引用:

原帖由 kintsun 於 2010-5-15 01:27 發表
花墟村1955年11月1日大火高清照片
1337409

1337410

好有興趣知道如何轉為高清照片?

引用:

原帖由 老何 於 2010-5-15 17:18 發表

不知何解, 族人向來幽默感欠奉, ... 与洋人大異之處莫過於對自嘲的體會, ...

何老兄果然見多識廣，一語道出華洋差異之處。國人素來 lack of sense of humour,  body language as well as gestures,  一如老兄所述，成塊 poker face 咁，唧都唔笑，扮哂嘢，又衰唔起。慳啲啦，成個鬼見愁咁。唉！以為咁人哋就怕咗你咩？尊重同怕係两回事呀！搞到人家敬鬼神而遠之就唔好喇！哭又一生，笑又一生。小鳳姐唱道: 何必呢？何必呢？化先得�貕隉I

講開又講，何老兄，呢個世界真係好唔公平。我有個 friend，你都識嘅，年紀跟你相約。邊個？姑諱其名以存忠厚。

佢並非我輩貧下中農，自幼讀名校，都係叫培，不過就正過我間多多聲。佢有老父揸私家車接送上學，之後又負芨放洋。家住私樓豪宅，一早與高幹子弟黨校香島中學為隣，以搞好人脈關係，作回歸準備。

佢老哥週不時响我哋水深火熱，托住啲家檔响佢樓下騰來騰去之時，响樓上揸住支雪條印印脚睇熱鬧，並不時投訴我哋火燭時呯呯嘭嘭嘈住佢睇電視，又話啲火屎�翕豸j少爺佢。

好嘞，大個咗，我哋日日做到隻 Jack 咁，佢老哥朝早就托住籠雀去茶樓，一邊睇財經報，一邊嘆吓虾蛟燒賣。食夠皮，搓吓個肚，跟住上股票行打個冷，然後返歸瞓陣晏覺，它它條條又一日，幾爽啊呵？

天呀！點解我投胎時唔識執條咁好嘅籌呀！

引用:

原帖由 suewong 於 2010-5-15 22:19 發表


why, why, tell me why ? 老兄沒有移民 ? 當時人心惶惶, 不停 farewell 班移民既師兄. 他們回流時, 樓價大升, 人工大減....

黃小妹，您好！講起嚟一幅被咁長。我家陣趕住同老妻去買餸，容後再談，待慢哂，唔好意思！

引用:

原帖由 mtpen 於 2010-5-16 10:16 發表


黃小妹，您好！講起�薑@幅被咁長。我家陣趕住同老妻去買�R，容後再談，待慢哂，唔好意思！

你真好人, 冇做小妹好耐啦...

老兄年輕奮鬥的過去印證真正的香港人精神,勤奮向上,絕不向命運低頭 -- 升中沒有津貼學位轉而向私校發展,繼而半工讀向上,考獲學位,在專業發展,得以提早退休.

如Sue姐所言,以往在中學會考取得5科及格已是不錯的成績可以入職政府了.

老兄說 :「.... 最大鑊反而係韓戰，家族命運亦從此徹底地被改變了。連最後期呢次亦不例外，我俩老之有今日嘅健康及小量財富，都係多得柴玲及吾爾開希等人唔少，係佢哋令個局改變埋我俩命運，真係估唔到。」願聞其詳!

[ 本帖最後由 kintsun 於 2010-5-17 15:46 編輯 ]

花墟55年11月1日的火災照片是akbcya兄提供的,不是將報紙的圖片轉換的.

這兩張圖片akbcya兄已言明是花墟火災照,初不以為意,後在報紙見到這兩幅疑似圖片,很模糊,看不清;但心中似有印象,覺得akbcya高清照相似.

引用:

原帖由 suewong 於 2010-5-15 22:14 發表

以當時來說, 五科 E 已經好 let o 家啦...

