum而其口號更偉大，話襯我哋呢代尚未乘坐仙鹤西去之前，用文字及圖片記錄底行將煙沒嘅九龍仔嘅歷史。Great！實在令人敬佩！

嗱，啲乜嘢80後，聲稱乜嘢集體回憶搏上位嘅哥哥仔，姐姐仔，學吓嘢喇！睇吓呢個forum啲前輩點樣默默耕耘，不出風頭，實幹實做喇！好學唔學，學紅衛兵嗰套，不學無術，見人哋王生洪文哥哥上到國家領導人位就想照跟。人哋係靠做小白臉先上到位�謘I鴨嚟�謕Q！咪郁啲就走去冲擊建制先得�謘I學華哥仔話齋，今時今日咁做法唔work�謚捸I唉！激氣！

嗱，咪話亞叔唔醒你哋啲小朋友两句嘞！想改變個局一如你所願咁，唔使四圍搞搞震�謘A快啲返歸俾心機啲讀好書，攞多幾個degree仲啱，跟住去考AO，政務官呀！第日就算做唔到亞曾仔個位，响佢身邊影响佢，搞滲透呀！明冇？

至於籮記兄話分享小弟見聞，I will, but don’t expect too much, you know, 因年紀老兼記憶不佳也。

Kintsun兄，are you there? 我原來同你有啲 la luang嘅喎！

mtpen ..........見得到你間屋嗎？

引用:

原帖由 mtpen 於 2010-5-12 12:29 發表


多謝各位！失敬！失敬！小弟豈敢响呢個高手林立嘅forum招摇呢？

小弟才（&財）疏學淺，白字連篇，皆因自幼讀書少，只係Form 5仔(亞伯？)，况且自幼家貧(真)，父母唔識點樣先做到好爸 ...

pen 兄你搵 o岩 哩度啦 !  小弟在此也獲益良多, 此處弟兄姐妹真不可多得, 日後多多交流啦 !

mtpen兄,你好!又多一位生力軍給我們多些九龍仔的口述歷史,在此歡迎.能夠在此借助資訊科技大家一起溝通,把各年代的九龍仔串連起來,是神奇的緣份!對九龍仔的過去尤其是50年代前的更是本人神往的事,老兄在此一些大坑東的描述,真是可遇而不可求. 能使用電腦又能運用文字記述已逝的記憶,我們這輩不是太多,40年代的更少,老兄的出現,帶來一片熱鬧,期待你在九龍仔大坑東一帶的生活回憶.

兄台說得對,我們在此已一年多,記述不斷的原因不是為任何利益,只是一祟高的理想,把已逝及將逝的記憶,用文字或圖片記下,留傳下去.

老兄與我有一些淵源,真是不可思議,請快解開這謎團吧!

引用:

原帖由 kintsun 於 2009-6-7 19:03 發表
akbcya 兄,所言花墟,是否指今陳樹渠書院对下的花墟公園?...60-66年,因在當時的一間在今南山邨的培立小學就讀,是在路邊的單層式平房式校舍,兄台有否印象? ...

kintsun兄原來我哋係培立小學書友仔嚟�謘I你睇吓張相認唔認得本手册？

呢幾日我翻箱倒塔去揾舊史，希望可以揾到啲好嘢同大家分享。老妻鬼咬咁聲問我因乜解究搞到七國咁亂？答之曰：為九龍仔歷史作見證！為九龍仔人民服務！

相片就暫時就唔多見，你知喇，我哋呢啲赤貧賤民，影相呢家嘢係資產階級玩意，唔啱我哋嘅。所以就算有都係手册上嘅車頭相咁大把。

我係1956–1957响培立小學度讀一年班，你呢？我哋有否打過交？

正如各位老兄早前曾說過，當時街道名稱並不統一。就以培立小學為例，手册上之地址稱之為九龍塘村，並注明响AB座對面。嗰度邊鬼度係九龍塘村啫？亂哂坑！唔通嗰陣時已經興好似時下啲地產發展商咁，將鑽石山拃大為飛鵝山？

根本嗰度係大坑西至啱，响天主堂嗰邊。我依稀記得返學時要响大坑東道走入一条好黑、好窄、兼濕���楔ㄗㄓ�嘅巷仔，一如進入九龍城寨咁，分別係呢度全部係木屋。我懷疑培立小學都係木建的，而混在其它木屋民居中間，屋貼屋，班房冇窗，當然更冇操場呢味嘢喇。我敢相信如果火燭，必定有幾十隻燒猪仔响災塲度抬出嚟。唉！賤命！

有時會咁諗，我哋嗰代，唔好講營養不良嘞，剩係暴露於危險之中而居然唔瓜得，仲可活到成六十幾歲，簡直係奇跡！奇跡！

Can’t complain啦兄弟！感恩呀！不如我哋一齊嚟咁唱吖嗱：我謝蒼天，我又謝祖先….

