引用:

原帖由 天九 於 2010-9-12 12:51 發表

真的，我是不怕死，但極害怕唔知幾時至會死 ....

天九兄，死及幾時至會死皆不可怕，最怕係死緊頭嗰陣時，先至後悔點解自已一早唔醒啲，搞到咁死法，又或死得咁辛苦。

所有動物之中，只得人類才識得怕死。何解？皆由於我哋識得後悔。亦因此，人類才俾其它動物優勝。明乎此，我哋就要利用這種特有天性，在不幸事件未發生前，話俾自己聽，唔制，搏唔過。

又係鬼子佬教落：「Don’t take a chance, make a choice! 」。

引用:

原帖由 mtpen 於 2010-9-12 17:03 發表


天九兄，死及幾時至會死皆不可怕，最怕係死緊頭嗰陣時，先至後悔點解自已一早唔醒啲，搞到咁死法，又或死得咁辛苦。

所有動物之中，只得人類才識得怕死。何解？皆由於我哋識得後悔。亦因此 ...

mtpen 學兄，任何生物都怕死的...這是本能來的，豈會獨是人類呢！

" 假如我不是我，我會是甚麼？" 是一條魚？一隻貓、是一棵樹或其他？

任何生物，都是由地球上的資源來組成...今天我的驅殼及生命，都是在地球上借用得來...

終有一天，定要交還出來讓它接收，及循環再造....死何足懼哉！

引用:

原帖由 天九 於 2010-9-12 19:46 發表


mtpen 學兄，任何生物都怕死的...這是本能來的，豈會獨是人類呢！ ...

可能我的用字未能夠寫出我所表達之真正意思，即詞不達意，歉甚。

我所指之人類怕死，非動物自然反應那種，而是在無即時迹象或未發生死亡威嚇時，仍感到担心、害怕那種。

天九兄所言非虛，若然無悔，確是死不足懼。

凡事應該適可而止，說的與標題怕已扯的太遠...

60年代在大坑東的六座，有單車租，有車仔麵，更有賭博的玩意。

印象深刻是我在此學會踩單車，實覺興奮。

也記得68年在一次放學，行了海棠路的中樓梯(即協同中學與女青年會中間)，

落去六座吃車仔麵，(因嗰日屋企無開飯) 吃完後，還剩下兩毫子；姑妄又試睹一下輪盤，蝦！竟然一下注就

讓我中了一賠12的號碼來。嘩！我看着那老闆的表現，真的令我印象深刻.....佢碌大對眼望着那輪盤的箭頭指着的號碼，

呆了一秒，便無奈地賠錢給了我....話時話吖！贏多了兩個二，夠我一個星期使用咯！仲唔雞咁腳走咩！

前輩們有否記得巫山園?

巫山園，很熟...但都記不起在那一隅？

基本上，我都好少幫襯大坑東的食肆...

有，都係76年幫襯過南山邨的華仁餐廳...一次咁大把。

引用:

原帖由 天九 於 2010-9-13 11:07 發表
凡事應該適可而止，說的與標題怕已扯的太遠....

很抱歉，小弟才疏學淺，未能我手寫我心，以至詞不達意，令天九兄未明小弟何所指。

不如我舉以下我「怕死」嘅例子，試吓可否令老兄明白我想表達之所謂「怕死」為何物：


我回流香江，有两樣嘢我特登唔做。一，我唔攞回鄉證；二，我唔換香港駕駛執照。

唔攞回鄉證，係費事自己脚痕，忍唔住返咗大陸玩，食錯嘢食瓜咗。講開又講，香港人有精神分裂症嘅，呢頭話人哋運落嚟啲食物有乜有物，嗰頭自己又躝番上去食人哋啲有乜有物嘅食物，依家解放軍用槍指住押你上去�謘H

至於話唔換香港駕駛執照，係費事有日手痕，忍唔住揸吓車玩，出咗事就瓜得。香港地隨街都係劉翔跳欄高手，佢噗一聲突然間响路中間跳出嚟俾你隊中佢，跟住有個仇富嘅亞伯仲同差人叔叔頂證你咁話：「我就見唔到個哥哥跳欄，我淨係見到個哥哥過馬路行慢咗啲啫，咁就俾個司機撞到咁嘞！」。咁就一褲都係，洗定籮柚兼申請定破產穩陣啲。