黃小妹，移民一事，暫且按下不表，講番會考光頭單嘢先。唔講由自可，講起就一壳眼淚。

亦如早前所述，命運始終受歷史及時勢所牽引着。當年小弟會考正值火紅偉大年代，即1967暴動之年，考得好至奇。當時巴士大罷工，家住青山道長發街，試塲响佐敦道南九龍裁判署對面之拔萃女書院。又會黑得咁交關！

冇巴士搭唯有捱啲又迫又貴坐凳仔嘅麵包車（呢！要由車尾上落，車側邊窗下面有两行黑白間階磚仔，好似時下英國差佬頂警帽，圍住两行黑白間階磚仔捆邊嗰種款咁）。都算咯，南九龍裁判署係除咗大有街及港督府之外，最熱鬧嘅地點之一，日日被愛國人士包圍叫口號，嘈到拆天咁。每日考完，主考官仲話，聽日使唔使考，請留意廣播，戒嚴就食自己喎。咁即係點唧？吓？

都算好彩，五月時份，尚未興菠蘿呢家嘢，否則未考完已分分鐘變咗蛋散仔都似。唉！Tragedy!

黃小妹冇講錯，當時五科 E 仔雖然係抿水啲，亦不過不失，讀預科當然冇行，但假假哋都叫英文中學會考 pass 有報紙登吖 (當時好趣怪嘅，查放榜要睇當天日報)，理應有份寫字樓工做吓掛？

可惜條命太焦，適逢大動盪時代畢業，會有乜好工做唧？好奇怪，當時啲人可能民智未開，唔識得怨天怨地，更加一早就明白小平同志講嘅乜鬼嘢….揾實錢就是硬道理。冇恃住自己會考 pass  就亞芝亞佐唔肯屈就。人家肯請我，就係因為我 quail 好過其它冇 pass 嘅人，咁先搶到份工�謕Q，理得佢係 shit job with shit pay 唧，你唔做大把人等住做，take it or lose  it。兼且我好自量，明白到好嗰份工唔請我，皆因人哋請咗 5 科 credit 嗰個呀。所以我從來冇失過業，一份接一份，正一屎唔臭都食。或者一如 kintsun 兄係樓上講，呢啲就係香港精神哪掛？

未放榜前响旺角大世界戲院度做帶位，有戲睇又有人工收，幾棧鬼，啱我呀！

放榜後首份工响尖沙咀一間亞差行 (唔好意思，race abuse 咗人添，應叫南亞裔行至啱) 做馬辰 (messenger) ， 五蚊一日。中午响中間道大牌檔食义雞飯，好好味。放工後行去海運大厦睇啲有錢佬搭大洋船出埠 (當時仍未太興坐飛機) ，臨開船前掟哂彩帶，那種氣氛，讓我這窮小子看傻了眼，好羨慕。

之後响青山道平價市塲百貨公司做散仔，執頭執尾，人工少咗，但可慳番車錢兼有兩餐食。其後再去清水灣邵氏片塲做服裝管理，响 canteen 食午飯公司有津貼。之後入咗電話公司做technician 安裝電話。

kintsun 兄說得對，5 科 pass 應可入職政府的了，而我响 1971 年考入了政府，生活亦總算安定下來。

其實諗落最衰都係自已，讀書唔成，抵捱�瞴A怪得誰？在下奉勸各位小兄弟，小姊妹，套用永遠英明正確嘅毛主席教導我們：

千言萬語，就是一句話：讀書有理！

引用:

原帖由 mtpen 於 2010-5-17 14:48 發表


好奇怪，當時�齯H可能民智未開，唔識得怨天怨地，更加一早就明白小平同志講�懭A鬼��….�M實錢就是硬道理。冇恃住自己會考 pass  就亞芝亞佐唔肯屈就。人家肯請我，就係因為我 quail 好過其它冇 pass �鴾H，咁先搶到份工�謕Q，理得佢係 shit job with shit pay 唧，你唔做大把人等住做，take it or lose  it。兼且我好自量，明白到好�鶗髐u唔請我，皆因人�]請�� 5 科 credit �鶩荍r。所以我從來冇失過業，一份接一份，...

我 d 學生既經典反應 - 成日同我講, 點解讀大學, 免入息審查貸款, 咁高息...

引用:

原帖由 mtpen 於 2010-5-17 14:48 發表


千言萬語，就是一句話：讀書有理！ ...

老兄的年代, 讀書 / 學位真是可以超越出身. 但現在的年輕人, 其實困難很多...

例如: 所有 IT 工程 / 中心已北上, 清 華 / 北大的畢業生, 在深圳工作, 月薪 < $5000, 我的 IT 學生畢業, 根本冇得 fight.

