小師弟兄：
原來你們住七層大廈的也有玩“斜斜”，用鎚來打平汽水蓋怎也不夠用火車壓過的扁和薄，用火車壓的方法真係快靚正，而且我家要去九龍塘那條火車軌也不太遠，另外中秋節我們自制的免費“探射燈” 燈籠真係好玩過紙燈籠，主要工具就是線轆和一隻鐵嘜，一條鐵線，一支長竹，就這麼簡單，由八月十四迎月，十五賞月，十六送月玩足三晚，至於臘玻璃線的方法我是這樣做的，首先去檢拾一些打爛了的玻璃，我會選光管玻璃，因比較薄，然後放在一個鐵罐內，用鐵棒“盅”到變成粉，再到瑪利諾神父學校對面那間文具鋪買牛皮膠，用另一隻鐵罐先把水煲滾，放牛皮膠煮，直至變成膠水，就加入玻璃粉攪勻，再用另一隻比較矮身的鐵罐在近罐底上少少開兩個小孔成一直線的，把要臘的線穿過兩個孔，把加了玻璃粉的牛皮膠水倒入罐內，把剛才穿過兩個小孔的線頭綁在樹身上，然後慢慢拉動線轆把要臘的線圍繞到另一棵樹，不停地打圈，直至要臘的線都通過那個矮身有牛皮膠水加玻璃粉的鐵罐，就算初步完成，再在陽光照射下直至那些黏有玻璃粉加牛皮膠水的線吹乾為止，最後用放紙鳶專用的線轆把灑乾的玻璃線收到線轆內，所以當要臘玻璃線時一定要揀風和日麗的好天日子才能完美地把濕透的玻璃線吹乾。不知小師弟兄你臘線方法又如何的制作？另我記得普通紙鳶最平，大隻少少的高莊貴些，最大隻和比較容易控制的叫馬拉，但價錢最貴，線轆最好買四記的。

杜友明兄：
小弟都年過半百，兩鬢斑白，跟你的記性差很遠很遠，幸好閣下還記得有那間雜貨店，而那神祕又少有與人溝通的X貴園，就算鐵閘沒有關上，我也不敢進去看看，閣下又另我想起那雞皮紙袋的事，小弟和家人也有穿紙袋繩賺外快，可是很多時候去到已給其他人取了大部份或全部紙袋回家穿蠅，所以能否穿紙袋繩賺外快也要講運氣的。請問閣下當年是住在那裡的？對蕉園環境好像比小弟還要熟悉，呵呵。

Sue 姐，小弟不想妳跟萬寧小妹妹爭拍廣告，所以還是稱呼妳為 Sue姐吧，如果妳個姨甥女見到飯桌上一條菜都冇，只有豉油一樽，白飯一碗，即是那餐吃淨豉油撈白飯佢會如何想像的呢？小弟除了吃豉油撈白飯慣了之外，有時會轉轉口味，因那時煮飯是用柴燒瓦煲來煮，餐餐都有飯焦，所以有時會用熱茶加飯焦來吃，味道還不錯呢。

MTPEN學長，原來我倆除了是師兄弟關係之外，也是九龍仔天主堂的教友啊，當年我經常都返教會學道理唸聖經，派麵條或其它食品那日更加早返教會，那就肯定可分到救濟品囉，至於成續表都唔使點鬥囉，我科科都係紅色，名副其實的滿江紅，哈哈。師弟SURE WIN 呀。

蕉兄，蕉園菜地的廢井天熱時有很多人跳落去游水，我也曾試過，有次游到累了，無力爬上來，險些兒掉了老命，幸好有其他人助我一把否則沒命。未知蕉兄有否嘗試過？
那間紙袋鋪住有四個人，男的分別是，姜生，羅生和師耶佬，女的街坊稱她為周師奶(後來搬去葵芳第五座)
我在木屋住了幾年，雖然每日早出晚歸，由於窮困，放假只在附近做八卦公，事過幾拾年，在此勾起一些回憶，雖是雜亂，但仍是真的片段。
我雖不是教友，可是天主堂的麵餅，大衣我也曾領過。

