講起美麗宮又想搭口,
其實呢間戲院一度從小弟記憶中消失咗,
後來一次同人噴口水提起細時住大坑西,
竟有人問係咪即係美麗宮嗰度,
D記憶先突然出翻嚟!

最記得D鄰居大朋友帶小弟去睇龍爭虎鬥,
當時乜都吾知,
識石堅吾識李小龍,
睇到洽眼瞓!
因為其實志在食爆谷!

引用:

原帖由 mtpen 於 2010-8-20 09:58 發表


多謝 Haochang兄之美麗宮舊址新照。我有十二年冇去過九龍仔了，當時是離港六年後首次再踏足香江，亦不知六年後會回流大把時間睇。當時正一死人尋舊路，惟老妻對我舊史不感興趣，�a�a地看看母校大坑東 ...

飯票又是常提起前事，可能因為年齡 / 家境 有距離，覺得好新鮮，幾得意。

..............

引用:

原帖由 小師弟 於 2010-8-19 22:39 發表 我早前有影過附近的照片，再加上一張有關“水喉頭”的相。

小師弟這幅相令小弟勾起無限童年回憶。

50年初家父家族生意失敗後，我與姊姊往澳門投靠住在雅亷坊之伯娘，住了三两年後返港與家人會合，一家人於1956至1958年間租住於大坑東七層大厦C座 (後來叫12座)七樓585室，水喉位對出第一間，亦即相中有個小朋友嗰度。

佢哋打緊牌嗰度係大厦两翼正中間十字通道，風扇捱住呢邊係公共浴室，對面左邊係公共厠所。我係佢哋就唔鍾意响嗰個三殺位度開枱嘞，啲人响背脊挹挹攁攁騷擾我做牌，轉角樓梯旁大把位，都唔知貪嗰度乜嘢好。可能貪嗰度光猛啲又駁到浴室燈位開風扇掛！

睇嚟打緊牌呢幾位亞叔應該係姓馮嘅，仲好老添。

[ 本帖最後由 mtpen 於 2010-8-22 16:08 編輯 ]

我係住另外一邊既第一家,即浴室既另外一邊
那時浴室好多道友

mtpen 兄 : 你唔好見怪就真

話時話, 今日又到 7 月 14, 以前既熱鬧而家都蕩然無全

好彩石硤尾仲有做戲, 過 2 日去睇下先

[ 本帖最後由 him4466 於 2010-8-23 12:14 編輯 ]

引用:

原帖由 him4466 於 2010-8-23 12:08 發表
我係住另外一邊既第一家,即浴室既另外一邊,那時浴室好多道友

Him兄當時居於那一座？又於何年呢？我們會否曾是隣居或樓上樓下呢？

還記得家家户户久不久要楝床板捉木蝨嗎？你曾否被木蝨咬過呢？

我摷到張 1966舊地圖俾大家睇吓，當時大坑東七層大厦仲用緊ABCD…座。其實幾時先改用1234…座呢？

我住第一座的, 68 年開始
捉木蚤就未試過, 記得夏天晚上出走廊訓帆布床

我住十一座五樓198，近官小山邊第一間，背面是樓梯上落位，道友食白粉是見慣，轉角位是我的床位，無落雨就可以訓天光，否則半夜要走入屋屈身，一家十口怎住，在再徙置到南山村前到深水�鶡竁L幾年，天氣好要用熱水洗床板清木虱，用爛膠水桶當水花洒，在浴室沖涼。在兩個水喉頭中間通道，潑肥皂水做滑浪。晚間怕入�菮牷A因為好多怕怕的大“小強” ，它隨時會飛過來，擔水真係好遠。

引用:

原帖由 小師弟 於 2010-8-24 23:47 發表
我住十一座五樓198，近官小山邊第一間，背面是樓梯上落位，道友食白粉是見慣，轉角位是我的床位，無落雨就可以訓天光，否則半夜要走入屋屈身，一家十口怎住， ...

小師弟嘅童年苦况，感同身受。我哋嗰個年代之事，只有我哋呢啲老鬼先有共鳴，老何呢個 forum 啱我哋。

大家有否見過有隻會飛嘅昆蟲，形狀似飛蟻，但體積大得多，有成半吋至一吋長，紫色，在陽光下發出紫金色，好靚仔，個頭有一對鉗，所以冇人敢捉��嚟玩，怕俾佢咬，但我未見過佢咬人，亦唔會入屋。我哋叫�鑒y鐵甲將軍。

離開七層大厦後至今未再見過，無論在港各區或世界各地。

是否有另一叫法"金龜子"?
我小時候用線縛著佢NE飛.

引用:

原帖由 flowingwater 於 2010-8-25 11:15 發表
是否有另一叫法"金龜子"?
我小時候用線縛著佢NE飛.

流水兄所指之金龜子是否金红色，好似水曱甴咁嗰隻？又或似臭屁lart？

老何兄,你保存的資料真是難能可貴,我是在萬香圓長大的我家後面是雞公山山腳一座天主堂我們和西平巷十分近何B(即何守信)小時亦在那裡住過.老兄是否亦住在附近?

前輩..如圖
近十幾年都冇見過有細路玩呢d野.

