引用:

原帖由 杜友明 於 2010-8-14 07:29 發表
有排至退休，即係好後生啦，我都住過九龍仔，而家變左城市大學，當年住木屋的成年人，全都退休了，我是其中一個，人又老，錢就無，最慘連記性都一曰差過一日，而家做緊香港三等公民....................等食，等屙， ...

有排等!!!

因為而家平均壽命都 成80 ，到老兄 80 多時，平均壽命應該過 100。

引用:

原帖由 mtpen 於 2010-8-14 10:19 發表


每人一生咁長，並非每個階段皆事事順景。我�酮F府內之辛酸及在異鄉之失意，一幅被咁長，日後有機會再同大家呻�鵅C唯在失意期間，最緊要武裝自己，潛伏爪牙，等待出擊。

仲有，失意之時，識得亞Q�鵅C你估我返遲���蟆鶩屭鴠韋f，睇住個樓價由三千蚊呎升到依家一萬蚊呎冇唔開心呀？等我稍後同你�]講�鴽��鴾葀z歷程，而我點樣令自己冇咁憎恨自己���臐I
...

快 d 講丫。

其實非常好奇，你做公務員，可以提早退休，仲可以搵埋咁多落雨柴.  真羨慕!

識得 d 署長級，退休後，唔做唔得。(被 樓 / 仔女 累)。

其實我並不灰，相反，正努力面對未來，人無遠慮，必有近憂，現在，有很多老人機構都不時安排有興趣老人前往參觀及試四塊半，有很多試過都話舒服，這就是時代進步的現象，要是幾拾年前，老人家聽到這玩意兒，肯定啋啋啋個不停。

引用:

原帖由 杜友明 於 2010-8-15 08:58 發表
其實我並不灰，相反，正努力...前往參觀及試四塊半，有很多試過都話舒服，...

友明兄，你去睇過嗰味嘢，想請教吓你，全餐點賣？例牌又幾多呢？有冇最低消費？淨燒會否雙計？二人同行又有否半價優惠咁呢？

mtpen 兄，看來閣下對此很感興趣，莫非...............................預感.........？
不過，在此討論，未免離題太遠，跟老何兄的原意相差太遠，不如兄台另開題目再作詳細研究研究，好嗎？

引用:

原帖由 杜友明 於 2010-8-15 10:12 發表
mtpen 兄，看來閣下對此很感興趣，莫非...............................預感.........？

友明兄，我玩你咋！Sorry ！不愧為巴打，多謝關心。

慶幸尚未有三高，睇嚟香港政府唔好彩嘞。英國都係，我納咗超過十年 N.I. (National Insurance) ，即國民保險。我已做足一切養生功夫，駁長條老命，老虎魚蝦蟹都食番佢哋嘅長糧夠皮為止。

以你咁好人，第日一定上天堂嘅。唉！聽我講喇，無謂將啲血汗錢咁花呀！

我依家先知啲人點解生十個女都要追番個仔。驚死冇仔送終喎，所以重男輕女，錫住個仔驚佢死先過佢。又死慳死抵，食都唔啥得食，留番筆錢去買個靚棺材、租大餐廳、打齋、買骨灰龕，都唔化嘅！臨死都俾人斬一筆。如果講到咁唔志在嘅，咪捐咗出嚟做善事吖！兼且你估好多人中意睇你副尊容呀？咪作大喇！

生前，將呢筆棺材本，留番嚟買啲優質啲嘅食物食吓，等身體冇咁多病痛仲好喇。响香港唔使驚喎，特區政府大把錢，洗哂又有亞爺醒，佢哋一定會好好睇睇幫你搞得妥妥當當嘅，除非你嫌三嫌四就冇計喇。

我同老妻講過，如果我行先，妳咪鬼將我剩俾妳啲錢咁搞作，燒咗佢就算鬼數嘞，仲要揀件平平地嘅，紙造嘅仲啱，要標明 recycle 嗰隻，環保吖嘛。至於嗰家嘢，更加唔使花十幾萬放响啲乜嘢骨灰龕度。呢，有個乜嘢骨灰公園，嗰度啱我，當肥田料種樹，死咗都益吓個地球吖。又或者乾手淨脚，捐我副嘢俾港大或中大，等啲醫生仔有啲實物玩吓吖。