友明兄：
我相信閣下所指的應是菜地邊的那個四方井口型的水井，唉！我這個八厭星又怎會沒跳落去消暑呢，不過小弟也曾遇過比你更差的情況，是在猛鬼湖發生的，首先讓我解說芽菜村上面的湖為何叫猛鬼湖，據說那個湖差不多每年都有小孩遇事的，所以應該有好多鬼魂在那湖四周在找替身，所以叫做猛鬼湖，其實是否真的有這麼多猛鬼在湖的四周嗎？非也，那為什麼會有這麼多在這湖游水的小孩遇到不幸呢？原來在湖水比較深的地方有個抽水系統，把水抽到九龍塘供那些高級住宅淋花用的，當抽水系統打開進行抽水時，如果有游泳者在不知情況下，游近那抽水系統，就會被吸著，這樣就會發生不幸事件，以上傳聞如有錯誤，懇請指正，謝謝，所以每一位家長都不許他們的子女到猛鬼湖游水的，如果知道的話，那天肯定會藤條炆豬肉，但我們這些窮人，為了有免費的消暑活動，都會瞞著父母跑到猛鬼湖游水的，以小弟為例，不會帶多條褲，如常出門，到猛鬼湖後就一絲不掛的跳進湖裡作樂，其實可說99.9%都是男孩子在湖裡耍樂，大部份都是裸泳的，興盡後穿回褲子，就回家囉，那時小弟還未學懂游泳，只是在淺水的地方玩和捉山坑魚，有一天，好像在早上，小弟如常到猛鬼湖，當經過湖邊很深水的地方，突然一滑，快要跌落湖裡，當時湖上空無一人，自己又不懂游泳，心諗如果落了水裡就一定死硬，自己對自己說，千萬不要跌落水裡呀，於是兩隻手拼命抓緊湖邊的泥地，保持鎮定，雙手慢慢把身體向前抽，雙腳踏實泥地一步一步地向前推上，這樣經過幾分鐘，發覺已到達安全地方，可算死過番生，如果那次我不保持鎮定，今日已在另外一個世果囉，說來好奇怪，我不知何解自己滑腳快要跌落水時都能保持鎮定，還自己安慰自己慢慢爬上去就無問題架，雖然返回安全地時，雙手連指甲都滿是泥沙，但能執番條命都願囉，經過這次事件，再去猛鬼湖消暑時，經過深水湖邊時都會特別小心，真正見過鬼都怕黑。

小師弟兄：
不知閣下臘玻璃線的方法跟小弟的有差異嗎？希能告知。

引用:

原帖由 蕉園仔 於 2010-11-1 02:41 發表

九龍仔天主堂的教友啊，當年我經常都返教會學道理唸聖經，派麵條或其它食品...

初初天主堂仲有麪粉派，亞媽同我將之用火爐仔煎薄罉去瑪利諾神父小學個地盤前擺賣，當時應該係1956年該學校正在建築中。

麪包皮响我哋當時嚟講乃美食，我大老响A座(14座)間冰室做過一陣童工，久唔久都有攞到啲返歸俾我哋食。

引用:

原帖由 蕉園仔 於 2010-11-1 02:41 發表
Sue 姐，小弟不想妳跟萬寧小妹妹爭拍廣告，所以還是稱呼妳為 Sue姐吧，如果妳個姨甥女見到飯桌上一條菜都冇，只有豉油一樽，白飯一碗，即是那餐吃淨豉油撈白飯佢會如何想像的呢？小弟除了吃豉油撈白飯慣了之外，有時會轉轉口味，因那時煮飯是用柴燒瓦煲來煮，餐餐都有飯焦，所以有時會用熱茶加飯焦來吃，味道還不錯呢。

...

所以不是涼薄 / 老餅, 現在的年輕人, 埋怨人工低, 無前途, 買唔起樓. 點淒慘, 都不及前輩們, 衣食不足...

引用:

原帖由 蕉園仔 於 2010-11-1 02:41 發表
Sue 姐，小弟不想妳跟萬寧小妹妹爭拍廣告，所以還是稱呼妳為 Sue姐吧，如果妳個姨甥女見到飯桌上一條菜都冇，只有豉油一樽，白飯一碗，即是那餐吃淨豉油撈白飯佢會如何想像的呢？小弟除了吃豉油撈白飯慣了之外，有時會轉轉口味，因那時煮飯是用柴燒瓦煲來煮，餐餐都有飯焦，所以有時會用熱茶加飯焦來吃，味道還不錯呢。

...

所以不是涼薄 / 老餅, 現在的年輕人, 埋怨人工低, 無前途, 買唔起樓. 點淒慘, 都不及前輩們, 衣食不足...