引用:

原帖由 Jackchlee 於 2010-8-30 04:30 發表
老何兄,你保存的資料真是難能可貴,我是在萬香圓長大的我家後面是雞公山山腳一座天主堂我們和西平巷十分近何B(即何守信)小時亦在那裡住過.老兄是否亦住在附近?

歡迎到此

你睇完32個pages就會發覺各版友都難能可貴 , 老何生活於九龍仔時間很短, 但有愉快的記憶,
雖則小何當年家境比同期小友稍優,但大家嬉戲玩樂於山水間全無芥蒂, 於今難覓。
見各論壇, 書刊,少有關於九龍仔的, 才開此話題, 拋磚引玉, 望能於此得聚各方街坊, 一說當年。

小何居於下圖籃框頂樓, 但藍框內有兩層, 是老父物業. 該樓現稱桃園, 前名榕園, 花園內種有數榕,
乃家父與友人們合股購地而建, 分得兩層, 後家境遇變, 被迫售而他遷, 後來如何變成上圖現狀, 已不甚了了.
下圖多謝kintsun上帖, 記得老父於天台拍攝了數張週邊景貌, 惜因數遷, 家藏照片已不知所��, 憾焉！

在这里的网友大都是在九龙仔生活过,我们都是有缅怀童年的回忆,共同话当年以让后人曾知道这段历史,你也说说你当年在万香园的情况,也给大家回忆一下好吗?
如果你有照片那更好,上传给大家分享吧!

各前輩本人小時候住過九龍塘模范村•苦尋多年未獲照片半張,希該各大德能給予我一絲希望:bow::bow::bow::bow:

引用:

原帖由 flowingwater 於 2010-8-30 08:38 發表
前輩..如圖
近十幾年都冇見過有細路玩呢d野.

水兄呢隻嘢我都有玩過，貪佢冇殺傷力。鐵甲將軍個頭有一對鉗就冇人敢玩佢。

我哋嗰代窮，最大娛樂就係通山走，見到啲小昆蟲便就地取材玩餐懵。

细时捉和味龙,用幼绳绑脚,引它四围飞来取乐,不过有一次被它咬到,痛怕了不敢玩了!
现时巳没小孩玩这小昆虫的玩意.

还记得喜欢走上山捉金丝猫来斗,自制用专装金丝猫的合子(用灌木的叶),与其他小孩的金丝猫比赛,这与斗蟋蟀差不多,不过斗蟋蟀找好打的蟋蟀就不容易,听讲棺材蟀最好打善斗,但未找过,皆因小时无胆去山间的墓去找.
这些玩意相信80后的一代都很少机会玩.

引用:

原帖由 HAOCHANG 於 2010-7-29 23:38 發表
其实我们呢的杂闲人等小市民都无多少机会入到陆军球场,至多俾你上后边山头木屋望下来,作山顶下观!
尤其是7,80年代本地足球兴旺日子,陆军球场隔离是花墟球场,足球大战之日买不到球票入场,就走上山上看波,山顶都几热闹吓…...

Haochang兄話响山上睇波免費，但要走鬼�謘C因要保障門票收益，所以週不時會俾差人趕。

1956年時呢個陸軍球塲對上之窩仔山山丘仔中間好熱鬧嘅。當時大坑西街（俗稱Bian 山，即Bian過嗰山），尚未建成，莫講話美麗宮戲院前之窩仔街。想去大埔道，南昌街或深水埗碼頭，又唔想出大坑東道繞過陸軍球塲咁煩，其中一條short-cut係响棠蔭路J 座（後稱第六座）對上山上有條山路，隱沒於两邊木屋中間，沿途有舖仔賣豆腐花、崩大碗、涼粉及嘢食，又有公仔書租。

小時候用透明膠袋捉烏蠅，間中有時捉到螳螂，大隻飛蟲，就用線綁住隻腳任佢飛，用咸水草綁住個圓圈用來套新開張鋪頭的花牌的紙花，幾開心架因為無其野玩，拍公仔紙。還記得在十一座中間H位向官小方向，每天早上有一檔口專買�R頭�R尾，聽講係酒樓下欄野即是食剩的，甚麼都有，確是好味。

和味龍 (即水曱甴？) 玩完玩罷仲可以抄嚟食。佢哋最興圍住啲街燈打轉咁飛，呢個時候最多。

一邊捉和味龍，一邊等人燒衣，一邊齊齊叫：「燒衣唔撒錢，今晚俾鬼鏈！」。

和味龍 (即水曱甴),是的!
和味龍有人炒来吃,也是当年的时令小吃,不过现在好像不多见,返内地或会可吃到.
细时在烧衣节日晚,多去看人烧衣拜神,多数会洒钱,我地会当无本生利去拾零钱!好勤力四围去,
那时有1元几角收入,都几开心!!

引用:

原帖由 小師弟 於 2010-8-31 21:18 發表
小時候用透明膠袋捉烏蠅，間中有時捉到螳螂，大隻飛蟲，就用線綁住隻腳任佢飛，用咸水草綁住個圓圈用來套新開張鋪頭的花牌的紙花，幾開心架因為無其野玩，拍公仔紙。還記得在十一座中間H位向官小方向，每天早上有一檔 ...

用透明膠袋捉烏蠅呢家野, 早前表現比我侄仔睇, 睇到佢嘩嘩聲
另外走廊的牆裡常可捉到一種條尾有個鉗的小虫