如果仲覺得唔安樂嘅話，就將原本要俾全餐嗰筆錢，捐哂俾祖國山區啲兒童吖，等我見到上帝同妳講好話保妳嗰陣時，都 convincing 啲吖！

引用:

原帖由 mtpen 於 2010-8-15 15:00 發表


友明兄，我玩你咋！Sorry ！不愧為巴打，多謝關心。

慶幸尚未有三高，睇嚟香港政府唔好彩嘞。英國都係，我納咗超過十年 N.I. (National Insurance) ，即國民保險。我已做足一切養生功夫， ...

Agree

倒不如暫忘憂愁，去九龍城戲院睇那些『西洋尤物』、『肉慾皇后』、『鈞魂奪魄』的表演吧！

環城路、西城路的戲院有「龍華」、「龍宮」、「龍都」、「金龍」、「龍殿」、「龍門」、「月宮」。

龍津路的戲院有：「龍鳳」、「龍珠」、「天龍」、「水晶宮」、「桃源洞」、「巴黎」。

誰人可補遺及更正？

睇完尚可整煲神仙都企唔隱的「三六煲」

引用:

原帖由 hkgalbert 於 2010-8-17 09:56 發表
誰人可補遺及更正？ : ...

可能 Albert 兄講嗰啲日子係我哋孩童時代嘅，當時仙都唔仙吓，有鬼錢睇戲呀！搭巴士咁貴去到九龍城寨咁遠，唸都未唸過呀！我記得第一次睇戲係响美麗宮。

美丽宫戏院对大坑东居民都是很难忘的回忆,这论坛有没有贴过美丽宫戏院的照片? 住南山村的网友是否有照片吧?

引用:

原帖由 hkgalbert 於 2010-8-17 09:56 發表 倒不如暫忘憂愁，去九龍城戲院睇那些『 : ...

Albert 兄講得啱，倒不如暫忘憂愁，揾啲嘢開心吓。

其實做人無需要問為乜而生存，睇番我哋自己一生就知。鬼佬俾我哋睇得仲簡單。信教嘅，就話為咗上天堂，無神論者就話無須理會為乜？就像飛鳥或動物，有天就飛，有地就行，有嘢就食。Just get something to do, to kill the time, 然後過一生，that’s it！


咁點 kill 法？有人鍾意生個仔凑吓、有人鍾意工作賺好多錢、有人鍾意返寫字樓搞吓office war、有人鍾意做議員威吓、有人鍾意做義工幫吓人….我就鍾意無�U。我明白 simple is the best！

好似我哋依家咁，上吓網，吹吓水。多得科技唔少，吹水唔使去公園仔，啱就講多句，唔啱即掹，你唔識我，我唔識你，冇是非，幾咁嗰濟。聽日嘅事聽日再算！Am I right？

我都渴望見到美麗宮的照片，睇戲最多的就是它，早上開閘時有人訓底在閘底邊爬入去霸頭位買票，都有睇過午夜場，早場前座平，頭一行超大銀幕，中座，後座，又有樓上超等，睇得最多陳寶珠，蕭芳芳，呂奇，曾江，雪梨…….
睇完戲再食碗雲吞麵。回味！

講起相，Haochong兄响 post #826幅相，天主堂背後個山應該就係雞冠山了。山頂上嗰舊大石响培立度睇冇乜特別，但如果响大同中學或朱古仔嗰邊睇就好似雞冠咁。不過我細個响環山路望過去就覺得似烏龜多啲。

係呢，Haochong兄，得閒試試摷吓仲有乜嘢相啱我哋睇，不妨放上嚟益吓大家吖？又有否美麗宮幅相咁呢？

美丽宫戏院照片难寻,不过在有关电影网页有关美丽宫戏院的典故,上传各位仁兄同享!

引用:

原帖由 HAOCHANG 於 2010-8-18 20:47 發表
美丽宫戏院照片难寻,不过在有关电影网页有关美丽宫戏院的典故,上传各位仁兄同享!