引用:

原帖由 蕉園仔 於 2010-11-1 14:47 發表
友明兄：
我相信閣下所指的應是菜地邊的那個四方井口型的水井，唉！我這個八厭星又怎會沒跳落去消暑呢，不過小弟也曾遇過比你更差的情況，是在猛鬼湖發生的，首先讓我解說芽菜村上面的湖為何叫猛鬼湖，據說那個湖差 ...

蕉兄臨危不亂....

因為是女, 所以阿媽唔俾週街走. 無哩 d 驚險...

引用:

原帖由 mtpen 於 2010-11-1 14:49 發表


初初天主堂仲有麪粉派，亞媽同我將之用火爐仔煎薄罉去瑪利諾神父小學個地盤前擺賣，當時應該係1956年該學校正在建築中。

麪包皮响我哋當時嚟講乃美食，我大老ࡺ ...

麪包皮响我哋當時嚟講乃美食----

引用:

原帖由 suewong 於 2010-11-1 16:46 發表

所以不是涼薄 / 老餅, 現在的年輕人, 埋怨人工低, 無前途, ...

黃小妹講開前途，我哋個嗰年代，邊有學人講乜鬼嘢前途啫。

正一見步行步，唔理好醜，最緊要有工做，�M家咪又去到羅馬！

前輩就好已去到羅馬
我就只到羅湖...還有一大段路要走.

引用:

原帖由 suewong 於 2010-11-1 16:46 發表


現在的年輕人, 埋怨人工低, 無前途, 買唔起樓. 點淒慘, 都不及前輩們, 衣食不足...

其實前途呢味嘢好主觀啫。你冇理由種豆想得瓜�瞴C

好似小弟我咁，自知出身唔好，讀事書唔叻，做嘢唔醒，我冇理由妄想前途會好似曾凸手又或李+ × 咁�瞴A否則便是佛家講嘅「貪」與及不自量也。

人有人，你有你，各人做化不同，自量最重要。At the end of the day 我有今日咁嘅結局，經已 more than happy 了，我話我自己已經係有前途咪得囉，雖然我外母到佢死嗰日都唔同意。

人不知而不慍，不亦君子乎？

引用:

原帖由 flowingwater 於 2010-11-1 17:15 發表

前輩就好已去到羅馬 我就只到羅湖...還有一大段路要走.

Don’t worry, mate!  

我好似你咁嘅年紀，我都估估吓�謕Q，我都冇諗到可以好似�M家咁呢！

樣樣嘢都要 take time �赯嚏A唔使急喎，照住條大路行喇！

引用:

原帖由 mtpen 於 2010-11-1 18:36 發表


我話我自己已經係有前途咪得囉，雖然我外母到佢死嗰日都唔同意。  ...

貴外母心頭都好高喎!!!

理工畢業, 識德文 / 英文. 97 前又可以移民...

引用:

原帖由 suewong 於 2010-11-1 21:24 發表


貴外母心頭都好高喎!!! 理工畢業, 識德文 / 英文. 97 前又可以移民...

黃小妹咪笑我喇！

正途唔係咁�謘I冇計先至用旁門左道啫。

我唔係想互相推許，小妹咁嘅 quali 先至係正途。正如我死鬼外母曾贈我：「你好命！」。佢冇講錯，我之有今日，係於特定時空、政局、機缘而衍生出嚟，妳叫我再做一次都做唔番。  

我唔係想對長輩不敬，惟是為是，非為非。人在做，天在看。還有大家網友在看，好就與人分享，唔好就勸人咪制。做義工或善事响網度都做得，唔使四圍騰�謘C

我老妻做女嗰時，見佢亞哥同細佬唔使做家務，問外母點解？

外母話解咗隨山走，仲狡辯話第日娶咗老婆有老婆做。

祖先不開眼，两個新抱都姓馮嘅，仲好老添。食飽飯两個剩係識得各自俚埋房，由得两個仔輪流洗碗，肉都赤埋。

老妻冇有識死，潤外母乜又話啲仔唔使做嘅，答曰：「唉！�M家世界唔同咗喇！」

唔銅就鐵，自己係女人，俾人蝦咗成世，都繼續咁蝦自己啲女，悲劇！

我記得幼稚園時睇粵語長片.
家婆用藤條打新抱.
當時覺得做人新抱甚艱難.
後一代唔洗受皮肉之苦.係咪相對可以叫好D???

