引用:

原帖由 大隻西 於 2009-9-8 00:28 發表
很少人提及的北京道新聲戲院。


1112617

I remember Sands Theatre !  新聲戲院我記得, 也幫襯過, 印象中不錯, 是不太旺吧了.  最近無去 Peking Road,  HMV  舖仍舊在嗎 ?

引用:

原帖由 理魯竇 於 2009-9-5 17:53 發表


小時候，去飲茶係一種好奢侈的消費，
老豆都無錢帶我去飲茶，
印象中曾經試過去拜祭完一個鄉親會公墓後，
鄉親會就請晒所有拜山人士去廣州酒家，
淨係每人飲杯茶、食件西餅，
但都不知幾高興。

係呀，我哋細個既年代，是戰後不久，搵食仲好艱難，去飲茶係相當奢侈的消費。
不過先父有鋪茶癮，每朝早都要去嘆其一盅兩件，否則周身唔聚財。佢消費亦唔算高，開黎拿住（即五毫子）而已。一個月都係15蚊。
我細時每年都會去廣州酒家飲幾次茶，因我姨母住中環，每次去探佢，她都會帶我哋去飲茶；除了陸羽、月宮外，廣州是最常去的一間。記得廣州酒家好像有三層樓，每層都好大好大（記得是十幾個單位打通）。轉眼又係五十年前事了。

PS：廣州的舊址即現在石塘咀山道業昌大廈（我有老友居此）。

[quote]原帖由 老搜 於 2009-9-6 00:14 發表

自小家住鑽石山, 國寶戲院係賣飛佛, 當年在該院所放映嘅公餘場, 很多都看過了. 尤其是 dw194711兄 述及的電影, 確實經典,令人難忘.而其他印象深刻的電影諸如夢斷城西, 龍城殲霸戰, 魂斷藍橋等等....  真是百看唔厭.
另國寶戲院公餘場亦時常放映一些莎莉麥蓮傻大姐嘅電影, 老搜都極為喜愛!
當年國寶戲院提供了唔少嘅亷價公餘場, 造福我輩. 但遣憾的是每當散場走出戲院一剎那, 觀眾總覺得個頭痛楚及暈眩相信很多觀眾都有此同感, 而當年這種情況在很多戲院都會發生. 後來有朋友告訴我, 這是因為院內冷氣唔足夠, 負責人索性將輸入院內嘅街溫鮮風關閉了, 提升冷量, 但此舉間接造成了缺氧.
然而現今的戲院在冷氣系統設計上已顧及到此點了.

真的還有很多經典電影都忘了，沒有提及，多謝搜兄補充！
傻大姐嘅電影, 小弟亦極為喜愛!
當年看戲出來，有時也會有頭痛及暈眩的感覺，搜兄唔講我都忘記了，更唔會知其原因。再謝！

引用:

原帖由 hkgalbert 於 2009-9-7 00:59 發表
挽叻縣，石龍軍馬路，廣東人社區，「皇子戲院」，即「本頭媽廟(谷雞媽)」斜對面，是隆路口，兒時老母聽粵曲的戲院，現在變成春宮電影場，然而門外多了一檔「豬肉粥」，老闆娘還講著40年代的廣州話，若走過吃一碗吧！ ...

聽到你講那些粥，當堂流晒口水。所以我老婆（佢個面未黃）叫我做粥袋，因我最鍾意食粥，多多都食得落。
老人家提到呢間戲院，雖然我去過泰國兩次，我真係一無所知，全無印像。

引用:

原帖由 大隻西 於 2009-9-8 00:28 發表
很少人提及的北京道新聲戲院。


1112617

我好記得新聲戲院，幫襯過啦。印像最深刻果次，就係1963年去睇玉婆伊莉莎伯泰萊主演的大製作  Cleopatra (埃及妖后)。

引用:

原帖由 manxcat 於 2009-9-4 16:53 發表
碧麗宮，入坐後即使有人經過都唔需要縮腳，坐得好舒服。

cat兄，醒你一張


[ 本帖最後由 dw194711 於 2009-9-8 14:34 編輯 ]

.............................

.................

碧麗宮的座位又闊又大, leg room 又夠長, 確是舒適. 票價比其他戲院貴, 但物超所值. 有年映時光倒流70年, 好似話映了大半年.

尖沙咀樂宮戲院是我在香港時最最喜歡、感覺最享受的一間戲院。是一流首輪戲院，座位舒適、氣氛寧靜、沒有人會騷擾你看戲，不像有些戲院污煙瘴氣、嘈喧巴閉，讓人看得不舒服。在此看過很多戲，其中最記得，印像最深刻的是 1962 年在那裡看 TARAS BULBA （烽火霸王）。







[ 本帖最後由 dw194711 於 2009-9-9 16:55 編輯 ]

引用:

原帖由 dw194711 於 2009-9-9 16:53 發表
尖沙咀樂宮戲院是我在香港時最最喜歡、感覺最享受的一間戲院。是一流首輪戲院，座位舒適、氣氛寧靜、沒有人會騷擾你看戲，不像有些戲院污煙瘴氣、嘈喧巴閉，讓人看得不舒服。在此看過很多戲，其中最記得，印像最深刻 ...