我認我好「怕死」呀，所以我祇想唔使咁快死，及唔想死得好慘，於是常常 remind自己，乜嘢係可為，乜嘢係不可為，唔任性，識得趨吉避凶。

至於天九兄說小弟之話題與標題怕已扯的太遠... 小弟亦同意，有時講多咗，就當題外話好了。

我開筆時已知自己老懵董，所以自稱為懵董筆。某日路經老何此地盤，見咁熱鬧咪入嚟吹吓水囉。諗住大家九龍仔舊街坊，出身相近，年紀相近，一邊緬懷吓過去，一邊感懷吓身世，亦想藉此交流吓心德咁啫。心諗日日齋講九龍仔，邊鬼度得有咁多嘢講吖，你估何老响隔離講股日日新鮮咩？

兼且小弟發覺，响網絡世界，一個能夠長存嘅 forum，若然標題太過狹窄，往往不能長存。縱可長存，亦因 visitors 太少而淪為殭屍 forum 而矣。不幸沉咗落底，好難起得番身嘅。有見老何此標題有此危機，自問亦很珍惜此 forum，希望噏東話西，搞吓氣紛唔使咁悶咁啫。故萬望各有心人士，鼎力保持此 forum 人氣，好讓九龍仔舊街坊有碇聚吓脚。

小平同志講得啱，唔理白貓黑貓，能 keep 住九龍仔呢個 forum 令佢 up and running 就係好貓。

小弟亦按天九兄之提點，凡事應適可而止。

[ 本帖最後由 mtpen 於 2010-9-13 17:05 編輯 ]

引用:

原帖由 mtpen 於 2010-9-13 17:00 發表

小弟亦同意，有時講多�驉A就當題外話好了。...

其實我好後期先搬到此區附近，所以好有興趣知悉到底此區以前係點，為何豪宅會與公屋 / 木屋 一街之隔 ？

但是更加有興趣的是，當時的人 / 景 / 情。如我在另一帖所言，各 50 前都是有經歷的人。經歷年輕 / 成長時的劫難, 他們的人生觀又會如何。

讀大學時，8 掛選藝術欣賞，教授說，1 件藝術品，如果無情，不能打動人心，作家技巧如何卓越, 始終不能傳世。

[ 本帖最後由 suewong 於 2010-9-13 23:23 編輯 ]

引用:

原帖由 天九 於 2010-9-13 11:07 發表
讓我中了一賠12的號碼來。嘩！我看�茖漲捘顗漯穛{，真的令我印象深刻.....佢碌大對眼望�茖瑤�盤的箭頭指�茠爾厭X，

呆了一秒，便無奈地賠錢給了我....話時話�魽I ...

以前 d 生意人，好像老實 d。

引用:

原帖由 mtpen 於 2010-9-13 17:00 發表


很抱歉，小弟才疏學淺，未能我手寫我心，以至詞不達意，令天九兄未明小弟何所指。

不如我舉以下我「怕死」嘅例子，試吓可否令老兄明白我想表達之所謂「怕死」為何物：


我回流香江，有ߐ ...

mtpen 學兄，寫得一手流暢文筆，是有目共睹；何必自謙呢？

自覺筆走至此，漸已流水行雲，未為美事也......

好！就嚟一嘢口語化喇！

細佬我出世到依家，都未曾知道大陸喺邊呀！67年暴動，通街波蘿，攪到我被困港島八小時，返唔到九龍，佢老味！

三十四歲之後嗰五年，揸車出街唔夠十次，四十之後，打死我都唔再揸車，牌費貴，汽油又貴，保險仲貴！坐的士好過！Abc

引用:

原帖由 flowingwater 於 2010-9-13 12:24 發表
前輩們有否記得巫山園?

位於 7 ..,8 座那茶樓 ?
此 post 之前應有提及
老闆就妮像是姓巫的

再行入 d 就是另一家叫 "南華"
規模好似較大

引用:

原帖由 天九 於 2010-9-13 14:16 發表
巫山園，很熟...但都記不起在那一隅？

基本上，我都好少幫襯大坑東的食肆...