引用:

原帖由 flowingwater 於 2010-11-1 22:08 發表

家婆用藤條打新抱.後一代唔洗受皮肉之苦.係咪相對可以叫好D???

家婆根本冇權打新抱，此乃恰人文化，要批鬥。

反之亦然，我絕不贊同我老妻两個姑仔之所為。

我在諗，點解佢兩個新抱會咁對佢呢？無它嘅，因為你平時之所作所為令佢俩知穿你乃無知婦人，佢哋睇你唔起，話之你係老佛爺，所以掉轉頭恰番你。

蕉園仔兄：
臘玻璃線的方法基本上一樣，抱歉地多數幫隔壁的哥哥做過線的工作，用線轆收線，
我住在D座5樓近橫邊，近官小，有時走到上7樓放，你知道C座及D座正好飛機航道，所見的飛機大到差的摸到，嘈到好勁。紙鳶飛得好高，�郅藀n好玩。
後期話不准放，但都有人照放。對蕉園印象不深，小一7歲於香島隔壁好像在二樓的“聖育”
讀，後來到棠蔭街寶安。早餐麵包邊都食得多，哥喇，汽水餅，豬油飯，最正由天主堂取回的上海麵條，加豬油榨，正。一煮就幾伙人一齊食。

引用:

原帖由 蕉園仔 於 2010-11-1 14:47 發表

首先讓我解說芽菜村上面的湖為何叫猛鬼湖，據說那個湖差不多每年都有小孩遇事的...

睇焦兄寫之童年往事，好似睇緊 The Adventures of Tom Sawyer，請繼續！


等老何兄去完重慶掘金返嚟，佢一定會 filing 呢段珍貴嘅歷史見證的。  

我唔係唔知有猛鬼湖呢撻地方，但我從來冇去過。我唔係怕嗰度有鬼咬我，而係怕返到屋企俾亞爸亞媽知道後我會變鬼啫，佢哋實殺咗我。

引用:

原帖由 mtpen 於 2010-11-1 22:03 發表


黃小妹咪笑我喇！

正途唔係咁�謘I冇計先至用旁門左道啫。

我唔係想互相推許，小妹咁嘅 quali 先至係正途。正如我死鬼外母曾贈我：「你好命！」。佢冇講錯，我之有今日， ...

90 年代初, 我讀 part-time master, 當時香港工作環境 / 時間, 冇而+咁惡劣, 2 年內, 都走剩一半同學.

同事放工去打波 / 睇戲, 我就 1 星期返 3 晚學,其他時間做功課, 個 種感覺...當時我單身, 已經不須顧慮另一半...

所以我覺得半工讀成功的人, 紀律/ 向上心, 都比順利 / 讀full-time 的人強.

p.s. 飯票都是讀 part-time master的...

引用:

原帖由 flowingwater 於 2010-11-1 22:08 發表
我記得幼稚園時睇粵語長片.
家婆用藤條打新抱.
當時覺得做人新抱甚艱難.
後一代唔洗受皮肉之苦.係咪相對可以叫好D???

眼見是新抱虐待家婆添. 水哥, 你第日唔好俾水嫂咁做呀...

我成日都慶幸出世遲, 識揀地方出世...

我驚係水嫂咁對我..

引用:

原帖由 suewong 於 2010-11-2 16:58 發表


90 年代初, 我讀 part-time master,同事放工去打波 / 睇戲, 我就 1 星期返 3 晚學,其他時間做功課, ...

所以我話黃小妹妳醒就係咁解，當時個個發緊夢，而妳肯犧牲玩樂，家陣咪可以印印脚囉。

其實 93 年我移民英國時，香港真係好易揾食。我仲記得部門有個馬臣（Messenger)會考冇科及格，佢居然考到入一間中資銀行做 Teller，仲成萬蚊一個月人工，Good! Isn't it?

引用:

原帖由 mtpen 於 2010-11-2 20:58 發表


所以我話黃小妹妳醒就係咁解，當時個個發緊夢，而妳肯犧牲玩樂，家陣咪可以印印脚囉。

其實 93 年我移民英國時，香港真係好易揾食。我仲記得部門有個馬臣（Messenger)會考冇科及格， ...

我的經驗, 引証有咁耐風流, 有咁耐...