Beatles 來港時都是在尖沙咀樂宮戲院 live 表演, 不過印象中此院當時亦已頗舊。

引用:

原帖由 tiutiu111 於 2009-9-9 23:21 發表 Beatles 來港時都是在尖沙咀樂宮戲院 live 表演, 不過印象中此院當時亦已頗舊。

Note the price

說起麗聲戲院，幾乎沒有人會不知道。算是很有名的一間戲院。記得它是在我升中那一年開幕的。
令我最懷念的是十年後約會女友十次有八次都是在麗聲的大堂。









[ 本帖最後由 dw194711 於 2009-9-11 11:32 編輯 ]

引用:

原帖由 tiutiu111 於 2009-9-9 23:21 發表



Beatles 來港時都是在尖沙咀樂宮戲院 live 表演, 不過印象中此院當時亦已頗舊。

後來好像有維修過，我在60s後期仍有去看戲。

引用:

原帖由 dw194711 於 2009-9-11 11:38 發表


後來好像有維修過，我在60s後期仍有去看戲。

我在此 [樂聲戲院] 同成班書友仔睇 My Fair Lady, 可能  The Sound of Music 都係ne 度睇。 唉! 時光飛逝  !!

引用:

原帖由 dw194711 於 2009-9-11 11:31 發表

說起麗聲戲院，幾乎沒有人會不知道。算是很有名的一間戲院。記得它是在我升中那一年開幕的。
令我最懷念的是十年後約會女友十次有八次都是在麗聲的大堂。

dw194711兄講起麗聲及樂宮戲院, 又使人無限回憶!
記得該兩戲院嘅銀幕是可活動的, 在有需要時, 可整擔向後移離十餘呎, 以留出空間在舞台上進行一些慶典活動, 諸如双十節慶祝, 校慶等, 不過院方届時唔会忘記在舞台邊預擺一扇上台階.
另記得麗聲戲院當年是可放映70mm影片的, 一時無兩, 只是巧婦難為無米炊.

引用:

原帖由 tiutiu111 於 2009-9-11 13:22 發表



我在此 [樂聲戲院] 同成班書友仔睇 My Fair Lady, 可能  The Sound of Music 都係ne 度睇。 唉! 時光飛逝  !!

tiutiu111兄觀看 My Fair Lady 及 The Sound of Music 電影, 相信会是在麗聲戲院呢 !

引用:

原帖由 老搜 於 2009-9-11 18:07 發表


tiutiu111兄觀看 My Fair Lady 及 The Sound of Music 電影, 相信会是在麗聲戲院呢 !

多得搜兄指正    , 小弟睇戲的是弼街[麗聲戲院], 非樂聲戲院也      ! 印象中戲院對面有一涼茶舖, 也在弼街彌敦道單邊   。

引用:

原帖由 tiutiu111 於 2009-9-11 22:39 發表



多得搜兄指正    , 小弟睇戲的是弼街[麗聲戲院], 非樂聲戲院也      ! 印象中戲院對面有一涼茶舖, 也在弼街彌敦道單邊   。

我都好鍾意去嗰間涼茶舖整杯火麻仁,食件羅白糕.
而家執咗無得食啦.

兒時去过樂宮看霸王戲两次, 都是星期日早場, 事関鄰居姐姐在樂宮做售票員, 走了两次側門. 姐姐後來進了邵氏, 聽聞發展不俗. 幾十年冇消息, 有次看周星馳的審死官, 赫然看到姐姐的名字, 位列制片.

兒時舊友, 大家一齐玩泥沙, 日後是龍是蛇, 看各自造化.

引用:

原帖由 tiutiu111 於 2009-9-11 22:39 發表



多得搜兄指正    , 小弟睇戲的是弼街[麗聲戲院], 非樂聲戲院也      ! 印象中戲院對面有一涼茶舖, 也在弼街彌敦道單邊   。

哈!  很深刻的印象, 間凉茶店叫做 " 别不同 " ,  火麻仁, 蘿蔔糕, 馬荳糕首選.

多謝師兄相片頓時時光倒流
緬懷遇去一番
國際龍城是九龍城出生長大的我抹不去的記憶
最難忘還有戲院門口小販小食開場散場人山人海
龍城側門有一檔惋仔刺係我讀小學時之美食
記得面對龍城是一列木屋排擋
很多上海飽點潮州牛丸等等食店
我懷疑現今流行食物擔檐面,手打牛丸都發源于此
還記得有一間柴炭店在戲院大海布後面現九龍城廣場門口
新加波柴堆如山高新一代不知道波柴是什麼東西了
國際最難忘是居然經常在戲院座位地下踩屎尿當年衛生???
國際老闆好像是個俄羅斯肥女人
太子爺鄘君能的水王是麗的電視明星...............................

維園亞伯, 幸會！

樓主和老何50年代是打鼓嶺道街坊, 請問老兄府上何處,能見告否？

何大哥
小弟兒時居於南角道近街尾
在老虎岩官小上午返學
李求恩讀中學
公元一千九佰柒拾九年才搬離此區
非常高慶認識你老............街坊
幸會幸會


[ 本帖最後由 維圓阿伯 於 2009-9-13 12:03 編輯 ]

引用:

原帖由 老搜 於 2009-9-13 11:32 發表


哈!  很深刻的印象, 間凉茶店叫做 " 别不同 " ,  火麻仁, 蘿蔔糕, 馬荳糕首選.

呀,  " 别不同 "  !!!   我的記憶回了 !  感謝各位大佬 !  集體回憶 ... 很珍貴的片斷 !!