有，都係76年幫襯過南山邨的華仁餐廳...一次咁大把。

天九兄 :
是大坑西的華人酒家嗎 ??

引用:

原帖由 flowingwater 於 2010-9-13 12:24 發表
前輩們有否記得巫山園?

記得,4A巴士站旁邊間飯店.有海鮮吃

引用:

原帖由 mtpen 於 2010-9-13 17:00 發表


很抱歉，小弟才疏學淺，未能我手寫我心，以至詞不達意，令天九兄未明小弟何所指。

不如我舉以下我「怕死」嘅例子，試吓可否令老兄明白我想表達之所謂「怕死」為何物：


我回流香江，有ߐ ...

小弟略懂佛法,其實並不用太擔心生死之事,因果報應這玩意並非我們所想可以逃避的,前世業力會對今世作出控制影響,要還的時候就要還,除遇而安,抱一慈悲心,萬事吉祥.

真係唔記得巫山園喺邊？

7同八座係並排，而中間就有條路行入去九座...係咪嗰度呢？

華人酒家？唔係噃！記得有次同女朋友喺旺角，唔知為乜嘈起嚟...

跟住佢行咗返屋企，我越諗越覺得又係我唔啱，但又唔認衰仔，索性返宿舍.....行去搭車嗰段路，

思前想後.....諗吓諗吓.." 喂！你無嘢呀！佢係妳至愛嚟架！咁都唔就佢..."

諗到呢度...英雄主義又嚟..." 唓！.理得佢..."

喂！喂！喂！唉！去追番佢喇！死蠢英雄........就咁企係條街思想鬥爭咗...半粒鐘有多。

無計喇....鬼叫你愛佢咩！於是乎，即刻搭小巴去到四、五座，咁啱有人落，又咁啱見到佢嘅背影行緊....

我即時飛奔落車，上前拖住佢隻手，跟住講咗一句：係我唔啱囉！sorry 呀！(又會行得咁慢嘅，妳5呎6吋高對脚咁長....？？？)

跟住我哋就行咗去嗰間華人定華仁餐廳嘞！......我同佢飲凍鴛央同檸檬水.....酒家？？？唔係啩！

HI! 各位网友,剛找到1993年在大坑東,桃園附近的照片,當時又一居剛建造中,大家可重温一下,能否看到舊日影子?
雖然照片看來與現在差不多,但仍有一些建築可依稀可辨認.

各前輩本人小時候住過九龍塘模范村•苦尋多年未獲照片半張,希該各大德能給予我一絲希望

1042帖,     頂1頂癮.  順便818問��, 你祖上是否住九龍城寨一帶。

在五十年代初方濟會會士在九龍塘模範村開設的模範村天主教小學。

[ 本帖最後由 老何 於 2010-9-15 13:36 編輯 ]

天稱架位置就是當年洗玻璃樽工埸，曾經有段時期(暴動前)洗玻璃樽工埸傍邊有挖薑工埸，圖片左手邊救世軍傍是出入東坑里，萬山里，榕光里通道。

HI!
各位兄台,刚找到93拍的大坑東附近的照片,看看有沒有舊日的踪跡?

引用:

原帖由 suewong 於 2010-9-13 18:11 發表


其實我好後期先搬到此區附近，所以好有興趣知悉到底此區以前係點，為何豪宅會與公屋 / 木屋 一街之隔 ？

...

今日之又一居是以前朱牯仔清拆后所建,這里有1993年建造時的照片.

MTPEN 兄說得對,大家保持九龍仔的熱情,可以讓各位懷舊也是好的,但是都要找一找相關話題,才會令各位不致失去興趣,我找了在1993年的大坑東的照片,但未能上傳,縮小大小也不行,要令想辦法!
這些照片,希望有話題可以與各位交流一下.

HAOCHANG 兄在照片左邊的圓形建築如果頂部整個像飛碟就應該是救世軍對面的公園仔遠處是否七層大厦的舊A座？另一面有兩間冰室(現叫茶餐室)一名潘記傍的名奇宛.

老何前輩:感謝!小弟76-79住過模範村,之後搬左去城寨,在城寨時候也經常回模範村探望祖父母,直至90年遷拆,對此村今生難忘!

各位网友:

     我找了1993年的大坑東的照片讓大家看看有沒有舊日的痕跡.