引用:

原帖由 mtpen 於 2010-5-13 17:20 發表


唔通�鶧}時已經興好似時下�囍a產發展商咁，將鑽石山�F大為飛鵝山？
...

忍不住, 笑出來...

很難得在此遇到小學的學長,老兄是我的學長因為我是60-66年而你是56-62年的同學.如你在培立完成6年課程,在60-62年間我們三年雖是同學但應該沒有机会相遇了,因為我的小一至小三在桃園街的培賢學校(培立的分校)度過.四年級時才轉往培立.

63年的培立的正門是面對大坑東道,不須经過老兄的窄巷,亦有操場,沙池,課室應是木與磚搭的,規模算不小.是四面課室中间是操場長方形校園的格局.校長是董植,校監是郭金鸞.老兄手冊上的字跡似是一位莫老師的字,他的右手有少許傷殘,所以字跡有些傾斜.

記得63年某日學校在操場忽召開集会當時正在上課所以有些突然,排隊站好後校長宣佈全体員生默哀,老兄你估下是什麽事呢?

引用:

原帖由 kintsun 於 2010-5-14 11:24 發表
很難得在此遇到小學的學長, ...

計起嚟，kintsun兄應是我師弟了。不過我肯定冇蝦過你。我只在培立讀了一年。1957大坑東官立小學剛起好，我轉過去讀二年級直至1962年小六畢業。

因為年紀少，未識有感情呢回事。轉校之後未嘗踏足母校，及後變成老兄所述之模樣，亦不甚了了。

老兄觀察事物極之細心，連可能是莫老師之筆跡亦察覺得到，佩服！

到底63年那天發生何事要默哀咁傷感，還請老兄道來可也。而母校又於何年消失於歷史洪流之中呢？

63年甘迺迪遭暗殺,估不到我們要默哀,反映當時美國對世界的影响.當時一個小四學生,根本不知甘迺迪是誰,唯有照校長的指示去做.

老兄能讀大坑東官立小學是很幸福了,當時津貼小學學位不足,所以才有培立的出現.官小畢業升中學是不難的事,可知兄台學業與事業應順利,今天應是如老何般坐享退休之樂了!

培立的消失亦沒有特別的留意,70年代應存在.兄台講多些又一邨,大坑东的沿革吧!例如花墟村在1956年火災後己荒廢不復見,兄有沒有踏足該地?又一邨達之路口的牌樓有沒有印象呢?朱古仔村有否到過呢?很多問題,期待日後在此交流.

引用:

原帖由 kintsun 於 2010-5-14 07:46 發表
63年甘迺迪遭暗殺,估不到我們要默哀,反映當時美國對世界的影响.當時一個小四學生,根本不知甘迺迪是誰,唯有照校長的指示去做.

老兄能讀大坑東官立小學是很幸福了,當時津貼小學學位不足,所以才有培立的出現.官 ...

我覺得經歷過「打日本仔」一代人,
對美國佬都會有D好印像,
小弟呀媽就好崇拜艾森豪威爾同甘迺迪。

引用:

原帖由 rqrj 於 14-5-2010 16:11 發表


我覺得經歷過「打日本仔」一代人,
對美國佬都會有D好印像,
小弟呀媽就好崇拜艾森豪威爾同甘迺迪。

Yes,那時老一代的人講,美國月亮圓的,美國人放屁都香的 當時我有看今日世界那本雜誌,都被它影響,有崇美的傾向

引用:

原帖由 kintsun 於 2010-5-14 11:24 發表
很難得在此遇到小學的學長,老兄是我的學長因為我是60-66年而你是56-62年的同學.如你在培立完成6年課程,在60-62年間我們三年雖是同學但應該沒有机�N相遇了,因為我的小一至小三在桃園街的培賢學校(培立的分校)度 ...

老兄真是好記憶力, 小學的事, 我全已煙消雲散. 唯1 記得的, 是 1 個和我爭考第 1 的女同學. 她爸爸是流落香港的讀書人, 學歷不比承認, 在私校教書

女同學書香世代, 溫文儒雅, ...

花墟村1955年11月1日大火高清照片






[ 本帖最後由 kintsun 於 2010-5-15 01:30 編輯 ]

引用:

原帖由 kintsun 於 2010-5-14 15:46 發表

老兄能讀大坑東官立小學是很幸福了,....可知兄台學業與事業應順利,今天應是如老何般坐享退休之樂了!

kintsun兄，咪玩我喇！點有得同何老兄佢比呀！天同地喇！

我冇嘢叻，硬係脚頭好，讀嗰間執嗰間。我寫啲學校名等你哋掩咀笑吓吖嗱。

小弟確是有負師長期望，並未能成大器，小學會考肥咗佬，冇位派。Form 1 讀喇沙…. 對面嗰間聖恩，Form 2 至 Form 5 讀聖若瑟….一字之差嘅聖若望。英文中學會考光頭收場，五科梳仔 - E。