80 年代尾 / 90 年代初, 是打工仔, 尤其是政府 / 資助機構 專業人士的黃金時代.

當時 係 office 日日坐, 冇 mud o野做. 我得閒到學埋其他 unit D 野, 成為部門既萬能女俠,  覺得好悶, 捱唔到退休,   於是去讀書, 等自己唔好咁 hea...

如果唔係衰身痕,  讀master, 跟住衰貪心, 攞獎學金, 去外國讀博士, 而加仲係長工. 就算 90 年代到現在, 冇升職, 都 7 / 8 萬一個月 (唔計 housing), 唔使過去 10 多年, 合約工, 做到氣 cut, 睇盡人情冷暖 / 人性險惡....

亞哥 / 家姐 / 飯票 都話, 有得揀, 佢地寧願我一世都活在溫室��, 唯有安慰佢地, 我既生活 / 經歷, 比其他 Engine 人 多采多姿...

MTPEN 學長：
原來閣下咁孝順和聽雙親的說話，知道有猛鬼湖這個地方，為了不使雙親擔心，竟能抵擋那可免費游水也可捉山坑魚好玩的地方，學弟佩服得五體投地。
請問學長當年還在大坑東官立下午校讀書時教英文的是男或是女教師呢？
學弟那年教的是一位男老師，好像是性霍的，呢個老師都特別囉，每次上堂時拿著本英文書照讀，當行到一個個子比較高而又幾靚的女同學前，就用手“滅” 下佢個面珠dun, 佢老板丫，一堂都唔知“滅” 左個女同學幾多下，我真係睇唔過眼，可惜當時細個，唔敢出聲，唯有希望佢個女第日上堂時又被其他老師“滅” 到面腫腫才放學回家，等佢自食其果。

Sue姐：
相信妳兒時一定不知道那些方飽皮是會有人買來吃的，你估我們不想吃去了邊最靚的方飽嗎！那實在是不可能的事，窮人無錢只能吃外皮囉，鬼叫自己窮咩！記得有一年快要過農曆新年時，知道又有得燒炮仗囉，心裡又開心又有少少唔開心，因為家裡給我的利事錢只能買很少和最平宜的炮仗，那些好玩的龍吐珠，雙響炮，火箭炮一定無能力買，但自己又好想買來玩，怎麼辦呢？想來想去，個天一定唔會像落雨咁落下鈔票啦，唯一方法是靠自己，哈哈，突然想起用小本博一鋪，計過賺的機會好大，於是馬上 take action, 首先到紙札鋪買一張大紅紙，回家後躲上閣樓，把剛才買的大張紅紙裁剪成很多張細少的長方形紙仔，再在書包拿出毛筆和墨盒，在每一張紙上寫上兩個字，大家回憶一下在當時年三十晚吃過團年飯後，是否每隔一段時間就會有人上門大聲說財神到，然後會送上寫上財神兩個字的紅紙仔，對嗎？團年飯後至午夜十二時前會接最少幾張財神的，那時的人好迷信，有財神到又怎會不接的呢，所以我寫了很多張財神紙仔，在吃過團年飯後，偷偷地袋著財神紙，跑到離家很遠的地方開始我的以小博大生意，果然不出我所料，那晚生意極皆，所有財神紙很快就派完囉，但我條褲個袋就漲卜卜，雖然大部份都係斗零，但山大斬埋有柴，那年新年，呵呵，什麼龍吐珠，雙響炮，火箭炮都可手到拿來，玩過痛快，所以有時想要得到一些心頭好，不要隨便怨天尤人，自己動下腦筋，也會得到的。請問 Sue 姐兒時有冇燒過炮仗呢？

引用:

原帖由 小師弟 於 2010-11-1 23:08 發表

臘玻璃線的方法基本上一樣，抱歉地多數幫隔壁的哥哥做過線的工作，用線轆收線，...

小師弟同焦兄，你哋就好喇，有錢買紙鳶玩。

我除咗執到你哋介斷咗人啲鳶又或撈到掛响樹上嘅之外，只得企响側邊睇人地玩，乜嘢馬拉、高裝，流晒口水。

高檔嘢冇得玩，唯有自制棺材仔玩。用張 A4 size 紙，摺成 U 形，加條尾一吋濶，呎許長，一樣飛得起，不過唔會太高，都聊勝於無。

[ 本帖最後由 mtpen 於 2010-11-2 22:53 編輯 ]