我都住青山道 hing wah 街

住在朱古仔的人必定見過花墟公園達之路那邊的舊貌,這圖是1965年粵語片撮出來的,兒時的記憶又再現!




[ 本帖最後由 kintsun 於 2010-6-9 00:41 編輯 ]

我是住在小西湖村的,童年時常在九龍仔活動.

有人記得雙喜茶樓嗎,在救世軍對面路邊木屋

有沒有人是大坑東宣道的學友

4A巴士站附近的單車鋪及涼茶店有記憶嗎

大兄大,歡迎加入,請你介紹一下小西湖村的位置在哪? 是不是在大同中學九龍塘正校入口對出一帶?

兄台所說的雙喜樓,單車檔,宣道學校全是兒時的記憶,非常有印象!尤其是單車檔,租车時要放下拖鞋作按金,初玩三輪到年長才學二輪,記得在又一村丹桂路沿斜坡滑下學識上落二輪的技巧,記憶猶新,如在目前,珍貴非常!

引用:

原帖由 大兄大 於 2010-6-10 01:06 發表
有沒有人是大坑東宣道的學友

我家少爺去年成為你既校友

引用:

原帖由 kintsun 於 2010-6-10 09:32 發表
大兄大,歡迎加入,請你介紹一下小西湖村的位置在哪? 是不是在大同中學九龍塘正校入口對出一帶?

兄台所說的雙喜樓,單車檔,宣道學校全是兒時的記憶,非常有印象!尤其是單車檔,租车時要放下拖鞋作按金,初玩三輪到 ...

沿真光中學旁邊石級穿過火車橋隧道就是小西湖村

村的中央是大同中學入口位置,入口上山的石級還有一石做20多呎高排樓寫著'天下為公'四個字,據說是國父手筆.

小西湖村是木屋區,主要行業有芽菜豆腐廠,電鍍,染紗,養豬,種菜,炸豬油及晒毛廠,家父是經營晒毛廠,我也是太子爺,哈哈....

而小西湖(猛鬼湖) 就在我家對面畢架山旁邊的草坡裡面,我記得兒時還未建做歌和老街至南昌街段,所以我可以從我家旁邊山坡爬上山去猛鬼湖玩,但不能給亞媽知,知到就要打,因為浸死好多小童.

讀小學時放學後到大同中學採摘花朵作標本,沿大坑水渠,當時不知這一帶叫小西湖村,常聞到劇烈的豆腐發出的味道,不是太好味.
大兄大確是九龍仔人,多些介紹這一帶的景物吧,如小西湖所見所聞,大同中學的情况,在此先謝!

附圖小西湖霸下的排水渠口,在小童時曾經穿越過, 暗渠大約長100米,在歌和老街地下經過,出口就在小西湖村山邊的水坑,這水坑一路沿著小西湖村引水出大坑東, 途中經過蒙恩堂(信義幼稚園)入暗渠,出九龍仔.

引用:

原帖由 kintsun 於 2010-6-10 09:32 發表
大兄大,歡迎加入,請你介紹一下小西湖村的位置在哪? 是不是在大同中學九龍塘正校入口對出一帶?

兄台所說的雙喜樓,單車檔,宣道學校全是兒時的記憶,非常有印象!尤其是單車檔,租�|時要放下拖鞋作按金,初玩三輪到 ...

這樣，踏單�|時穿甚麼？

引用:

原帖由 kintsun 於 2010-6-10 16:22 發表
讀小學時放學後到大同中學採摘花朵作標本,沿大坑水渠,當時不知這一帶叫小西湖村,常聞到劇烈的豆腐發出的味道,不是太好味.
大兄大確是九龍仔人,多些介紹這一帶的景物吧,如小西湖所見所聞,大同中學的情况,在此先 ...

我讀宣道小學,每天步行上學,有兩條路可走,沿大同中學上山經蕉園救世軍後面木屋區出大坑東,第二條路就經大水坑出九龍仔,大同山上建築有民國風味,記得無線拍劇也在上址取景,時年應是70年代尾至80年初.每當行到校內運動場喜歡在沙池玩,因為有錢拾,間中會找到碼幣,運動場邊有一座鐵架,架上有多款訓練上爬的器械,不知你有否玩過?