冇喇！死梗喇！家貧，冇得repeat。係咁大喇，出嚟做嘢囉，點呀？

做咗12年嘢，好彩有日突然札醒，對自己講，Come on，can’t go on like that！1978 以 30歲高齢，入讀理工夜校。更好彩的是，理工當年尚未係大學，否則咁嘅 quali  咪使旨意有得讀。皇天不負，苦讀三年，又要日間返工，卒之都俾我考到張英國嘅 Diploma，亦從始改變了命運。

感謝上天，2003年即 53 歲計過惦，於是退休了，如今跟老妻清茶淡飯，生活尚可。

老兄話1963甘迺迪之死好大陣仗，奇怪美國嘅嘢又關我哋香港人事？關！非常之關！

總括一生，兜兜轉轉，原來真係離不開歷史與時勢，受中、英、美三國牽引着。大陸被解放影响當然是有，最大鑊反而係韓戰，家族命運亦從此徹底地被改變了。連最後期呢次亦不例外，我俩老之有今日嘅健康及小量財富，都係多得柴玲及吾爾開希等人唔少，係佢哋令個局改變埋我俩命運，真係估唔到。

引用:

原帖由 mtpen 於 2010-5-15 09:51 發表


kintsun兄，咪玩我喇！點有得同何老兄佢比呀！天同地喇！

我冇�洏{，硬係�鈶Y好，讀�黧※��黧﹛C我寫�蠷ヴ捰W等你�]掩咀笑�����臐C

小弟確是有負 ...

喂！ 手足, 老何都係人一個, 有何不同？ 不同在於歷史時勢下的各自抉擇。
老何過去, 版友知之甚詳, 命運起伏主因亦是時代交替下產物。歷史時勢對命運的影��, 不言而喻。
可惜者世人多不從歷史吸取教訓。難怪學者這樣概括歷史 : 歷史者, 時間重複之謂也。
年青一代, 面對未來, 何所適從, 更應於近代史尋找啟示, 不要誤以為歷史就是過去, 於今何助！
老何不至於為五斗米折腰, 觀往史乘時勢而矣。

引用:

原帖由 老何 於 2010-5-15 11:20 發表

.. 老何都係人一個, 有何不同？ ...可惜者世人多不從歷史吸取教訓。... 更應於近代史尋找啟示, 不要誤以為歷史就是過去, 於今何助！

小弟跟 kintsun 兄趁人少少傾計，唔覺意 touch 到老兄你嗰瓣，以為你行開咗，咁都俾你overheard 到，好彩唔係講老兄你壞話，否則大鑊矣！

老兄謙稱普通人一個，惟我睇就殊不簡單嘞！

至於話不要誤以為歷史就是過去，於今何助？何老兄所言甚是。可惜吖，未必人人能夠有智慧可利用歷史尋找啟示，趨吉避凶。反之，更一而再重犯錯誤添。

鬼子佬都有句咁嘅警世名句: We learn from history that we learn nothing from history 。呢句嘢係英國劇作家蕭伯納 Bernard Shaw (1856-1950) 嘅名句。佢仲好嘢到將英文字句嘅運用搞作一番，不愧係大文豪也。

Before you go, can I ask you a stupid question? 老兄是否一個玩得之人？若然是，小弟寫啲嘢同你玩吓吖，好嗎？

引用:

原帖由 mtpen 於 2010-5-15 15:17 發表


小弟跟 kintsun 兄趁人少少傾計，唔覺意 touch 到老兄你�劗丑A以為你行開�驉A咁都俾你overheard 到，好彩唔係講老兄你壞話，否則大鑊矣！

老兄謙稱普通人一個，惟我睇就殊不簡單�苤I

...

玩得否！？

不知何解, 族人向來幽默感欠奉, 友朋圍爐共醉, 甚少笑話連绵, 尋且「唧」都唔笑, 与洋人大異之處莫過於對自嘲的體會,
致令老於世故者如手足亦施投石問路之策, 以免傷和氣。上者國家領導人則道貌岸然,肅穆端至, 一塊poker face, 全無親和與共
的面容, 下者特區首長, 自視天降英才,鼻孔朝天, 面如煎�I牛柳, 皆唔玩得之現例。方謝世之「三寬部長」朱厚澤力主創造
寬鬆、寬厚、寬容的社會環境, 濃縮而言就係要玩得。
手足問一句玩得否, �u起無邊感慨, 借此道明。

引用:

原帖由 mtpen 於 2010-5-15 09:51 發表


英文中學會考光頭收場，五科梳仔 - E。
...

以當時來說, 五科 E 已經好 let o 家啦...

引用:

原帖由 mtpen 於 2010-5-15 09:51 發表


我俩老之有今日�黻楛d及小量財富，都係多得柴玲及吾爾開希等人唔少，係佢�]令個局改變埋我俩命運，真係估唔到。
...

why, why, tell me why ? 老兄沒有移民 ?

當時人心惶惶, 不停 farewell 班移民既師兄. 他們回流時, 樓價大升, 人工大減....