Haochang兄找到之料可令我們回味一吓美麗宮昔日之風采，難得。

講開又講，約莫响今年二三月時，壹週刋曾訪問過一位文物收藏家 Dr. Dab Tong 唐卓敏醫生。呢位大醫生正職於瑪利醫院，但佢好巴閉，收藏嘅香港文物連中央圖書館都要問佢借嚟展覽。百幾年前中英將香港割讓嗰條條約都响呢位大醫生手上。

訪問中佢話佢曾經就讀大坑東官立小學。佢兒時在九龍仔出入，好大機會响佢大量香港舊照片中有啲九龍仔嘅在內。

Kintsun兄，你响港大之時，有否識得你呢位師兄弟呢？

引用:

原帖由 HAOCHANG 於 2010-8-18 12:47 PM 發表
美丽宫戏院照片难寻,不过在有关电影网页有关美丽宫戏院的典故,上传各位仁兄同享!

Really?!

美麗宮戲院 (MetroTheatre) 位於九龍大坑東道之4A巴士總站旁邊，它是香港徒置區第一間戲院，1,500乳膠座位，設有空氣調節。在1963年5月27日(星期一)下午5時開幕 ，丑生王梁醒波擔任司儀，十多位粵語片女星剪綵，包括：鳳凰女、羅艷卿、余麗珍、吳君麗、南紅、林鳳、黃錦娟、夏萍、丁瑩、白露明、黃金鳳、李敏。首映彩色粵語喜劇《大富之家》(1963年，吳楚帆、張瑛及林鳳主演。) 它由美麗華大酒店的老闆們開辦，它的董事長為余基溫；總經理楊志雲。

美麗宮做過歡樂今宵
地下有間茶樓

其實美麗宮幾時執嘅唧？我好似响各位兄台之前寫嘅嘢度睇到話火燭燒過，係冇？

邊位仁兄如果行經美麗宮舊址時，可否影張想放上嚟俾大家睇吓現時變成點，一齊懷緬吓過去吖，好嗎？

即刻上GOOGLE MAP看看美丽宫戏院旧址,据闻现址为普仁大厦,看来与以前很大分别,是否重建或改建?

要请教MTPEN仁兄!

衬发上述美丽宫戏院现址照片.

我早前有影過附近的照片，再加上一張有關“水喉頭”的相。

引用:

原帖由 HAOCHANG 於 2010-8-19 21:53 發表
看看美丽宫戏院旧址,据闻现址为普仁大厦,看来与以前很大分别,是否重建或改建?要请教MTPEN仁兄!

多謝 Haochang兄之美麗宮舊址新照。我有十二年冇去過九龍仔了，當時是離港六年後首次再踏足香江，亦不知六年後會回流大把時間睇。當時正一死人尋舊路，惟老妻對我舊史不感興趣，怱怱地看看母校大坑東官立小學便走，行過此大厦往白田地鐵站時也沒有對它看上一眼，反而現在提起想睇而矣。

人好奇怪，冇得時時番嚟就恨睇，��家隨時可去睇就唔去睇。

至於話該大厦是否美麗宮戲院拆後至現今，還望各位仁兄仁姐補充至得。

[ 本帖最後由 mtpen 於 2010-8-20 10:29 編輯 ]

引用:

原帖由 HAOCHANG 於 2010-8-19 21:53 發表
即刻上GOOGLE MAP看看美丽宫戏院旧址,据闻现址为普仁大厦,看来与以前很大分别,是否重建或改建?

要请教MTPEN仁兄!

應是"仁寶大廈", 大約 78,79 年左右入伙
美麗宮應是約 70 年代初(我估約 73年)發生火警後改健的

[ 本帖最後由 him4466 於 2010-8-20 11:58 編輯 ]

引用:

原帖由 mtpen 於 2010-8-20 09:58 發表


多謝 Haochang兄之美麗宮舊址新照。我有十二年冇去過九龍仔了，當時是離港六年後首次再踏足香江，亦不知六年後會回流大把時間睇。當時正一死人尋舊路，惟老妻對我舊史不感興趣，怱怱地看看母校大坑東 ...

是"石硤尾"地鐵站吧

引用:

原帖由 him4466 於 2010-8-20 11:53 發表


是"石硤尾"地鐵站吧

多謝 him 兄更正。人如其名，懵懂筆是也。